मराठवाडा मुक्ती संग्राम दिनी पानकनेरगावात 'खड्डे मुक्ती संग्राम! ग्रामपंचायत प्रशासनाच्या कारभाराविरोधात युवा तरुण आक्रमक,रस्त्यावरील जीवघेणे खड्डे बुजवले सेनगाव/विश्वनाथ देशमुख मराठवाडा मुक्ती संग्राम दिनाचे औचित्य साधून आज पानकनेरगांव येथे ग्रामपंचायत प्रशासनाच्या ढिम्म आणि उदासीन कारभाराविरोधात सजग युवा तरुण आणि ग्रामस्थांनी एकत्र येत एक अनोखा 'खड्डे मुक्ती संग्राम' छेडला. गेल्या अनेक दिवसांपासून गावातील मुख्य रस्त्याची झालेली दुरवस्था आणि त्याकडे प्रशासनाने केलेले जाणीवपूर्वक दुर्लक्ष याचा निषेध करण्यासाठी तरुणांनी कोणाच्याही निधीची वाट न पाहता स्वतः 'लोकवर्गणी' गोळा केली.या जमा झालेल्या निधीतून थेट रस्त्यावरील खड्डे बुजवत प्रशासनाला त्यांची जबाबदारी दाखवून देणारे चपराक मारणारे 'गांधीगिरी' आंदोलन केले. ग्रामपंचायत कार्यालय ते छत्रपती शिवाजी महाराज जिल्हा परिषद शाळा हा गावातील अत्यंत वर्दळीचा मुख्य रस्ता आहे.मात्र,या रस्त्यावर गेल्या अनेक दिवसांपासून प्रचंड मोठे आणि खोल खड्डे पडले आहेत.या खड्ड्यांमुळे लहान मुले आणि वयोवृद्ध नागरिकांचे किरकोळ अपघात रोजचेच झाले आहेत. पावसाचे पाणी या खड्ड्यांमध्ये साचल्यामुळे वाहने जाताना ते घाण पाणी अंगावर उडते.यामुळे शाळेत जाणाऱ्या निष्पाप विद्यार्थ्यांचे कपडे खराब होऊन त्यांना मनस्ताप सहन करावा लागत आहे.ग्रामपंचायतीकडे या गंभीर समस्येबाबत वारंवार तक्रारी करूनही प्रशासनाने ढिम्म शहाणपण दाखवल्याने ग्रामस्थांमध्ये तीव्र संताप होता.मुक्ती संग्राम दिनी शासकीय कार्यालयांमध्ये केवळ औपचारिक सोहळे सुरू असताना,पानकनेरगावातील तरुणांनी मात्र रस्त्यावर उतरून गावाला खऱ्या अर्थाने खड्डेमुक्त करण्याचा विडा उचलला.गावातून लोकवर्गणी गोळा करून खडी आणि मुरूम आणला गेला.तरुणांनी स्वतः हातात कुदळ,फावडे घेऊन हे जीवघेणे खड्डे बुजवून काढले.घोषणाबाजी किंवा तोडफोड न करता अत्यंत शांतताप्रिय व विधायक मार्गाने केलेल्या या आंदोलनाने ग्रामपंचायत प्रशासनाची चांगलीच नाचक्की झाली आहे.आम्ही दरवर्षी प्रामाणिकपणे कर भरतो, मग रस्ते दुरुस्त करण्यासाठी आम्हाला लोकवर्गणी का काढावी लागते? हा ग्रामपंचायतीचा नाकर्तेपणा आहे,"अशा शब्दांत संतप्त तरुणांनी प्रशासनाचा जाहीर पंचनामा केला.आज केवळ तात्पुरती डागडुजी केली असली,तरी या मुख्य रस्त्याचे तात्काळ कायमस्वरूपी काँक्रिटीकरण किंवा डांबरीकरण झाले नाही,तर यापुढे ग्रामपंचायत कार्यालयाला टाळे ठोकून आणखी तीव्र आंदोलन छेडण्यात येईल,असा इशारा पानकनेरगावातील युवा वर्ग आणि समस्त ग्रामस्थांनी दिला आहे.या अनोख्या आंदोलनाची सध्या संपूर्ण परिसरात जोरदार चर्चा सुरू आहे.

Vishwanath Deshmukh

सेनगाव, हिंगोली, महाराष्ट्र•

1 hr ago

मराठवाडा मुक्ती संग्राम दिनी पानकनेरगावात 'खड्डे मुक्ती संग्राम! ग्रामपंचायत प्रशासनाच्या कारभाराविरोधात युवा तरुण आक्रमक,रस्त्यावरील जीवघेणे खड्डे बुजवले सेनगाव/विश्वनाथ देशमुख मराठवाडा मुक्ती संग्राम दिनाचे औचित्य साधून आज पानकनेरगांव येथे ग्रामपंचायत प्रशासनाच्या ढिम्म आणि उदासीन कारभाराविरोधात सजग युवा तरुण आणि ग्रामस्थांनी एकत्र येत एक अनोखा 'खड्डे मुक्ती संग्राम' छेडला. गेल्या अनेक दिवसांपासून गावातील मुख्य रस्त्याची झालेली दुरवस्था आणि त्याकडे प्रशासनाने केलेले जाणीवपूर्वक दुर्लक्ष याचा निषेध करण्यासाठी तरुणांनी कोणाच्याही निधीची वाट न पाहता स्वतः 'लोकवर्गणी' गोळा केली.या जमा झालेल्या निधीतून थेट रस्त्यावरील खड्डे बुजवत प्रशासनाला त्यांची जबाबदारी दाखवून देणारे चपराक मारणारे 'गांधीगिरी' आंदोलन केले. ग्रामपंचायत कार्यालय ते छत्रपती शिवाजी महाराज जिल्हा परिषद शाळा हा गावातील अत्यंत वर्दळीचा मुख्य रस्ता आहे.मात्र,या रस्त्यावर गेल्या अनेक दिवसांपासून प्रचंड मोठे आणि खोल खड्डे पडले आहेत.या खड्ड्यांमुळे लहान मुले आणि वयोवृद्ध नागरिकांचे किरकोळ अपघात रोजचेच झाले आहेत. पावसाचे पाणी या खड्ड्यांमध्ये साचल्यामुळे वाहने जाताना ते घाण पाणी अंगावर उडते.यामुळे शाळेत जाणाऱ्या निष्पाप विद्यार्थ्यांचे कपडे

खराब होऊन त्यांना मनस्ताप सहन करावा लागत आहे.ग्रामपंचायतीकडे या गंभीर समस्येबाबत वारंवार तक्रारी करूनही प्रशासनाने ढिम्म शहाणपण दाखवल्याने ग्रामस्थांमध्ये तीव्र संताप होता.मुक्ती संग्राम दिनी शासकीय कार्यालयांमध्ये केवळ औपचारिक सोहळे सुरू असताना,पानकनेरगावातील तरुणांनी मात्र रस्त्यावर उतरून गावाला खऱ्या अर्थाने खड्डेमुक्त करण्याचा विडा उचलला.गावातून लोकवर्गणी गोळा करून खडी आणि मुरूम आणला गेला.तरुणांनी स्वतः हातात कुदळ,फावडे घेऊन हे जीवघेणे खड्डे बुजवून काढले.घोषणाबाजी किंवा तोडफोड न करता अत्यंत शांतताप्रिय व विधायक मार्गाने केलेल्या या आंदोलनाने ग्रामपंचायत प्रशासनाची चांगलीच नाचक्की झाली आहे.आम्ही दरवर्षी प्रामाणिकपणे कर भरतो, मग रस्ते दुरुस्त करण्यासाठी आम्हाला लोकवर्गणी का काढावी लागते? हा ग्रामपंचायतीचा नाकर्तेपणा आहे,"अशा शब्दांत संतप्त तरुणांनी प्रशासनाचा जाहीर पंचनामा केला.आज केवळ तात्पुरती डागडुजी केली असली,तरी या मुख्य रस्त्याचे तात्काळ कायमस्वरूपी काँक्रिटीकरण किंवा डांबरीकरण झाले नाही,तर यापुढे ग्रामपंचायत कार्यालयाला टाळे ठोकून आणखी तीव्र आंदोलन छेडण्यात येईल,असा इशारा पानकनेरगावातील युवा वर्ग आणि समस्त ग्रामस्थांनी दिला आहे.या अनोख्या आंदोलनाची सध्या संपूर्ण परिसरात जोरदार चर्चा सुरू आहे.