କଟକର ମଙ୍ଗୁଳି ଛକ ନିକଟରେ ଏକ ଟ୍ରକରେ ନିଆଁ ଲାଗିଯାଇଥିଲା। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ସମ୍ପୂର୍ଣ୍ଣ ଭାବେ ଆୟତ କରିଥିଲା।

ମୋହନ ସରକାର 'ବିକାଶର ଧାରା ଓଡ଼ିଶା ସାରା' ଥିମ୍ ଆଧାରରେ ନିଜର ଦୁଇ ବର୍ଷ ପୂର୍ତ୍ତି ଉତ୍ସବ ପାଳନ କରୁଛି। ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୁନ ୨୦ ତାରିଖରେ ଓଡ଼ିଶା ଆସୁଛନ୍ତି। ଜୁନ ୩୦ ପର୍ଯ୍ୟନ୍ତ ଚାଲିବାକୁ ଥିବା ଏହି ବର୍ଷ ପୂର୍ତ୍ତି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ଓଡ଼ିଶା ପାଇଁ ଏକ ବଡ଼ ଭେଟି ନେଇ ଆସିବେ ଏବଂ ଉତ୍ସବରେ ଯୋଗ ଦେବେ।

ଢେଙ୍କାନାଳ ଜିଲ୍ଲା ଅlତିଣ୍ଡା ଗ୍ରାମରେ ଏକ ଅଚାନକ ଚଡ଼କ ମାରିବା ଫଳରେ ଗୋଟିଏ କଞ୍ଚା ତାଳଗଛ ଜଳିଯାଇଛି। ମିଳିଥିବା ସୂଚନା ଅନୁଯାୟୀ, ଏହି ଗଛଟି ମାଧବ ଦାସଙ୍କର ବୋଲି ଜଣାପଡିଛି।

ମୋହନ ସରକାରଙ୍କ ଶାସନର ଦୁଇ ବର୍ଷ ପୂର୍ତ୍ତି ଅବସରରେ ଚାନ୍ଦବାଲିର ବିଜୁ ସ୍ମୃତି ଭବନରେ ଏକ କାର୍ଯ୍ୟକ୍ରମ ଓ ସଚେତନା ସଭା ଆୟୋଜିତ ହୋଇଛି। ଏହି ଅବସରରେ ବିଡ଼ିଓ ଉପସ୍ଥିତ ଲୋକଙ୍କୁ ସରକାରଙ୍କ ଦୁଇ ବର୍ଷର ଜନ କଲ୍ୟାଣ ଯୋଜନା ସମ୍ବନ୍ଧରେ ଅବଗତ କରାଇଛନ୍ତି।

ପ୍ରେସ ଇନ୍ଫରମେଶନ ବ୍ୟୁରୋ (ପିଆଇବି) ତରଫରୁ ଭଦ୍ରକଠାରେ ସାମ୍ବାଦିକମାନଙ୍କୁ ନେଇ ଏକ ବାର୍ତ୍ତାଳାପ କର୍ମଶାଳା ଆୟୋଜିତ ହୋଇଯାଇଛି।

ବାଚସ୍ପତି ସୁରମା ପାଢ଼ୀ ରଜ ମହୋତ୍ସବ ଅବସରରେ ବିଭିର୍ନ କଳାକାରମାନଙ୍କୁ ନିମନ୍ତ୍ରିତ କରି ସମ୍ମାନିତ କରିଛନ୍ତି।

ଚାମେଲି ଓଝା ମାମଲାରେ ମହାକାଳପଡା BDOଙ୍କ କାର୍ଯ୍ୟାଳୟ ଭିତରୁ ଏକ ନୂଆ ଭିଡିଓ ସାମ୍ନାକୁ ଆସିଛି, ଯାହା ଗତ ୧୧ ତାରିଖରେ ଘଟିଥିବା ଏକ ଘଟଣାର ସାଂଘାତିକ ସତ ପ୍ରକାଶ କରିଛି। ଭିଡିଓ ଅନୁଯାୟୀ, ପଞ୍ଚାୟତ ସମସ୍ୟାକୁ ନେଇ BDOଙ୍କ ସହ ଆଲୋଚନା ଚାଲିଥିବା ବେଳେ ଚାମେଲି ଓଝାଙ୍କ ଜଣେ ସହଯୋଗୀ ନିଜ ମୋବାଇଲରେ ଏହି ଦୃଶ୍ୟକୁ ରେକର୍ଡିଂ କରୁଥିଲେ। ଏହି ସମୟରେ, BDOଙ୍କ କାର୍ଯ୍ୟାଳୟରେ ଉପସ୍ଥିତ କିଛି ଲୋକ ଏହି ଭିଡିଓ ରେକର୍ଡିଂକୁ ବିରୋଧ କରିଥିଲେ ଏବଂ କାହିଁକି ଏହା କରାଯାଉଛି ବୋଲି ପ୍ରଶ୍ନ କରିଥିଲେ। ଏହି ସମ୍ପୂର୍ଣ୍ଣ ଘଟଣାର ଭିଡିଓ ବର୍ତ୍ତମାନ ସର୍ବସାଧାରଣକୁ ଆସିଛି।

ଢେଙ୍କାନାଳ ସହର ଉପକଣ୍ଠ ବନମାଳୀ ପ୍ରସାଦରେ ଆଜି ରଜ ସଂକ୍ରାନ୍ତି ଅବସରରେ ଏକ ନିଆରା ଉତ୍ସବମୁଖର ପରିବେଶ ଦେଖିବାକୁ ମିଳିଛି। ଓଡ଼ିଶାର ଏହି କୃଷିଭିତ୍ତିକ ଗଣପର୍ବ ରଜକୁ ନେଇ ସମଗ୍ର ଅଞ୍ଚଳରେ ଖୁସି ଓ ଉତ୍ସାହର ମାହୋଲ ସୃଷ୍ଟି ହୋଇଥିବା ବେଳେ ବନମାଳୀ ପ୍ରସାଦର ସ୍ୱତନ୍ତ୍ର ଆୟୋଜନ ଲୋକଙ୍କ ଆକର୍ଷଣର କେନ୍ଦ୍ର ପାଲଟିଛି। ରଜ ପର୍ବରେ ଓଡ଼ିଆ ଘରେ ଘରେ ପିଠାପଣାର ମହକ ସହ ରଜ ପାନ, ନୂଆ ପୋଷାକ ଏବଂ ଦୋଳି ଖେଳର ମଜା ଦେଖିବାକୁ ମିଳେ। ଏହି ପରମ୍ପରାକୁ ଜୀବନ୍ତ ରଖିବା ପାଇଁ ବନମାଳୀ ପ୍ରସାଦର ଯୁବଗୋଷ୍ଠୀ ପକ୍ଷରୁ ଚଳିତ ବର୍ଷ ମଧ୍ୟ ବିଭିନ୍ନ ପ୍ରକାର ରଜ ଦୋଳିର ଆୟୋଜନ କରାଯାଇଛି। ବଡ଼ ବଡ଼ କାଠ ଗଣ୍ଡି, ବାଉଁଶ, ମଜବୁତ ଦଉଡ଼ି ଏବଂ ଲୁହା ପିସ୍ ବ୍ୟବହାର କରି ପ୍ରସ୍ତୁତ ହୋଇଥିବା ଏହି ଦୋଳିଗୁଡ଼ିକ ଛୋଟ ପିଲାଙ୍କ ଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ସମସ୍ତଙ୍କୁ ଆକର୍ଷିତ କରିଛି।

ଢେଙ୍କାନାଳ ସ୍ଥିତ ସନ ହସ୍ପିଟାଲର ଜଣେ କର୍ମଚାରୀ ସକାଳେ କାର୍ଯ୍ୟକୁ ଯାଉଥିବାବେଳେ ଏକ ବାଇକ୍ ଦୁର୍ଘଟଣାର ଶିକାର ହୋଇଛନ୍ତି। ଏହି ଘଟଣା ଡାକ୍ତରଖାନା ସମ୍ମୁଖରେ ହିଁ ଘଟିଥିଲା, ଯେତେବେଳେ ବାଇକ୍ ଆଗକୁ ହଠାତ୍ ଏକ କୁକୁର ପଶିଯିବା ଯୋଗୁଁ ଏହି ଦୁର୍ଘଟଣା ହୋଇଥିଲା। ବିଡମ୍ବନାର ବିଷୟ ଯେ, ଦୁର୍ଘଟଣାଟି ଡାକ୍ତରଖାନା ସାମନାରେ ଘଟିଥିଲେ ମଧ୍ୟ ସମ୍ପୃକ୍ତ କର୍ମଚାରୀ ଜଣକ କୌଣସି ସାହାଯ୍ୟ ପାଇବାରୁ ବଞ୍ଚିତ ହୋଇଛନ୍ତି।