ఖమ్మం జిల్లా చింతకాని మండలం మత్కేపల్లి క్రాస్ రోడ్డు వద్ద ముఖ్యమంత్రి రేవంత్ రెడ్డి పాల్గొనే 'రైతు ఆశీర్వాద సభ' వేదిక సమీపంలో ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డికి సంబంధించిన ఫ్లెక్సీలు ప్రత్యక్షమయ్యాయి. రాజకీయాలకు అతీతంగా అభిమానులు ఈ ఫ్లెక్సీలను సభ ప్రాంగణానికి ముందే ఏర్పాటు చేశారు. ప్రస్తుతం ఈ ఫ్లెక్సీలు సభకు తరలివస్తున్న ప్రజల దృష్టిని ఆకర్షిస్తూ, స్థానికంగా చర్చనీయాంశంగా మారాయి.

ఖమ్మం జిల్లా చింతకాని మండలం మత్కేపల్లి క్రాస్ వద్ద నిర్వహించిన రైతు ఆశీర్వాద సభ ప్రాంగణం సమీపంలో ఆంధ్రప్రదేశ్ మాజీ ముఖ్యమంత్రి వైఎస్ జగన్‌మోహన్ రెడ్డి ప్లెక్సీలు ప్రత్యేక ఆకర్షణగా నిలిచాయి. సభకు హాజరవుతున్న ప్రజలు భారీగా తరలివస్తుండగా, వారి దృష్టిని ఈ ప్లెక్సీలు విశేషంగా ఆకర్షించాయి. రాజకీయాలకు అతీతంగా అభిమానులు ఈ ప్లెక్సీలను ఏర్పాటు చేశారు. సభ ప్రారంభానికి ముందే వీటిని ఏర్పాటు చేయడం స్థానికంగా చర్చనీయాంశంగా మారింది.

సర్ కార్యక్రమంలో భాగంగా ఓటర్లు తమ పరిధిలోని జాబితాలలో వారి వివరాలను ఈ నెల 15వ తేదీలోగా పరిశీలించుకోవాలని అసిస్టెంట్ రిటర్నింగ్ అధికారి శ్రీనివాసరావు వెల్లడించారు. గురువారం స్థానిక ఎంపీడీవో కార్యాలయంలో నియోజకవర్గస్థాయి అఖిలపక్ష సమావేశం నిర్వహించారు. ఈ సమావేశంలో సభ్యులు మాట్లాడుతూ ఇంతవరకు పూర్తయిన మ్యాపింగ్ వివరాలను తమకు అందించాలని కోరారు. తహసిల్దార్ డానియల్, ఎంపీడీవో సాయి లీలా ఈ కార్యక్రమంలో పాల్గొన్నారు. తహసిల్దార్ కూడా 15లోపు ఓటర్ల జాబితాను పరిశీలించుకోవాలని పునరుద్ఘాటించారు.

ప్రభుత్వ జూనియర్ కళాశాల పెనుబల్లిలో ఎన్ఎస్ఎస్ ఆధ్వర్యంలో ఈరోజు మొక్కలు నాటే కార్యక్రమం నిర్వహించారు. ఖమ్మం జిల్లా డిస్టిక్ ప్రోగ్రాం ఆఫీసర్ శ్రీ నర్సింగ్ శ్రీనివాసరావు ఈ కార్యక్రమంలో పాల్గొని మొక్కలు నాటారు. ఈ కార్యక్రమం 'వృక్షో రక్షతి రక్షతిహా' అనే నినాదంతో సాగింది. శ్రీ నర్సింగ్ శ్రీనివాసరావు ఎన్ఎస్ఎస్ వాలంటీర్లను ఉద్దేశించి మాట్లాడుతూ, కేవలం మొక్కలు నాటడమే కాకుండా వాటిని పెంచి పోషించే బాధ్యతను కూడా తీసుకోవాలని సూచించారు. కళాశాల ప్రిన్సిపాల్ శ్రీ వేము ప్రవీణ్ కుమార్ గారు కూడా ఈ కార్యక్రమంలో పాల్గొని మొక్కలు నాటారు, పర్యావరణాన్ని రక్షించాలంటే ప్రతి విద్యార్థి ఒక చెట్టును నాటాలని సూచించారు. ఈ కార్యక్రమంలో NSS PO రత్నాకర్ గారు, సీనియర్ అద్యాపకులు తిరుమలయ్య గారు, నాగేశ్వరరావు గారు, కాషా రావు గారు, దుర్గా మేడం గారు, శేషగిరిరావు గారు, మోహన్ బాబు సార్, హరీష్ బాబు గారు, సుప్రియ మేడం గారు, మీనా మేడం గారు, ప్రకాష్ గారు, సత్యవతి గారు కూడా పాల్గొన్నారు.

మహబూబాబాద్ జిల్లా బయ్యారం మండలంలోని ఇనుపరాయి గుట్టను తెలంగాణ రక్షణ సేన (టీఆర్‌ఎస్) వ్యవస్థాపక అధ్యక్షురాలు కల్వకుంట్ల కవిత సందర్శించారు. ఈ సందర్భంగా ఆమె మాట్లాడుతూ, తెలంగాణలోని నీళ్లు, వనరులు మరియు ఉద్యోగాలను కాపాడుకోవాలనే లక్ష్యంతోనే టీఆర్‌ఎస్‌ను స్థాపించామని స్పష్టం చేశారు. బయ్యారంలో లభించే ఇనుప ఖనిజాన్ని ఆధారం చేసుకుని సింగరేణి సంస్థ ద్వారా ఉక్కు పరిశ్రమను ఏర్పాటు చేయాలని, తద్వారా స్థానిక యువతకు ఉపాధి కల్పించాలని ఆమె డిమాండ్ చేశారు. తెలంగాణ ఉద్యమ సమయంలో రాష్ట్ర ఖనిజ సంపద ఇతర ప్రాంతాలకు తరలిపోకుండా అందరం కలిసి పోరాడామని ఆమె గుర్తు చేశారు. రాష్ట్ర విభజన చట్టంలో పొందుపరిచిన హామీలను కేంద్ర మరియు రాష్ట్ర ప్రభుత్వాలు వెంటనే అమలు చేయాలని కల్వకుంట్ల కవిత కోరారు. ఎన్నికల సమయంలో కాంగ్రెస్ ప్రభుత్వం మహిళలకు ఇచ్చిన రూ.2500 ఆర్థిక సాయం, తులం బంగారం మరియు పెన్షన్ల పెంపు వంటి హామీలను తక్షణమే నెరవేర్చాలని డిమాండ్ చేశారు. రాబోయే డీలిమిటేషన్ ప్రక్రియలో బయ్యారాన్ని అసెంబ్లీ నియోజకవర్గంగా ఏర్పాటు చేసేందుకు తన వంతు కృషి చేస్తానని ఆమె హామీ ఇచ్చారు.

ఖమ్మం జిల్లా చింతకాని మండలం మత్కేపల్లి క్రాస్ రోడ్డు వద్ద ముఖ్యమంత్రి రేవంత్ రెడ్డి పాల్గొనే 'రైతు ఆశీర్వాద సభ' వేదిక సమీపంలో ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డికి సంబంధించిన ఫ్లెక్సీలు ప్రత్యక్షమయ్యాయి. రాజకీయాలకు అతీతంగా అభిమానులు ఈ ఫ్లెక్సీలను సభ ప్రాంగణానికి ముందే ఏర్పాటు చేశారు. ప్రస్తుతం ఈ ఫ్లెక్సీలు సభకు తరలివస్తున్న ప్రజల దృష్టిని ఆకర్షిస్తూ, స్థానికంగా చర్చనీయాంశంగా మారాయి.

విద్యారంగంలోని సమస్యలను పరిష్కరించాలని కోరుతూ రాష్ట్రవ్యాప్త విద్యాసంస్థల బంద్‌లో భాగంగా, శుక్రవారం ఖమ్మం నగరంలో విద్యార్థి సంఘాల నాయకులు ప్రభుత్వ పాఠశాలలను బంద్ చేయించి నిరసన వ్యక్తం చేశారు. విద్యా వ్యవస్థపై ప్రభుత్వం తీవ్ర నిర్లక్ష్యం వహిస్తోందని PDSU జిల్లా అధ్యక్షులు మస్తాన్ మరియు SFI జిల్లా కార్యదర్శి ప్రవీణ్ ఆరోపించారు. ప్రైవేట్ మరియు కార్పొరేట్ విద్యా సంస్థల్లో అడ్డగోలుగా పెరుగుతున్న ఫీజులను నియంత్రించేందుకు కఠినమైన చట్టాన్ని తీసుకురావాలని ఈ సందర్భంగా డిమాండ్ చేశారు. అలాగే, ప్రభుత్వ పాఠశాలలు, జూనియర్, డిగ్రీ మరియు పీజీ కళాశాలల్లో ఖాళీగా ఉన్న ఉపాధ్యాయ, అధ్యాపక పోస్టులను తక్షణమే భర్తీ చేయాలని వారు ప్రభుత్వాన్ని కోరారు. ఖమ్మంలో ఈ విద్యాసంస్థల బంద్ ప్రశాంతంగా కొనసాగింది.

ములుగు జిల్లాలోని రిజర్వ్ ఫారెస్ట్ పరిధిలో అనుమతి లేకుండా జలపాతాలను సందర్శించే పర్యాటకులపై కఠిన చర్యలు తీసుకుంటామని జిల్లా అటవీ అధికారి (డీఎఫ్‌వో) వికాస్ మీనా హెచ్చరించారు. అడవుల్లోకి నిబంధనలకు విరుద్ధంగా ప్రవేశించే వారిపై ఫారెస్ట్ యాక్ట్-1967 ప్రకారం శిక్షలు తప్పవని ఆయన స్పష్టం చేశారు. ములుగు జిల్లాలో మొత్తం 6 నుండి 7 జలపాతాలు ఉన్నప్పటికీ, పర్యాటకుల భద్రతను దృష్టిలో ఉంచుకుని కేవలం బోగత జలపాతానికి మాత్రమే సందర్శన అనుమతి ఉంది. మిగిలిన జలపాతాలన్నీ రిజర్వ్ ఫారెస్ట్ పరిధిలో ఉండటంతో అక్కడికి వెళ్లడం నిషిద్ధమని ఆయన తెలిపారు. యూట్యూబ్ మరియు ఇన్‌స్టాగ్రామ్ రీల్స్ చూసి ప్రమాదకరమైన జలపాతాల వద్దకు వెళ్తున్న వారి వల్ల ప్రాణాలకు ముప్పు ఏర్పడే అవకాశం ఉందని వికాస్ మీనా ఆందోళన వ్యక్తం చేశారు. నిబంధనలు పాటించి, కేవలం అనుమతించిన ప్రాంతాల్లో మాత్రమే పర్యటించాలని పర్యాటకులకు సూచించారు.

ఏపీ అంగన్వాడీ వర్కర్స్ & హెల్పర్స్ యూనియన్ ఆధ్వర్యంలో శుక్రవారం గుంటూరు కలెక్టర్ కార్యాలయం వద్ద నిరసన కార్యక్రమం నిర్వహించారు. ఈ సందర్భంగా అంగన్వాడీలు తమకు కనీస వేతనాన్ని రూ. 26 వేలకు పెంచాలని డిమాండ్ చేశారు. అలాగే పెన్షన్, పీఎఫ్ మరియు ఈఎస్ఐ వంటి సామాజిక భద్రతా సౌకర్యాలను కల్పించాలని వారు కోరారు. ప్రభుత్వం గతంలో ఇచ్చిన హామీలను అమలు చేయాలని మరియు పెండింగ్ డిమాండ్లను తక్షణమే పరిష్కరించాలని కోరుతూ నిరసనకారులు కలెక్టర్‌కు వినతిపత్రం అందజేశారు. ఈ ఆందోళన సందర్భంగా కలెక్టర్ కార్యాలయం వద్ద కొద్దిసేపు ఉద్రిక్త పరిస్థితులు నెలకొన్నాయి.