सोलापूर जिल्ह्यातील अक्कलकोट तालुक्यातील हंजगी ते अक्कलकोट रस्त्याच्या डांबरीकरणासाठी मे २०२५ मध्ये शासनाने वर्क ऑर्डर दिल्याचा दावा केला जात आहे. मात्र, प्रत्यक्षात अद्याप डांबरीकरण झालेले नसून केवळ मुरूम टाकून काम अपूर्ण अवस्थेत ठेवण्यात आल्याची तक्रार नागरिकांनी केली आहे. रस्त्यावर शेतातील काळी माती पसरल्यामुळे दुचाकीस्वारांचे टायर घसरत असून, रोज किरकोळ अपघात घडत असल्याचे स्थानिकांचे म्हणणे आहे. यामुळे या मार्गावरून प्रवास करणाऱ्या प्रवाशांना व नागरिकांना मोठ्या गैरसोयीला सामोरे जावे लागत आहे. या अपूर्ण कामामुळे नागरिकांनी संबंधित विभाग आणि ठेकेदार यांच्या कामकाजावर तीव्र प्रश्नचिन्ह उपस्थित केले आहे. रस्त्याचे दर्जेदार डांबरीकरण तातडीने पूर्ण करण्यात यावे, अशी मागणी स्थानिकांनी केली आहे. तसेच, या रखडलेल्या कामाला नेमके कोण जबाबदार आहे याची निष्पक्ष चौकशी करून दोषींवर तात्काळ कारवाई करावी, अशीही मागणी जोर धरत आहे.

सोलापूर येथे ब्रह्मर्षी सुभाष पत्रीजी यांच्या जीवनावर आधारित 'ब्रह्मर्षी सुभाष पत्रीजी' या तेलुगु भाषेतील चित्रपटाचा विशेष शो आणि ध्यान साधनेचे आयोजन करण्यात आले होते. या कार्यक्रमात अध्यक्षीय मनोगत व्यक्त करताना श्री वटवृक्ष स्वामी महाराज देवस्थानचे चेअरमन व नगरसेवक महेश इंगळे यांनी, ध्यानामुळे मानवी जीवन भयमुक्त, रोगमुक्त आणि चिंतामुक्त होते असे उद्गार काढले. महेश इंगळे यांनी सांगितले की, ब्रह्मर्षी सुभाष पत्रीजी यांनी मानवसेवेच्या मार्गात आलेले सर्व कटू अनुभव झुगारून देत यशाच्या शिखरापर्यंत मजल मारली. स्पिरीच्युअल पिरॅमिडिकचे कार्य आणि आत्मपरिवर्तनाचा संदेश देणारा हा चित्रपट प्रत्येकाच्या जीवनात ध्यानाचे बीज रोवणारा एक दिव्य अनुभव आहे. जगभरात २५० थिएटरमध्ये एकाच वेळी प्रदर्शित झालेला हा चित्रपट ध्यानाचे महत्त्व आणि त्याचे जीवनावरील सकारात्मक परिणाम प्रभावीपणे अधोरेखित करतो. ध्यानामुळे आरोग्य सुधारते आणि जीवनाचा आनंद निरामयपणे घेता येतो. त्यामुळे प्रत्येकाने हा चित्रपट पाहावा, ध्यानाला दैनंदिन जीवनात स्थान द्यावे आणि चित्रपटानंतर उपस्थितांनी ध्यानाच्या प्रसारासाठी प्रयत्न करण्याचा संकल्प करावा, असे आवाहन त्यांनी केले. या कार्यक्रमाला प्रथमेश मालक इंगळे, नगरसेवक अविनाश मडीखांबे, विद्याधर गुरव सर, संतोष जवळगे, चंद्रशेखर रेड्डी, पुरणचंद्र राव, परमानंद अलगोंडा पाटील, आनंद गांगजी, नेहा मिराजगावकर, रोहित वंगारी, देवयानी नवगजे, संतोष पराणे, मनोज जगताप सर, सुनील पवार, कल्याणी गंगोंडा सर, अशोक कलशेट्टी सर, देवरमणी सर, दत्ता कटारे, रफिक पठाण, अंकुश केत, बाळासाहेब एकबोटे, डॉ. राजू मलंग, मनोज इंगोले, तुषार मोरे, स्वामीराव मुसळे, सिद्धाराम बिडवे, प्राचार्य शिवराय अडीवीतोटे सर, मेजर अमोल माने, अमर पाटील, सुनिल पवार, ओमकार उठगे साहेब, माणिक माशाळे, कुमार हत्तुरे मालक, रमेश कनमोसे मालक, श्रीकांत झिपरे, स्वामीराव मुसळे यांच्यासह महेश मालक इंगळे मित्र परिवार आणि स्विमिंग ग्रुपचे सदस्य उपस्थित होते.

पूर्ण आयुष्य कसं जगायचं हे सांगणारा एक व्हिडिओ समोर आला असून, सर्वांनी वेळ काढून हा व्हिडिओ एकदा नक्की बघावा असे आवाहन करण्यात आले आहे.

लातूर येथे काँग्रेस भवनला घेराव घालून आंदोलन करण्याचा प्रयत्न करणाऱ्या भाजप कार्यकर्त्यांना पोलिसांनी गांधी चौकातच अडवले आहे. भाजपच्या या आंदोलनाला आमदार अमित देशमुख यांनी अत्यंत सडेतोड उत्तर दिले असून सत्ताधाऱ्यांच्या भूमिकेवर तीव्र सवाल उपस्थित केले आहेत. देशातील सध्याच्या परिस्थितीवर भाष्य करताना आमदार अमित देशमुख म्हणाले की, देशामध्ये एकीकडे विद्यार्थ्यांवर लाठीचार्ज केला जात असून त्यांच्यावर अन्याय होत आहे. दुसरीकडे सत्ताधारी विद्यार्थ्यांना प्रश्नांची उत्तरे देण्याऐवजी वेगळेच काहीतरी करू पाहत आहेत. त्यामुळे देशात आता लोकशाही फक्त नावालाच उरली आहे की काय, असा गंभीर प्रश्न निर्माण होत असल्याचे सांगत त्यांनी आजच्या आंदोलनावरून भाजपचा जोरदार समाचार घेतला.

आषाढी वारीच्या पार्श्वभूमीवर सांगोला तालुक्यातील आणि खंडोबा नगरी म्हणून प्रसिद्ध असलेले वाटंबरे गाव संपूर्णपणे भक्तिरसात न्हाऊन निघाले आहे. पंढरपूरच्या दिशेने पायी प्रस्थान करणाऱ्या महाराष्ट्र, कर्नाटक, गोवा, सांगली आणि कोल्हापूर अशा विविध भागांतील हजारो वारकऱ्यांचे वाटंबरे हे एक प्रमुख मुक्कामस्थान आहे. वर्षातून होणाऱ्या चारही वारीच्या वेळी या गावात मोठ्या प्रमाणावर दिंड्यांचा मुक्काम असतो. दरवर्षी वारीच्या काळात सुमारे १२० ते १३० दिंड्या गावात मुक्कामासाठी थांबत असल्याने येथे वैष्णव भक्तांची मोठी गर्दी पाहायला मिळत आहे. वारकऱ्यांच्या या आगमनामुळे गावातील प्रत्येक रस्ता आणि मंदिर भक्तिमय वातावरणात व्यापून गेले आहे.

उस्मानाबाद जिल्ह्यातील भोत्रा ग्रामपंचायतीमध्ये कोणतीही कामे न करताच लाखों रुपये हडपण्यात आल्याचा भोंगळ कारभार आणि भ्रष्टाचार उघडकीस आला आहे. ग्रामपंचायतीच्या या भ्रष्ट कारभाराविरोधात माहिती अधिकार कार्यकर्त्यांनी आमरण उपोषण सुरू केले आहे.

दिल्ली येथे सुरू असलेल्या विद्यार्थ्यांच्या आंदोलनाला पाठिंबा देण्यासाठी धाराशिव येथून चालत मुंबईच्या दिशेने निघालेल्या तरुणांना पोलिसांनी ताब्यात घेतले आहे. सामाजिक कार्यकर्ते रविराज साबळे पाटील यांच्यासह या तरुणांना धाराशिव जिल्ह्यातील आंबी पोलिसांनी जिल्हा सोडण्यापूर्वीच रोखले आणि ताब्यात घेतले. दिल्लीतील विद्यार्थ्यांच्या आंदोलनाला धाराशिव जिल्ह्यातील तरुणांचे समर्थन मिळत आहे. याच पार्श्वभूमीवर विद्यार्थ्यांचा आवाज उठवण्यासाठी आणि या आंदोलनाला पाठिंबा देण्यासाठी हे तरुण मुंबईकडे निघाले होते. मात्र, हा ताफा जिल्ह्याबाहेर पडण्याआधीच आंबी पोलिसांनी कारवाई करत त्यांना ताब्यात घेतले.

बीड येथे आंदोलन करत असलेल्या अभिजीत दिपके यांच्या आंदोलनस्थळी मराठा आरक्षणाचे नेते मनोज जरांगे पाटील आणि बीडचे खासदार बजरंग बाप्पा सोनवणे यांनी प्रत्यक्ष भेट देऊन आंदोलनाची सविस्तर माहिती जाणून घेतली. या भेटीदरम्यान दोन्ही नेत्यांनी दिपके यांच्याशी त्यांच्या मागण्यांवर सविस्तर चर्चा केली आणि हे आंदोलन पूर्णपणे शांततामय व लोकशाही मार्गाने सुरू ठेवण्याचे आवाहन केले. आंदोलनस्थळी उपस्थित नागरिक आणि समर्थकांशी संवाद साधताना मनोज जरांगे पाटील यांनी शासनाने तातडीने सकारात्मक भूमिका घेऊन लोकांच्या न्याय्य मागण्यांकडे दुर्लक्ष करू नये, अशी अपेक्षा व्यक्त केली. तसेच खासदार बजरंग बाप्पा सोनवणे यांनी शांततापूर्ण आंदोलन हा प्रत्येक नागरिकाचा घटनात्मक अधिकार असल्याचे सांगत आंदोलकांच्या मागण्या शासनापर्यंत पोहोचविण्याचे आश्वासन दिले. अभिजीत दिपके यांनी आपल्या आंदोलनामागील भूमिका व मागण्या दोन्ही नेत्यांसमोर मांडल्या. अनेक कार्यकर्ते आणि नागरिकांच्या उपस्थितीत पार पडलेल्या या भेटीमुळे आंदोलनकर्त्यांचा उत्साह अधिक वाढल्याचे पाहायला मिळाले.

सोलापूर जिल्ह्यातील अक्कलकोट तालुक्यातील हंजगी ते अक्कलकोट रस्त्याच्या डांबरीकरणासाठी मे २०२५ मध्ये शासनाने वर्क ऑर्डर दिल्याचा दावा केला जात आहे. मात्र, प्रत्यक्षात अद्याप डांबरीकरण झालेले नसून केवळ मुरूम टाकून काम अपूर्ण अवस्थेत ठेवण्यात आल्याची तक्रार नागरिकांनी केली आहे. रस्त्यावर शेतातील काळी माती पसरल्यामुळे दुचाकीस्वारांचे टायर घसरत असून, रोज किरकोळ अपघात घडत असल्याचे स्थानिकांचे म्हणणे आहे. यामुळे या मार्गावरून प्रवास करणाऱ्या प्रवाशांना व नागरिकांना मोठ्या गैरसोयीला सामोरे जावे लागत आहे. या अपूर्ण कामामुळे नागरिकांनी संबंधित विभाग आणि ठेकेदार यांच्या कामकाजावर तीव्र प्रश्नचिन्ह उपस्थित केले आहे. रस्त्याचे दर्जेदार डांबरीकरण तातडीने पूर्ण करण्यात यावे, अशी मागणी स्थानिकांनी केली आहे. तसेच, या रखडलेल्या कामाला नेमके कोण जबाबदार आहे याची निष्पक्ष चौकशी करून दोषींवर तात्काळ कारवाई करावी, अशीही मागणी जोर धरत आहे.