విలీనం చేయకుంటే ఈనెల 22 నుండి సమ్మె చేస్తాం... నర్సంపేట RTC డిపో జేఏసీ.... వరంగల్ జిల్లా, ఏప్రిల్ 17, నర్సంపేట: ఎన్నికల మేనిఫెస్టోలో ఇచ్చిన హామీ ప్రకారం కాంగ్రెస్ ప్రభుత్వం వెంటనే ఆర్టీసీని ప్రభుత్వంలో విలీనం చేయకుంటే ఈనెల 22 నుండి యధావిధిగా సమ్మె జరుగుతుందని ఆర్టీసీ నర్సంపేట డిపో జాయింట్ యాక్షన్ కమిటీ (జేఏసీ) ప్రకటించింది. సమ్మె సన్నాహక కార్యక్రమంలో భాగంగా ఆర్టీసీ వరంగల్ రీజియన్ జేఏసీ నాయకులు పాల్గొనగా శుక్రవారం జేఏసీ బ్యానర్ చేతబూని డిపో ప్రధాన ద్వారం వద్ద " ఆర్టీసీని ప్రభుత్వంలో విలీనం చేయాలి ", 2021, 2025 రెండు పీఆర్సీలను వెంటనే ప్రకటించాలి, సిద్ధం సిద్ధం... సమ్మెకు సిద్ధం" అని కార్మికులు పెద్ద ఎత్తున నినాదాలు చేశారు. ఈ సందర్భంగా నర్సంపేట డిపో జేఏసీ ముఖ్య నాయకుడు గొలనకొండ వేణు మాట్లాడుతూ... అసెంబ్లీ ఎన్నికల మేనిఫెస్టోలో పెట్టిన హామీలనే అమలు చేయాలని ప్రభుత్వాన్ని అడుగుతున్నామని ఆయన అన్నారు. గొంతెమ్మ కోరికలు కోరడం లేదని, 90 శాతం పూర్తయిన ఆర్టీసీ ప్రభుత్వ విలీనాన్ని రేవంత్ రెడ్డి ప్రభుత్వం అపాయింటెడ్ డేట్ ఎందుకు ప్రకటించడం లేదోనని ఆయన ప్రశ్నించారు. 28 నెలలు దాటినా కూడా ఆర్టీసీ కార్మికుల సమస్యలు ఎందుకు పరిష్కరించడం లేదని వేణు అన్నారు. కాంగ్రెస్ ఎజెండాలో లేని ఎన్నో సంక్షేమ పథకాలను అమలు చేస్తున్న సీఎం రేవంత్ రెడ్డి కార్మిక సమస్యలను ఎందుకు పరిష్కరించడం లేదని వేణు ప్రశ్నించారు. సమ్మె చేయాలనే ఉద్దేశం కార్మికులకు లేదని, సమ్మె నివారించవలసిన బాధ్యత ప్రభుత్వమే తీసుకోవాలని ఆయన అన్నారు. శ్రీకాంత్, పాలన్, రవి మాట్లాడుతూ... ఎన్ని కష్టాలు ఎదురైనా, చిన్న చిన్న తప్పులకు ఉద్యోగాలు పోతున్నా మహాలక్ష్మి పథకాన్ని విజయవంతంగా అమలు చేస్తున్న ఘనత ఆర్టీసీ కార్మికులకే చెందుతుందని వారన్నారు. పెండింగ్ లోనున్న రెండు పీఆర్సీలను కూడా అమలు చేసి కార్మిక కుటుంబాలకు న్యాయం చేయాలని వారు కోరారు. ఈ కార్యక్రమంలో వరంగల్ రీజియన్ శ్రీనివాస్, ఓరుగంటి కొమ్మాలు, శంకరయ్య, ఏడీసీలు రఘువీర్, ఆకుల స్వామి, మంచిక మల్లికార్జున్, బొడిగె రాజు, బత్తుల శ్రీనివాస్, వేమునూరి గణేష్, బూర ప్రవీణ్ కుమార్, మంద రాజు, శ్రీలత, రాజేశ్వరి, సాంబయ్య, చారీ పెద్ద ఎత్తున పాల్గొన్నారు.

Venkatgoud kallepu

Press advisory రైపర్తి, వరంగల్, తెలంగాణ•

21 hrs ago

విలీనం చేయకుంటే ఈనెల 22 నుండి సమ్మె చేస్తాం... నర్సంపేట RTC డిపో జేఏసీ.... వరంగల్ జిల్లా, ఏప్రిల్ 17, నర్సంపేట: ఎన్నికల మేనిఫెస్టోలో ఇచ్చిన హామీ ప్రకారం కాంగ్రెస్ ప్రభుత్వం వెంటనే ఆర్టీసీని ప్రభుత్వంలో విలీనం చేయకుంటే ఈనెల 22 నుండి యధావిధిగా సమ్మె జరుగుతుందని ఆర్టీసీ నర్సంపేట డిపో జాయింట్ యాక్షన్ కమిటీ (జేఏసీ) ప్రకటించింది. సమ్మె సన్నాహక కార్యక్రమంలో భాగంగా ఆర్టీసీ వరంగల్ రీజియన్ జేఏసీ నాయకులు పాల్గొనగా శుక్రవారం జేఏసీ బ్యానర్ చేతబూని డిపో ప్రధాన ద్వారం వద్ద " ఆర్టీసీని ప్రభుత్వంలో విలీనం చేయాలి ", 2021, 2025 రెండు పీఆర్సీలను వెంటనే ప్రకటించాలి, సిద్ధం సిద్ధం... సమ్మెకు సిద్ధం" అని కార్మికులు పెద్ద ఎత్తున నినాదాలు చేశారు. ఈ సందర్భంగా నర్సంపేట డిపో జేఏసీ ముఖ్య నాయకుడు గొలనకొండ వేణు మాట్లాడుతూ... అసెంబ్లీ ఎన్నికల మేనిఫెస్టోలో పెట్టిన హామీలనే అమలు చేయాలని ప్రభుత్వాన్ని అడుగుతున్నామని ఆయన అన్నారు. గొంతెమ్మ కోరికలు కోరడం లేదని, 90 శాతం పూర్తయిన ఆర్టీసీ ప్రభుత్వ విలీనాన్ని రేవంత్ రెడ్డి ప్రభుత్వం అపాయింటెడ్ డేట్ ఎందుకు ప్రకటించడం లేదోనని ఆయన ప్రశ్నించారు. 28 నెలలు దాటినా కూడా ఆర్టీసీ కార్మికుల సమస్యలు ఎందుకు పరిష్కరించడం లేదని వేణు అన్నారు. కాంగ్రెస్ ఎజెండాలో లేని ఎన్నో సంక్షేమ పథకాలను అమలు చేస్తున్న సీఎం రేవంత్ రెడ్డి కార్మిక సమస్యలను ఎందుకు పరిష్కరించడం లేదని వేణు ప్రశ్నించారు. సమ్మె చేయాలనే ఉద్దేశం కార్మికులకు లేదని, సమ్మె నివారించవలసిన బాధ్యత ప్రభుత్వమే తీసుకోవాలని ఆయన అన్నారు. శ్రీకాంత్, పాలన్, రవి మాట్లాడుతూ... ఎన్ని కష్టాలు ఎదురైనా, చిన్న చిన్న తప్పులకు ఉద్యోగాలు పోతున్నా మహాలక్ష్మి పథకాన్ని విజయవంతంగా అమలు చేస్తున్న ఘనత ఆర్టీసీ కార్మికులకే చెందుతుందని వారన్నారు. పెండింగ్ లోనున్న రెండు పీఆర్సీలను కూడా అమలు చేసి కార్మిక కుటుంబాలకు న్యాయం చేయాలని వారు కోరారు. ఈ కార్యక్రమంలో వరంగల్ రీజియన్ శ్రీనివాస్, ఓరుగంటి కొమ్మాలు, శంకరయ్య, ఏడీసీలు రఘువీర్, ఆకుల స్వామి, మంచిక మల్లికార్జున్, బొడిగె రాజు, బత్తుల శ్రీనివాస్, వేమునూరి గణేష్, బూర ప్రవీణ్ కుమార్, మంద రాజు, శ్రీలత, రాజేశ్వరి, సాంబయ్య, చారీ పెద్ద ఎత్తున పాల్గొన్నారు.