पुर्णा-ताडकळस मार्गावर कार उलटली; चार तरुण गंभीर जखमी हटकरवाडी शिवारातील मध्यरात्रीची घटना पुर्णा (प्रतिनिधी):- पुर्णा-ताडकळस मार्गावर हटकरवाडी शिवारात भरधाव अज्ञात वाहनाने कट मारल्याने स्विफ्ट डिझायर कारचा भीषण अपघात होऊन चार तरुण गंभीर जखमी झाल्याची घटना शनिवारी (दि. १८) रात्री सुमारे १०.३० वाजता घडली. याप्रकरणी पुर्णा पोलीस ठाण्यात नोंद करण्यात आली आहे. या अपघातात श्रीनिवास केदार पाथरकर, अनिकेत अविनाश कदम, मो. गौस आणि कुणाल अनिल डिकोंडवार (सर्व रा. पुर्णा) हे गंभीर जखमी झाले. केदार मल्लिकार्जुन अप्पा पाथरकर हे आपल्या मुलगा श्रीनिवास व मित्रांसह (एमएच २९ बीसी ५८९४) क्रमांकाच्या स्विफ्ट डिझायर कारने ताडकळसहून पुर्णेकडे येत असताना समोरून भरधाव वेगाने येणाऱ्या अज्ञात ट्रकने अचानक कट मारला. ट्रकवरील तीव्र एलईडी लाईटच्या झगमगाटामुळे चालकाला समोरील रस्ता स्पष्ट दिसेनासा झाला. गाडी नियंत्रणात आणण्याचा प्रयत्न करूनही कार रस्त्याच्या कडेला जाऊन उलटली. या अपघातात चालक वगळता इतर चार जणांच्या डोक्याला व शरीराला गंभीर दुखापती झाल्या. अपघाताचा आवाज ऐकून परिसरातील शेतकऱ्यांनी तत्काळ घटनास्थळी धाव घेत जखमींना बाहेर काढून पुर्णा ग्रामीण रुग्णालयात दाखल केले. या अपघातात कारचे सुमारे ३ लाख रुपयांचे नुकसान झाल्याचा प्राथमिक अंदाज आहे. माहिती मिळताच पोलीस निरीक्षक विलास गोबाडे, जमादार रमेश मुरमुरे व सुरेश चव्हाण यांनी घटनास्थळी भेट देऊन पंचनामा केला असून पुढील तपास जमादार रमेश मुरमुरे करीत आहेत.

Kapil Ashokrao Shinde

मानवत, परभणी, महाराष्ट्र•

6 hrs ago

पुर्णा-ताडकळस मार्गावर कार उलटली; चार तरुण गंभीर जखमी हटकरवाडी शिवारातील मध्यरात्रीची घटना पुर्णा (प्रतिनिधी):- पुर्णा-ताडकळस मार्गावर हटकरवाडी शिवारात भरधाव अज्ञात वाहनाने कट मारल्याने स्विफ्ट डिझायर कारचा भीषण अपघात होऊन चार तरुण गंभीर जखमी झाल्याची घटना शनिवारी (दि. १८) रात्री सुमारे १०.३० वाजता घडली. याप्रकरणी पुर्णा पोलीस ठाण्यात नोंद करण्यात आली आहे. या अपघातात श्रीनिवास केदार पाथरकर, अनिकेत अविनाश कदम, मो. गौस आणि कुणाल अनिल डिकोंडवार (सर्व रा. पुर्णा) हे गंभीर जखमी झाले. केदार मल्लिकार्जुन अप्पा पाथरकर हे आपल्या मुलगा श्रीनिवास व मित्रांसह (एमएच २९ बीसी ५८९४) क्रमांकाच्या स्विफ्ट डिझायर कारने ताडकळसहून पुर्णेकडे येत असताना समोरून भरधाव वेगाने येणाऱ्या अज्ञात ट्रकने अचानक कट मारला. ट्रकवरील तीव्र एलईडी लाईटच्या झगमगाटामुळे चालकाला समोरील रस्ता स्पष्ट दिसेनासा झाला. गाडी नियंत्रणात आणण्याचा प्रयत्न करूनही कार रस्त्याच्या कडेला जाऊन उलटली. या अपघातात चालक वगळता इतर चार जणांच्या डोक्याला व शरीराला गंभीर दुखापती झाल्या. अपघाताचा आवाज ऐकून परिसरातील शेतकऱ्यांनी तत्काळ घटनास्थळी धाव घेत जखमींना बाहेर काढून पुर्णा ग्रामीण रुग्णालयात दाखल केले. या अपघातात कारचे सुमारे ३ लाख रुपयांचे नुकसान झाल्याचा प्राथमिक अंदाज आहे. माहिती मिळताच पोलीस निरीक्षक विलास गोबाडे, जमादार रमेश मुरमुरे व सुरेश चव्हाण यांनी घटनास्थळी भेट देऊन पंचनामा केला असून पुढील तपास जमादार रमेश मुरमुरे करीत आहेत.