వరంగల్ జిల్లా నర్సంపేట మున్సిపాలిటీ పరిధిలోని 16వ వార్డు నాగూర్లపల్లి గ్రామంలో మహిళలు సంప్రదాయబద్ధంగా కప్పతల్లి ఆటను నిర్వహించారు. వర్షాకాలం మొదలైనా ఆశించిన స్థాయిలో వర్షాలు కురవకపోవడంతో, మంచి వర్షాలు కురవాలని కోరుతూ వారు ఈ కార్యక్రమాన్ని చేపట్టారు. ఈ ఆటలో భాగంగా మహిళలు కప్పతల్లి పాటలు పాడుతూ ఇంటింటికి తిరిగారు. చిన్నారులు రోకలికి కప్పను కట్టి తమ భుజాలపై వేసుకుని వెళ్లగా, మహిళలు బిందెలతో నీళ్లు పోసి కప్పకు అభిషేకం చేసి వరుణదేవుడిని ప్రార్థించారు. ఈ కార్యక్రమంలో కట్ల భట్టు లక్ష్మి, పెరుమాండ్ల సుగుణ, కలమ్మ, పూలమ్మ, ఏలేంద్ర, రజిత, సతిరేఖ, వసంత, సరువాల రమ, భట్టు మమత, సుజాత, మౌనిక, అలాగే అలీ అల్-మల్లం గ్యారేజ్‌కు చెందిన సురేష్ కందికొండతో పాటు పలువురు పాల్గొన్నారు.

వరంగల్ జిల్లాలోని నర్సంపేట మండలంలో బుధవారం రాత్రి సుమారు 8:30 గంటలకు ప్రమాదవశాత్తు భారీ అగ్నిప్రమాదం చోటుచేసుకుంది. నర్సంపేట నుండి వరంగల్ వెళ్లే రహదారి పక్కన లక్నెపల్లి గ్రామంలో ఉన్న ఒక తాటి వనంలో ఒక్కసారిగా మంటలు చెలరేగాయి. ఈదురు గాలులు ఎక్కువగా వీయడంతో మంటలు మరింత వేగంగా వ్యాపించాయి. తాటి వనానికి పక్కనే భారత్ పెట్రోల్ బంకు ఉండటంతో, మంటలు బంకు వైపు దూసుకురావడంతో అక్కడి సిబ్బంది తీవ్ర భయాందోళనకు గురయ్యారు.

వరంగల్ జిల్లా నర్సంపేట మున్సిపాలిటీ పరిధిలోని 16వ వార్డు నాగూర్లపల్లి గ్రామంలో మహిళలు సంప్రదాయబద్ధంగా కప్పతల్లి ఆటను నిర్వహించారు. వర్షాకాలం మొదలైనా ఆశించిన స్థాయిలో వర్షాలు కురవకపోవడంతో, మంచి వర్షాలు కురవాలని కోరుతూ వారు ఈ కార్యక్రమాన్ని చేపట్టారు. ఈ ఆటలో భాగంగా మహిళలు కప్పతల్లి పాటలు పాడుతూ ఇంటింటికి తిరిగారు. చిన్నారులు రోకలికి కప్పను కట్టి తమ భుజాలపై వేసుకుని వెళ్లగా, మహిళలు బిందెలతో నీళ్లు పోసి కప్పకు అభిషేకం చేసి వరుణదేవుడిని ప్రార్థించారు. ఈ కార్యక్రమంలో కట్ల భట్టు లక్ష్మి, పెరుమాండ్ల సుగుణ, కలమ్మ, పూలమ్మ, ఏలేంద్ర, రజిత, సతిరేఖ, వసంత, సరువాల రమ, భట్టు మమత, సుజాత, మౌనిక, అలాగే అలీ అల్-మల్లం గ్యారేజ్‌కు చెందిన సురేష్ కందికొండతో పాటు పలువురు పాల్గొన్నారు.

అంతర్జాతీయ మాదకద్రవ్యాల వ్యతిరేక దినోత్సవాన్ని పురస్కరించుకుని, గీసుగొండ మండల కేంద్రంలోని జిల్లా పరిషత్ ఉన్నత పాఠశాలలో గీసుగొండ పోలీసులు విస్తృత అవగాహన కార్యక్రమాలు నిర్వహించారు. ఈ సందర్భంగా గీసుగొండ సర్కిల్ ఇన్‌స్పెక్టర్ విశ్వేశ్వర్ మాట్లాడుతూ యువతే దేశ భవిష్యత్తు అని, విద్యార్థులు మాదకద్రవ్యాల బారిన పడకుండా అప్రమత్తంగా ఉండాలని సూచించారు. ఈ కార్యక్రమంలో భాగంగా విద్యార్థులతో డ్రగ్స్ వ్యతిరేక నినాదాల రచన, క్రీడా పోటీలు నిర్వహించారు. అనంతరం పాఠశాల నుంచి గ్రామ ప్రధాన వీధుల వరకు భారీ అవగాహన ర్యాలీ చేపట్టి, మాదకద్రవ్యాల దుష్పరిణామాలపై ప్రజలకు చైతన్యం కల్పించారు. డ్రగ్స్ నిర్మూలనకు సంబంధించిన నినాదాలతో విద్యార్థులు ర్యాలీలో పాల్గొని అందరి దృష్టిని ఆకర్షించారు. సీఐ విశ్వేశ్వర్ మాట్లాడుతూ, మాదకద్రవ్యాలు వ్యక్తిగత జీవితాలనే కాకుండా కుటుంబాలు, సమాజాన్ని కూడా దెబ్బతీస్తాయని పేర్కొన్నారు. గంజాయి, డ్రగ్స్, పొగాకు వంటి మత్తు పదార్థాలకు యువత దూరంగా ఉండాలని, చదువు, క్రీడలు, సృజనాత్మక రంగాల్లో ప్రతిభ కనబరిచి ఉన్నత లక్ష్యాలను సాధించాలని ఆయన సూచించారు. మాదకద్రవ్యాల నిర్మూలనలో విద్యార్థులు, తల్లిదండ్రులు, ఉపాధ్యాయులు, పోలీసుల సమిష్టి బాధ్యత ఎంతో కీలకమని ఆయన నొక్కి చెప్పారు. క్రీడా పోటీల్లో ప్రతిభ కనబరిచిన విద్యార్థులకు బహుమతులు అందజేసి అభినందించారు. కార్యక్రమం ముగింపులో, విద్యార్థుల చేత మాదకద్రవ్యాలకు దూరంగా ఉంటామని, డ్రగ్-ఫ్రీ సమాజ నిర్మాణానికి తమ వంతు కృషి చేస్తామని ప్రతిజ్ఞ చేయించారు. ఈ కార్యక్రమంలో పాఠశాల ప్రధానోపాధ్యాయులు, ఉపాధ్యాయ బృందం, విద్యార్థులు, గీసుగొండ పోలీస్ సిబ్బంది, ప్రజాప్రతినిధులు మరియు గ్రామస్థులు పాల్గొన్నారు.

బుధవారం ములుగు జిల్లాలోని ఏటూరునాగారం మండలం ఎలిషెట్టిపల్లి గ్రామంలో తీవ్ర విషాదం నెలకొంది. తీవ్ర అనారోగ్యంతో బాధపడుతున్న రాకేష్‌ను స్థానికులు తెప్పపై జంపన్నవాగు దాటించి ఆసుపత్రికి తరలించే ప్రయత్నం చేశారు. అయితే, భారీ వర్షాల కారణంగా జంపన్నవాగు ఉద్ధృతంగా ప్రవహించడంతో రాకపోకలు నిలిచిపోయి, సమయానికి వైద్యం అందడంలో తీవ్ర జాప్యం జరిగింది. ఈ ఆలస్యం కారణంగా రాకేష్ మృతి చెందినట్లు గ్రామస్థులు తెలిపారు. ఈ ఘటనతో గ్రామంలో విషాద ఛాయలు అలుముకున్నాయి.

భద్రాద్రి కొత్తగూడెం జిల్లాలోని ఇల్లందు మండలంలో గంజాయి, ఇతర మత్తు పదార్థాల నిర్మూలనకు ఇల్లందు పోలీస్ శాఖ ఉక్కు పాదం మోపింది. ఇల్లందు డిఎస్పి వెంకన్న బాబు నేతృత్వంలో, ఎస్ హెచ్ ఓ సి ఐ తాటిపాముల సురేష్ బృందంతో కలిసి, పట్టణంలోని పలు అనుమానిత ప్రాంతాలలో డాగ్ స్క్వాడ్ మరియు నార్కోటిక్ బృందంతో విస్తృత తనిఖీలు నిర్వహించారు. ఇల్లందు సబ్ డివిజన్ పరిధిలో గంజాయి సేవించడం లేదా మత్తు పదార్థాలు వినియోగించడం జరిగితే కఠిన చర్యలు తీసుకుంటామని డిఎస్పి వెంకన్న బాబు హెచ్చరించారు. గంజాయి వినియోగంపై రాష్ట్రవ్యాప్తంగా విస్తృతంగా తనిఖీలు జరుగుతాయని ఆయన తెలిపారు. విద్యార్థులు, యువత మత్తు పదార్థాలకు బానిసలై తమ జీవితాలను కోల్పోవద్దని సూచించారు. ప్రజలు మరియు ప్రతి ఒక్క తల్లిదండ్రులు ఈ మత్తు వినియోగంపై పోరాటానికి సహకరించి సిద్ధంగా ఉండాలని ఆయన పిలుపునిచ్చారు.

ములుగు జిల్లాలోని ఏటూరునాగారం మండలం ఏలిశెట్టిపల్లి గ్రామంలో ఒక హృదయ విదారక ఘటన చోటుచేసుకుంది. తీవ్ర అనారోగ్యంతో బాధపడుతున్న రాకేష్ అనే యువకుడిని ఆసుపత్రికి తరలించాల్సిన పరిస్థితి తలెత్తింది. అయితే, గ్రామానికి సమీపంలోని జంపన్న వాగు భారీ వర్షాల కారణంగా ఉద్ధృతంగా పొంగిపొర్లుతుండటంతో, రోడ్డు మార్గం పూర్తిగా మూసుకుపోయింది. ఈ క్లిష్ట పరిస్థితుల్లో, స్థానిక గజ ఈతగాళ్లు ప్రాణాలకు తెగించి ఒక తెప్పను ఏర్పాటు చేశారు. ఆ తెప్పపై యువకుడిని పడుకోబెట్టి, అత్యంత ప్రమాదకరమైన పరిస్థితుల్లో వాగును సురక్షితంగా దాటించారు. ఈ ఘటనకు సంబంధించిన దృశ్యాలు ప్రస్తుతం సోషల్ మీడియాలో వైరల్‌గా మారాయి. జంపన్న వాగుపై శాశ్వత వంతెనను నిర్మించాలని గ్రామస్తులు మరోసారి ప్రభుత్వాన్ని విజ్ఞప్తి చేస్తున్నారు.

ఉమ్మడి వరంగల్ జిల్లా నియోజకవర్గ కేంద్రమైన నర్సంపేట మండలం లక్నెపల్లి గ్రామంలోని భారత్ పెట్రోల్ బంకు వద్ద గల తాటి వనం బుధవారం రాత్రి ఆకస్మాత్తుగా దగ్ధమైంది. ఈ ఆకస్మిక సంఘటనతో ప్రక్కనే పెట్రోల్ బంకు ఉండడంతో గ్రామస్తులు తీవ్ర భయాందోళన వ్యక్తం చేస్తున్నారు. స్థానికుల నుండి సమాచారం అందుకున్న పోలీసులు, అగ్నిమాపక సిబ్బంది సంఘటన స్థలానికి చేరుకొని మంటలను ఆర్పుతున్నారు. తాటి వనం దగ్ధం అవుతున్న ఈ సంఘటనకు సంబంధించిన పూర్తి వివరాలు ఇంకా తెలియాల్సి ఉంది.

ములుగు జిల్లా మంగపేట మండలం వాడగూడెంలో గోదావరి నదిలో జరుగుతున్న ఇసుక తవ్వకాలను పరిశీలించేందుకు వెళ్లిన తెలంగాణ రక్షణ సేన నాయకులపై మంత్రి సీతక్క అనుచరులు దాడికి తెగబడ్డారు. బుధవారం మధ్యాహ్నం ఈ ఘటన చోటుచేసుకుంది, మంత్రి అనుచరులు క్వారీల వరకు వెళ్లకుండా వారిని అడ్డుకున్నారు. సీతమ్మ సాగర్ మల్టీ పర్పస్ ప్రాజెక్టు ముంపు పేరుతో గోదావరి నదిని చెరబట్టి ఇష్టారాజ్యంగా భారీ ఎత్తున ఇసుక తవ్వకాలు జరుగుతున్నాయని తెలంగాణ రక్షణ సేన నాయకులు ఆరోపించారు. ఈ తవ్వకాలను పరిశీలించడానికి వెళ్ళినప్పుడు, మంత్రి సీతక్క అనుచరులు వారిని అడ్డుకోవడమే కాకుండా దాడికి పాల్పడ్డారు. వీడియోలు తీస్తున్న సెల్ ఫోన్లను లాక్కొని విసిరేశారు. గోదావరి నది ప్రాంతం నుంచి వెళ్ళిపోకపోతే తీవ్ర పరిణామాలు ఉంటాయని మంత్రి అనుచరులు తెలంగాణ రక్షణ సేన నాయకులను హెచ్చరించారు.