આજે હિન્દી પત્રકારિતા દિવસની ઉજવણી કરવામાં આવી રહી છે, જેની શરૂઆત 30 મે 1826ના રોજ 'ઉદંત માર્તંડ'ના પ્રકાશન સાથે થઈ હતી. આ યાત્રા આજે એક વિશાળ વટવૃક્ષનું સ્વરૂપ ધારણ કરી ચૂકી છે, જે પત્રકારિતાના લાંબા ઇતિહાસ અને તેની પ્રગતિને દર્શાવે છે. આ ખાસ દિવસ પત્રકારત્વના સાચા હેતુને યાદ અપાવે છે કે પત્રકારિતા માત્ર સમાચાર આપવા પૂરતી સીમિત નથી, પરંતુ સત્યની સાથે ઊભા રહેવા વિશે છે. તે આપણને યાદ અપાવે છે કે એક પત્રકારની કલમમાં સમાજમાં પરિવર્તન લાવવાની અપાર શક્તિ હોય છે. આ પ્રસંગે, નિષ્પક્ષ અને જવાબદાર પત્રકારિતાના સંકલ્પને ફરીથી દોહરાવવાનો આહ્વાન કરવામાં આવ્યું છે. BHARAT KUSHWAHA VANDE BHARAT LIVE TV NEWS 24 BREKING NEWS VANDE BHARAT LIVE TV તરફથી સૌને હિન્દી પત્રકારિતા દિવસની હાર્દિક શુભેચ્છાઓ પાઠવવામાં આવી છે, આ દિવસને આવકારીને.

કેન્દ્રીય ગૃહ અને સહકાર મંત્રી અમિતભાઈ શાહના પ્રેરણાદાયી માર્ગદર્શન તથા અમદાવાદ ડિસ્ટ્રિક્ટ કો-ઓપરેટિવ બેંક (એ.ડી.સી. બેંક)ના ચેરમેન અજયભાઈ પટેલના નેતૃત્વ હેઠળ, અમદાવાદ જિલ્લાના વિવિધ વિસ્તારોમાં રક્તદાન કેમ્પનું આયોજન કરવામાં આવ્યું હતું. આ અભિયાન અંતર્ગત માંડલ અને જલીસણા ગામે યોજાયેલા રક્તદાન કેમ્પને લોકો તરફથી ઉત્સાહભર્યો પ્રતિસાદ મળ્યો, જ્યાં એક જ દિવસમાં કુલ 125 યુનિટ રક્ત એકત્ર કરીને માનવસેવાનું અનોખું ઉદાહરણ પૂરું પાડવામાં આવ્યું. માંડલ ખાતે એ.ડી.સી. બેંકના મીટિંગ હોલ અને જલીસણા ગામે આયોજિત કેમ્પોમાં મોટી સંખ્યામાં રક્તદાતાઓએ સ્વેચ્છાએ રક્તદાન કરીને ઉત્તમ સંદેશ આપ્યો હતો. આ કાર્યક્રમ દરમિયાન બેંકના ડિરેક્ટર મણિલાલભાઈ સોમાભાઈ પટેલ, મેનેજર વાસુદેવભાઈ સહિત બેંકના અધિકારીઓ, કર્મચારીઓ તેમજ રેડક્રોસ સોસાયટીના ડોકટરો અને નર્સિંગ સ્ટાફ ઉપસ્થિત રહ્યા હતા. રક્તદાતાઓની સુવિધા માટે આરોગ્ય ચકાસણી સાથે ડાયાબિટીસ અને બ્લડ પ્રેશર સહિતના વિવિધ આરોગ્ય પરીક્ષણો પણ નિઃશુલ્ક કરવામાં આવ્યા હતા. રેડક્રોસ સોસાયટી દ્વારા તમામ રક્તદાતાઓને બ્લડ ડોનેશન પ્રમાણપત્ર આપી સન્માનિત કરવામાં આવ્યા. માંડલ અને જલીસણાના આ બંને કેમ્પોમાંથી એકત્ર કરાયેલું કુલ 125 યુનિટ રક્ત ભવિષ્યમાં અનેક દર્દીઓ માટે જીવનદાયી સાબિત થશે. કાર્યક્રમમાં ઉપસ્થિત આગેવાનોએ રક્તદાનને મહાદાન ગણાવતા વધુમાં વધુ લોકોને આવા સેવાકીય કાર્યોમાં જોડાવા અપીલ કરી હતી. તેમનો સંદેશ હતો કે, "રક્તદાન એ મહાદાન — એક યુનિટ રક્ત અનેક જિંદગીઓને નવી આશા આપી શકે છે."

વિજાપુર ખાતે 31 મે, 2026 ના રોજ વિશ્વ તમાકુ નિષેધ દિન નિમિત્તે જિલ્લા ટોબેકો સેલ મહેસાણા અને તાલુકા હેલ્થ ઓફિસર ડો. ચેતન પ્રજાપતિના માર્ગદર્શન હેઠળ જનજાગૃતિ રેલી અને વર્કશોપનું આયોજન કરવામાં આવ્યું હતું. આ કાર્યક્રમ "અપીલનો પર્દાફાશ, તમાકુ અને નિકોટીનના વ્યસનનો સામનો કરો" થીમ પર આધારિત હતો. આ જનજાગૃતિ રેલી સવારે એસડીએચ વિજાપુરથી શરૂ થઈને તાલુકા પંચાયત, ખત્રી કુવા, નગરપાલિકા અને બીઆરસી ભવન સહિતના જાહેર માર્ગો પર ફરી હતી. રેલી દરમિયાન આરોગ્ય કર્મચારીઓ અને નર્સિંગના વિદ્યાર્થીઓએ બેનર તથા પ્લેકાર્ડ પ્રદર્શિત કરીને અને સૂત્રોચ્ચાર દ્વારા લોકોને તમાકુના દુષણથી દૂર રહેવા માટે અપીલ કરી હતી. રેલીનું સમાપન પરત એસડીએચ ખાતે થયું હતું. આ રેલીમાં તાલુકા હેલ્થ સુપરવાઈઝર મુકેશ ચૌહાણ, કે.જે. પટેલ નર્સિંગ કોલેજની વિદ્યાર્થિનીઓ, અર્બન વિજાપુરની આશા બહેનો, મેલ અને ફિમેલ હેલ્થ વર્કર, અર્બન હેલ્થ ઓફિસર વિજાપુર, એસટીએસ પ્રકાશ નાયી તેમજ ફિમેલ સુપરવાઈઝર ભાનુબેન સહિત મોટી સંખ્યામાં આરોગ્ય સ્ટાફ જોડાયો હતો. રેલી બાદ તાલુકા હેલ્થ કચેરી વિજાપુર ખાતે યોજાયેલા વર્કશોપમાં તાલુકા હેલ્થ સુપરવાઈઝર મુકેશ ચૌહાણે તમાકુ નિયંત્રણ અધિનિયમ 2003 COTPA ની કલમ 4, 5, 6A, 6B વિશે વિસ્તૃત માહિતી આપી હતી. આ સાથે તેમણે તમાકુ અને તેની બનાવટોના સેવનથી થતા મોઢાના કેન્સર, ટીબી, લકવો, બીપી, ડાયાબિટીસ જેવા ગંભીર રોગો અંગે પણ લોકોને માહિતગાર કર્યા હતા. કાર્યક્રમના અંતે ઉપસ્થિત સૌએ તમાકુમુક્ત વિજાપુર તાલુકો બનાવવાનો સંકલ્પ લીધો હતો અને જન સમુદાયની ભાગીદારીથી લોકોને તમાકુના દુષણથી દૂર રાખવા ખાસ અપીલ કરવામાં આવી હતી. સમગ્ર કાર્યક્રમનું સફળ આયોજન તાલુકા હેલ્થ કચેરી વિજાપુરના સુપરવાઈઝર મુકેશ ચૌહાણ દ્વારા કરવામાં આવ્યું હતું. નોંધનીય છે કે વિશ્વ તમાકુ નિષેધ દિન નિમિત્તે વિજાપુર તાલુકાના 10 પીએચસી કેન્દ્રો ખાતે પણ વિવિધ જાગૃતિ કાર્યક્રમોનું આયોજન કરાયું હતું.

સાબરકાંઠા જિલ્લાના હિંમતનગર તાલુકાના અદાપુરમાં વાવાઝોડા સાથે વરસાદ શરૂ થઈ ગયો છે.

સુરત શહેરમાં એક માસૂમ બાળક પર કૂતરા ટૂટી પડ્યા હોવાની ઘટના સામે આવી છે. આ સમગ્ર ઘટનાના હચમચાવતા CCTV ફૂટેજ પણ સામે આવ્યા છે.

ખેડા જિલ્લાના મહુધા તાલુકાના નિઝામપુર વિસ્તારમાં રાજ્ય GST વિભાગની ટીમે ઓચિંતો દરોડો પાડી બિનહિસાબી તમાકુનો મોટો જથ્થો ભરેલી ટ્રકો ઝડપી પાડી છે. આ મોટી કાર્યવાહીને પગલે કરોડો રૂપિયાની ટેક્સ ચોરીનું આખું રેકેટ ખુલ્લું પડ્યું છે. આશ્ચર્યજનક બાબત એ છે કે જ્યાં એક તરફ સ્ટેટ GSTની ટીમે આ ગેરકાયદેસર પ્રવૃત્તિનો પર્દાફાશ કર્યો, ત્યાં સ્થાનિક ખેડા GST વિભાગ આ અંગે તદ્દન અજાણ એટલે કે 'ઊંઘતું' ઝડપાયું. આ ઓચિંતી કાર્યવાહીને કારણે કરોડોની ટેક્સ ચોરી કરતા સ્થાનિક તમાકુના દલાલો અને મોટા વેપારીઓમાં ભારે દોડધામ અને ફફડાટ વ્યાપી ગયો છે. હાલમાં, GST વિભાગ દ્વારા ઝડપાયેલા જથ્થા સંબંધિત તમામ દસ્તાવેજોની ચકાસણી અને કાયદેસરની કાર્યવાહી હાથ ધરવામાં આવી છે.

સાબરકાંઠા જિલ્લામાં લાંબા સમયથી ચાલી રહેલા ભારે ઉકળાટ બાદ આ સીઝનનો પ્રથમ વરસાદ નોંધાયો છે. આ વરસાદ ગાજવીજ સાથે પડ્યો હતો, જેણે વાતાવરણમાં ઠંડક પ્રસરાવી હતી.

ખેડા જિલ્લાના હરિયાળા નજીક આવેલી જાણીતી લોજિસ્ટિક કંપની 'સેડોફેક્સ'માં એક ચોંકાવનારી ઘટના સામે આવી છે, જ્યાં ગ્રાહકોના પાર્સલ સુરક્ષિત રાખવાની જવાબદારી ધરાવતા સ્કેનિંગ અને શોર્ટિંગ એરિયાના કર્મચારીઓએ જ કંપનીમાં ₹1.34 લાખની કિંમતના સામાનની ચોરી કરી છે. આ સમગ્ર ઘટના કંપનીના CCTV કેમેરામાં સ્પષ્ટપણે કેદ થઈ ગઈ છે. આ ચોરી સેડોફેક્સ કંપનીના સોર્ટિંગ હબમાં થઈ હતી, જ્યાં કર્મચારીઓએ ગ્રાહકોના ઓનલાઈન પાર્સલના બોક્સ તોડીને તેમાંથી કિંમતી મોબાઈલ ફોન, ઈયરબડ્સ અને મોંઘી ઘડિયાળો સેરવી લીધી હતી. ચોરાયેલા સામાનની કુલ કિંમત આશરે ₹1.34 લાખ અંદાજવામાં આવી છે. કર્મચારીઓ દ્વારા પાર્સલ બોક્સ તોડીને સામાન ચોરવાની આખી કરતૂત કંપનીના હાઈ-ટેક CCTV કેમેરામાં લાઈવ રેકોર્ડ થઈ ગઈ હતી. આ ફૂટેજના આધારે, કંપની પ્રશાસન દ્વારા તાત્કાલિક કાયદેસરની કાર્યવાહી હાથ ધરવામાં આવી છે. આ ઘટના એક ગંભીર સવાલ ઉભો કરે છે કે, 'ઘરના જ જ્યારે લંકા ઢાળે...' એટલે કે જે કંપની રોજગારી આપે છે, ત્યાં જ આવી અપ્રામાણિકતા દાખવવી ભારે પડી શકે છે. સીસીટીવીની સઘન નજરથી કોઈ પણ બચી શકતું નથી અને આવા કૃત્યો આજના સમયમાં ખુલ્લા પડી જ જાય છે.