જુનાગઢ જીલ્લામાં ભારે વરસાદની આગાહી કલેકટરે સાવચેત રહેવા જણાવ્યું જૂનાગઢ જિલ્લામાં ભારે વરસાદની આગાહી: કલેક્ટરની નાગરિકોને સાવચેતી રાખવા અપીલ જૂનાગઢ જિલ્લા કલેક્ટર શ્રી યોગેશ ચૌધરીએ જણાવ્યું છે કે હાલમાં જિલ્લામાં વાતાવરણ સામાન્ય છે, પરંતુ હવામાન વિભાગની આગાહી મુજબ આજે રાત્રિથી લઈને આવતીકાલ દરમિયાન જિલ્લામાં ભારે વરસાદ પડવાની પ્રબળ શક્યતા છે. તેમણે જણાવ્યું કે દક્ષિણ ગુજરાત અને અમદાવાદ સહિતના વિસ્તારોમાં ભારે વરસાદ વરસી રહ્યો છે અને આ વરસાદી સિસ્ટમ હવે સૌરાષ્ટ્ર તરફ આગળ વધી રહી છે. જેના કારણે ભાવનગર, અમરેલી, રાજકોટ તેમજ જૂનાગઢ જિલ્લામાં પણ વરસાદનું જોર વધવાની સંભાવના છે. આ પરિસ્થિતિને ધ્યાનમાં રાખીને કલેક્ટરે નાગરિકોને આજે સાંજથી આવતીકાલ સાંજ સુધી બિનજરૂરી બહાર ન નીકળવા અપીલ કરી છે. ખાસ કરીને નીચાણવાળા વિસ્તારોમાં તેમજ ડેમના હેઠવાસમાં રહેતા લોકોને વધુ સાવચેત રહેવા સૂચના આપવામાં આવી છે. નદી-નાળા અને ડેમમાં પાણીની આવક વધી શકે હોવાથી આવા સ્થળોની નજીક ન જવાની પણ ખાસ તાકીદ કરવામાં આવી છે. જિલ્લા વહીવટી તંત્ર સંપૂર્ણ સજ્જ હોવાનું જણાવતાં કલેક્ટરે કહ્યું કે તમામ અધિકારીઓ અને ટીમો ફિલ્ડમાં કાર્યરત છે. કોઈપણ આપત્તિજનક પરિસ્થિતિનો સામનો કરવા માટે NDRF અને SDRFની ટીમો પણ તૈનાત કરવામાં આવી છે. કોઈપણ ઇમર્જન્સી અથવા મદદની જરૂરિયાત ઊભી થાય તો નાગરિકોએ પોતાના ગામમાં નિયુક્ત સરકારી કર્મચારીઓ અથવા જિલ્લા ડિઝાસ્ટર કંટ્રોલ રૂમનો તાત્કાલિક સંપર્ક કરવા અપીલ કરવામાં આવી છે, જેથી ઝડપથી જરૂરી સહાય પહોંચાડી શકાય.

Samir Bhalodiya

Vanthali, Junagadh•

5 hrs ago

જુનાગઢ જીલ્લામાં ભારે વરસાદની આગાહી કલેકટરે સાવચેત રહેવા જણાવ્યું જૂનાગઢ જિલ્લામાં ભારે વરસાદની આગાહી: કલેક્ટરની નાગરિકોને સાવચેતી રાખવા અપીલ જૂનાગઢ જિલ્લા કલેક્ટર શ્રી યોગેશ ચૌધરીએ જણાવ્યું છે કે હાલમાં જિલ્લામાં વાતાવરણ સામાન્ય છે, પરંતુ હવામાન વિભાગની આગાહી મુજબ આજે રાત્રિથી લઈને આવતીકાલ દરમિયાન જિલ્લામાં ભારે વરસાદ પડવાની પ્રબળ શક્યતા છે. તેમણે જણાવ્યું કે દક્ષિણ ગુજરાત અને અમદાવાદ સહિતના વિસ્તારોમાં ભારે વરસાદ વરસી રહ્યો છે અને આ વરસાદી સિસ્ટમ હવે સૌરાષ્ટ્ર તરફ આગળ વધી રહી છે. જેના કારણે ભાવનગર, અમરેલી, રાજકોટ તેમજ જૂનાગઢ જિલ્લામાં પણ વરસાદનું જોર વધવાની સંભાવના છે. આ પરિસ્થિતિને ધ્યાનમાં રાખીને કલેક્ટરે નાગરિકોને આજે સાંજથી આવતીકાલ સાંજ સુધી બિનજરૂરી બહાર ન નીકળવા અપીલ કરી છે. ખાસ કરીને નીચાણવાળા વિસ્તારોમાં તેમજ ડેમના હેઠવાસમાં રહેતા લોકોને વધુ સાવચેત રહેવા સૂચના આપવામાં આવી છે. નદી-નાળા અને ડેમમાં પાણીની આવક વધી શકે હોવાથી આવા સ્થળોની નજીક ન જવાની પણ ખાસ તાકીદ કરવામાં આવી છે. જિલ્લા વહીવટી તંત્ર સંપૂર્ણ સજ્જ હોવાનું જણાવતાં કલેક્ટરે કહ્યું કે તમામ અધિકારીઓ અને ટીમો ફિલ્ડમાં કાર્યરત છે. કોઈપણ આપત્તિજનક પરિસ્થિતિનો સામનો કરવા માટે NDRF અને SDRFની ટીમો પણ તૈનાત કરવામાં આવી છે. કોઈપણ ઇમર્જન્સી અથવા મદદની જરૂરિયાત ઊભી થાય તો નાગરિકોએ પોતાના ગામમાં નિયુક્ત સરકારી કર્મચારીઓ અથવા જિલ્લા ડિઝાસ્ટર કંટ્રોલ રૂમનો તાત્કાલિક સંપર્ક કરવા અપીલ કરવામાં આવી છે, જેથી ઝડપથી જરૂરી સહાય પહોંચાડી શકાય.