મોરબી હળવદ હાઈવે પર બોલેરો ચાલકે અચાનક વાહન વાળતા બાઇક સાથે અકસ્માત ચાલકનું મોત મોરબી હળવદ હાઈવે પર બોલેરો ચાલકે અચાનક વાહન વાળતા બાઇક સાથે અકસ્માત ચાલકનું મોત

Post by Ramesh thakor Halvad Morbi

ધ્રાંગધ્રા તાલુકા પોલીસ મથક નજીક જપ્ત કરાયેલા કેમિકલ ભરેલા ટેન્કરમાં અચાનક ભીષણ આગ લાગતા વિસ્તારમાં અફરાતફરી મચી ગઈ હતી. કાળા ધુમાડા અને આગની જ્વાળાઓ દૂર સુધી દેખાતા લોકોમાં ભયનો માહોલ સર્જાયો હતો. ઘટનાની જાણ થતાં જ પોલીસ તંત્ર તાત્કાલિક એક્શનમાં આવ્યું અને DySP જે.ડી. પુરોહિત તથા PI ચુડાસમા સહિતનો કાફલો સ્થળે પહોંચી ગયો. સુરક્ષાના ભાગરૂપે વિસ્તાર ખાલી કરાવવામાં આવ્યો અને રસ્તાઓ બંધ કરવામાં આવ્યા. ફાયર બ્રિગેડે ભારે મહેનત બાદ આગ પર કાબૂ મેળવ્યો. સદનસીબે કોઈ જાનહાનિ નથી, પરંતુ મોટી દુર્ઘટના ટળી ગઈ છે. હાલ પોલીસે આગના કારણોની તપાસ શરૂ કરી છે. 📍 ધ્રાંગધ્રા | ગુજરાત 👉 વધુ અપડેટ માટે Follow કરો

*181 અભયમ મહિલા હેલ્પલાઇનની ટીમે ફરી એકવાર માનવતા અને કર્તવ્યનું એક ઉત્તમ ઉદાહરણ પૂરું પાડ્યું છે* 181 અભયમ મહિલા હેલ્પલાઇનમાં તાજેતરમાં જ એક ઘટના ધ્યાન પર આવેલ હતી જેમાં બોટાદ જિલ્લાના ગઢડા તાલુકાના એક ગામમાંથી એક પીડિત મહિલાએ 181 અભયમ મહિલા હેલ્પલાઇન અને 112 જનરક્ષક ટીમને ફોન કરીને જણાવેલ કે તેણીનો પતિ ત્રણ માસના બાળકને હાથમાંથી બળજબરી પૂર્વક ખેંચીને ગામમાં ભાગે છે, મદદની જરૂર છે. આ પ્રકારની માહિતી મળતા જ 181 ટીમના કાઉન્સેલર પટેલ ખુશ્બુબેન મહિલા પોલીસ કોન્સ્ટેબલ બારૈયા ભાવનાબેન તેમજ પાયલોટ સોલંકી હિતેશભાઈ ઘટના સ્થળ પર 112 જનરક્ષક ટીમ સાથે મહિલાની મદદ માટે પહોંચેલ હતા, મહિલાના પતિ જે દિશા તરફ ગયા હતા તેની વિગતો ગ્રામજનો પાસેથી મેળવીને તે દિશા તરફ આગળ વધી મહિલાના પતિ સુધી પહોચવામાં સફળતા મેળવેલ હતી. ત્રણ માસનું બાળકના આરોગ્યને ધ્યાનમાં રાખી પતિ પાસેથી બાળક છોડાવી હેમખેમ તેની માતાના ખોળામાં સોંપ્યું હતું. 181 અભયમ ટીમે મહિલાનું કાઉન્સેલિંગ કરતા ફરિયાદની વિગતોમાં જણાવેલ કે તેમને લગ્નને 15 વર્ષ જેટલો સમયગાળો થયેલ છે, સંતાનમાં ત્રણ બાળકો છે તેના પતિ સાત વર્ષથી અવાર-નવાર ચારિત્ર્ય પર કુશંકા કરી, ઘરમાં સી.સી.ટી.વી કેમેરા લગાવેલ હતા જેથી પત્નીની રોજ-બરોજની દિનચર્યાની માહિતી મળે ઉપરાંત સતત ધ્યાન નજર સમક્ષ રાખીને નાની નાની બાબતોમાં ટોકીને માનસિક પજવણી કરતા હતા. મહિલા પર શંકાનું પ્રમાણ એટલું વધી ગયું કે પડોશીઓ સાથે પણ કોઈપણ પ્રકારના વ્યવહારની મનાઈ ફરમાવવામાં આવેલ હતી. મહિલાના આત્મસન્માનને હાની પહોચતા અને પતિના આ વર્તનથી ખૂબ જ ત્રસ્ત થઈને તેના પિયરમાં જવાનો નિર્ણય લીધેલ હતો અને આ વાતની જાણ પતિને થતા બાળકને કાળઝાળ ગરમીમાં લઈને ગામમાં દોડધામ કરવા લાગેલ હતા.181 ટીમ અને 112 ટીમે મહિલાના પતિને સમજાવેલ ખોટી શંકાના કારણે તેમના લગ્નજીવનમાં આવતી સમસ્યાઓ અને બાળકના ભવિષ્ય અંગેની બાબતો વિષે સમજ કરેલ પિયર પક્ષ અને સાસરી પક્ષને સાથે રાખીને જીણવટપૂર્વક સમસ્યા અંગેની ચર્ચા કરી ભવિષ્યમાં ફરિવાર ઝઘડા ન થાય તે માટે ગઢડા PBSC સેન્ટર ખાતે લાંબા ગાળાના કાઉન્સેલિંગ માટે માર્ગદર્શન આપવામાં આવેલ અને સમગ્ર કેસ PBSC ગઢડા ખાતે મોકલી આપેલ હતો. આ ઘટનામાં PBSC ના કાઉન્સેલર બધેકા ક્રિષ્નાબેન એ આગળની કાઉન્સીલિંગની કાર્યવાહી હાથ ધરેલ હતી. રિપોર્ટર ચિંતન વાગડીયા મો:૮૦૦૦૮૩૪૮૮૮

આદરણીય પ્રધાનમંત્રી શ્રી નરેન્દ્ર મોદી સાહેબના માર્ગદર્શન અને મુખ્યમંત્રી શ્રી ભૂપેન્દ્ર ભાઈ પટેલ જીના નેતૃત્વમાં ગુજરાતની ડબલ એન્જિન સરકાર વિકાસના નવા આયામો સર કરી રહી છે. છેવાડાના નાગરિક સુધી સુવિધાઓ પહોંચાડી, આવો આપણે સૌ સાથે મળીને 'વિકસિત ભારત'ના નિર્માણમાં સહભાગી બનીએ.

*ધંધુકા- ધોલેરા પંચાયત ચૂંટણીનું આવતીકાલે મતદાન. ચૂંટણી અધિકારી (RO) વિધાસાગરે માહિતી આપતા જણાવ્યું કે, જિલ્લા પંચાયતની કુલ 4 બેઠકો અને તાલુકા પંચાયતની 31 બેઠકો માટે મતદાન થશે. સંવેદનશીલ બૂથ સહિત તમામ સ્થળોએ ચુસ્ત પોલીસ બંદોબસ્ત ગોઠવવામાં આવ્યો છે. આ ચૂંટણી પ્રક્રિયા માટે કુલ 788 પોલિંગ સ્ટાફની નિમણૂક કરવામાં આવી છે. ઉપરાંત, ચૂંટણી શાંતિપૂર્ણ અને પારદર્શક રીતે સંપન્ન થાય તે સુનિશ્ચિત કરવા 16 ઝોનલ અધિકારીઓ પણ તૈનાત કરાયા છે. ચૂંટણી તંત્ર દ્વારા મતદાન પ્રક્રિયા સુચારુ રીતે પાર પડે તે માટે તમામ જરૂરી પગલાં લેવામાં આવ્યા છે. અધિકારીઓએ જણાવ્યું કે, શાંતિપૂર્ણ મતદાન માટેની સંપૂર્ણ વ્યવસ્થા ગોઠવી દેવામાં આવ્યુ છે.

માંડલ તાલુકા અને જિલ્લા પંચાયતની બેઠકો માટે આવતીકાલે મતદાન યોજાનાર છે. તાલુકા પંચાયતની કુલ 16 બેઠકો તેમજ જિલ્લા પંચાયતની 2 બેઠકો માટે મતદારો પોતાના મતાધિકારનો ઉપયોગ કરશે. આજે માંડલની મહાત્મા હાઈસ્કૂલ ખાતે ઈવીએમ મશીનોનું વિતરણ કરવામાં આવ્યું હતું, જ્યાંથી મતદાન મથકો પર મશીનો રવાના કરવામાં આવ્યા. આ ચૂંટણીમાં કુલ 53 ઉમેદવારો મેદાનમાં ઉતર્યા છે, જેઓનું રાજકીય ભવિષ્ય હવે EVM મશીનમાં સીલ થવાનું છે. મતદાન પ્રક્રિયા માટે તાલુકા વિસ્તારમાં કુલ 77 મતદાન મથકો (બુથ) તૈયાર કરવામાં આવ્યા છે. ચૂંટણીને શાંતિપૂર્ણ અને પારદર્શક બનાવવા માટે પ્રશાસન દ્વારા વિશેષ તૈયારીઓ કરવામાં આવી છે. 400 થી વધુ કર્મચારીઓ મતદાન કામગીરી માટે તૈનાત કરવામાં આવ્યા છે. સાથે જ કાયદો અને વ્યવસ્થા જાળવવા માટે પૂરતો પોલીસ બંદોબસ્ત પણ ગોઠવવામાં આવ્યો છે. પ્રશાસન દ્વારા મતદારોને નિર્ભય અને ઉત્સાહપૂર્વક મતદાન કરવા અપીલ કરવામાં આવી છે, જેથી લોકશાહીનો આ મહાપર્વ સફળ બને. સાથે જ શાંતિપૂર્ણ માહોલમાં મતદાન પૂર્ણ થાય તે માટે પણ ખાસ અપીલ કરવામાં આવી છે. ✍️ રિપોર્ટર: જગદીશ રાવળ

મોરબી હળવદ હાઈવે પર બોલેરો ચાલકે અચાનક વાહન વાળતા બાઇક સાથે અકસ્માત ચાલકનું મોત

સ્થાનિક સ્વરાજ્ય ચૂંટણી 2026ને લઈને સુરેન્દ્રનગર જિલ્લામાં પોલીસ તંત્ર સંપૂર્ણ એક્શન મોડમાં છે। શહેરના સીટી “એ” ડિવિઝન પોલીસ સ્ટેશન ખાતે રોલ કોલ યોજાઈ અધિકારીઓને બંદોબસ્ત માટે નોકરી વહેંચવામાં આવી હતી। ટાવર ચોક, ઘાંચીવાડ, ટાંકી ચોક, પોપટપરા અને મહેતા માર્કેટ સહિતના સંવેદનશીલ વિસ્તારોમાં પોલીસ દ્વારા ફૂટ પેટ્રોલિંગ કરવામાં આવ્યું હતું। સાથે સાથે વાહન ચેકિંગ દરમિયાન શંકાસ્પદ વાહનોને ડીટેઇન કરી નિયમ ભંગ કરનારાઓ સામે કાર્યવાહી કરવામાં આવી હતી। પોલીસ દ્વારા સ્પષ્ટ સંદેશ આપવામાં આવ્યો છે કે ચૂંટણી દરમિયાન કાયદો અને વ્યવસ્થામાં ખલેલ પહોંચાડનારાઓ સામે કડક કાર્યવાહી કરવામાં આવશે। 📍 સુરેન્દ્રનગર 25 એપ્રિલ 2026 🎥 બ્યુરો રિપોર્ટ: દિનેશ ગાંભવા સાથે ઋતુલ કુમાર ધામેચા

૫૮૦ પોલિંગ સ્ટાફ અને ૧૬૩ પોલીસ સ્ટાફ સુચારુ ચૂંટણી વ્યવસ્થા કામગીરી અર્થે તૈનાત હીટવેવની સ્થિતિને ધ્યાને લઈએ તંત્ર દ્વારા મતદારો માટે મતદાન મથકોમાં મેડિકલ સહિતની સુવિધાઓ ઉપલબ્ધ કરાશે બોટાદના પ્રાંત અધિકારીશ્રી આરતી ગોસ્વામીએ આજ રોજ બોટાદ નગરપાલિકા સામાન્ય ચૂંટણી સંદર્ભે જણાવ્યું હતું કે, તા.૨૬ /૦૪ /૨૦૨૬ના રોજ બોટાદ નગરપાલિકાની ચૂંટણી માટેનું મતદાન કાર્યક્રમ યોજાશે અને તા.૨૮/૦૪/૨૦૨૬ ના રોજ તેની મતગણતરીની કામગીરી કરવામાં આવશે. જે અન્વયે બોટાદ નગરપાલિકા ચૂંટણી-૨૦૨૬ માં કુલ ૯૬ મતદાન મથક પરથી મતદાન થશે. જે પૈકી ૧૫ જેટલાં સંવેદનશીલ મતદાન મથકો છે આ ઉપરાંત પ્રાંત અધિકારીએ જણાવ્યું હતું કે આ ચૂંટણીમાં કુલ ૫૦,૧૮૪ પુરુષ મતદારો, ૪૫,૬૭૧ મહિલા મતદારો અને અન્ય કુલ ૫ મતદારો સહિત કુલ ૯૫,૮૬૦ મતદારો પોતાના મતાધિકારનો ઉપયોગ કરશે. બોટાદ નગરપાલિકા સામાન્ય ચૂંટણી અંતર્ગત કુલ ૧૧ ઝોનલ રૂટ બનાવવામાં આવ્યા છે. ચૂંટણીમાં કુલ ૫૮૦ પોલિંગ સ્ટાફ , પોલીંગ સ્ટેશન, ડિસ્પેચિંગ સેન્ટર, મતગણતરી કેન્દ્ર, ટ્રાફિક વ્યવસ્થાપન સહિતની વ્યવસ્થાઓને સુનિશ્ચિત કરવામાં આવી છે ઉપરાંત ૧૬૩ પોલીસ સ્ટાફની પણ વ્યવસ્થા કરવામાં આવી છે ઉલ્લેખનીય છે કે, ઉનાળાની ઋતુમાં હીટવેવની સ્થિતિને ધ્યાને લઈએ બોટાદ આરોગ્ય વિભાગ દ્વારા પોલીંગ સ્ટાફને મેડિકલ કીટ વિતરિત કરવામાં આવી છે અને ડિસ્પેચિંગ સ્થળ પર મેડિકલ ટીમની વ્યવસ્થા ઉભી કરવામાં આવી છે. આ ઉપરાંત, તંત્ર દ્વારા મતદાન મથકો પર પીવાના પાણીની વ્યવસ્થા, છાંયડા માટે મંડપની સુવિધાઓ તથા દિવ્યાંગજનો માટે વ્હીલ ચેરની વ્યવસ્થા પણ કરવામાં આવી છે. દરેક પોલિંગ સ્ટેશન લોકેશન પર મતદારો મતદાનની સરળ સમજ માટે ઇવીએમ વોટિંગ નિદર્શન બોર્ડ લગાવવામાં આવેલ છે. તંત્ર દ્વારા બોટાદ નગરપાલિકાની સામાન્ય ચૂંટણીના સુચારૂ આયોજન અને શાંતિપૂર્ણ મતદાન માટે જરૂરી તમામ વ્યવસ્થાઓ ઉપલબ્ધ કરાવવામાં આવી છે. રિપોર્ટર ચિંતન વાગડીયા મો:૮૦૦૦૮૩૪૮૮૮