दिल्लीतील जंतर-मंतरवर झालेल्या लाठीचार्जचा एक थरारक व्हिडिओ समोर आला आहे. या घटनेचा व्हिडिओ समोर आल्यानंतर तीव्र संताप व्यक्त केला जात असून, सध्याचे सरकार पूर्णपणे हुकूमशाहीच्या मार्गाने वाटचाल करत असल्याचा थेट आरोप करण्यात येत आहे.

पूर्ण आयुष्य कसं जगायचं हे सांगणारा एक व्हिडिओ समोर आला असून, सर्वांनी वेळ काढून हा व्हिडिओ एकदा नक्की बघावा असे आवाहन करण्यात आले आहे.

लातूर येथे काँग्रेस भवनला घेराव घालून आंदोलन करण्याचा प्रयत्न करणाऱ्या भाजप कार्यकर्त्यांना पोलिसांनी गांधी चौकातच अडवले आहे. भाजपच्या या आंदोलनाला आमदार अमित देशमुख यांनी अत्यंत सडेतोड उत्तर दिले असून सत्ताधाऱ्यांच्या भूमिकेवर तीव्र सवाल उपस्थित केले आहेत. देशातील सध्याच्या परिस्थितीवर भाष्य करताना आमदार अमित देशमुख म्हणाले की, देशामध्ये एकीकडे विद्यार्थ्यांवर लाठीचार्ज केला जात असून त्यांच्यावर अन्याय होत आहे. दुसरीकडे सत्ताधारी विद्यार्थ्यांना प्रश्नांची उत्तरे देण्याऐवजी वेगळेच काहीतरी करू पाहत आहेत. त्यामुळे देशात आता लोकशाही फक्त नावालाच उरली आहे की काय, असा गंभीर प्रश्न निर्माण होत असल्याचे सांगत त्यांनी आजच्या आंदोलनावरून भाजपचा जोरदार समाचार घेतला.

सोलापूर येथे ब्रह्मर्षी सुभाष पत्रीजी यांच्या जीवनावर आधारित 'ब्रह्मर्षी सुभाष पत्रीजी' या तेलुगु भाषेतील चित्रपटाचा विशेष शो आणि ध्यान साधनेचे आयोजन करण्यात आले होते. या कार्यक्रमात अध्यक्षीय मनोगत व्यक्त करताना श्री वटवृक्ष स्वामी महाराज देवस्थानचे चेअरमन व नगरसेवक महेश इंगळे यांनी, ध्यानामुळे मानवी जीवन भयमुक्त, रोगमुक्त आणि चिंतामुक्त होते असे उद्गार काढले. महेश इंगळे यांनी सांगितले की, ब्रह्मर्षी सुभाष पत्रीजी यांनी मानवसेवेच्या मार्गात आलेले सर्व कटू अनुभव झुगारून देत यशाच्या शिखरापर्यंत मजल मारली. स्पिरीच्युअल पिरॅमिडिकचे कार्य आणि आत्मपरिवर्तनाचा संदेश देणारा हा चित्रपट प्रत्येकाच्या जीवनात ध्यानाचे बीज रोवणारा एक दिव्य अनुभव आहे. जगभरात २५० थिएटरमध्ये एकाच वेळी प्रदर्शित झालेला हा चित्रपट ध्यानाचे महत्त्व आणि त्याचे जीवनावरील सकारात्मक परिणाम प्रभावीपणे अधोरेखित करतो. ध्यानामुळे आरोग्य सुधारते आणि जीवनाचा आनंद निरामयपणे घेता येतो. त्यामुळे प्रत्येकाने हा चित्रपट पाहावा, ध्यानाला दैनंदिन जीवनात स्थान द्यावे आणि चित्रपटानंतर उपस्थितांनी ध्यानाच्या प्रसारासाठी प्रयत्न करण्याचा संकल्प करावा, असे आवाहन त्यांनी केले. या कार्यक्रमाला प्रथमेश मालक इंगळे, नगरसेवक अविनाश मडीखांबे, विद्याधर गुरव सर, संतोष जवळगे, चंद्रशेखर रेड्डी, पुरणचंद्र राव, परमानंद अलगोंडा पाटील, आनंद गांगजी, नेहा मिराजगावकर, रोहित वंगारी, देवयानी नवगजे, संतोष पराणे, मनोज जगताप सर, सुनील पवार, कल्याणी गंगोंडा सर, अशोक कलशेट्टी सर, देवरमणी सर, दत्ता कटारे, रफिक पठाण, अंकुश केत, बाळासाहेब एकबोटे, डॉ. राजू मलंग, मनोज इंगोले, तुषार मोरे, स्वामीराव मुसळे, सिद्धाराम बिडवे, प्राचार्य शिवराय अडीवीतोटे सर, मेजर अमोल माने, अमर पाटील, सुनिल पवार, ओमकार उठगे साहेब, माणिक माशाळे, कुमार हत्तुरे मालक, रमेश कनमोसे मालक, श्रीकांत झिपरे, स्वामीराव मुसळे यांच्यासह महेश मालक इंगळे मित्र परिवार आणि स्विमिंग ग्रुपचे सदस्य उपस्थित होते.

दिल्ली येथे सुरू असलेल्या विद्यार्थ्यांच्या आंदोलनाला पाठिंबा देण्यासाठी धाराशिव येथून चालत मुंबईच्या दिशेने निघालेल्या तरुणांना पोलिसांनी ताब्यात घेतले आहे. सामाजिक कार्यकर्ते रविराज साबळे पाटील यांच्यासह या तरुणांना धाराशिव जिल्ह्यातील आंबी पोलिसांनी जिल्हा सोडण्यापूर्वीच रोखले आणि ताब्यात घेतले. दिल्लीतील विद्यार्थ्यांच्या आंदोलनाला धाराशिव जिल्ह्यातील तरुणांचे समर्थन मिळत आहे. याच पार्श्वभूमीवर विद्यार्थ्यांचा आवाज उठवण्यासाठी आणि या आंदोलनाला पाठिंबा देण्यासाठी हे तरुण मुंबईकडे निघाले होते. मात्र, हा ताफा जिल्ह्याबाहेर पडण्याआधीच आंबी पोलिसांनी कारवाई करत त्यांना ताब्यात घेतले.

दिल्लीतील जंतर मंतर येथे सामाजिक कार्यकर्ते सोनम वांगचुक यांच्या सुरू असलेल्या बेमुदत उपोषणाला पाठिंबा देण्यासाठी नांदेड जिल्ह्यातील देगलूर येथे काँग्रेस पार्टी, महाविकास आघाडी आणि विविध सामाजिक संघटनांच्या वतीने निदर्शने करण्यात आली. काँग्रेस शहराध्यक्ष मोगलाजी शिरशेटवार यांच्या नेतृत्वाखाली पार पडलेल्या या आंदोलनादरम्यान उपविभागीय अधिकाऱ्यांमार्फत केंद्र सरकारला निवेदन देण्यात आले. आंदोलकांनी सोनम वांगचुक यांच्या प्रकृतीबद्दल चिंता व्यक्त करत केंद्र सरकारने सकारात्मक भूमिका घेऊन त्यांचे उपोषण तातडीने सोडवावे, अशी मागणी केली. या निदर्शनादरम्यान सोनम वांगचुक यांच्या मागण्या तातडीने मान्य करण्यात याव्यात, तसेच शिक्षण व्यवस्थेतील कथित अनियमितता आणि परीक्षा प्रक्रियेतील गैरप्रकारांची नैतिक जबाबदारी स्वीकारून केंद्रीय शिक्षण मंत्री धर्मेंद्र प्रधान यांनी राजीनामा द्यावा, अशी आक्रमक मागणी करण्यात आली. आंदोलकांनी शिक्षण क्षेत्रातील गोंधळ आणि केंद्र सरकारच्या भूमिकेबाबत तीव्र नाराजी व्यक्त केली. या आंदोलनात काँग्रेस, युवक काँग्रेस, शिवसेना (ठाकरे गट), वंचित बहुजन आघाडी, मानवी हक्क अभियानाचे प्रतिनिधी आणि आजी-माजी नगरसेवकांसह विविध संघटनांचे पदाधिकारी व कार्यकर्ते सहभागी झाले होते.

परभणीमध्ये राहुल गांधी यांच्या विरोधात भाजपने आक्रमक एल्गार पुकारत जिल्हा काँग्रेस कार्यालयासमोर जोरदार आंदोलन छेडले आहे. या आंदोलनादरम्यान सुरेश भुमरे यांनीही अत्यंत आक्रमक प्रतिक्रिया दिली आहे.

दिल्लीतील विद्यार्थ्यांवरील अमानुष मारहाण, लाठीचार्ज आणि काँग्रेस नेते राहुल गांधी यांच्या अटकेच्या निषेधार्थ काँग्रेसकडून आंदोलन करण्यात आले. या आंदोलनानंतर भाजपचे कार्यकर्ते आणि पदाधिकाऱ्यांनी काँग्रेस कार्यालयासमोर आंदोलन करण्याचा प्रयत्न केला. या वेळी काँग्रेस आणि भाजपचे कार्यकर्ते थेट आमने-सामने आले. या दरम्यान दोन्ही पक्षांचे कार्यकर्ते अत्यंत आक्रमक झाल्याचे दिसून आले आणि त्यांच्या जोरदार घोषणाबाजीने संपूर्ण परिसर दणाणून गेला होता. मात्र, घटनास्थळी पोलिसांचा मोठा फौजफाटा तैनात असल्यामुळे कोणताही अनुचित प्रकार घडला नाही.

दिल्लीतील जंतर-मंतरवर झालेल्या लाठीचार्जचा एक थरारक व्हिडिओ समोर आला आहे. या घटनेचा व्हिडिओ समोर आल्यानंतर तीव्र संताप व्यक्त केला जात असून, सध्याचे सरकार पूर्णपणे हुकूमशाहीच्या मार्गाने वाटचाल करत असल्याचा थेट आरोप करण्यात येत आहे.