जि.प. शाळा अगस्तीनगर येथे आषाढी एकादशीनिमित्त चिमुकल्यांचा पायी दिंडी सोहळा मोठ्या उत्साहात पार पडला. या सोहळ्यात शाळेतील शिक्षक, विद्यार्थी, पालक, गावातील तरुण मंडळ, सर्व वारकरी, भजनी मंडळे आणि महिला मोठ्या संख्येने सहभागी झाल्या होत्या. शाळेपासून निघालेली ही दिंडी गावातील विठ्ठल-रुक्मिणी मंदिरात पोहोचल्यानंतर पांडुरंगाची आरती झाली आणि विद्यार्थ्यांनी आपल्या कलागुणांचे सादरीकरण केले. यावेळी गावातील वारकऱ्यांनी रिंगण धरून आषाढी एकादशीचा सोहळा साजरा केला. यानंतर दिंडीने गावाला प्रदक्षिणा मारली आणि आराध्य दैवत वेताळगुरु मंदिर परिसरात बाल वारकऱ्यांचे रिंगण झाले. दिंडी मार्गात प्रत्येक घरासमोर माता-भगिनींनी औक्षण करून विद्यार्थ्यांचे पूजन केले. शाळेत पसायदानाने कार्यक्रमाची सांगता झाली. याप्रसंगी लोकनियुक्त सरपंच तथा खानापूर तालुका भाजप अध्यक्ष दाजी भाऊ पवार यांनी वारकरी व विद्यार्थ्यांना केळी व राजगिरा लाडूचे वाटप केले. तसेच विठ्ठलभक्त संतोष आयवळे व संजय आयवळे यांनी फराळाचे नियोजन केले आणि शाळेच्या वतीने सर्वांचे आभार मानण्यात आले.

होनाई न्यूज/सा.माणदेश दर्शन

तासगाव, सांगली, महाराष्ट्र•

4 hrs ago

जि.प. शाळा अगस्तीनगर येथे आषाढी एकादशीनिमित्त चिमुकल्यांचा पायी दिंडी सोहळा मोठ्या उत्साहात पार पडला. या सोहळ्यात शाळेतील शिक्षक, विद्यार्थी, पालक, गावातील तरुण मंडळ, सर्व वारकरी, भजनी मंडळे आणि महिला मोठ्या संख्येने सहभागी झाल्या होत्या. शाळेपासून निघालेली ही दिंडी गावातील विठ्ठल-रुक्मिणी मंदिरात पोहोचल्यानंतर पांडुरंगाची आरती झाली आणि विद्यार्थ्यांनी आपल्या कलागुणांचे सादरीकरण केले. यावेळी गावातील वारकऱ्यांनी रिंगण धरून आषाढी एकादशीचा सोहळा साजरा केला. यानंतर दिंडीने गावाला प्रदक्षिणा मारली आणि आराध्य दैवत वेताळगुरु मंदिर परिसरात बाल वारकऱ्यांचे रिंगण झाले. दिंडी मार्गात प्रत्येक घरासमोर माता-भगिनींनी औक्षण करून विद्यार्थ्यांचे पूजन केले. शाळेत पसायदानाने कार्यक्रमाची सांगता झाली. याप्रसंगी लोकनियुक्त सरपंच तथा खानापूर तालुका भाजप अध्यक्ष दाजी भाऊ पवार यांनी वारकरी व विद्यार्थ्यांना केळी व राजगिरा लाडूचे वाटप केले. तसेच विठ्ठलभक्त संतोष आयवळे व संजय आयवळे यांनी फराळाचे नियोजन केले आणि शाळेच्या वतीने सर्वांचे आभार मानण्यात आले.