तळेगावरोही येथे वर्षावास निमित्त वृक्षारोपण व भोजनदानाचा कार्यक्रम; बुद्ध विहार परिसरात ५० हून अधिक विविध प्रकारच्या वृक्षांची लागवड; वृक्षांचे संवर्धन हीच खरी धम्मसेवा- भन्ते चंद्र बोधी यांचे प्रतिपादन चांदवड तालुक्यातील तळेगावरोही येथील बुद्ध विहार स्मारक समिती गट नं १०२० च्या राखीव जागेत वर्षावासाच्या पवित्र पर्वानिमित्त वृक्षारोपण व भोजनदानाचा कार्यक्रम मोठ्या उत्साहात व शांततामय वातावरणात पार पडला. या कार्यक्रमासाठी बुद्ध धम्माचे पूज्य भन्ते दिपणकर थेरो, भन्ते उपालीबोधी, भन्ते सारीपुत्त यांच्यासह प्रमुख अतिथी म्हणून समता सैनिक दलाचे आत्माराम वानखेडे, भास्कर संसारे, सुखराम वानखेडे, दीपक अहिरे, भारतीय बौद्ध महासभेचे कार्याध्यक्ष अमोल पगारे उपस्थित होते. या सर्व मान्यवरांच्या हस्ते व भिक्खू संघाच्या उपस्थितीत बुद्ध विहार परिसरात पिंपळ, वड, चिंच, आंबा आदी ५० हून अधिक विविध प्रकारच्या वृक्षांची लागवड करण्यात आली. यावेळी भन्ते चंद्र बोधी यांनी बुद्धांच्या करुणा, मैत्री व अहिंसेचा संदेश देत ‘वृक्ष हे पृथ्वीचे अलंकार असून त्यांचे संवर्धन करणे हीच खरी धम्मसेवा आहे’, असे प्रतिपादन केले. वर्षावास काळात पर्यावरणाचे रक्षण करणे हे प्रत्येक उपासकाचे कर्तव्य आहे, असेही आवाहन त्यांनी केले. कार्यक्रमास बुद्ध विहार समितीचे संचालक सुखदेव केदारे, अंबादास केदारे, अ‍ॅड. राहुल गायकवाड, रवींद्र केदारे, शशिकांत केदारे, गावचे पोलीस पाटील अविनाश अहिरे यांच्यासह बौद्ध उपासक, महिला मंडळ, व गावातील सामाजिक कार्यकर्ते उपस्थित होते. वृक्षारोपणानंतर सर्व उपस्थितांसाठी भोजनदानाचे आयोजन करण्यात आले होते. विशेष म्हणजे गेल्या काही दिवसांपासून सदर जागेवर अतिक्रमण करणार्‍यांकडून समितीच्या पदाधिकार्‍यांना धमक्या येत असतानाही, समस्त ग्रामस्थांनी एकजूट दाखवत पोलीस प्रशासनाच्या सहकार्याने हा कार्यक्रम यशस्वी करून दाखवल्याचे समितीचे अंबादास केदारे यांनी सांगीतले. शांततेचा संदेश देत पर्यावरण संवर्धनाचा आदर्श या निमित्ताने घालून देण्यात आला. कार्यक्रम यशस्वीतेसाठी बुद्ध विहार स्मारक समिती, तळेगावरोहीच्या सर्व पदाधिकार्‍यांनी परिश्रम घेतले.

Mahendra kantubhai Gujrathi

Local News Reporter चांदवड, नाशिक, महाराष्ट्र•

11 hrs ago

तळेगावरोही येथे वर्षावास निमित्त वृक्षारोपण व भोजनदानाचा कार्यक्रम; बुद्ध विहार परिसरात ५० हून अधिक विविध प्रकारच्या वृक्षांची लागवड; वृक्षांचे संवर्धन हीच खरी धम्मसेवा- भन्ते चंद्र बोधी यांचे प्रतिपादन चांदवड तालुक्यातील तळेगावरोही येथील बुद्ध विहार स्मारक समिती गट नं १०२० च्या राखीव जागेत वर्षावासाच्या पवित्र पर्वानिमित्त वृक्षारोपण व भोजनदानाचा कार्यक्रम मोठ्या उत्साहात व शांततामय वातावरणात पार पडला. या कार्यक्रमासाठी बुद्ध धम्माचे पूज्य भन्ते दिपणकर थेरो, भन्ते उपालीबोधी, भन्ते सारीपुत्त यांच्यासह प्रमुख अतिथी म्हणून समता सैनिक दलाचे आत्माराम वानखेडे, भास्कर संसारे, सुखराम वानखेडे, दीपक अहिरे, भारतीय बौद्ध महासभेचे कार्याध्यक्ष अमोल पगारे उपस्थित होते. या सर्व मान्यवरांच्या हस्ते व भिक्खू संघाच्या उपस्थितीत बुद्ध विहार परिसरात पिंपळ, वड, चिंच, आंबा आदी ५० हून अधिक विविध प्रकारच्या वृक्षांची लागवड करण्यात आली. यावेळी भन्ते चंद्र बोधी यांनी बुद्धांच्या करुणा, मैत्री व अहिंसेचा

संदेश देत ‘वृक्ष हे पृथ्वीचे अलंकार असून त्यांचे संवर्धन करणे हीच खरी धम्मसेवा आहे’, असे प्रतिपादन केले. वर्षावास काळात पर्यावरणाचे रक्षण करणे हे प्रत्येक उपासकाचे कर्तव्य आहे, असेही आवाहन त्यांनी केले. कार्यक्रमास बुद्ध विहार समितीचे संचालक सुखदेव केदारे, अंबादास केदारे, अ‍ॅड. राहुल गायकवाड, रवींद्र केदारे, शशिकांत केदारे, गावचे पोलीस पाटील अविनाश अहिरे यांच्यासह बौद्ध उपासक, महिला मंडळ, व गावातील सामाजिक कार्यकर्ते उपस्थित होते. वृक्षारोपणानंतर सर्व उपस्थितांसाठी भोजनदानाचे आयोजन करण्यात आले होते. विशेष म्हणजे गेल्या काही दिवसांपासून सदर जागेवर अतिक्रमण करणार्‍यांकडून समितीच्या पदाधिकार्‍यांना धमक्या येत असतानाही, समस्त ग्रामस्थांनी एकजूट दाखवत पोलीस प्रशासनाच्या सहकार्याने हा कार्यक्रम यशस्वी करून दाखवल्याचे समितीचे अंबादास केदारे यांनी सांगीतले. शांततेचा संदेश देत पर्यावरण संवर्धनाचा आदर्श या निमित्ताने घालून देण्यात आला. कार्यक्रम यशस्वीतेसाठी बुद्ध विहार स्मारक समिती, तळेगावरोहीच्या सर्व पदाधिकार्‍यांनी परिश्रम घेतले.