भारत निवडणूक आयोगाच्या निर्देशानुसार मानोरा तालुक्यात विशेष सखोल पुनरीक्षण (एसआयआर-२०२६) मोहिमेला वेग आला आहे. या मोहिमेअंतर्गत पात्र मतदारांची नावे मतदार यादीत समाविष्ट करणे आणि अपात्र मतदारांची नावे वगळण्याची प्रक्रिया सुरू करण्यात आली आहे. तहसीलदार तथा मतदार नोंदणी अधिकारी राजेंद्र पाटील यांनी तालुक्यातील सर्व मतदारांना बीएलओ (बूथ लेव्हल अधिकारी) यांना गृहभेटीदरम्यान अचूक माहिती देऊन सहकार्य करण्याचे आवाहन केले आहे. ३० जून ते २९ जुलै या कालावधीत बीएलओ प्रत्येक घराला भेट देऊन गणना प्रपत्र भरून घेणार आहेत, ज्यासाठी गरज पडल्यास तीन वेळा भेट दिली जाईल. नागरिकांनी जन्मतारीख, मोबाईल क्रमांक, मतदार ओळखपत्र क्रमांक आणि आईचे किंवा पती/पत्नीचे नाव यासारखी आवश्यक माहिती व कागदपत्रे तयार ठेवावीत, असे प्रशासनाने स्पष्ट केले आहे. या विशेष पुनरीक्षण मोहिमेनंतर ५ ऑगस्ट २०२६ रोजी प्रारूप मतदार यादी प्रसिद्ध केली जाणार असून, ५ ऑगस्ट ते ४ सप्टेंबर या कालावधीत नमुना ६, ७ व ८ द्वारे दावे व हरकती स्वीकारल्या जातील. प्राप्त दावे व हरकतींवर ५ ऑगस्ट ते ३ ऑक्टोबर दरम्यान सुनावणी घेतली जाईल आणि त्यानंतर ७ ऑक्टोबर २०२६ रोजी अंतिम मतदार यादी प्रसिद्ध केली जाईल. तहसीलदार राजेंद्र पाटील यांनी लोकशाही बळकट करण्यासाठी सर्व पात्र नागरिकांनी मतदार यादीत आपले नाव निश्चित करून या मोहिमेत सक्रिय सहभाग नोंदवावा, असे आवाहन केले आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

10 hrs ago

भारत निवडणूक आयोगाच्या निर्देशानुसार मानोरा तालुक्यात विशेष सखोल पुनरीक्षण (एसआयआर-२०२६) मोहिमेला वेग आला आहे. या मोहिमेअंतर्गत पात्र मतदारांची नावे मतदार यादीत समाविष्ट करणे आणि अपात्र मतदारांची नावे वगळण्याची प्रक्रिया सुरू करण्यात आली आहे. तहसीलदार तथा मतदार नोंदणी अधिकारी राजेंद्र पाटील यांनी तालुक्यातील सर्व मतदारांना बीएलओ (बूथ लेव्हल अधिकारी) यांना गृहभेटीदरम्यान अचूक माहिती देऊन सहकार्य करण्याचे आवाहन केले आहे. ३० जून ते २९ जुलै या कालावधीत बीएलओ प्रत्येक घराला भेट देऊन गणना प्रपत्र भरून घेणार आहेत, ज्यासाठी गरज पडल्यास तीन वेळा भेट दिली जाईल. नागरिकांनी जन्मतारीख, मोबाईल क्रमांक, मतदार ओळखपत्र क्रमांक आणि आईचे किंवा पती/पत्नीचे नाव यासारखी आवश्यक माहिती व कागदपत्रे तयार ठेवावीत, असे प्रशासनाने स्पष्ट केले आहे. या विशेष पुनरीक्षण मोहिमेनंतर ५ ऑगस्ट २०२६ रोजी प्रारूप मतदार यादी प्रसिद्ध केली जाणार असून, ५ ऑगस्ट ते ४ सप्टेंबर या कालावधीत नमुना ६, ७ व ८ द्वारे दावे व हरकती स्वीकारल्या जातील. प्राप्त दावे व हरकतींवर ५ ऑगस्ट ते ३ ऑक्टोबर दरम्यान सुनावणी घेतली जाईल आणि त्यानंतर ७ ऑक्टोबर २०२६ रोजी अंतिम मतदार यादी प्रसिद्ध केली जाईल. तहसीलदार राजेंद्र पाटील यांनी लोकशाही बळकट करण्यासाठी सर्व पात्र नागरिकांनी मतदार यादीत आपले नाव निश्चित करून या मोहिमेत सक्रिय सहभाग नोंदवावा, असे आवाहन केले आहे.