पूर्ण आयुष्य कसं जगायचं हे सांगणारा एक व्हिडिओ समोर आला असून, सर्वांनी वेळ काढून हा व्हिडिओ एकदा नक्की बघावा असे आवाहन करण्यात आले आहे.

सोलापूर जिल्ह्यातील अक्कलकोट तालुक्यातील हंजगी ते अक्कलकोट रस्त्याच्या डांबरीकरणासाठी मे २०२५ मध्ये शासनाने वर्क ऑर्डर दिल्याचा दावा केला जात आहे. मात्र, प्रत्यक्षात अद्याप डांबरीकरण झालेले नसून केवळ मुरूम टाकून काम अपूर्ण अवस्थेत ठेवण्यात आल्याची तक्रार नागरिकांनी केली आहे. रस्त्यावर शेतातील काळी माती पसरल्यामुळे दुचाकीस्वारांचे टायर घसरत असून, रोज किरकोळ अपघात घडत असल्याचे स्थानिकांचे म्हणणे आहे. यामुळे या मार्गावरून प्रवास करणाऱ्या प्रवाशांना व नागरिकांना मोठ्या गैरसोयीला सामोरे जावे लागत आहे. या अपूर्ण कामामुळे नागरिकांनी संबंधित विभाग आणि ठेकेदार यांच्या कामकाजावर तीव्र प्रश्नचिन्ह उपस्थित केले आहे. रस्त्याचे दर्जेदार डांबरीकरण तातडीने पूर्ण करण्यात यावे, अशी मागणी स्थानिकांनी केली आहे. तसेच, या रखडलेल्या कामाला नेमके कोण जबाबदार आहे याची निष्पक्ष चौकशी करून दोषींवर तात्काळ कारवाई करावी, अशीही मागणी जोर धरत आहे.

राहुल गांधी यांच्या विरोधात भाजपने जोरदार हल्लाबोल करत जिल्हा काँग्रेस कार्यालयासमोर तीव्र आंदोलन छेडले आहे. भाजप जिल्हाध्यक्ष शिवाजी भरोसे यांच्या नेतृत्वात हे आंदोलन करण्यात आले असून, काँग्रेसविरोधात भाजपने आक्रमक पवित्रा घेत जोरदार निदर्शने केली आहेत.

बीड जिल्ह्यातील वडवणी नगरपंचायत कार्यालयाच्या वतीने महिला बचत गट भवन येथे एका विशेष कार्यक्रमाचे आयोजन करण्यात आले होते. महाराष्ट्र राज्याचे माजी उपमुख्यमंत्री स्व. अजितदादा पवार साहेब यांच्या जयंतीनिमित्त हा विनम्र अभिवादन कार्यक्रम आयोजित करण्यात आला होता. नगरपंचायत कार्यालयाच्या माध्यमातून पार पडलेला हा अभिवादन कार्यक्रम यशस्वीपणे संपन्न झाला आहे.

नवी दिल्लीतील विद्यार्थ्यांच्या आंदोलनाच्या पार्श्वभूमीवर नांदेडच्या मुजीब भाई मित्र मंडळाच्या वतीने जिल्हाधिकाऱ्यांमार्फत भारत सरकारला निवेदन सादर करत विद्यार्थ्यांच्या न्याय्य मागण्यांना जाहीर पाठिंबा दिला आहे. मंडळाचे संस्थापक अध्यक्ष मा. सय्यद मुजीब भाई यांच्या नेतृत्वाखाली हे निवेदन देण्यात आले असून, विद्यार्थ्यांच्या आंदोलनाला समर्थन देणाऱ्या सीजेपी (कॉक्रोज जनता पार्टी) च्या भूमिकेलाही मंडळाने जाहीर पाठिंबा दर्शवला आहे. शासनाने विद्यार्थ्यांच्या मागण्यांवर तातडीने सकारात्मक निर्णय न घेतल्यास संविधानाच्या चौकटीत राहून महाराष्ट्रभर राज्यव्यापी जनआंदोलन छेडले जाईल, असा स्पष्ट इशारा मंडळाने दिला आहे. सादर करण्यात आलेल्या निवेदनात विद्यार्थ्यांवरील कथित बळाच्या वापराची निष्पक्ष व न्यायालयीन देखरेखीखाली चौकशी करावी, तसेच केंद्रीय शिक्षण मंत्री धर्मेंद्र प्रधान यांनी नैतिक जबाबदारी स्वीकारून तात्काळ राजीनामा द्यावा, अशी प्रमुख मागणी करण्यात आली आहे. याशिवाय सोनम वांगचूक यांना तात्काळ मुक्त करून त्यांच्या प्रकरणात कायद्यानुसार योग्य ती कार्यवाही करावी, आंदोलनादरम्यान विद्यार्थ्यांवर दाखल करण्यात आलेले गुन्हे तात्काळ मागे घ्यावेत, आणि परीक्षा, भरती प्रक्रिया, पेपरफुटी व रोजगारासंदर्भातील प्रश्नांवर वेळबद्ध कृती आराखडा जाहीर करावा, अशा विविध मागण्यांचा निवेदनात समावेश आहे. सदर निवेदनावर मुजीब भाई मित्र मंडळाच्या अनेक पदाधिकाऱ्यांच्या स्वाक्षऱ्या असून, ते जिल्हाधिकारी, नांदेड यांच्यामार्फत मा. राष्ट्रपती, भारत सरकार, मा. पंतप्रधान, मा. केंद्रीय गृहमंत्री, मा. केंद्रीय शिक्षणमंत्री, सीजेपी (कॉक्रोज जनता पार्टी) व प्रसारमाध्यमांकडे पाठविण्यात येणार आहे. लोकशाही, संविधान, सामाजिक न्याय आणि विद्यार्थ्यांच्या हक्कांच्या संरक्षणासाठी सुरू असलेल्या या लढ्याला मंडळाचा पूर्ण पाठिंबा असल्याचे स्पष्ट करण्यात आले आहे.

मानवत तालुक्यातील रत्नापूर येथील टोलनाका लोकलसाठी खुला करण्यात यावा, अशी मागणी मनसेच्या कार्यकर्त्यांनी केली आहे.

उस्मानाबाद जिल्ह्यातील भोत्रा ग्रामपंचायतीमध्ये कोणतीही कामे न करताच लाखों रुपये हडपण्यात आल्याचा भोंगळ कारभार आणि भ्रष्टाचार उघडकीस आला आहे. ग्रामपंचायतीच्या या भ्रष्ट कारभाराविरोधात माहिती अधिकार कार्यकर्त्यांनी आमरण उपोषण सुरू केले आहे.

लोकशाहीमध्ये विद्यार्थ्यांवर लाठी, गोळ्या आणि दडपशाही का केली जात आहे, असा थेट सवाल स्वाभिमानी शेतकरी संघटनेचे जिल्हाध्यक्ष किशोर ढगे यांनी उपस्थित केला आहे. विद्यार्थ्यांवर होणाऱ्या या कारवाईबाबत तीव्र संताप व्यक्त करत त्यांनी या दडपशाहीवर जोरदार आक्षेप घेतला आहे.

नांदेड जिल्ह्यात अनेक ठिकाणी पावसाने जोरदार हजेरी लावली आहे. जिल्ह्यातील विविध भागांत झालेल्या या पावसामुळे शेतकरी राजांना मोठा दिलासा मिळाला आहे.

दिल्लीतील जंतर-मंतर येथे विविध मागण्यांसाठी शांततापूर्ण आंदोलन करणाऱ्या विद्यार्थ्यांवर झालेल्या कथित लाठीचार्जच्या निषेधार्थ अक्कलकोटमध्ये बुधवार, २२ जुलै २०२६ रोजी सकाळी १० वाजता विराट निषेध मोर्चाचे आयोजन करण्यात आले आहे. हा मोर्चा अक्कलकोट येथील एस.एस.बी. रोड बायपास येथून काढण्यात येणार असून, मल्लिकार्जुन पाटील यांच्या नेतृत्वाखाली हे आंदोलन होणार असल्याची माहिती आयोजकांनी दिली आहे. या मोर्चामध्ये विद्यार्थी, युवक, पालक तसेच सर्व नागरिकांनी मोठ्या संख्येने सहभागी होऊन विद्यार्थ्यांच्या न्याय्य हक्कांसाठी आवाज उठवावा, असे आवाहन करण्यात आले आहे. लोकशाहीत शांततापूर्ण आंदोलन करणे हा प्रत्येक नागरिकाचा घटनात्मक अधिकार असून विद्यार्थ्यांचा आवाज दडपण्याचा कोणताही प्रयत्न स्वीकारला जाणार नाही, अशी ठाम भूमिका आयोजकांनी मांडली आहे. विद्यार्थ्यांच्या न्याय्य हक्कांच्या संरक्षणासाठी आणि या अन्यायाविरोधात एकजूट दाखवण्यासाठीच या मोर्चाचे आयोजन करण्यात आल्याचे त्यांनी स्पष्ट केले आहे.