शेतकऱ्यांच्या हितासाठी 63 केव्हीए ऐवजी 100k केव्हीए ट्रांसफार्मर बसवण्याची आमदार राजेश बकाने यांची मागणी *शेतकऱ्यांच्या हितासाठी ६३ केव्हीएऐवजी १०० केव्हीए ट्रान्सफॉर्मर बसविण्याची आमदार राजेश बकाने यांची मागणी* देवळी–पुलगाव विधानसभा मतदारसंघासह जिल्ह्यातील अनेक गावांमध्ये शेतीसाठीचा वीजपुरवठा अपुरा पडत असल्याने शेतकऱ्यांना विविध अडचणींचा सामना करावा लागत आहे. ही बाब लक्षात घेऊन जिल्हा वार्षिक योजनेच्या बैठकीत आमदार राजेश बकाने यांनी शेतकऱ्यांच्या समस्यांकडे प्रशासनाचे लक्ष वेधत महत्त्वपूर्ण मागणी केली. बैठकीत बोलताना आमदार बकाने म्हणाले की, सध्या अनेक गावांमध्ये ६३ केव्हीए क्षमतेच्या एका ट्रान्सफॉर्मरवर मोठ्या प्रमाणात कृषी वीज जोडण्या देण्यात आल्या आहेत. त्यामुळे ट्रान्सफॉर्मरवर क्षमतेपेक्षा अधिक भार येतो. परिणामी वारंवार वीज खंडित होणे, कमी दाबाने वीज मिळणे, ट्रान्सफॉर्मर जळणे किंवा बिघाड होणे अशा समस्या निर्माण होत असून त्याचा थेट परिणाम शेतीवर होत आहे. यंदा पावसाचे स्वरूप अनिश्चित असून निसर्गाच्या लहरीपणामुळे अनेक भागांमध्ये पिकांना ओलीत करण्याची गरज भासू शकते. अशा परिस्थितीत शेतकऱ्यांना विद्युत पंपाच्या माध्यमातून सिंचनावरच अवलंबून राहावे लागणार आहे. मात्र, वीजपुरवठाच सुरळीत नसेल तर शेतकऱ्यांसमोर मोठे संकट निर्माण होऊ शकते, असे आमदार बकाने यांनी बैठकीत स्पष्ट केले. यासाठी ज्या गावांमध्ये ६३ केव्हीए ट्रान्सफॉर्मरवर जास्त प्रमाणात वीज जोडण्या आहेत, त्या ठिकाणी तातडीने १०० केव्हीए क्षमतेचे ट्रान्सफॉर्मर बसविण्याचे नियोजन करण्यात यावे, अशी मागणी त्यांनी केली. यामुळे ट्रान्सफॉर्मरवरील अतिरिक्त भार कमी होईल, वीजपुरवठा अधिक सुरळीत राहील आणि शेतकऱ्यांना वेळेवर सिंचन करता येईल, असे त्यांनी सांगितले. शेतकऱ्यांचे नुकसान टाळण्यासाठी आणि शेतीला आवश्यक असलेला अखंड व दर्जेदार वीजपुरवठा उपलब्ध करून देण्यासाठी महावितरणने या मागणीवर तातडीने सकारात्मक निर्णय घ्यावा, अशी अपेक्षाही आमदार राजेश बकाने यांनी व्यक्त केली. शेतकऱ्यांच्या हिताच्या दृष्टीने ही मागणी अत्यंत महत्त्वाची असून आगामी काळात सिंचन व्यवस्थेवर त्याचा सकारात्मक परिणाम होईल, असा विश्वासही त्यांनी व्यक्त केला.

Satish Kale

वर्धा, वर्धा, महाराष्ट्र•

7 hrs ago

शेतकऱ्यांच्या हितासाठी 63 केव्हीए ऐवजी 100k केव्हीए ट्रांसफार्मर बसवण्याची आमदार राजेश बकाने यांची मागणी *शेतकऱ्यांच्या हितासाठी ६३ केव्हीएऐवजी १०० केव्हीए ट्रान्सफॉर्मर बसविण्याची आमदार राजेश बकाने यांची मागणी* देवळी–पुलगाव विधानसभा मतदारसंघासह जिल्ह्यातील अनेक गावांमध्ये शेतीसाठीचा वीजपुरवठा अपुरा पडत असल्याने शेतकऱ्यांना विविध अडचणींचा सामना करावा लागत आहे. ही बाब लक्षात घेऊन जिल्हा वार्षिक योजनेच्या बैठकीत आमदार राजेश बकाने यांनी शेतकऱ्यांच्या समस्यांकडे प्रशासनाचे लक्ष वेधत महत्त्वपूर्ण मागणी केली. बैठकीत बोलताना आमदार बकाने म्हणाले की, सध्या अनेक गावांमध्ये ६३ केव्हीए क्षमतेच्या एका ट्रान्सफॉर्मरवर मोठ्या प्रमाणात कृषी वीज जोडण्या देण्यात आल्या आहेत. त्यामुळे ट्रान्सफॉर्मरवर क्षमतेपेक्षा अधिक भार येतो. परिणामी वारंवार वीज खंडित होणे, कमी दाबाने वीज मिळणे, ट्रान्सफॉर्मर जळणे किंवा बिघाड होणे अशा समस्या निर्माण होत असून त्याचा थेट परिणाम शेतीवर होत आहे. यंदा पावसाचे स्वरूप अनिश्चित असून निसर्गाच्या लहरीपणामुळे अनेक भागांमध्ये पिकांना ओलीत करण्याची गरज भासू शकते. अशा परिस्थितीत शेतकऱ्यांना विद्युत पंपाच्या माध्यमातून सिंचनावरच अवलंबून राहावे लागणार आहे. मात्र, वीजपुरवठाच सुरळीत नसेल तर शेतकऱ्यांसमोर मोठे संकट निर्माण होऊ शकते, असे आमदार बकाने यांनी बैठकीत स्पष्ट केले. यासाठी ज्या गावांमध्ये ६३ केव्हीए ट्रान्सफॉर्मरवर जास्त प्रमाणात वीज जोडण्या आहेत, त्या ठिकाणी तातडीने १०० केव्हीए क्षमतेचे ट्रान्सफॉर्मर बसविण्याचे नियोजन करण्यात यावे, अशी मागणी त्यांनी केली. यामुळे ट्रान्सफॉर्मरवरील अतिरिक्त भार कमी होईल, वीजपुरवठा अधिक सुरळीत राहील आणि शेतकऱ्यांना वेळेवर सिंचन करता येईल, असे त्यांनी सांगितले. शेतकऱ्यांचे नुकसान टाळण्यासाठी आणि शेतीला आवश्यक असलेला अखंड व दर्जेदार वीजपुरवठा उपलब्ध करून देण्यासाठी महावितरणने या मागणीवर तातडीने सकारात्मक निर्णय घ्यावा, अशी अपेक्षाही आमदार राजेश बकाने यांनी व्यक्त केली. शेतकऱ्यांच्या हिताच्या दृष्टीने ही मागणी अत्यंत महत्त्वाची असून आगामी काळात सिंचन व्यवस्थेवर त्याचा सकारात्मक परिणाम होईल, असा विश्वासही त्यांनी व्यक्त केला.