युवापिढीला व्यसनाधीनतेच्या गर्तेत लोटणाऱ्या कॅफे मालकांवर प्रशासनाने कठोर कारवाई केली आहे. शहराच्या संस्कृतीला काळिमा फासण्याचे षड्यंत्र उघडकीस आले असून, 'फॅशनेबल' कॅफेच्या नावाखाली तरुण पिढीला 'अयाशीच्या' गर्तेत ढकलणाऱ्या कॅफेचालकांच्या मुजोरीला प्रशासनाने 'बुलडोझर'च्या भाषेत खणखणीत उत्तर दिले आहे. सिडको, क्रांती चौक, वाळूज आणि बीड बायपास परिसरातील अनेक कॅफेवर पोलीस आणि महानगरपालिकेने संयुक्तपणे धडक कारवाई करत, नियमबाह्य उभारलेले 'प्रायव्हेट केबिन्स' जमीनदोस्त केले. गेल्या काही दिवसांपासून पालकांकडून आणि सुज्ञ नागरिकांकडून पोलिसांकडे तक्रारींचा पाऊस पडत होता की, कॅफेच्या नावाखाली 'प्रायव्हेट केबिन्स' उभारून त्यांना पडद्याने झाकले जात आहे. या बंदिस्त जागेचा गैरवापर करून अल्पवयीन मुला-मुलींच्या खासगी हालचालींना मोकळे रान दिले जात असल्याचे समोर आले होते. या गंभीर प्रकाराची दखल घेत पोलीस उपायुक्त रत्नाकर नवले आणि मनपा अतिक्रमण हटाव प्रमुख संतोष बाहुबली यांच्या पथकाने आक्रमक पवित्रा घेत हे अनधिकृत अड्डे उद्ध्वस्त केले. कारवाईदरम्यान, पोलीस उपायुक्त रत्नाकर नवले यांनी कॅफेचालकांना सज्जड दम भरत स्पष्ट केले की, व्यावसायिक परवाना हा चहा-कॉफी विकण्यासाठी आहे, गैरप्रकार चालवण्यासाठी नाही. कायदा हातात घेतल्यास गुन्हे दाखल करण्यात कोणताही मुलाहिजा बाळगला जाणार नाही, असा इशारा त्यांनी दिला. मनपाच्या पथकाने केबिन्स तोडून या व्यावसायिकांना सडेतोड इशारा दिला आहे. केवळ प्रशासनाच्या कारवाईने हे प्रश्न सुटणार नाहीत, असे आवाहन करत पालकांना आपल्या मुलांवर लक्ष ठेवण्याचे आवाहन करण्यात आले आहे. पालकांसाठी, आपली मुले कॅफेमध्ये कोणासोबत आणि काय करतात, याकडे दुर्लक्ष करणे आता महागात पडू शकते असा गंभीर इशारा दिला आहे. तसेच, नागरिकांना परिसरात संशयास्पद केबिन्स दिसल्यास तातडीने पोलिसांशी संपर्क साधण्याचे आवाहन केले आहे. या कारवाईतून हे स्पष्ट झाले आहे की, शहराचे आधुनिक स्वरूप कोणालाही नाकारता येणार नाही, मात्र संस्कृती आणि भविष्याचा बळी देऊन चाललेली ही 'काळी संस्कृती' आता खपवून घेतली जाणार नाही. या कारवाईने शहरात खळबळ उडाली असून, नियम धाब्यावर बसवणाऱ्या इतर कॅफेमालकांचे धाबे दणाणले आहेत.

Gautam Hiwrale

पत्रकार सिल्लोड, औरंगाबाद, महाराष्ट्र•

6 hrs ago

युवापिढीला व्यसनाधीनतेच्या गर्तेत लोटणाऱ्या कॅफे मालकांवर प्रशासनाने कठोर कारवाई केली आहे. शहराच्या संस्कृतीला काळिमा फासण्याचे षड्यंत्र उघडकीस आले असून, 'फॅशनेबल' कॅफेच्या नावाखाली तरुण पिढीला 'अयाशीच्या' गर्तेत ढकलणाऱ्या कॅफेचालकांच्या मुजोरीला प्रशासनाने 'बुलडोझर'च्या भाषेत खणखणीत उत्तर दिले आहे. सिडको, क्रांती चौक, वाळूज आणि बीड बायपास परिसरातील अनेक कॅफेवर पोलीस आणि महानगरपालिकेने संयुक्तपणे धडक कारवाई करत, नियमबाह्य उभारलेले 'प्रायव्हेट केबिन्स' जमीनदोस्त केले. गेल्या काही दिवसांपासून पालकांकडून आणि सुज्ञ नागरिकांकडून पोलिसांकडे तक्रारींचा पाऊस पडत होता की, कॅफेच्या नावाखाली 'प्रायव्हेट केबिन्स' उभारून त्यांना पडद्याने झाकले जात आहे. या बंदिस्त जागेचा गैरवापर करून अल्पवयीन मुला-मुलींच्या खासगी हालचालींना मोकळे रान दिले जात असल्याचे समोर आले होते. या गंभीर प्रकाराची दखल घेत पोलीस उपायुक्त रत्नाकर नवले आणि मनपा अतिक्रमण हटाव प्रमुख संतोष बाहुबली यांच्या पथकाने आक्रमक पवित्रा घेत हे अनधिकृत अड्डे उद्ध्वस्त केले. कारवाईदरम्यान, पोलीस उपायुक्त रत्नाकर नवले यांनी कॅफेचालकांना सज्जड दम भरत स्पष्ट केले की, व्यावसायिक परवाना हा चहा-कॉफी विकण्यासाठी आहे, गैरप्रकार चालवण्यासाठी नाही. कायदा हातात घेतल्यास गुन्हे दाखल करण्यात कोणताही मुलाहिजा बाळगला जाणार नाही, असा इशारा त्यांनी दिला. मनपाच्या पथकाने केबिन्स तोडून या व्यावसायिकांना सडेतोड इशारा दिला आहे. केवळ प्रशासनाच्या कारवाईने हे प्रश्न सुटणार नाहीत, असे आवाहन करत पालकांना आपल्या मुलांवर लक्ष ठेवण्याचे आवाहन करण्यात आले आहे. पालकांसाठी, आपली मुले कॅफेमध्ये कोणासोबत आणि काय करतात, याकडे दुर्लक्ष करणे आता महागात पडू शकते असा गंभीर इशारा दिला आहे. तसेच, नागरिकांना परिसरात संशयास्पद केबिन्स दिसल्यास तातडीने पोलिसांशी संपर्क साधण्याचे आवाहन केले आहे. या कारवाईतून हे स्पष्ट झाले आहे की, शहराचे आधुनिक स्वरूप कोणालाही नाकारता येणार नाही, मात्र संस्कृती आणि भविष्याचा बळी देऊन चाललेली ही 'काळी संस्कृती' आता खपवून घेतली जाणार नाही. या कारवाईने शहरात खळबळ उडाली असून, नियम धाब्यावर बसवणाऱ्या इतर कॅफेमालकांचे धाबे दणाणले आहेत.