“शेतकरीविरोधी अर्थसंकल्पाचा निषेध; परभणीत स्वाभिमानी शेतकरी संघटनेची अर्थसंकल्पाची होळी” परभणी प्रतिनिधी: राज्य सरकारने सादर केलेला यंदाचा अर्थसंकल्प शेतकरीहिताचा नसून तो शेतकऱ्यांसाठी घातक असल्याचा आरोप करत स्वाभिमानी शेतकरी संघटनेच्या वतीने परभणीत तीव्र आंदोलन करण्यात आले. या आंदोलनादरम्यान मुख्यमंत्री देवेंद्र फडणवीस यांनी मांडलेल्या अर्थसंकल्पाची प्रतीकात्मक होळी करून शासनाच्या धोरणांविरोधात निषेध व्यक्त करण्यात आला. शहरातील छत्रपती शिवाजी महाराज पुतळा परिसरातील उपोषण मैदानावर संघटनेचे कार्यकर्ते मोठ्या संख्येने एकत्र आले होते. विधानसभा निवडणुकीपूर्वी राज्यातील शेतकऱ्यांचा सातबारा कोरा करण्याचे आश्वासन देण्यात आले होते; मात्र प्रत्यक्षात अर्थसंकल्पात केवळ दोन लाख रुपयांपर्यंतच कर्जमाफी जाहीर करण्यात आली असून त्यासाठीही पात्र-अपात्रतेच्या अटी लावण्यात आल्या आहेत, असा आरोप संघटनेने केला. याशिवाय नियमितपणे कर्ज फेडणाऱ्या शेतकऱ्यांना केवळ ५० हजार रुपयांची मदत देण्याची तरतूद करण्यात आली आहे. ही मदत अत्यल्प असून त्यामुळे शेतकऱ्यांना कोणताही दिलासा मिळणार नाही, असेही आंदोलनकर्त्यांनी सांगितले. त्यामुळे हा अर्थसंकल्प शेतकरीहिताचा नसून शेतकऱ्यांना मारक असल्याचा आरोप करण्यात आला. केंद्र सरकारने जाहीर केलेला किमान आधारभूत भाव (हमीभाव) मराठवाड्यातील शेतकऱ्यांना प्रत्यक्षात मिळत नसल्याची खंतही संघटनेच्या पदाधिकाऱ्यांनी व्यक्त केली. अनेकदा हमीभावापेक्षा एक ते दीड हजार रुपयांनी कमी दरात शेतमाल विकावा लागतो, त्यामुळे शेतकऱ्यांचे मोठे आर्थिक नुकसान होत असल्याचे त्यांनी सांगितले. या सर्व मुद्द्यांच्या निषेधार्थ स्वाभिमानी शेतकरी संघटनेच्या कार्यकर्त्यांनी घोषणाबाजी करत अर्थसंकल्पाची होळी केली आणि शासनाने शेतकरीहिताच्या ठोस निर्णयांची अंमलबजावणी करावी, अशी मागणी केली.

Kapil Ashokrao Shinde

मानवत, परभणी, महाराष्ट्र•

3 hrs ago

“शेतकरीविरोधी अर्थसंकल्पाचा निषेध; परभणीत स्वाभिमानी शेतकरी संघटनेची अर्थसंकल्पाची होळी” परभणी प्रतिनिधी: राज्य सरकारने सादर केलेला यंदाचा अर्थसंकल्प शेतकरीहिताचा नसून तो शेतकऱ्यांसाठी घातक असल्याचा आरोप करत स्वाभिमानी शेतकरी संघटनेच्या वतीने परभणीत तीव्र आंदोलन करण्यात आले. या आंदोलनादरम्यान मुख्यमंत्री देवेंद्र फडणवीस यांनी मांडलेल्या अर्थसंकल्पाची प्रतीकात्मक होळी करून शासनाच्या धोरणांविरोधात निषेध व्यक्त करण्यात आला. शहरातील छत्रपती शिवाजी महाराज पुतळा परिसरातील उपोषण मैदानावर संघटनेचे कार्यकर्ते मोठ्या संख्येने एकत्र आले होते. विधानसभा निवडणुकीपूर्वी राज्यातील शेतकऱ्यांचा सातबारा कोरा करण्याचे आश्वासन देण्यात आले होते; मात्र प्रत्यक्षात अर्थसंकल्पात केवळ दोन लाख रुपयांपर्यंतच कर्जमाफी जाहीर करण्यात आली असून त्यासाठीही पात्र-अपात्रतेच्या अटी लावण्यात आल्या आहेत, असा आरोप संघटनेने केला. याशिवाय नियमितपणे कर्ज फेडणाऱ्या शेतकऱ्यांना केवळ ५० हजार रुपयांची मदत देण्याची तरतूद करण्यात आली आहे. ही मदत अत्यल्प असून त्यामुळे शेतकऱ्यांना कोणताही दिलासा मिळणार नाही, असेही आंदोलनकर्त्यांनी सांगितले. त्यामुळे हा अर्थसंकल्प शेतकरीहिताचा नसून शेतकऱ्यांना मारक असल्याचा आरोप करण्यात आला. केंद्र सरकारने जाहीर केलेला किमान आधारभूत भाव (हमीभाव) मराठवाड्यातील शेतकऱ्यांना प्रत्यक्षात मिळत नसल्याची खंतही संघटनेच्या पदाधिकाऱ्यांनी व्यक्त केली. अनेकदा हमीभावापेक्षा एक ते दीड हजार रुपयांनी कमी दरात शेतमाल विकावा लागतो, त्यामुळे शेतकऱ्यांचे मोठे आर्थिक नुकसान होत असल्याचे त्यांनी सांगितले. या सर्व मुद्द्यांच्या निषेधार्थ स्वाभिमानी शेतकरी संघटनेच्या कार्यकर्त्यांनी घोषणाबाजी करत अर्थसंकल्पाची होळी केली आणि शासनाने शेतकरीहिताच्या ठोस निर्णयांची अंमलबजावणी करावी, अशी मागणी केली.