sajan Ghar serial explain today video coming soon..... serial review Bangla and Hindi

জাগীৰোড বিধানসভা সমষ্টিৰ মনহা গাঁও পঞ্চায়তৰ বেলগুৰিৰ ১নং ৱাৰ্ডৰ ১৩১নং বুথত বিধায়ক পীযুষ হাজৰিকাই বিজেপি অসম প্ৰদেশৰ সম্পাদক ৰাতুল শৰ্মা, দলৰ কাৰ্যকৰ্তা আৰু স্থানীয় ৰাইজৰ সৈতে প্ৰধানমন্ত্ৰীৰ 'মন কী বাত'ৰ আজিৰ খণ্ডটি শ্ৰৱণ কৰে। এই অনুষ্ঠানত অংশগ্ৰহণ কৰি বিধায়কগৰাকীয়ে মন্তব্য কৰে যে প্ৰধানমন্ত্ৰীৰ অনুপ্ৰেৰণামূলক বক্তব্যই তেওঁলোকক দায়িত্ববোধ, ইতিবাচক চিন্তা আৰু জনকল্যাণৰ প্ৰতি অধিক সমৰ্পিত হৈ কাম কৰাৰ বাবে উদ্বুদ্ধ কৰিছে।

নগাঁৱৰ জাজৰিৰ এজন যুৱকৰ মৃত্যুক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে। মৰিগাঁৱৰ গেৰুৱাত প্ৰেমিকাৰ পৰিয়ালৰ বিৰুদ্ধে এই মৃত্যুক পৰিকল্পিত হত্যা বুলি গুৰুতৰ অভিযোগ উত্থাপন হৈছে। মৃত যুৱকজন জাজৰি বগৰিগুৰিৰ ৰিংকু দাস বুলি চিনাক্ত কৰা হৈছে। অভিযোগ অনুসৰি, ৰিংকু দাসৰ মৰিগাঁৱৰ গেৰুৱাৰ অনিতা পাটৰ নামৰ এগৰাকী যুৱতীৰ সৈতে প্ৰায় দুবছৰ ধৰি প্ৰেমৰ সম্পৰ্ক আছিল। পৰিয়ালৰ দাবী অনুসৰি, ২৫ মে’ তাৰিখে ৰিংকু দাস প্ৰেমিকাৰ ঘৰত ফুৰিবলৈ গৈছিল, কিন্তু তাৰ পিছতে তেওঁ জীৱিত হৈ ঘৰলৈ উভতি নাহিল আৰু শৱদেহ হিচাপেহে ওভতাই অনা হ'ল। এই ঘটনাক লৈ ৰিংকু দাসৰ পৰিয়াল আৰু স্থানীয় গাঁৱবাসীয়ে অভিযোগ কৰিছে যে, প্ৰেমৰ সম্পৰ্কক কেন্দ্ৰ কৰিয়েই প্ৰেমিকাৰ পৰিয়ালে ৰিংকুক পৰিকল্পিতভাৱে হত্যা কৰিছে। ইফালে, ভুক্তভোগী পৰিয়ালে এই ঘটনা সন্দৰ্ভত ইতিমধ্যে মৰিগাঁও আৰক্ষীৰ কাষ চাপিছে। পৰিয়াল আৰু গাঁৱবাসীয়ে উচিত তদন্তৰ জৰিয়তে দোষীক শাস্তি প্ৰদান কৰি ন্যায় নিশ্চিত কৰিবলৈ দাবী জনাইছে।

ৰূপহী হাটলৈ গৌৰৱ কঢ়িয়াই অনা প্ৰাক্তন ছাত্ৰী ছাবানা ইয়াছমিনক তেওঁৰ হাইস্কুলীয়া শিক্ষা গ্ৰহণ কৰা বিদ্যালয়খনত সম্বৰ্ধনা জনোৱা হ'ল। এই উপলক্ষে, প্ৰাক্তন ছাত্ৰীগৰাকীৰ সৈতে হোৱা বাৰ্তালাপত তেওঁ নিজৰ ছাত্ৰী জীৱনৰ বহু কথা আমাৰ আগত প্ৰকাশ কৰে।

ৰূপহীহাটৰ কাছখাইটীত মডাৰ্ণ আদৰ্শ ছিনিয়ৰ ছেকেণ্ডাৰী স্কুল নামৰ ব্যক্তিগত খণ্ডৰ বিদ্যালয়খনত নিশা প্ৰায় ১১ বজাত এক ভয়ংকৰ অগ্নিকাণ্ড সংঘটিত হয়। এই অগ্নিকাণ্ডৰ ফলত বিদ্যালয়খনৰ কেইবা লাখ টকাৰ স্কুলীয়া সামগ্ৰীৰ লগতে গুৰুত্বপূৰ্ণ নথি-পত্ৰ নিমিষতে জুইত জাহ যায়, যাৰ ফলত সমগ্ৰ বিদ্যালয়খন সম্পূৰ্ণৰূপে ভস্মীভূত হৈ ছাৰখাৰ হয়। অগ্নিকাণ্ডৰ কাৰণ হিচাপে স্হানীয় ৰাইজে দুষ্ট চক্ৰৰ কাণ্ড অথবা বিদ্যুতৰ শ্বৰ্ট চাৰ্কিটৰ ফলত জুইৰ সুত্ৰপাত হোৱাৰ সন্দেহ প্ৰকাশ কৰিছে। এই ঘটনাৰ লগে লগে অঞ্চলজুৰি তীব্ৰ চাঞ্চল্যই বিৰাজ কৰে। যদিও সোণাৰিবালী আৰু আমবাগানৰ অগ্নি নিৰ্বাপক বাহিনীৰ লোক ঘটনা স্থলীত উপস্থিত হৈছিল, তথাপি তেওঁলোকে জুই সম্পূৰ্ণৰূপে নিয়ন্ত্ৰণ কৰিবলৈ সক্ষম নোহোৱাৰ পূৰ্বেই বিদ্যালয়খন সম্পূৰ্ণৰূপে ভস্মীভূত হয়। স্হানীয় ৰাইজে জুই নুমুৱাবলৈ আপ্ৰাণ চেষ্টা চলোৱাৰ পিছতো বিদ্যালয়খনক ৰক্ষা কৰিব পৰা নগল। এই মৰ্মান্তিক ঘটনাক কেন্দ্ৰ কৰি স্হানীয় ৰাইজে চৰকাৰৰ ওচৰত ৰূপহী, লাইলুৰী আৰু কাৱৈমাৰী আদি অঞ্চলত তৎকালীনভাৱে অগ্নি নিৰ্বাপক কেন্দ্ৰ স্থাপনৰ বাবে দাবী জনাইছে।

বিধায়ক ৰমাকান্ত দেউৰীয়ে আজি চাৰিপুনীয়া, মিকিৰভেটা আৰু উৱাবাৰীত অনুষ্ঠিত তিনিটাকৈ পৱিত্ৰ ধৰ্মীয় অনুষ্ঠানত অংশগ্ৰহণ কৰে। এই অনুষ্ঠানসমূহৰ জৰিয়তে তেওঁ ৰাইজৰ সৈতে মত বিনিময় কৰাৰ লগতে সকলোৰে সুখ-সমৃদ্ধি আৰু কুশল কামনা কৰি প্ৰভু ভগৱন্তৰ শ্ৰীচৰণত সেৱা জনায়। বিধায়ক দেউৰীয়ে মন্তব্য কৰে যে ঈশ্বৰৰ আশীৰ্বাদ আমাৰ সকলোৰে ওপৰত সদায়েই থাকক।

মৰিগাঁও ডায়েটত অনুষ্ঠিত এক সংবাদমেলযোগে জিলা শিক্ষা আৰু প্ৰশিক্ষণ প্ৰতিষ্ঠান (ডায়েট), মৰিগাঁৱৰ উদ্যোগত কটন বিশ্ববিদ্যালয় আৰু বড়োলেণ্ড বিশ্ববিদ্যালয়ৰ সহযোগত অহা ৫ আৰু ৬ জুনত দুদিনীয়া আন্তৰ্জাতিক আলোচনা চক্ৰ অনুষ্ঠিত হোৱাৰ কথা ঘোষণা কৰা হৈছে। বিশ্ব পৰিৱেশ দিৱসৰ সৈতে সংগতি ৰাখি আয়োজন কৰা এই আলোচনা চক্ৰ অনলাইন আৰু অফলাইন দুয়োটা পদ্ধতিৰে অনুষ্ঠিত হ'ব। ইয়াৰ মূল বিষয়বস্তু হৈছে— "Environment at the Crossroads: Balancing Development with Sustainability" (সংকট ক্ষণত পৰিৱেশ: বহনক্ষমতাৰ সৈতে উন্নয়নৰ ভাৰসাম্য ৰক্ষা)। এই দুদিনীয়া কাৰ্যসূচীৰ মুখ্য উদ্দেশ্য হৈছে বৰ্ধিত উন্নয়ন আৰু পৰিৱেশ ধ্বংসৰ ফলত হ'ব পৰা সাম্ভাব্য পৰিৱৰ্তনসমূহৰ বিষয়ে বিস্তৃত আলোচনা কৰা আৰু এই সন্দৰ্ভত সুচিন্তিত গৱেষণাক উৎসাহিত কৰা। অনুষ্ঠানৰ বিষয়ববীয়াসকলে জনোৱা অনুসৰি, এই আলোচনা চক্ৰত অংশগ্ৰহণৰ বাবে বহিঃৰাষ্ট্ৰৰ লগতে ভাৰতৰ বিভিন্ন প্ৰান্তৰ, বিশেষকৈ উত্তৰ-পূৰ্বাঞ্চল আৰু অসমৰ বিভিন্ন বিশ্ববিদ্যালয়ৰ বহু সমল ব্যক্তিক আমন্ত্ৰণ জনোৱা হৈছে।

এজন যুৱ উদ্যোগীয়ে সোনাইঘাটত ‘চাই আড্ডা’ নামৰ এখন নতুন ৰেষ্টুৰেণ্ট আৰম্ভ কৰিছে। এই প্ৰচেষ্টা বিশেষকৈ GenZ সকলক লক্ষ্য কৰি লোৱা হৈছে বুলি ৰেষ্টুৰেণ্টখনৰ স্বত্বাধিকাৰীয়ে জানিবলৈ দিয়ে। ইয়াত গ্ৰাহকসকলে একাপ চাহ উপভোগ কৰাৰ লগতে বন্ধুবৰ্গৰ সৈতে আড্ডা দিব পাৰিব। এই নতুন ৰেষ্টুৰেণ্টখনে সোনাইঘাটত ছাত্ৰ-ছাত্ৰীসকলৰ জিৰণিৰ বাবে থকা ঠাইৰ অভাৱ পূৰণ কৰাত সহায় কৰিব।

নগাঁৱৰ জাজৰিত এজন যুৱকৰ প্ৰাণহানিৰ ঘটনাই চাঞ্চল্যৰ সৃষ্টি কৰিছে। এই মৰ্মান্তিক ঘটনাক লৈ ৰিংকু দাস নামৰ যুৱকজনৰ পৰিয়ালে মৰিগাঁৱৰ এগৰাকী প্ৰেমিকাৰ বিৰুদ্ধে গুৰুতৰ অভিযোগ উত্থাপন কৰিছে। পৰিয়ালৰ দাবী অনুসৰি, তেওঁলোকে কেতিয়াও ভবা নাছিল যে ভালপোৱা ছোৱালীজনীয়ে এনেধৰণৰ কাম কৰিব পাৰে। পৰিয়ালৰ অভিযোগ অনুসৰি, ৰিংকু দাসে প্ৰেমিকাগৰাকীক নাৰ্চিং পঢ়িবলৈ প্ৰায় ১ লাখ টকা দিছিল। ২৫ মে' তাৰিখে ৰিংকু দাস প্ৰেমিকাৰ ঘৰলৈ গৈছিল বুলিও পৰিয়ালে জানিবলৈ দিছে। তেওঁলোকে সন্দেহ কৰিছে যে প্ৰেমিকাৰ ঘৰতেই ৰিংকুক শেষ কৰি দিয়া হৈছে। এই সন্দৰ্ভত ন্যায় বিচাৰি ৰিংকু দাসৰ পৰিয়ালে আৰক্ষীৰ কাষ চাপিছে।