মিৰাটৰ মবীমিৰা গাঁৱৰ পৰা এক আচৰিত ঘটনা পোহৰলৈ আহিছে, য'ত এজন হিন্দু যুৱকে নিজেই নিজৰ ঘৰৰ সন্মুখত মাংসৰ টোপোলা এটা ৰাখিছিল। ইয়াৰ পিছত তেওঁ আৰক্ষীক ফোন কৰি এই মাংস নিষিদ্ধ বুলি দাবী কৰিছিল। কিন্তু এই সমগ্ৰ ঘটনা চিচিটিভি কেমেৰাত বন্দী হোৱাত পুণিত নামৰ এই যুৱকজনৰ ভয়ংকৰ মিছা কথা ফাদিল হয়।

এটা কণমানিয়ে কণ্ঠশিল্পী জুবিন গাৰ্গৰ সুৰত হামিং দিয়াৰ এক মনোমোহা চেষ্টা কৰিছে। এই প্ৰচেষ্টাটো এতিয়া সামাজিক মাধ্যমত ভাইৰেল হৈ পৰিছে, য'ত কণমানিটিৰ সুৰীয়া চেষ্টা বহুতৰ মাজত চৰ্চিত হৈছে।

অসম সংখ্যালঘু সংগ্ৰাম পৰিষদে লংকাৰ আজৰবাৰিত সংঘটিত হোৱা এক ঘটনাৰ উচিত তদন্ত দাবী কৰিছে। পৰিষদে এই ঘটনাত জড়িত দুষ্কৃতিকাৰীক ২৪ ঘণ্টাৰ ভিতৰত কঠোৰৰ পৰা কঠোৰতম শাস্তি প্ৰদানৰো দাবী জনাইছে।

নগাঁৱৰ জাজৰিৰ এজন যুৱকৰ মৃত্যুক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে। মৰিগাঁৱৰ গেৰুৱাত প্ৰেমিকাৰ পৰিয়ালৰ বিৰুদ্ধে এই মৃত্যুক পৰিকল্পিত হত্যা বুলি গুৰুতৰ অভিযোগ উত্থাপন হৈছে। মৃত যুৱকজন জাজৰি বগৰিগুৰিৰ ৰিংকু দাস বুলি চিনাক্ত কৰা হৈছে। অভিযোগ অনুসৰি, ৰিংকু দাসৰ মৰিগাঁৱৰ গেৰুৱাৰ অনিতা পাটৰ নামৰ এগৰাকী যুৱতীৰ সৈতে প্ৰায় দুবছৰ ধৰি প্ৰেমৰ সম্পৰ্ক আছিল। পৰিয়ালৰ দাবী অনুসৰি, ২৫ মে’ তাৰিখে ৰিংকু দাস প্ৰেমিকাৰ ঘৰত ফুৰিবলৈ গৈছিল, কিন্তু তাৰ পিছতে তেওঁ জীৱিত হৈ ঘৰলৈ উভতি নাহিল আৰু শৱদেহ হিচাপেহে ওভতাই অনা হ'ল। এই ঘটনাক লৈ ৰিংকু দাসৰ পৰিয়াল আৰু স্থানীয় গাঁৱবাসীয়ে অভিযোগ কৰিছে যে, প্ৰেমৰ সম্পৰ্কক কেন্দ্ৰ কৰিয়েই প্ৰেমিকাৰ পৰিয়ালে ৰিংকুক পৰিকল্পিতভাৱে হত্যা কৰিছে। ইফালে, ভুক্তভোগী পৰিয়ালে এই ঘটনা সন্দৰ্ভত ইতিমধ্যে মৰিগাঁও আৰক্ষীৰ কাষ চাপিছে। পৰিয়াল আৰু গাঁৱবাসীয়ে উচিত তদন্তৰ জৰিয়তে দোষীক শাস্তি প্ৰদান কৰি ন্যায় নিশ্চিত কৰিবলৈ দাবী জনাইছে।

ৰূপহী হাটলৈ গৌৰৱ কঢ়িয়াই অনা প্ৰাক্তন ছাত্ৰী ছাবানা ইয়াছমিনক তেওঁৰ হাইস্কুলীয়া শিক্ষা গ্ৰহণ কৰা বিদ্যালয়খনত সম্বৰ্ধনা জনোৱা হ'ল। এই উপলক্ষে, প্ৰাক্তন ছাত্ৰীগৰাকীৰ সৈতে হোৱা বাৰ্তালাপত তেওঁ নিজৰ ছাত্ৰী জীৱনৰ বহু কথা আমাৰ আগত প্ৰকাশ কৰে।

ৰূপহীহাটৰ কাছখাইটীত মডাৰ্ণ আদৰ্শ ছিনিয়ৰ ছেকেণ্ডাৰী স্কুল নামৰ ব্যক্তিগত খণ্ডৰ বিদ্যালয়খনত নিশা প্ৰায় ১১ বজাত এক ভয়ংকৰ অগ্নিকাণ্ড সংঘটিত হয়। এই অগ্নিকাণ্ডৰ ফলত বিদ্যালয়খনৰ কেইবা লাখ টকাৰ স্কুলীয়া সামগ্ৰীৰ লগতে গুৰুত্বপূৰ্ণ নথি-পত্ৰ নিমিষতে জুইত জাহ যায়, যাৰ ফলত সমগ্ৰ বিদ্যালয়খন সম্পূৰ্ণৰূপে ভস্মীভূত হৈ ছাৰখাৰ হয়। অগ্নিকাণ্ডৰ কাৰণ হিচাপে স্হানীয় ৰাইজে দুষ্ট চক্ৰৰ কাণ্ড অথবা বিদ্যুতৰ শ্বৰ্ট চাৰ্কিটৰ ফলত জুইৰ সুত্ৰপাত হোৱাৰ সন্দেহ প্ৰকাশ কৰিছে। এই ঘটনাৰ লগে লগে অঞ্চলজুৰি তীব্ৰ চাঞ্চল্যই বিৰাজ কৰে। যদিও সোণাৰিবালী আৰু আমবাগানৰ অগ্নি নিৰ্বাপক বাহিনীৰ লোক ঘটনা স্থলীত উপস্থিত হৈছিল, তথাপি তেওঁলোকে জুই সম্পূৰ্ণৰূপে নিয়ন্ত্ৰণ কৰিবলৈ সক্ষম নোহোৱাৰ পূৰ্বেই বিদ্যালয়খন সম্পূৰ্ণৰূপে ভস্মীভূত হয়। স্হানীয় ৰাইজে জুই নুমুৱাবলৈ আপ্ৰাণ চেষ্টা চলোৱাৰ পিছতো বিদ্যালয়খনক ৰক্ষা কৰিব পৰা নগল। এই মৰ্মান্তিক ঘটনাক কেন্দ্ৰ কৰি স্হানীয় ৰাইজে চৰকাৰৰ ওচৰত ৰূপহী, লাইলুৰী আৰু কাৱৈমাৰী আদি অঞ্চলত তৎকালীনভাৱে অগ্নি নিৰ্বাপক কেন্দ্ৰ স্থাপনৰ বাবে দাবী জনাইছে।

ৰূপহীহাটৰ কাছখাইটীত এক ভয়ংকৰ অগ্নিকাণ্ড সংঘটিত হৈছে। এই দুৰ্ঘটনাত কাছখাইটীৰ মডাৰ্ণ আদৰ্শ ছিনিয়ৰ ছেকেণ্ডাৰী স্কুল নিমিষতে জুইত সম্পূৰ্ণৰূপে ভস্মীভূত হৈ পৰে।