अमरावती येथे महाराष्ट्र राज्य जिल्हा परिषद लिपिक वर्गीय कर्मचारी संघटना (जिल्हा शाखा अमरावती) आणि महाराष्ट्र राज्य जिल्हा परिषद कर्मचारी युनियन (जिल्हा शाखा अमरावती) यांच्या संयुक्त विद्यमाने मासिक सभा अत्यंत उत्साहात पार पडली. जिल्हा परिषद परिसरातील संघटना कार्यालयात पार पडलेल्या या सभेच्या अध्यक्षस्थानी संघटनेचे जिल्हाध्यक्ष तथा राज्य कार्याध्यक्ष पंकज गुल्हाने होते, तर सभेचे कामकाज जिल्हा सचिव संजय राठी यांनी सांभाळले. या बैठकीत मागील सभेचे इतिवृत्त सर्वानुमते कायम करण्यात आले आणि सन २०२६ च्या दिनदर्शिका वर्गणी तातडीने जमा करण्याचा निर्णय घेण्यात आला. या सभेत कर्मचाऱ्यांच्या हिताचे अनेक महत्त्वाचे ठराव एकमताने मंजूर करण्यात आले. सामान्य प्रशासन विभागातील पदोन्नती प्रक्रियेदरम्यान कर्मचाऱ्यांच्या अडचणी लक्षात घेऊन पदोन्नतीपूर्वी समुपदेशन करावे आणि शक्य तितक्या प्रमाणात सोयीचे कार्यस्थळ द्यावे, अशी मागणी करण्यात आली. तसेच महिला कर्मचाऱ्यांच्या सुविधेसाठी पंचायत समिती भातकुली, कृषी विभाग आणि शिक्षण विभागाच्या कार्यालयांमध्ये 'हिरकणी कक्ष' आणि विशाखा समिती अंतर्गत स्वतंत्र समुपदेशन व तक्रार निवारण कक्ष स्थापन करण्याचा ठराव मंजूर करण्यात आला. यासोबतच जिल्ह्यातील पंचायत समित्यांमध्ये मागील पाच वर्षांपासून प्रलंबित असलेली कर्मचाऱ्यांची प्रवासभत्ता देयके तातडीने देण्यासाठी आवश्यक निधी उपलब्ध करून देण्याचा ठराव करण्यात आला. सभेत सन २०१६ पासून DCPS/NPS कर्मचाऱ्यांच्या वेतनातून कपात होऊनही अनेक खात्यांचा ताळमेळ न लागल्याबद्दल तीव्र नाराजी व्यक्त करण्यात आली. याप्रकरणी वरिष्ठ कार्यालयाकडे सविस्तर निवेदन देऊन पाठपुरावा करण्याचा निर्णय घेण्यात आला. तसेच पंचायत समिती नांदगाव खंडेश्वरसह विविध पंचायत समित्यांतील DCPS/NPS कर्मचाऱ्यांच्या सहाव्या वेतन आयोगाच्या थकीत हप्त्यांची रक्कम तातडीने त्यांच्या खात्यात जमा करण्याची मागणी करण्यात आली. याशिवाय, नुकतीच पदोन्नती मिळालेल्या तसेच नव्याने रुजू झालेल्या कनिष्ठ सहाय्यक, वरिष्ठ सहाय्यक, कनिष्ठ प्रशासन अधिकारी व सहाय्यक प्रशासन अधिकारी यांच्यासाठी सेवाविषयक नियम आणि कार्यालयीन कामकाजाबाबत विशेष प्रशिक्षण कार्यशाळा आयोजित करण्याची मागणी करण्यात आली. या प्रसंगी जुलै २०२६ मध्ये विविध पदांवर पदोन्नती मिळालेल्या सर्व अधिकारी व कर्मचाऱ्यांचे पुष्पगुच्छ देऊन अभिनंदन करण्यात आले. या सभेला गजानन कोरडे, विजय कोठाळे, संजय येवुतकर, हेमंतकुमार यावले, दिनेश राऊत, अर्चना मानकर, जीवन नारे, अंकुश पवार, अमित बारबुदे, विशाल खरड, सुभाष जाधव, विजय कविटकर, दिनेश तांबडे, गजानन केंद्रे, राजेंद्र मेतकर, नागेश काशेट्टीवार, पी. एन. गोरले, एस. एस. तिवारी, शाम लवाडे, शफिक अहमद, परीक्षित बाराहाते, सुशील बडोने यांच्यासह संघटनेचे अनेक पदाधिकारी आणि सदस्य मोठ्या संख्येने उपस्थित होते. सभेच्या शेवटी अध्यक्ष पंकज गुल्हाने यांनी उपस्थितांचे आभार मानून सभा समाप्त झाल्याचे जाहीर केले.

आयकॉन महाराष्ट्र न्यूज

औरंगाबाद, औरंगाबाद, महाराष्ट्र•

1 hr ago

अमरावती येथे महाराष्ट्र राज्य जिल्हा परिषद लिपिक वर्गीय कर्मचारी संघटना (जिल्हा शाखा अमरावती) आणि महाराष्ट्र राज्य जिल्हा परिषद कर्मचारी युनियन (जिल्हा शाखा अमरावती) यांच्या संयुक्त विद्यमाने मासिक सभा अत्यंत उत्साहात पार पडली. जिल्हा परिषद परिसरातील संघटना कार्यालयात पार पडलेल्या या सभेच्या अध्यक्षस्थानी संघटनेचे जिल्हाध्यक्ष तथा राज्य कार्याध्यक्ष पंकज गुल्हाने होते, तर सभेचे कामकाज जिल्हा सचिव संजय राठी यांनी सांभाळले. या बैठकीत मागील सभेचे इतिवृत्त सर्वानुमते कायम करण्यात आले आणि सन २०२६ च्या दिनदर्शिका वर्गणी तातडीने जमा करण्याचा निर्णय घेण्यात आला. या सभेत कर्मचाऱ्यांच्या हिताचे अनेक महत्त्वाचे ठराव एकमताने मंजूर करण्यात आले. सामान्य प्रशासन विभागातील पदोन्नती प्रक्रियेदरम्यान कर्मचाऱ्यांच्या अडचणी लक्षात घेऊन पदोन्नतीपूर्वी समुपदेशन करावे आणि शक्य तितक्या प्रमाणात सोयीचे कार्यस्थळ द्यावे, अशी मागणी करण्यात आली. तसेच महिला कर्मचाऱ्यांच्या सुविधेसाठी पंचायत समिती भातकुली, कृषी विभाग आणि शिक्षण विभागाच्या कार्यालयांमध्ये 'हिरकणी कक्ष' आणि विशाखा समिती अंतर्गत स्वतंत्र समुपदेशन व तक्रार निवारण कक्ष स्थापन करण्याचा ठराव मंजूर करण्यात आला. यासोबतच जिल्ह्यातील पंचायत समित्यांमध्ये मागील पाच वर्षांपासून प्रलंबित असलेली कर्मचाऱ्यांची प्रवासभत्ता देयके तातडीने देण्यासाठी आवश्यक निधी उपलब्ध करून देण्याचा ठराव करण्यात आला. सभेत सन २०१६ पासून DCPS/NPS कर्मचाऱ्यांच्या वेतनातून कपात होऊनही अनेक खात्यांचा ताळमेळ न लागल्याबद्दल तीव्र नाराजी व्यक्त करण्यात आली. याप्रकरणी वरिष्ठ कार्यालयाकडे सविस्तर निवेदन देऊन पाठपुरावा करण्याचा निर्णय घेण्यात आला. तसेच पंचायत समिती नांदगाव खंडेश्वरसह विविध पंचायत समित्यांतील DCPS/NPS कर्मचाऱ्यांच्या सहाव्या वेतन आयोगाच्या थकीत हप्त्यांची रक्कम तातडीने त्यांच्या खात्यात जमा करण्याची मागणी करण्यात आली. याशिवाय, नुकतीच पदोन्नती मिळालेल्या तसेच नव्याने रुजू झालेल्या कनिष्ठ सहाय्यक, वरिष्ठ सहाय्यक, कनिष्ठ प्रशासन अधिकारी व सहाय्यक प्रशासन अधिकारी यांच्यासाठी सेवाविषयक नियम आणि कार्यालयीन कामकाजाबाबत विशेष प्रशिक्षण कार्यशाळा आयोजित करण्याची मागणी करण्यात आली. या प्रसंगी जुलै २०२६ मध्ये विविध पदांवर पदोन्नती मिळालेल्या सर्व अधिकारी व कर्मचाऱ्यांचे पुष्पगुच्छ देऊन अभिनंदन करण्यात आले. या सभेला गजानन कोरडे, विजय कोठाळे, संजय येवुतकर, हेमंतकुमार यावले, दिनेश राऊत, अर्चना मानकर, जीवन नारे, अंकुश पवार, अमित बारबुदे, विशाल खरड, सुभाष जाधव, विजय कविटकर, दिनेश तांबडे, गजानन केंद्रे, राजेंद्र मेतकर, नागेश काशेट्टीवार, पी. एन. गोरले, एस. एस. तिवारी, शाम लवाडे, शफिक अहमद, परीक्षित बाराहाते, सुशील बडोने यांच्यासह संघटनेचे अनेक पदाधिकारी आणि सदस्य मोठ्या संख्येने उपस्थित होते. सभेच्या शेवटी अध्यक्ष पंकज गुल्हाने यांनी उपस्थितांचे आभार मानून सभा समाप्त झाल्याचे जाहीर केले.