મોડાસા: બેંક ઓફ મહારાષ્ટ્ર સામેની ઘટનાના 14 સપ્ટેમ્બરના લાઈવ CCTV ફૂટેજ સામે આવ્યા — ગંભીર ઈજાગ્રસ્ત મહિલાને સારવાર માટે ખસેડાઈ મોડાસા: બેંક ઓફ મહારાષ્ટ્ર સામેની ઘટનાના 14 સપ્ટેમ્બરના લાઈવ CCTV ફૂટેજ સામે આવ્યા — ગંભીર ઈજાગ્રસ્ત મહિલાને સારવાર માટે ખસેડાઈ

મોડાસા: બેંક ઓફ મહારાષ્ટ્ર સામેની ઘટનાના 14 સપ્ટેમ્બરના લાઈવ CCTV ફૂટેજ સામે આવ્યા — ગંભીર ઈજાગ્રસ્ત મહિલાને સારવાર માટે ખસેડાઈ મોડાસા: બેંક ઓફ મહારાષ્ટ્ર સામેની ઘટનાના 14 સપ્ટેમ્બરના લાઈવ CCTV ફૂટેજ સામે આવ્યા — ગંભીર ઈજાગ્રસ્ત મહિલાને સારવાર માટે ખસેડાઈ

🚨 હિંમતનગરમાં રીક્ષા ચોરીના બે ગુનાનો ભેદ ઉકેલાયો રીઢા રીક્ષા ચોરને બે ચોરીની રીક્ષાઓ સાથે બી ડિવિઝન પોલીસે ઝડપી પાડ્યો હિંમતનગર, તા. 13 સપ્ટેમ્બર 2026: હિંમતનગર બી ડિવિઝન પોલીસે રીક્ષા ચોરીના બે ગુનાનો ભેદ ઉકેલી રીક્ષા ચોરી કરવાની ટેવ ધરાવતા રીઢા આરોપીને બે ચોરીની રીક્ષાઓ સાથે ઝડપી પાડ્યો છે. પોલીસની કાર્યવાહીથી કુલ અંદાજે રૂ.3.10 લાખની કિંમતની બે રીક્ષાઓ રિકવર કરવામાં આવી છે. પ્રાપ્ત વિગતો મુજબ હિંમતનગર બી ડિવિઝન પોલીસ સ્ટેશનમાં રીક્ષા ચોરીનો ગુનો નોંધાયા બાદ પોલીસે આસપાસના CCTV ફૂટેજની તપાસ હાથ ધરી હતી. તપાસ દરમિયાન ચોરીમાં ગયેલી GJ-09-AX-8910 નંબરની રીક્ષા મળી આવી હતી. આ રીક્ષા સાથે **સુરેશભાઈ ઉર્ફે પ્રહલાદજી વેલાજી ઠાકોર (ઉં.વ.35, રહે. જીલીયા, તા. ચાણસ્મા, જી. પાટણ)**ને ઝડપી પાડવામાં આવ્યો હતો. પોલીસે આરોપીની પૂછપરછ કરતાં તેણે થલતેજ વિસ્તારમાંથી બીજી રીક્ષા ચોરી કરી હોવાની કબૂલાત કરતાં GJ-27-TE-3494 નંબરની બીજી રીક્ષા પણ રિકવર કરવામાં આવી હતી. આ રીક્ષા અંગે અમદાવાદ શહેરના બોડકદેવ પોલીસ સ્ટેશનમાં અલગ ગુનો નોંધાયેલો હોવાનું સામે આવ્યું હતું. પોલીસના જણાવ્યા મુજબ આરોપી સામે અગાઉ પણ ચોરીના અનેક ગુનાઓ નોંધાયેલા છે. તેના ગુનાહિત ઇતિહાસમાં સેટેલાઇટ, ઇન્ફોસિટી, સોલા હાઇકોર્ટ, અડાલજ, ગાંધીનગર સેક્ટર-7, સરખેજ અને વસ્ત્રાપુર પોલીસ સ્ટેશનના કુલ 19 જેટલા ચોરી સંબંધિત ગુનાઓનો ઉલ્લેખ છે. આ સમગ્ર કામગીરી હિંમતનગર બી ડિવિઝન પોલીસ ઇન્સ્પેક્ટર ડી.એન. વસાવાના માર્ગદર્શન હેઠળ PSI એ.પી. માળી તથા પોલીસ કર્મચારીઓની ટીમે હાથ ધરી હતી. રિકવર થયેલ મુદ્દામાલ: બજાજ કંપનીની CNG રીક્ષા નં. GJ-09-AX-8910 – કિંમત રૂ.1.50 લાખ રીક્ષા નં. GJ-27-TE-3494 – કિંમત રૂ.1.60 લાખ કુલ મુદ્દામાલ: રૂ.3.10 લાખ

ગ્રામજનો પૂછે છે સવાલ—25 વર્ષનું સુશાસન આખરે ક્યાં દેખાય છે? 25 વર્ષનું સુશાસન કે વિકાસના દાવાની પોલ? દેમતિ ગામની જમીન પરની હકીકત ચોંકાવનારી! “વિકાસના દાવા કાગળ પર નહીં, જમીન પર દેખાવા જોઈએ…” દેમતિ ગ્રામ પંચાયત વિસ્તારમાં પાણીની પાઈપલાઈનની સામે આવેલી આ સ્થિતિ અનેક સવાલો ઉભા કરે છે. શું ખરેખર 25 વર્ષનું સુશાસન ગામડાના અંતિમ ઘર સુધી પહોંચ્યું છે? 👉 જવાબદાર તંત્ર આ બાબતે શું કહે છે? 👉 પાઈપલાઈનની યોગ્ય કામગીરી અને જાળવણી ક્યારે થશે?

આ પાણી થી કુવા રીચાર્જ થવાની આશા ખેડુતો મા બંધાઈ છે... ખેડબ્રહ્મા સહેલા મધ્યમાંથી પસાર થતી હરણાવ નદીમાં નીર આવ્યા છે ખેડબ્રહ્મા શહેરમાં ગતરોજ પડેલા 3.46 ઇંચ કરતા વધુ વરસાદને લઈ હરણાવ નદીમાં આવ્યા નવા નીર આવ્યા છે નીર આવતા નદી વહેતી થઈ છે આ પાણી થી કુવા રીચાર્જ થવાની આશા ખેડુતો મા બંધાઈ છે છેલ્લા કેટલાક સમય થી નદી કોરી જેવી લાગતી હતી જે છેલ્લા ત્રણ દિવસ થી થઈ રહેલા વરસાદ ને લઈ નવા નીર આવ્યા છે ખેડબ્રહ્મા શહેર તેમજ ગ્રામ્ય વિસ્તાર 47.17 મા %જેટલો વરસાદ નોંધાઈ ગયો છે ખેડબ્રહ્મા સહેલા મધ્યમાંથી પસાર થતી હરણાવ નદીમાં નીર આવ્યા: આ પાણી થી કુવા રીચાર્જ થવાની આશા ખેડુતો મા બંધાઈ છે

સંજેલીના ચમારિઆ ગામે હોળી ફળિયા ગણેશ ચતુર્થીની ભક્તિમય ઉજવણી સંજેલીના ચમારિઆ ગામે ગણેશ ચતુર્થીની ભક્તિમય ઉજવણી સંજેલી તાલુકાના ચમારિઆ ગામના હોળી ફળિયા ખાતે ગણેશ ચતુર્થી નિમિત્તે વિઘ્નહર્તા શ્રી ગણેશજીની ભવ્ય સ્થાપના કરવામાં આવી હતી. ગણેશજીની સ્થાપના પ્રસંગે ભક્તોમાં ભારે ઉત્સાહ જોવા મળ્યો હતો. ધાર્મિક માહોલ વચ્ચે ગણેશજીની પૂજા-અર્ચના કરી **“ગણપતિ બાપ્પા મોરિયા”**ના જયઘોષથી સમગ્ર વિસ્તાર ગુંજી ઉઠ્યો હતો. 🙏 શ્રી ગણેશજી સૌના જીવનમાં સુખ, શાંતિ અને સમૃદ્ધિ લાવે તેવી પ્રાર્થના.

સંજેલીમાં HP ગેસ એજન્સી પર ગ્રાહકો પાસેથી રૂ.5 વધુ વસૂલાતનો આક્ષેપ ઓનલાઈન મેસેજમાં રૂ.965, એજન્સીના માણસો ગ્રાહકો પાસેથી રૂ.970 મોઢે માંગતા હોવાનો આક્ષેપ સંજેલી તાલુકામાં અનાજ માર્કેટની બાજુમાં આવેલી HP ગેસ એજન્સી ખાતે ગ્રાહકો પાસેથી ગેસ સિલિન્ડરની કિંમત કરતાં રૂ.5 વધુ વસૂલવામાં આવતા હોવાના આક્ષેપો સામે આવ્યા છે. ગ્રાહકોના જણાવ્યા મુજબ, ગેસ બુકિંગ બાદ મળતા ઓનલાઈન મેસેજમાં સિલિન્ડરની રકમ રૂ.965 દર્શાવવામાં આવે છે, પરંતુ એજન્સી ખાતે સિલિન્ડર લેવા પહોંચતા ગ્રાહકો પાસેથી એજન્સીના માણસો દ્વારા રૂ.970 મોઢે માંગવામાં આવે છે. ગ્રાહકોનું કહેવું છે કે ઓનલાઈન મેસેજમાં સ્પષ્ટપણે રૂ.965ની રકમ દર્શાવાતી હોવા છતાં વધારાના રૂ.5 શા માટે લેવામાં આવે છે તે અંગે કોઈ સ્પષ્ટ માહિતી આપવામાં આવતી નથી. જેના કારણે ગ્રાહકોમાં નારાજગી જોવા મળી રહી છે અને આ વધારાની વસૂલાત અંગે અનેક સવાલો ઉભા થયા છે. જો સત્તાવાર બિલ અથવા ઓનલાઈન મેસેજમાં રૂ.965 જ ચૂકવવાની રકમ દર્શાવવામાં આવી હોય, તો વધારાના રૂ.5 વસૂલવા પાછળનું કારણ શું છે? શું આ રકમ માટે ગ્રાહકને યોગ્ય રસીદ આપવામાં આવે છે? જો વધારાની રકમ કોઈ અધિકૃત ચાર્જના ભાગરૂપે લેવામાં આવતી હોય તો તેનો સ્પષ્ટ ઉલ્લેખ બિલ અથવા રસીદમાં કેમ કરવામાં આવતો નથી? તેવા સવાલો ગ્રાહકો દ્વારા ઉઠાવવામાં આવી રહ્યા છે. ગ્રાહકોની માંગ છે કે સંબંધિત HP ગેસ કંપની તથા પુરવઠા વિભાગના અધિકારીઓ દ્વારા સમગ્ર મામલે તપાસ કરવામાં આવે અને જો નિયમ વિરુદ્ધ વધારાની વસૂલાત થતી હોવાનું બહાર આવે તો જવાબદારો સામે યોગ્ય કાર્યવાહી કરવામાં આવે. સાથે જ ગ્રાહકોને ગેસ સિલિન્ડર આપતી વખતે કંપની દ્વારા દર્શાવેલી સત્તાવાર કિંમત મુજબ જ રકમ વસૂલવામાં આવે અને દરેક ગ્રાહકને યોગ્ય બિલ/રસીદ આપવામાં આવે તેવી પણ માંગ ઉઠી છે. નોંધ: આ બાબતે એજન્સીનો પક્ષ અને સંબંધિત અધિકારીઓનો જવાબ મળ્યા બાદ સમાચારને વધુ સ્પષ્ટતા સાથે રજૂ કરી શકાય છે.

રામોલમાં મકાનના વિવાદમાં ફાયરિંગની ઘટના અમદાવાદના રામોલ વિસ્તારમાં તક્ષશીલા સ્કૂલ પાસે મકાનના વિવાદને લઈને ત્રણ ભાઈઓ સમાધાન માટે ભેગા થયા હતા. રામોલમાં મકાનના વિવાદમાં ફાયરિંગની ઘટના અમદાવાદના રામોલ વિસ્તારમાં તક્ષશીલા સ્કૂલ પાસે મકાનના વિવાદને લઈને ત્રણ ભાઈઓ સમાધાન માટે ભેગા થયા હતા. દરમિયાન એક ભાઈ, જે BSFમાં નોકરી કરે છે અને તેનું નામ પ્રમોદ હોવાનું સામે આવ્યું છે, તેના દ્વારા ફાયરિંગ કરવામાં આવ્યું હોવાની માહિતી છે. ફાયરિંગમાં સમાધાન માટે આવેલા એક ભાઈને જાંઘના ભાગે ઈજા પહોંચી હોવાનું જાણવા મળ્યું છે. રામોલ પોલીસે આરોપીઓને હથિયાર સાથે ઝડપી લીધા હોવાની માહિતી છે. સમગ્ર મામલે પોલીસે વધુ તપાસ હાથ ધરી છે.

મહેસાણામાં રાધનપુર રોડ પર ગુડલક પાર્ટી પ્લોટ ખાતે મેહોણાના રાજાની ધમાકેદાર એન્ટ્રી.. શારદા શક્તિ ફાઉન્ડેશન દ્વારા મેહોણાના રાજાની ધામધૂમપૂર્વક સ્થાપના કરવામાં આવી.  પાંચ દિવસીય ગણેશોત્સવના પ્રારંભે જ ભક્તિમય અને સંગીતમય માહોલ સર્જાયો હતો. ગણેશોત્સવના પ્રથમ દિવસે સિંગર જયકર ભોજકની ટીમે સંગીતના સૂરોથી દાદા ભક્તોને ઝૂમાવી દીધા હતા. વિવિધ મહિલા મંડળોની મહિલાઓ પણ સંગીતના તાલે દાદામય બની હતી.  મોટી સંખ્યામાં ઉપસ્થિત દાદાભક્ત દર્શનાર્થીઓએ સંગીતના તાલે ઝૂમીને  સમગ્ર વાતાવરણને ભક્તિમય અને દાદામય બનાવી દીધું હતું. આશિષ પટેલ મહેસાણા