वाशिम जिल्ह्यातील मंगरूळपीर तालुक्यातील पांगरी महादेव येथील ग्रामस्थांमध्ये मुख्यमंत्री ग्रामसडक योजनेअंतर्गत मंजूर झालेल्या रस्त्याचे काम रखडल्याने तीव्र नाराजी पसरली आहे. सन २०२३ मध्ये प्रशासकीय मंजुरी मिळाली असूनही रस्त्याचे काम अद्याप पूर्ण झाले नसल्याने, संतप्त ग्रामस्थांनी ३१ मे रोजी समृद्धी महामार्ग रोखण्याचा इशारा प्रशासनाला दिला आहे. मिळालेल्या माहितीनुसार, या रस्त्याच्या बांधकामाची जबाबदारी मध्यप्रदेशस्थित ज्योती कन्स्ट्रक्शन या ठेकेदार कंपनीकडे होती. मात्र, ठेकेदाराने सुरुवातीला काही प्रमाणात काम करून ते अपूर्ण अवस्थेतच सोडून दिल्याचा आरोप ग्रामस्थांनी केला आहे. यामुळे पांगरी महादेव आणि परिसरातील नागरिकांना मोठ्या अडचणींचा सामना करावा लागत आहे, विशेषतः पावसाळ्यात रस्त्याची अवस्था अधिकच बिकट होत असल्याने विद्यार्थी, शेतकरी आणि सर्वसामान्य नागरिकांना मोठा त्रास सहन करावा लागत आहे. गेल्या अनेक वर्षांपासून गावातील रस्त्याचा प्रश्न प्रलंबित असून, विविध स्तरांवर पाठपुरावा करूनही ठोस तोडगा निघालेला नाही. दरम्यान, मागील आठवड्यात तहसीलदार, पोलीस निरीक्षक तसेच प्रधानमंत्री ग्रामसडक योजनेचे उपअभियंता झळके यांनी प्रत्यक्ष स्थळ पाहणी केली होती. यावेळी संबंधित ठेकेदाराला ३० मे पूर्वी काम पूर्ण करण्याच्या स्पष्ट सूचना देण्यात आल्या होत्या. मात्र, ही मुदत संपत आली तरी कामात अपेक्षित प्रगती दिसून न आल्याने ग्रामस्थांचा संताप आणखी वाढला आहे. या पार्श्वभूमीवर, ग्रामस्थांनी तहसीलदार, उपअभियंता आणि संबंधित विभागीय अधिकाऱ्यांना निवेदन देऊन तातडीने काम पूर्ण करण्याची मागणी केली आहे. शासनाच्या निर्देशांचे पालन होत नसल्याचा आरोप करत त्यांनी नागरिकांना होणाऱ्या गैरसोयीबाबतही प्रशासनाचे लक्ष वेधले आहे. ग्रामस्थांनी संतप्त प्रतिक्रिया व्यक्त करत म्हटले आहे की, “ज्या समृद्धी महामार्गासाठी आमच्या शेतजमिनी संपादित करण्यात आल्या, त्याच महामार्गावर आता आम्हाला आमच्या हक्काच्या रस्त्यासाठी आंदोलन करावे लागत आहे.” ग्रामस्थांनी दिलेल्या इशाऱ्यानुसार ३१ मे रोजी समृद्धी महामार्गावर आंदोलन झाल्यास प्रशासनासमोर कायदा व सुव्यवस्थेचे मोठे आव्हान निर्माण होण्याची शक्यता आहे, त्यामुळे प्रशासनाने तातडीने हस्तक्षेप करून हा प्रश्न सोडवावा, अशी मागणी नागरिकांकडून होत आहे.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

2 hrs ago

वाशिम जिल्ह्यातील मंगरूळपीर तालुक्यातील पांगरी महादेव येथील ग्रामस्थांमध्ये मुख्यमंत्री ग्रामसडक योजनेअंतर्गत मंजूर झालेल्या रस्त्याचे काम रखडल्याने तीव्र नाराजी पसरली आहे. सन २०२३ मध्ये प्रशासकीय मंजुरी मिळाली असूनही रस्त्याचे काम अद्याप पूर्ण झाले नसल्याने, संतप्त ग्रामस्थांनी ३१ मे रोजी समृद्धी महामार्ग रोखण्याचा इशारा प्रशासनाला दिला आहे. मिळालेल्या माहितीनुसार, या रस्त्याच्या बांधकामाची जबाबदारी मध्यप्रदेशस्थित ज्योती कन्स्ट्रक्शन या ठेकेदार कंपनीकडे होती. मात्र, ठेकेदाराने सुरुवातीला काही प्रमाणात काम करून ते अपूर्ण अवस्थेतच सोडून दिल्याचा आरोप ग्रामस्थांनी केला आहे. यामुळे पांगरी महादेव आणि परिसरातील नागरिकांना मोठ्या अडचणींचा सामना करावा लागत आहे, विशेषतः पावसाळ्यात रस्त्याची अवस्था अधिकच बिकट होत असल्याने विद्यार्थी, शेतकरी आणि सर्वसामान्य नागरिकांना मोठा त्रास सहन करावा लागत आहे. गेल्या अनेक वर्षांपासून गावातील रस्त्याचा प्रश्न प्रलंबित असून, विविध स्तरांवर पाठपुरावा करूनही ठोस तोडगा निघालेला नाही. दरम्यान, मागील आठवड्यात तहसीलदार, पोलीस निरीक्षक तसेच प्रधानमंत्री ग्रामसडक योजनेचे उपअभियंता

झळके यांनी प्रत्यक्ष स्थळ पाहणी केली होती. यावेळी संबंधित ठेकेदाराला ३० मे पूर्वी काम पूर्ण करण्याच्या स्पष्ट सूचना देण्यात आल्या होत्या. मात्र, ही मुदत संपत आली तरी कामात अपेक्षित प्रगती दिसून न आल्याने ग्रामस्थांचा संताप आणखी वाढला आहे. या पार्श्वभूमीवर, ग्रामस्थांनी तहसीलदार, उपअभियंता आणि संबंधित विभागीय अधिकाऱ्यांना निवेदन देऊन तातडीने काम पूर्ण करण्याची मागणी केली आहे. शासनाच्या निर्देशांचे पालन होत नसल्याचा आरोप करत त्यांनी नागरिकांना होणाऱ्या गैरसोयीबाबतही प्रशासनाचे लक्ष वेधले आहे. ग्रामस्थांनी संतप्त प्रतिक्रिया व्यक्त करत म्हटले आहे की, “ज्या समृद्धी महामार्गासाठी आमच्या शेतजमिनी संपादित करण्यात आल्या, त्याच महामार्गावर आता आम्हाला आमच्या हक्काच्या रस्त्यासाठी आंदोलन करावे लागत आहे.” ग्रामस्थांनी दिलेल्या इशाऱ्यानुसार ३१ मे रोजी समृद्धी महामार्गावर आंदोलन झाल्यास प्रशासनासमोर कायदा व सुव्यवस्थेचे मोठे आव्हान निर्माण होण्याची शक्यता आहे, त्यामुळे प्रशासनाने तातडीने हस्तक्षेप करून हा प्रश्न सोडवावा, अशी मागणी नागरिकांकडून होत आहे.