कोल्हापूर जिल्ह्यात संजय गांधी पेन्शन योजनेचे ६९ हजार ८८३ आणि श्रावणबाळ योजनेचे १ लाख २४ हजार ४७३ लाभार्थी असून, करवीर तालुक्यातही त्यांची संख्या मोठी आहे. या ज्येष्ठ वयोवृद्ध लाभार्थ्यांना गेल्या २ ते ३ महिन्यांपासून पेन्शन मिळालेली नाही, त्यामुळे त्यांना औषधांच्या खर्चासाठी पैशांची चणचण भासत असून, कडक उन्हाळ्यातही त्यांना बँकेत हेलपाटे मारावे लागत आहेत. करवीर तालुका शिवसेना (उद्धव बाळासाहेब ठाकरे) पक्षाने शासनाकडे मागणी केली आहे की, पूर्वी पेन्शन मंजूर झालेल्या या वयोवृद्धांना दर महिन्याला पेन्शन देण्याची व्यवस्था करावी. याशिवाय, सध्या ज्येष्ठ नागरिक हयातीचा दाखला मिळवण्यासाठी महा ई सेवा केंद्रांमध्ये गर्दी करत असून, त्यांना ५० ते १०० रुपये खर्च येत आहे. ही गैरसोय थांबवण्यासाठी, शासनाने गावकामगार तलाठ्यांना त्यांच्याकडील यादीनुसार घरोघरी जाऊन ज्येष्ठ नागरिक हयात आहेत की नाही याची पडताळणी करून तहसील कार्यालयात अहवाल पाठवण्याचे आदेश द्यावेत, जेणेकरून त्यांचे हेलपाटे आणि पैसे वाचतील. डिसेंबर २०२४ मध्ये डी.बी.टी. (थेट बँक खात्यात) नियम लागू केल्याने संजय गांधी, श्रावणबाळ, अपंग, आणि विधवा महिला लाभार्थ्यांची बँक खाती लिंक होण्यास ७ ते ८ महिने लागल्याने त्यांची ७ ते ८ महिन्यांची पेन्शन शासनाकडे थकीत आहे. ही थकीत रक्कमही लाभार्थ्यांना मिळवून देण्यासाठी पाठपुरावा करावा, अशी शिवसेनेची मागणी आहे, जेणेकरून त्यांना त्यांच्या हक्काच्या पेन्शनपासून वंचित राहावे लागू नये. या मागणीचे निवेदन करवीर तालुका शिवसेनेच्या वतीने माननीय तहसीलदार स्वप्निल पवार, करवीर यांना देण्यात आले. यावेळी बोलताना जिल्हाप्रमुख रविकिरण इंगवले यांनी म्हटले की, शासनाकडे पैसे नसतील तर त्यांनी तसे जाहीर करावे, परंतु गोरगरिबांच्या औषधपाण्यासाठी लागणारे शासकीय योजनेतील पैसे अडवू नयेत. करवीर तालुकाप्रमुख राजू यादव यांनी प्रत्येक महिन्याला पेन्शन मिळालीच पाहिजे यावर जोर दिला आणि हयातीचे दाखल्यांसाठी वयोवृद्धांना उन्हात फिरवण्याऐवजी तलाठ्यांनी सर्वेक्षण करून यादी तयार करावी, त्यालाच हयातीचा दाखला मानले जावे अशी मागणी केली. अधिकाऱ्यांनी सांगितले की, दोन्ही स्तरांवर माझ्या येथे निर्णय होईल आणि मागील आठ महिन्यांची थकीत यादी देखील शासनाकडे पाठवली आहे, असे संजय गांधी निराधार योजनेच्या अधिकाऱ्यांनी सांगितले असल्याचे तहसीलदार स्वप्निल पवार यांनी नमूद केले. यावेळी जिल्हाप्रमुख रविकिरण इंगवले, करवीर तालुकाप्रमुख राजू यादव, उपजिल्हाप्रमुख पोपट दांगट, कामगार सेना जिल्हाप्रमुख राजू सांगावकर, उपतालुकाप्रमुख राहुल गिरुले, सुनील पारपाणी, दीपक अंकल, कैलास जाधव, बाबुराव पाटील, रामराव पाटील, गणेश चावरे यांच्यासह अनेक शिवसैनिक आणि पदाधिकारी उपस्थित होते.

Raviraj kamble

करवीर, कोल्हापूर, महाराष्ट्र•

7 hrs ago

कोल्हापूर जिल्ह्यात संजय गांधी पेन्शन योजनेचे ६९ हजार ८८३ आणि श्रावणबाळ योजनेचे १ लाख २४ हजार ४७३ लाभार्थी असून, करवीर तालुक्यातही त्यांची संख्या मोठी आहे. या ज्येष्ठ वयोवृद्ध लाभार्थ्यांना गेल्या २ ते ३ महिन्यांपासून पेन्शन मिळालेली नाही, त्यामुळे त्यांना औषधांच्या खर्चासाठी पैशांची चणचण भासत असून, कडक उन्हाळ्यातही त्यांना बँकेत हेलपाटे मारावे लागत आहेत. करवीर तालुका शिवसेना (उद्धव बाळासाहेब ठाकरे) पक्षाने शासनाकडे मागणी केली आहे की, पूर्वी पेन्शन मंजूर झालेल्या या वयोवृद्धांना दर महिन्याला पेन्शन देण्याची व्यवस्था करावी. याशिवाय, सध्या ज्येष्ठ नागरिक हयातीचा दाखला मिळवण्यासाठी महा ई सेवा केंद्रांमध्ये गर्दी करत असून, त्यांना ५० ते १०० रुपये खर्च येत आहे. ही गैरसोय थांबवण्यासाठी, शासनाने गावकामगार तलाठ्यांना त्यांच्याकडील यादीनुसार घरोघरी जाऊन ज्येष्ठ नागरिक

हयात आहेत की नाही याची पडताळणी करून तहसील कार्यालयात अहवाल पाठवण्याचे आदेश द्यावेत, जेणेकरून त्यांचे हेलपाटे आणि पैसे वाचतील. डिसेंबर २०२४ मध्ये डी.बी.टी. (थेट बँक खात्यात) नियम लागू केल्याने संजय गांधी, श्रावणबाळ, अपंग, आणि विधवा महिला लाभार्थ्यांची बँक खाती लिंक होण्यास ७ ते ८ महिने लागल्याने त्यांची ७ ते ८ महिन्यांची पेन्शन शासनाकडे थकीत आहे. ही थकीत रक्कमही लाभार्थ्यांना मिळवून देण्यासाठी पाठपुरावा करावा, अशी शिवसेनेची मागणी आहे, जेणेकरून त्यांना त्यांच्या हक्काच्या पेन्शनपासून वंचित राहावे लागू नये. या मागणीचे निवेदन करवीर तालुका शिवसेनेच्या वतीने माननीय तहसीलदार स्वप्निल पवार, करवीर यांना देण्यात आले. यावेळी बोलताना जिल्हाप्रमुख रविकिरण इंगवले यांनी म्हटले की, शासनाकडे पैसे नसतील तर त्यांनी तसे जाहीर करावे, परंतु गोरगरिबांच्या औषधपाण्यासाठी लागणारे

शासकीय योजनेतील पैसे अडवू नयेत. करवीर तालुकाप्रमुख राजू यादव यांनी प्रत्येक महिन्याला पेन्शन मिळालीच पाहिजे यावर जोर दिला आणि हयातीचे दाखल्यांसाठी वयोवृद्धांना उन्हात फिरवण्याऐवजी तलाठ्यांनी सर्वेक्षण करून यादी तयार करावी, त्यालाच हयातीचा दाखला मानले जावे अशी मागणी केली. अधिकाऱ्यांनी सांगितले की, दोन्ही स्तरांवर माझ्या येथे निर्णय होईल आणि मागील आठ महिन्यांची थकीत यादी देखील शासनाकडे पाठवली आहे, असे संजय गांधी निराधार योजनेच्या अधिकाऱ्यांनी सांगितले असल्याचे तहसीलदार स्वप्निल पवार यांनी नमूद केले. यावेळी जिल्हाप्रमुख रविकिरण इंगवले, करवीर तालुकाप्रमुख राजू यादव, उपजिल्हाप्रमुख पोपट दांगट, कामगार सेना जिल्हाप्रमुख राजू सांगावकर, उपतालुकाप्रमुख राहुल गिरुले, सुनील पारपाणी, दीपक अंकल, कैलास जाधव, बाबुराव पाटील, रामराव पाटील, गणेश चावरे यांच्यासह अनेक शिवसैनिक आणि पदाधिकारी उपस्थित होते.