অসম সাহিত্য সভাৰ স্বৰ্ণ শাখা স্বীকৃতিপ্ৰাপ্ত ছয়গাঁও সাহিত্য সভাৰ উদ্যোগত আৰু কুকুৰমাৰাস্থিত শঙ্কৰদেৱ বিদ্যা মন্দিৰৰ সহযোগত আজি বিষ্ণু ৰাভা দিৱসৰ আয়োজন কৰা হয়।

সমজিলা আৰক্ষী অধীক্ষক জানকিশোৰ গগৈৰ নেতৃত্বত সোণতলীৰ এক চাইবাৰ জালিয়াতি আৰু অনলাইন বেটিং নেটৱৰ্কৰ চক্ৰ উৎখাত কৰা হৈছে। এই অভিযানত নগদ ধন, বেংক পাচবুক, মোবাইল হেণ্ডছেট, এটিএম কাৰ্ড, চেক বুক, আৰু আন আপত্তিজনক নথিপত্ৰসহ চাৰিজন অভিযুক্তক গ্ৰেপ্তাৰ কৰা হয়। গ্ৰেপ্তাৰ হোৱা অভিযুক্তসকল হ'ল মোল্লা জাকিৰ হুছেইন, জাহিদুল ইচলাম, মাতিনুল হক আৰু হাছানুৰ ৰহমান। তেওঁলোকক জেল হাজোতলৈ প্ৰেৰণ কৰা হৈছে।

ছিপাঝাৰৰ দুমুনিচকীত সংঘটিত হৈছে এক চুৰিকাণ্ড। দুমুনিচকীৰ এক দৰিদ্ৰ পৰিয়ালৰ ঘৰত চোৰে অভিযান চলাইছিল। চোৰসমূহে ঘৰখনৰ পৰা এটা ভৰ্তি গেছ চিলিণ্ডাৰ আৰু সাঁচতীয়া ধন লৈ পলায়ন কৰে।

আজি সমগ্ৰ বিশ্বৰ লগতে সকলো ৰাজ্যতে আন্তঃৰাষ্ট্ৰীয় যোগ দিৱস পালন কৰা হৈছে। এই উপলক্ষে মৰিগাঁও জিলা প্ৰশাসন আৰু আৰক্ষী প্ৰশাসনৰ উদ্যোগত মৰিগাঁও জিলাৰ বিভিন্ন স্থানত আন্তঃৰাষ্ট্ৰীয় যোগ দিৱস অনুষ্ঠিত হয়। এই কাৰ্যসূচীত মৰিগাঁও জিলা আয়ুক্ত অনামিকা তিৱাৰীৰ উপস্থিতিত জিলা প্ৰশাসনৰ বিভিন্ন বিষয়ববীয়াৰ লগতে তিনি সহস্ৰাধিক লোকে শৰীৰৰ সু-স্বাস্থ্যৰ বাবে যোগাসন কৰে।

অসম সাহিত্য সভাৰ 'চৰ-চাপৰি ভাষা-সাহিত্য সংস্কৃতি বিকাশ উপ সমিতি'ৰ উদ্যোগত লৱাৰ আসাম একাডেমীত কলাগুৰু বিষ্ণুপ্ৰসাদ ৰাভা দিৱস উদযাপন কৰা হয়।

মৰিগাঁও জিলাত এক চাঞ্চল্যকৰ চিলনী চোৰৰ ঘটনা সংঘটিত হৈছে, য'ত চাৰি লাখ টকা থপিয়াই নিয়া হৈছে। ভূৰাগাঁৱৰ বাহাদুল আলম নামৰ লোকজনে HDFC বেংকৰ পৰা এই টকাখিনি উলিয়াই আনিছিল। দুজন যুৱকে এখন পালচাৰ বাইকত আহি বাহাদুল আলমৰ হাতৰ পৰা টকাৰ বেগটো থপিয়াই লৈ ঘটনাস্থলীৰ পৰা পলায়ন কৰে। চিলনী চোৰৰ আক্ৰমণত বাহাদুল আলম নিজৰ মটৰচাইকেলৰ পৰা সৰি পৰে আৰু গুৰুতৰভাৱে আঘাতপ্ৰাপ্ত হয়। ঘটনাৰ খবৰ পোৱাৰ লগে লগে আৰক্ষী ঘটনাস্থলীত উপস্থিত হৈছে আৰু সমগ্ৰ ঘটনাটোৰ সন্দৰ্ভত তদন্ত আৰম্ভ কৰিছে।

আজি অসমৰ কেবিনেট মন্ত্ৰী পীয়ূষ হাজৰিকা বকো ছয়গাঁও সমষ্টিৰ অন্তৰ্গত ৰাজাপাৰাত উপস্থিত হয়।

মেডিকেলত মুছলমান সম্প্ৰদায়ৰ ল’ৰা-ছোৱালীয়ে ৪০০ খন আসন লাভ কৰাক লৈ এক বিশেষ মন্তব্য পোৱা গৈছে। এই সন্দৰ্ভত উল্লেখ কৰা হৈছে যে হিন্দু সম্প্ৰদায়ৰ লোকৰ আধা সময় আন্দোলন কৰোঁতেই ব্যয় হয়। লগতে, বদৰুদ্দিন আজমলে যদি সংখ্যালঘুসকলৰ বাবে বছৰি ১০০ জনক চিকিৎসক হিচাপে গঢ়ি তুলিব পাৰে, তেন্তে আনসকলে কিয় সেই একেই কাম কৰিব নোৱাৰে বুলি প্ৰশ্ন উত্থাপন কৰা হৈছে। এই প্ৰসংগত মুখ্যমন্ত্ৰী হিমন্ত বিশ্ব শৰ্মাই স্পষ্ট কৰিছে যে বদৰুদ্দিন আজমলৰ শিক্ষানুষ্ঠানৰ ল’ৰা-ছোৱালীয়ে কোনো ধৰণৰ কটাত আসন লাভ কৰা নাই, বৰঞ্চ তেওঁলোকে সম্পূৰ্ণ প্ৰতিযোগিতা কৰিহে চিকিৎসকৰ আসন লাভ কৰিছে।

আজি মৰিগাঁও জিলা আয়ুক্তৰ কাৰ্যালয়ত কলাগুৰু বিষ্ণু প্ৰসাদ ৰাভাৰ জীৱন আৰু কৰ্মৰাজীক স্মৰণ কৰি বিষ্ণু ৰাভা দিৱস পালন কৰা হয়। এই উপলক্ষে অতিৰিক্ত জিলা আয়ুক্ত শ্ৰীমতী অনসূয়া শৰ্মা আৰু শ্ৰীমতী নীতিশা বৰাকে ধৰি কাৰ্যালয়ৰ সকলো বিষয়ববীয়া আৰু কৰ্মচাৰীয়ে প্ৰখ্যাত শিল্পী, সাহিত্যিক আৰু সমাজ সংস্কাৰক বিষ্ণু প্ৰসাদ ৰাভালৈ গভীৰ শ্ৰদ্ধাঞ্জলি জ্ঞাপন কৰে। অনুষ্ঠানৰ অংশ হিচাপে সকলোৱে সমবেত কণ্ঠত বিষ্ণু প্ৰসাদ ৰাভাৰ গীত পৰিবেশন কৰি অসমীয়া শিল্প, সংস্কৃতি, সাহিত্য, সংগীত আৰু সমাজলৈ তেওঁৰ অতুলনীয় অৱদানক সোঁৱৰণ কৰে।