విజయనగరం జిల్లాలో గంజాయి మరియు ఇతర మత్తు పదార్థాల అక్రమ రవాణా నిరోధక చట్టం (PD Act) కింద మద్దాల వంశీ (24 సం.లు) అనే నిందితుడికి ఒక సంవత్సర కాలం పాటు బెయిల్ లేకుండా జైలు శిక్ష విధించినట్లు జిల్లా ఎస్పీ ఎ.ఆర్. దామోదర్, ఐపీఎస్ తెలిపారు. చట్టాన్ని ఉల్లంఘించి, శాంతిభద్రతలకు విఘాతం కలిగిస్తే కఠిన చర్యలు తప్పవని ఎస్పీ హెచ్చరించారు. విజయనగరం జిల్లా, ఎస్.కోట మండలం, తెన్ను బోడ్డవర గ్రామానికి చెందిన మద్దాల వంశీని ప్రస్తుతం నిర్బంధించి విశాఖపట్నం కేంద్ర కారాగారానికి తరలించారు. వివరాల్లోకి వెళితే, మద్దాల వంశీ చట్టం పట్ల గౌరవం లేకుండా, సులభంగా డబ్బు సంపాదించాలనే దురాశతో వ్యవస్థీకృత నేరస్తుడు శెట్టి ఉమా మహేశ్వరరావుతో కలిసి గంజాయి అక్రమ రవాణాకు పాల్పడుతూ అలవాటు పడిన నేరగాడిగా (Habitual Offender) మారినట్లు పోలీసులు గుర్తించారు. అతనిపై జిల్లాలో ఇప్పటికే సస్పెక్ట్ షీట్ ఉంది. మద్దాల వంశీ రెండు గంజాయి కేసుల్లో నిందితుడిగా అరెస్టు అయ్యాడు: ఒకటి విజయనగరం జిల్లా, ఎస్.కోట పోలీసు స్టేషనులో (222 కిలోల గంజాయి), మరొకటి పార్వతీపురం మన్యం జిల్లా, పాచిపెంట పోలీసు స్టేషనులో (317.350 కిలోల గంజాయి). ఈ రెండు కేసుల్లో కలిపి సుమారు 540 కిలోల గంజాయి తరలిస్తూ పట్టుబడ్డాడు. మద్దాల వంశీ ప్రవర్తన సమాజానికి హానికరంగా, శాంతిభద్రతలకు విఘాతం కలిగించే విధంగా ఉందని భావించి అతనిపై పీడీ యాక్ట్‌ను ప్రయోగించి తేది 12.06.2026న విశాఖపట్నం సెంట్రల్ జైలుకు తరలించామని జిల్లా ఎస్పీ ఎ.ఆర్. దామోదర్, ఐపీఎస్ జూన్ 12న వెల్లడించారు. జిల్లాలో ఇప్పటికే సుమారు 10 మందిపై ఈ కఠిన చట్టాన్ని ప్రయోగించినట్లు ఎస్పీ తెలిపారు. శాంతిభద్రతలకు విఘాతం కలిగించినా, గంజాయి, డ్రగ్స్ అక్రమ రవాణకు పాల్పడినా, చట్ట వ్యతిరేక కార్యకలాపాలకు పాల్పడుతూ సమాజానికి ప్రమాదకరంగా మారితే ఉపేక్షించేది లేదని ఆయన స్పష్టం చేశారు. అటువంటి నిందితులను గుర్తించి, వారిపై చట్ట ప్రకారం కఠిన చర్యలు చేపట్టడానికి వెనుకాడబోమని, నిందితుల ప్రవర్తనను ఎప్పటికప్పుడు పరిశీలించి, వారిపై షీట్లు ప్రారంభించడం, పీడీ యాక్టు ప్రయోగించడం, నేరాల నియంత్రణకు ముందస్తుగా నిర్బంధించడం వంటి చర్యలు తీసుకుంటామని ఆయన హెచ్చరించారు. నిందితులు సత్ప్రవర్తనతో, చట్టాన్ని గౌరవిస్తూ జీవించాలని, నేర ప్రవృత్తిని విడనాడాలని కోరారు. నేర చరిత్ర కలిగిన వ్యక్తులపైనా, వివిధ క్రిమినల్ కేసుల్లో అరెస్టు కాబడిన నిందితులపై నిరంతర నిఘా ఉంటుందని, ఎవరైనా చట్ట వ్యతిరేక కార్యకలాపాలకు పాల్పడితే వారిపై కఠిన చర్యలు తప్పవని జిల్లా ఎస్పీ ఎ.ఆర్. దామోదర్, ఐపీఎస్ పునరుద్ఘాటించారు.

G ramu

న్యూస్ రిపోర్టర్ Nn1 గజపతినగరం, విజయనగరం, ఆంధ్రప్రదేశ్•

14 hrs ago

విజయనగరం జిల్లాలో గంజాయి మరియు ఇతర మత్తు పదార్థాల అక్రమ రవాణా నిరోధక చట్టం (PD Act) కింద మద్దాల వంశీ (24 సం.లు) అనే నిందితుడికి ఒక సంవత్సర కాలం పాటు బెయిల్ లేకుండా జైలు శిక్ష విధించినట్లు జిల్లా ఎస్పీ ఎ.ఆర్. దామోదర్, ఐపీఎస్ తెలిపారు. చట్టాన్ని ఉల్లంఘించి, శాంతిభద్రతలకు విఘాతం కలిగిస్తే కఠిన చర్యలు తప్పవని ఎస్పీ హెచ్చరించారు. విజయనగరం జిల్లా, ఎస్.కోట మండలం, తెన్ను బోడ్డవర గ్రామానికి చెందిన మద్దాల వంశీని ప్రస్తుతం నిర్బంధించి విశాఖపట్నం కేంద్ర కారాగారానికి తరలించారు. వివరాల్లోకి వెళితే, మద్దాల వంశీ చట్టం పట్ల గౌరవం లేకుండా, సులభంగా డబ్బు సంపాదించాలనే దురాశతో వ్యవస్థీకృత నేరస్తుడు శెట్టి ఉమా మహేశ్వరరావుతో కలిసి గంజాయి అక్రమ రవాణాకు పాల్పడుతూ అలవాటు పడిన నేరగాడిగా (Habitual Offender) మారినట్లు పోలీసులు గుర్తించారు. అతనిపై జిల్లాలో ఇప్పటికే సస్పెక్ట్ షీట్ ఉంది. మద్దాల వంశీ రెండు గంజాయి కేసుల్లో నిందితుడిగా అరెస్టు అయ్యాడు: ఒకటి విజయనగరం జిల్లా, ఎస్.కోట పోలీసు స్టేషనులో (222 కిలోల గంజాయి), మరొకటి పార్వతీపురం మన్యం జిల్లా, పాచిపెంట పోలీసు స్టేషనులో (317.350 కిలోల గంజాయి). ఈ రెండు కేసుల్లో కలిపి సుమారు 540 కిలోల గంజాయి తరలిస్తూ పట్టుబడ్డాడు. మద్దాల వంశీ ప్రవర్తన సమాజానికి హానికరంగా, శాంతిభద్రతలకు విఘాతం కలిగించే విధంగా ఉందని భావించి అతనిపై పీడీ యాక్ట్‌ను ప్రయోగించి తేది 12.06.2026న విశాఖపట్నం సెంట్రల్ జైలుకు తరలించామని జిల్లా ఎస్పీ ఎ.ఆర్. దామోదర్, ఐపీఎస్ జూన్ 12న వెల్లడించారు. జిల్లాలో ఇప్పటికే సుమారు 10 మందిపై ఈ కఠిన చట్టాన్ని ప్రయోగించినట్లు ఎస్పీ తెలిపారు. శాంతిభద్రతలకు విఘాతం కలిగించినా, గంజాయి, డ్రగ్స్ అక్రమ రవాణకు పాల్పడినా, చట్ట వ్యతిరేక కార్యకలాపాలకు పాల్పడుతూ సమాజానికి ప్రమాదకరంగా మారితే ఉపేక్షించేది లేదని ఆయన స్పష్టం చేశారు. అటువంటి నిందితులను గుర్తించి, వారిపై చట్ట ప్రకారం కఠిన చర్యలు చేపట్టడానికి వెనుకాడబోమని, నిందితుల ప్రవర్తనను ఎప్పటికప్పుడు పరిశీలించి, వారిపై షీట్లు ప్రారంభించడం, పీడీ యాక్టు ప్రయోగించడం, నేరాల నియంత్రణకు ముందస్తుగా నిర్బంధించడం వంటి చర్యలు తీసుకుంటామని ఆయన హెచ్చరించారు. నిందితులు సత్ప్రవర్తనతో, చట్టాన్ని గౌరవిస్తూ జీవించాలని, నేర ప్రవృత్తిని విడనాడాలని కోరారు. నేర చరిత్ర కలిగిన వ్యక్తులపైనా, వివిధ క్రిమినల్ కేసుల్లో అరెస్టు కాబడిన నిందితులపై నిరంతర నిఘా ఉంటుందని, ఎవరైనా చట్ట వ్యతిరేక కార్యకలాపాలకు పాల్పడితే వారిపై కఠిన చర్యలు తప్పవని జిల్లా ఎస్పీ ఎ.ఆర్. దామోదర్, ఐపీఎస్ పునరుద్ఘాటించారు.