ఎస్‌ఎఫ్‌ఐ రాజన్న సిరిసిల్ల జిల్లా కమిటీ ఆధ్వర్యంలో జిల్లావ్యాప్తంగా విద్యాసంస్థల బంద్ విజయవంతంగా జరిగింది. ఈ సందర్భంగా ఎస్‌ఎఫ్‌ఐ జిల్లా కార్యదర్శి మల్లారపు ప్రశాంత్ మాట్లాడుతూ, జూన్ 12 నాటికి ప్రభుత్వ పాఠశాల విద్యార్థులకు యూనిఫాంలు, పాఠ్యపుస్తకాలు మరియు నోట్‌బుక్స్‌ అందజేస్తామని ప్రభుత్వం ప్రకటించినప్పటికీ, పాఠశాలలు ప్రారంభమై 20 రోజులు గడిచినా పూర్తిస్థాయిలో సౌకర్యాలు అందలేదని ఆవేదన వ్యక్తం చేశారు. పాఠ్యపుస్తకాలలో కొన్ని టైటిల్స్ అందుబాటులో లేకపోవడం వల్ల విద్యార్థులు ఇబ్బందులు పడుతున్నారని, అలాగే పెరిగిన ధరలకు అనుగుణంగా మధ్యాహ్న భోజన పథకానికి నిధులు పెంచకపోవడంతో నాణ్యమైన ఆహారం అందించడం కష్టంగా మారిందని ఆయన పేర్కొన్నారు. ప్రైవేట్, కార్పొరేట్ విద్యాసంస్థలు విద్యను వ్యాపారంగా మార్చి, విద్యార్థులపై బలవంతంగా వస్తువులను కొనుగోలు చేయిస్తున్నాయని మల్లారపు ప్రశాంత్ విమర్శించారు. ఎన్నికల సమయంలో ఇచ్చిన హామీ మేరకు ప్రైవేట్ విద్యాసంస్థల ఫీజులను నియంత్రించే ప్రత్యేక చట్టాన్ని వెంటనే అమలు చేయాలని డిమాండ్ చేశారు. రాష్ట్రంలోని సుమారు 27 వేల ప్రభుత్వ పాఠశాలలను 4 వేల పాఠశాలలుగా కుదించే ప్రతిపాదన విద్యా వ్యవస్థకు నష్టం కలిగిస్తుందని, ఈ నిర్ణయాన్ని ఉపసంహరించుకుని జనాభా ప్రాతిపదికన కొత్త పాఠశాలలను ఏర్పాటు చేయాలని కోరారు. అద్దె భవనాల్లో నడుస్తున్న ఎస్సీ, ఎస్టీ, బీసీ గురుకులాలు మరియు సంక్షేమ హాస్టళ్లకు సొంత భవనాలు నిర్మించాలని, అలాగే పెండింగ్‌లో ఉన్న స్కాలర్షిప్‌లు, ఫీజు రీయింబర్స్‌మెంట్ బకాయిలను వెంటనే విడుదల చేయాలని ప్రభుత్వాన్ని డిమాండ్ చేశారు. ఈ కార్యక్రమంలో ఎస్‌ఎఫ్‌ఐ జిల్లా నాయకులు ముబారక్, మహేష్, నిఖిల్, అన్వేష్, రాహుల్, సాయి, శివ, వెన్నెల, అఖిల, స్నేహిత మరియు విద్యార్థులు పాల్గొన్నారు.

సిరిసిల్ల స్వరం

సిరిసిల్ల, రాజన్న సిరిసిల్ల, తెలంగాణ•

3 hrs ago

ఎస్‌ఎఫ్‌ఐ రాజన్న సిరిసిల్ల జిల్లా కమిటీ ఆధ్వర్యంలో జిల్లావ్యాప్తంగా విద్యాసంస్థల బంద్ విజయవంతంగా జరిగింది. ఈ సందర్భంగా ఎస్‌ఎఫ్‌ఐ జిల్లా కార్యదర్శి మల్లారపు ప్రశాంత్ మాట్లాడుతూ, జూన్ 12 నాటికి ప్రభుత్వ పాఠశాల విద్యార్థులకు యూనిఫాంలు, పాఠ్యపుస్తకాలు మరియు నోట్‌బుక్స్‌ అందజేస్తామని ప్రభుత్వం ప్రకటించినప్పటికీ, పాఠశాలలు ప్రారంభమై 20 రోజులు గడిచినా పూర్తిస్థాయిలో సౌకర్యాలు అందలేదని ఆవేదన వ్యక్తం

చేశారు. పాఠ్యపుస్తకాలలో కొన్ని టైటిల్స్ అందుబాటులో లేకపోవడం వల్ల విద్యార్థులు ఇబ్బందులు పడుతున్నారని, అలాగే పెరిగిన ధరలకు అనుగుణంగా మధ్యాహ్న భోజన పథకానికి నిధులు పెంచకపోవడంతో నాణ్యమైన ఆహారం అందించడం కష్టంగా మారిందని ఆయన పేర్కొన్నారు. ప్రైవేట్, కార్పొరేట్ విద్యాసంస్థలు విద్యను వ్యాపారంగా మార్చి, విద్యార్థులపై బలవంతంగా వస్తువులను కొనుగోలు చేయిస్తున్నాయని మల్లారపు ప్రశాంత్ విమర్శించారు. ఎన్నికల సమయంలో ఇచ్చిన

హామీ మేరకు ప్రైవేట్ విద్యాసంస్థల ఫీజులను నియంత్రించే ప్రత్యేక చట్టాన్ని వెంటనే అమలు చేయాలని డిమాండ్ చేశారు. రాష్ట్రంలోని సుమారు 27 వేల ప్రభుత్వ పాఠశాలలను 4 వేల పాఠశాలలుగా కుదించే ప్రతిపాదన విద్యా వ్యవస్థకు నష్టం కలిగిస్తుందని, ఈ నిర్ణయాన్ని ఉపసంహరించుకుని జనాభా ప్రాతిపదికన కొత్త పాఠశాలలను ఏర్పాటు చేయాలని కోరారు. అద్దె భవనాల్లో నడుస్తున్న ఎస్సీ,

ఎస్టీ, బీసీ గురుకులాలు మరియు సంక్షేమ హాస్టళ్లకు సొంత భవనాలు నిర్మించాలని, అలాగే పెండింగ్‌లో ఉన్న స్కాలర్షిప్‌లు, ఫీజు రీయింబర్స్‌మెంట్ బకాయిలను వెంటనే విడుదల చేయాలని ప్రభుత్వాన్ని డిమాండ్ చేశారు. ఈ కార్యక్రమంలో ఎస్‌ఎఫ్‌ఐ జిల్లా నాయకులు ముబారక్, మహేష్, నిఖిల్, అన్వేష్, రాహుల్, సాయి, శివ, వెన్నెల, అఖిల, స్నేహిత మరియు విద్యార్థులు పాల్గొన్నారు.