अंबाजोगाईतील उप-प्रादेशिक परिवहन कार्यालयाच्या (RTO) अजब कारभारामुळे सध्या ६ तालुक्यांमधील हजारो व्यावसायिक वाहनधारकांवर मोठे आर्थिक संकट कोसळले आहे. येथील 'स्वयंचलित वाहन चाचणी केंद्र' (ATS) अजून पूर्णपणे सुरू नसतानाही, परिवहन आयुक्त कार्यालयाने जुन्या पद्धतीने होणाऱ्या वाहन पासिंगचे ऑनलाईन स्लॉट्स बंद केले आहेत. या निर्णयामुळे शेकडो व्यावसायिक वाहने जागेवरच अडकून पडली असून वाहनधारकांमध्ये तीव्र असंतोष पसरला आहे. या विरोधात 'वाहन मालक-चालक प्रतिनिधी संघटना, अंबाजोगाई'ने उप-प्रादेशिक परिवहन अधिकाऱ्यांना नुकतेच एक जाहीर निवेदन दिले आहे. शासनाच्या नवीन धोरणानुसार, व्यावसायिक वाहनांचे वार्षिक योग्यता प्रमाणपत्र (Fitness Certificate) आता आरटीओ ट्रॅकऐवजी खासगी 'एटीएस' सेंटरमधून मिळवणे अनिवार्य आहे. अंबाजोगाई आरटीओ अंतर्गत एटीएस सेंटर उभारले असले तरी, तांत्रिक अडचणी आणि अपूर्णतेमुळे ते पूर्णपणे बंद आहे. असे असतानाही, परिवहन आयुक्त कार्यालयाने अतिघाई करत १२ जून २०२६ पासून अंबाजोगाई कार्यालयाच्या हद्दीतील वाहनांसाठी जुन्या पद्धतीचे पासिंग स्लॉट्स पूर्णपणे बंद करण्याचा निर्णय घेतला. या तांत्रिक गोंधळामुळे गेल्या काही दिवसांपासून अंबाजोगाई क्षेत्रातील एकाही व्यावसायिक वाहनाला फिटनेस सर्टिफिकेट मिळालेले नाही. योग्यता प्रमाणपत्र संपलेली वाहने रस्त्यावर आणल्यास पोलीस व आरटीओची दंडात्मक कारवाई होत असल्याने ती जागेवरच थांबून आहेत. शिवाय, सिस्टीममध्ये स्लॉट उपलब्ध नसतानाही मुदत संपल्यामुळे वाहनधारकांना दररोज ५० रुपये अतिरिक्त विलंब शुल्क भरावा लागत आहे. प्रशासनाच्या या चुकीमुळे वाहनधारकांना विनाकारण दुहेरी आर्थिक भुर्दंड सहन करावा लागत आहे. स्थानिक केंद्र बंद असल्याने, अंबाजोगाईतील वाहनधारकांना शेजारच्या जिल्ह्यांतील किंवा दुसऱ्या शहरातील एटीएस सेंटरवर जाऊन पासिंग करून घेण्याचा सल्ला दिला जात आहे. मात्र, येथून इतर सेंटर्सचे अंतर १५० ते २०० किलोमीटर असून सध्याच्या गगनाला भिडलेल्या डिझेलच्या किमती आणि मंदीची परिस्थिती पाहता, केवळ पासिंगसाठी एवढ्या दूर वाहन घेऊन जाणे आणि तिथे फेऱ्या मारणे परवडणारे नाही, अशी संतप्त प्रतिक्रिया वाहनधारकांनी दिली आहे. जोपर्यंत अंबाजोगाई येथील स्थानिक एटीएस सेंटर तांत्रिक त्रुटी दूर करून पूर्ण क्षमतेने सुरू होत नाही, तोपर्यंत पूर्वीच्याच पद्धतीने आरटीओ ट्रॅकवर वाहनांची तपासणी करून योग्यता प्रमाणपत्र देण्याचे स्लॉट्स तात्काळ सुरू करण्यात यावेत, अशी मागणी वाहन मालक-चालक प्रतिनिधी संघटनेने केली आहे. तसेच, आरटीओच्या चुकीमुळे आकारलेला दंडही माफ करावा, अशी मागणी करण्यात आली आहे. प्रशासनाने यावर तातडीने तोडगा न काढल्यास आरटीओ कार्यालयासमोर तीव्र आंदोलन छेडण्यात येईल, असा इशारा संघटनेच्या प्रतिनिधींनी दिला आहे.

अशोक दगडू वाघमारे

अंबाजोगाई, बीड, महाराष्ट्र•

1 hr ago

अंबाजोगाईतील उप-प्रादेशिक परिवहन कार्यालयाच्या (RTO) अजब कारभारामुळे सध्या ६ तालुक्यांमधील हजारो व्यावसायिक वाहनधारकांवर मोठे आर्थिक संकट कोसळले आहे. येथील 'स्वयंचलित वाहन चाचणी केंद्र' (ATS) अजून पूर्णपणे सुरू नसतानाही, परिवहन आयुक्त कार्यालयाने जुन्या पद्धतीने होणाऱ्या वाहन पासिंगचे ऑनलाईन स्लॉट्स बंद केले आहेत. या निर्णयामुळे शेकडो व्यावसायिक वाहने जागेवरच अडकून पडली असून वाहनधारकांमध्ये तीव्र असंतोष पसरला आहे. या विरोधात 'वाहन मालक-चालक प्रतिनिधी संघटना, अंबाजोगाई'ने उप-प्रादेशिक परिवहन अधिकाऱ्यांना नुकतेच एक जाहीर निवेदन दिले आहे. शासनाच्या नवीन धोरणानुसार, व्यावसायिक वाहनांचे वार्षिक योग्यता प्रमाणपत्र (Fitness Certificate) आता आरटीओ ट्रॅकऐवजी खासगी 'एटीएस' सेंटरमधून मिळवणे अनिवार्य आहे. अंबाजोगाई आरटीओ अंतर्गत एटीएस सेंटर उभारले असले तरी, तांत्रिक अडचणी आणि अपूर्णतेमुळे ते पूर्णपणे बंद आहे. असे असतानाही, परिवहन आयुक्त कार्यालयाने अतिघाई करत १२ जून २०२६ पासून अंबाजोगाई कार्यालयाच्या हद्दीतील वाहनांसाठी जुन्या पद्धतीचे पासिंग स्लॉट्स पूर्णपणे बंद करण्याचा निर्णय घेतला. या तांत्रिक गोंधळामुळे गेल्या काही दिवसांपासून अंबाजोगाई क्षेत्रातील एकाही व्यावसायिक वाहनाला फिटनेस सर्टिफिकेट मिळालेले नाही. योग्यता प्रमाणपत्र संपलेली वाहने रस्त्यावर आणल्यास पोलीस व आरटीओची दंडात्मक कारवाई होत असल्याने ती जागेवरच

थांबून आहेत. शिवाय, सिस्टीममध्ये स्लॉट उपलब्ध नसतानाही मुदत संपल्यामुळे वाहनधारकांना दररोज ५० रुपये अतिरिक्त विलंब शुल्क भरावा लागत आहे. प्रशासनाच्या या चुकीमुळे वाहनधारकांना विनाकारण दुहेरी आर्थिक भुर्दंड सहन करावा लागत आहे. स्थानिक केंद्र बंद असल्याने, अंबाजोगाईतील वाहनधारकांना शेजारच्या जिल्ह्यांतील किंवा दुसऱ्या शहरातील एटीएस सेंटरवर जाऊन पासिंग करून घेण्याचा सल्ला दिला जात आहे. मात्र, येथून इतर सेंटर्सचे अंतर १५० ते २०० किलोमीटर असून सध्याच्या गगनाला भिडलेल्या डिझेलच्या किमती आणि मंदीची परिस्थिती पाहता, केवळ पासिंगसाठी एवढ्या दूर वाहन घेऊन जाणे आणि तिथे फेऱ्या मारणे परवडणारे नाही, अशी संतप्त प्रतिक्रिया वाहनधारकांनी दिली आहे. जोपर्यंत अंबाजोगाई येथील स्थानिक एटीएस सेंटर तांत्रिक त्रुटी दूर करून पूर्ण क्षमतेने सुरू होत नाही, तोपर्यंत पूर्वीच्याच पद्धतीने आरटीओ ट्रॅकवर वाहनांची तपासणी करून योग्यता प्रमाणपत्र देण्याचे स्लॉट्स तात्काळ सुरू करण्यात यावेत, अशी मागणी वाहन मालक-चालक प्रतिनिधी संघटनेने केली आहे. तसेच, आरटीओच्या चुकीमुळे आकारलेला दंडही माफ करावा, अशी मागणी करण्यात आली आहे. प्रशासनाने यावर तातडीने तोडगा न काढल्यास आरटीओ कार्यालयासमोर तीव्र आंदोलन छेडण्यात येईल, असा इशारा संघटनेच्या प्रतिनिधींनी दिला आहे.