भीषण स्फोट; कामगाराच्या पायाचे तुकडे, गंधक वाहतुकीवर प्रश्नचिन्ह सोलापुरात भीषण स्फोट; कामगाराच्या पायाचे तुकडे, गंधक वाहतुकीवर प्रश्नचिन्ह जुनी मिल कंपाऊंड परिसरातील घटना; साहित्य वाहनात ठेवताना झाला स्फोट सोलापूर शहरातील जुनी मिल कंपाऊंड परिसरात सोमवारी सायंकाळी झालेल्या भीषण स्फोटात एका कामगाराचा पाय गंभीर जखमी झाल्याची धक्कादायक घटना घडली. सहारा गन हाऊस येथील साहित्य वाहनात ठेवताना हा स्फोट झाल्याची प्राथमिक माहिती समोर आली आहे. या घटनेमुळे परिसरात काही काळ भीतीचे वातावरण निर्माण झाले होते. मिळालेल्या माहितीनुसार, केदारनाथ सिद्धाप्पा छत्रे (वय ५३) असे जखमी कामगाराचे नाव असून ते सहारा गन हाऊस येथे काम करत होते. जुनी मिल कंपाऊंड परिसरातील रोडलगतच्या शॉपिंग सेंटरमध्ये संबंधित दुकान असून तेथून एमएच ४५ एन ३८१३ क्रमांकाच्या वाहनातून साहित्य वाहतूक केली जात होती. सायंकाळी साधारण ६ वाजून २१ मिनिटांच्या सुमारास केदारनाथ छत्रे हे साहित्य वाहनाच्या डिकीत ठेवत असताना अचानक साहित्य खाली पडले आणि मोठा स्फोट झाला. या भीषण स्फोटात त्यांच्या उजव्या पायाला गंभीर दुखापत झाली. प्रत्यक्षदर्शींनी दिलेल्या माहितीनुसार, स्फोटाचा आवाज मोठा असल्याने परिसरातील नागरिक घाबरून बाहेर आले. घटनेनंतर काही काळ मदत यंत्रणा घटनास्थळी पोहोचली नसल्याचे सांगण्यात येत आहे. राज सलगर यांनी तत्काळ घटनास्थळी धाव घेत जखमी कामगाराला आपल्या वाहनातून सोलापूर शासकीय रुग्णालयात दाखल केले. प्राथमिक माहितीनुसार, संबंधित साहित्यामध्ये गंधक असल्याची शक्यता व्यक्त करण्यात येत आहे. गंधक हा ज्वलनशील पदार्थ मानला जात असल्याने अशा प्रकारच्या साहित्याची वाहतूक आणि साठवणूक नियमांनुसार करण्यात आली होती का, याबाबत प्रश्न उपस्थित होत आहेत. दरम्यान, पोलिस व संबंधित यंत्रणांकडून घटनेचा पुढील तपास सुरू असून स्फोटाचे नेमके कारण शोधले जात आहे.

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

भीषण स्फोट; कामगाराच्या पायाचे तुकडे, गंधक वाहतुकीवर प्रश्नचिन्ह सोलापुरात भीषण स्फोट; कामगाराच्या पायाचे तुकडे, गंधक वाहतुकीवर प्रश्नचिन्ह जुनी मिल कंपाऊंड परिसरातील घटना; साहित्य वाहनात ठेवताना झाला स्फोट सोलापूर शहरातील जुनी मिल कंपाऊंड परिसरात सोमवारी सायंकाळी झालेल्या भीषण स्फोटात एका कामगाराचा पाय गंभीर जखमी झाल्याची धक्कादायक घटना घडली. सहारा गन हाऊस येथील साहित्य वाहनात ठेवताना हा स्फोट झाल्याची प्राथमिक माहिती समोर आली आहे. या घटनेमुळे परिसरात काही काळ भीतीचे वातावरण निर्माण झाले होते. मिळालेल्या माहितीनुसार, केदारनाथ सिद्धाप्पा छत्रे (वय ५३) असे जखमी कामगाराचे नाव असून ते सहारा गन हाऊस येथे काम करत होते. जुनी मिल कंपाऊंड परिसरातील रोडलगतच्या शॉपिंग सेंटरमध्ये संबंधित दुकान असून तेथून एमएच ४५ एन ३८१३ क्रमांकाच्या वाहनातून साहित्य वाहतूक केली जात होती. सायंकाळी साधारण ६ वाजून २१ मिनिटांच्या सुमारास केदारनाथ छत्रे हे साहित्य वाहनाच्या डिकीत ठेवत असताना अचानक साहित्य खाली पडले आणि मोठा स्फोट झाला. या भीषण स्फोटात त्यांच्या उजव्या पायाला गंभीर दुखापत झाली. प्रत्यक्षदर्शींनी दिलेल्या माहितीनुसार, स्फोटाचा आवाज मोठा असल्याने परिसरातील नागरिक घाबरून बाहेर आले. घटनेनंतर काही काळ मदत यंत्रणा घटनास्थळी पोहोचली नसल्याचे सांगण्यात येत आहे. राज सलगर यांनी तत्काळ घटनास्थळी धाव घेत जखमी कामगाराला आपल्या वाहनातून सोलापूर शासकीय रुग्णालयात दाखल केले. प्राथमिक माहितीनुसार, संबंधित साहित्यामध्ये गंधक असल्याची शक्यता व्यक्त करण्यात येत आहे. गंधक हा ज्वलनशील पदार्थ मानला जात असल्याने अशा प्रकारच्या साहित्याची वाहतूक आणि साठवणूक नियमांनुसार करण्यात आली होती का, याबाबत प्रश्न उपस्थित होत आहेत. दरम्यान, पोलिस व संबंधित यंत्रणांकडून घटनेचा पुढील तपास सुरू असून स्फोटाचे नेमके कारण शोधले जात आहे.