वॉल्टर स्पिंक यांचे अजिंठा संशोधन’ - शुभा खांडेकर यांचे व्याख्यान व चर्चासत्र ‘ प्राच्यविद्या संशोधन संस्था आणि ग्रंथालय मित्र मंडळ यांच्या संयुक्त विद्यमाने ‘वॉल्टर स्पिंक यांचे अजिंठा संशोधन’ या विषयावर शुभा खांडेकर यांचे व्याख्यान आणि त्यानंतर चर्चासत्र आयोजित करण्यात आले आहे. हे चर्चासत्र गुरुवार, ३ सप्टेंबर २०२६ रोजी सायंकाळी ५ ते ६.३० या वेळेत प्राच्यविद्या संशोधन संस्था, कला केंद्र, हाजुरी दर्गा रोड, उर्दू शाळा प्रांगण, लुईसवाडी, ठाणे (पश्चिम) येथे होणार आहे. चर्चासत्रास प्रवेश विनामूल्य आहे. अजिंठा लेण्यांचे अग्रगण्य अभ्यासक प्रा. वॉल्टर एम. स्पिंक यांनी आयुष्यभर केलेले संशोधन ‘Revised Short Chronology’ या नावाने प्रसिद्ध आहे. त्यांच्या संशोधनामुळे अजिंठ्याच्या इतिहासाकडे पाहण्याचे नवे दृष्टिकोन समोर आले आहेत. शुभा खांडेकर यांनी प्रा. स्पिंक यांच्या ‘Ajanta: History and Development’ या सात खंडांच्या ग्रंथमालिकेचे संक्षेपीकरण हाती घेतले असून, त्यासाठी त्यांना सुरुवातीला स्वतः प्रा. स्पिंक यांचे मार्गदर्शन लाभले. लेखन व इतर माध्यमांतून त्या स्पिंक यांचे अजिंठा संशोधन व्यापक जनतेपर्यंत पोहोचवत आहेत. अजिंठ्यावरील त्यांचे दोन शोधनिबंध प्रकाशित झाले असून, त्या ‘आर्कियोगिरी’ या भारतीय इतिहास व पुरातत्त्वशास्त्रावरील पुस्तकाच्या लेखिका व व्यंगचित्रकार आहेत. अजिंठ्याच्या इतिहासातील नव्या संशोधनाची ओळख करून घेण्यासाठी आणि या विषयावरील चर्चेत सहभागी होण्यासाठी इतिहास, पुरातत्त्व आणि सांस्कृतिक वारशात रस असलेल्या नागरिकांनी या विनामूल्य चर्चासत्राचा लाभ घ्यावा, असे आवाहन ग्रंथालय मित्र मंडळाचे अध्यक्ष श्री. सुधीर बढे आणि सचिव श्री. गिरीश घाटे यांनी केले आहे.

E city news network

Local News Reporter करवीर, कोल्हापूर, महाराष्ट्र•

21 hrs ago

वॉल्टर स्पिंक यांचे अजिंठा संशोधन’ - शुभा खांडेकर यांचे व्याख्यान व चर्चासत्र ‘ प्राच्यविद्या संशोधन संस्था आणि ग्रंथालय मित्र मंडळ यांच्या संयुक्त विद्यमाने ‘वॉल्टर स्पिंक यांचे अजिंठा संशोधन’ या विषयावर शुभा खांडेकर यांचे व्याख्यान आणि त्यानंतर चर्चासत्र आयोजित करण्यात आले आहे. हे चर्चासत्र गुरुवार, ३ सप्टेंबर २०२६ रोजी सायंकाळी ५ ते ६.३० या वेळेत प्राच्यविद्या संशोधन संस्था, कला केंद्र, हाजुरी दर्गा रोड, उर्दू शाळा प्रांगण, लुईसवाडी, ठाणे (पश्चिम) येथे होणार आहे. चर्चासत्रास प्रवेश विनामूल्य आहे. अजिंठा लेण्यांचे अग्रगण्य अभ्यासक प्रा. वॉल्टर एम. स्पिंक यांनी आयुष्यभर केलेले संशोधन ‘Revised Short Chronology’ या नावाने प्रसिद्ध आहे. त्यांच्या संशोधनामुळे अजिंठ्याच्या इतिहासाकडे पाहण्याचे नवे दृष्टिकोन समोर आले आहेत. शुभा खांडेकर यांनी प्रा. स्पिंक यांच्या ‘Ajanta: History and Development’ या सात खंडांच्या ग्रंथमालिकेचे संक्षेपीकरण हाती घेतले असून, त्यासाठी त्यांना सुरुवातीला स्वतः प्रा. स्पिंक यांचे मार्गदर्शन लाभले. लेखन व इतर माध्यमांतून त्या स्पिंक यांचे अजिंठा संशोधन व्यापक जनतेपर्यंत पोहोचवत आहेत. अजिंठ्यावरील त्यांचे दोन शोधनिबंध प्रकाशित झाले असून, त्या ‘आर्कियोगिरी’ या भारतीय इतिहास व पुरातत्त्वशास्त्रावरील पुस्तकाच्या लेखिका व व्यंगचित्रकार आहेत. अजिंठ्याच्या इतिहासातील नव्या संशोधनाची ओळख करून घेण्यासाठी आणि या विषयावरील चर्चेत सहभागी होण्यासाठी इतिहास, पुरातत्त्व आणि सांस्कृतिक वारशात रस असलेल्या नागरिकांनी या विनामूल्य चर्चासत्राचा लाभ घ्यावा, असे आवाहन ग्रंथालय मित्र मंडळाचे अध्यक्ष श्री. सुधीर बढे आणि सचिव श्री. गिरीश घाटे यांनी केले आहे.