‘माझं गाव आरोग्य संपन्न गाव’ अभियानांतर्गत जनजागृती रॅली प्रतिनिधी स्वाती हडकर ‘माझं गाव आरोग्य संपन्न गाव’ अभियानांतर्गत जनजागृती रॅली चिपळूण, दि. १६ : महाराष्ट्र शासनाच्या आरोग्य विभागाच्या ‘माझं गाव आरोग्य संपन्न गाव’ या महत्त्वाकांक्षी अभियानाच्या प्रसारासाठी चिपळूण तालुका आरोग्य विभागातर्फे शहरात भव्य जनजागृती रॅली काढण्यात आली. आरोग्य कर्मचारी, आशा सेविका तसेच नर्सिंग विद्यार्थ्यांच्या उत्स्फूर्त सहभागामुळे या उपक्रमाला नागरिकांचा मोठा प्रतिसाद लाभला. रॅलीची सुरुवात इंदिरा गांधी सांस्कृतिक केंद्र येथून श्रीफळ वाढवून करण्यात आली. शहरातील प्रमुख मार्गांवरून मार्गक्रमण करत ही रॅली चिपळूण नगर परिषद परिसरात समाप्त झाली. तालुका वैद्यकीय अधिकारी डॉ. ज्योती यादव यांच्या नेतृत्वाखाली हा उपक्रम पार पडला. अभियानाची उद्दिष्टे स्पष्ट रॅलीदरम्यान आयोजित कार्यक्रमात मान्यवरांनी अभियानामागील उद्दिष्टे स्पष्ट केली. डॉ. ज्योती यादव यांनी नागरिकांनी आरोग्याबाबत सजग राहून प्रतिबंधात्मक उपायांवर भर द्यावा, असे आवाहन केले. कामथे उपजिल्हा रुग्णालयाच्या डॉ. कांचन मदर यांनी वेळेवर आरोग्य तपासणी करून घेणे किती आवश्यक आहे, याबाबत मार्गदर्शन केले. कॅन्सर तपासणी व्हॅनचे विशेष आकर्षण रॅलीत कॅन्सर तपासणीसाठीची विशेष व्हॅन सहभागी झाली होती. नागरिकांनी या सुविधेचा लाभ घ्यावा, असे आवाहन यावेळी करण्यात आले. या कार्यक्रमाला डॉ. अजय सानप, संजीवनी नर्सिंग कॉलेजचे जगदीश व हर्षा वाघुळदे, आरोग्य पर्यवेक्षक आर. के. पवार यांच्यासह अनेक आरोग्य अधिकारी व कर्मचारी उपस्थित होते. संजीवनी नर्सिंग कॉलेजच्या विद्यार्थ्यांनी आरोग्यविषयक फलक व घोषवाक्यांच्या माध्यमातून प्रभावी जनजागृती केली. या रॅलीच्या माध्यमातून शहरात आरोग्याविषयक जनजागृती करण्यात यश आले असून शासनाच्या आरोग्य सुविधा तळागाळापर्यंत पोहोचवण्याचा निर्धार यावेळी व्यक्त करण्यात आला.

चिपळुण न्यूज सं.स्वाती हडकर

चिपळूण, रत्नागिरी, महाराष्ट्र•

4 hrs ago

‘माझं गाव आरोग्य संपन्न गाव’ अभियानांतर्गत जनजागृती रॅली प्रतिनिधी स्वाती हडकर ‘माझं गाव आरोग्य संपन्न गाव’ अभियानांतर्गत जनजागृती रॅली चिपळूण, दि. १६ : महाराष्ट्र शासनाच्या आरोग्य विभागाच्या ‘माझं गाव आरोग्य संपन्न गाव’ या महत्त्वाकांक्षी अभियानाच्या प्रसारासाठी चिपळूण तालुका आरोग्य विभागातर्फे शहरात भव्य जनजागृती रॅली काढण्यात आली. आरोग्य कर्मचारी, आशा सेविका तसेच नर्सिंग विद्यार्थ्यांच्या उत्स्फूर्त सहभागामुळे या उपक्रमाला नागरिकांचा मोठा प्रतिसाद लाभला. रॅलीची सुरुवात इंदिरा गांधी सांस्कृतिक केंद्र येथून श्रीफळ वाढवून करण्यात आली. शहरातील प्रमुख मार्गांवरून मार्गक्रमण करत ही रॅली चिपळूण नगर परिषद परिसरात समाप्त झाली. तालुका वैद्यकीय अधिकारी डॉ. ज्योती यादव यांच्या नेतृत्वाखाली हा उपक्रम पार पडला. अभियानाची उद्दिष्टे स्पष्ट रॅलीदरम्यान आयोजित कार्यक्रमात मान्यवरांनी अभियानामागील उद्दिष्टे स्पष्ट केली. डॉ. ज्योती यादव यांनी नागरिकांनी आरोग्याबाबत सजग राहून प्रतिबंधात्मक उपायांवर भर द्यावा, असे आवाहन केले. कामथे उपजिल्हा रुग्णालयाच्या डॉ. कांचन मदर यांनी वेळेवर आरोग्य तपासणी करून घेणे किती आवश्यक आहे, याबाबत मार्गदर्शन केले. कॅन्सर तपासणी व्हॅनचे विशेष आकर्षण रॅलीत कॅन्सर तपासणीसाठीची विशेष व्हॅन सहभागी झाली होती. नागरिकांनी या सुविधेचा लाभ घ्यावा, असे आवाहन यावेळी करण्यात आले. या कार्यक्रमाला डॉ. अजय सानप, संजीवनी नर्सिंग कॉलेजचे जगदीश व हर्षा वाघुळदे, आरोग्य पर्यवेक्षक आर. के. पवार यांच्यासह अनेक आरोग्य अधिकारी व कर्मचारी उपस्थित होते. संजीवनी नर्सिंग कॉलेजच्या विद्यार्थ्यांनी आरोग्यविषयक फलक व घोषवाक्यांच्या माध्यमातून प्रभावी जनजागृती केली. या रॅलीच्या माध्यमातून शहरात आरोग्याविषयक जनजागृती करण्यात यश आले असून शासनाच्या आरोग्य सुविधा तळागाळापर्यंत पोहोचवण्याचा निर्धार यावेळी व्यक्त करण्यात आला.