ବନେଇକଳାରେ ଖୋଲିଲା ମିକ୍ସଚର ଉତ୍ପାଦନ କେନ୍ଦ୍ର - ସ୍ୱାବଲମ୍ବନ ଦିଗରେ ମା' ବିମଳା ସ୍ୱୟଂ ସହାୟକ ଗୋଷ୍ଠୀର ସଫଳ ପଦକ୍ଷେପ      କେନ୍ଦୁଝର,୩୧।୭:ଗ୍ରାମାଞ୍ଚଳରେ ମହିଳା ସଶକ୍ତିକରଣ ଓ ସ୍ୱାବଲମ୍ବନ ଦିଗରେ ଏଚଡିଏଫସି ବ୍ୟାଙ୍କର ଆର୍ଥିକ ସହାୟତା ଏବଂ ଗ୍ରାମ ବିକାଶର ବୈଷୟିକ ଜ୍ଞାନ କୌଶଳ ସହଯୋଗ ଏକ ନୂଆ ଅଧ୍ୟାୟ ଆରମ୍ଭ କରୁଛି।ଏହି ସହଯୋଗରେ କେନ୍ଦୁଝର ସଦର ଓ ପାଟଣା ବ୍ଲକର ମୁଖ୍ୟମନ୍ତ୍ରୀ ଙ୍କ ଗାଁ ରାଇକଳା,ହାଣ୍ଡିଭଙ୍ଗା,ରାଜନଗର ଓ ଚେମଣା ଗ୍ରାମ ପଞ୍ଚାୟତ ଅଧୀନ ୨୦ ଟି ଗ୍ରାମରେ ସାମଗ୍ରିକ ଗ୍ରାମୀଣ ବିକାଶ ପରିଯୋଜନା ପ୍ରକଳ୍ପ ସଫଳତାର ସହ କାର୍ଯ୍ୟକାରୀ ହେଉଛି।ଏହି ପ୍ରକଳ୍ପ ଜରିଆରେ ଗ୍ରାମୀଣ ମହିଳାମାନଙ୍କୁ ଉଦ୍ୟୋଗୀ ଭାବେ ଗଢ଼ି ତୋଳିବା,ସେମାନଙ୍କୁ ଆର୍ଥିକ ଭାବେ ସ୍ୱାବଲମ୍ବୀ କରିବା ଏବଂ ସମାଜରେ ଏକ ସମ୍ମାନଜନକ ସ୍ଥାନ ଓ ମର୍ଯ୍ୟାଦାପୂର୍ଣ୍ଣ ଜୀବନ ପ୍ରଦାନ କରିବା ପାଇଁ ପଦକ୍ଷେପ ନିଆଯାଉଛି।ସେହି ଲକ୍ଷ୍ୟକୁ ସାକାର କରିବା ପାଇଁ ବିଭିନ୍ନ କ୍ଷୁଦ୍ର ଉଦ୍ୟୋଗକୁ ପ୍ରୋତ୍ସାହନ ଦିଆଯାଉଛି।କେନ୍ଦୁଝର ସଦର ବ୍ଲକର ରାଇକଳା ଗ୍ରାମ ପଞ୍ଚାୟତ ଅନ୍ତର୍ଗତ ବନେଇକଳା ଗ୍ରାମ (ବଣସାହି)ର ମା' ବିମଳା ସ୍ୱୟଂ ସହାୟକ ଗୋଷ୍ଠୀ ଏବେ ଏକ ଉଦ୍ୟୋଗ ଆରମ୍ଭ କରିଛନ୍ତି।ଏହି ଗୋଷ୍ଠୀର ୧୦ ଜଣ ସଦସ୍ୟାଙ୍କ ମଧ୍ୟରୁ ୫ ଜଣ ଆଗ୍ରହୀ ମହିଳାଙ୍କୁ ମିକ୍ସଚର ପ୍ରସ୍ତୁତି କେନ୍ଦ୍ର ସ୍ଥାପନ ପାଇଁ ସହଯୋଗ ପ୍ରଦାନ କରାଯାଇଛି।ଏହି ଉଦ୍ୟୋଗ ପାଇଁ ସମୁଦାୟ ୧,୭୭,୬୦୦ ଟଙ୍କା ପୁଞ୍ଜିନିବେଶ କରାଯାଇଛି।ସେଥିମଧ୍ୟରୁ ପ୍ରକଳ୍ପ ପକ୍ଷରୁ ୧,୪୭,୬୦୦ ଟଙ୍କା ଏବଂ ମହିଳାମାନଙ୍କ ପକ୍ଷରୁ ୩୦,୦୦୦ ଟଙ୍କା ନିଜସ୍ୱ ଅଂଶୀଦାରି ଭାବେ ବିନିଯୋଗ କରାଯାଇଛି। ୨୦ ଜୁନ ୨୦୨୬ ରୁ ଆରମ୍ଭ ହୋଇଥିବା ଏହି କେନ୍ଦ୍ରରେ ମହିଳାମାନେ ଏକତ୍ରିତ ହୋଇ ଉନ୍ନତ ମାନର ମିକ୍ସଚର ପ୍ରସ୍ତୁତ କରି ବଜାରରେ ବିକ୍ରୟ କରୁଛନ୍ତି।ଏହି ମହିଳାମାନଙ୍କ ଜୀବନରେ ଏହି ଉଦ୍ୟୋଗ ଏକ ନୂଆ ଆଶାର ଆଲୋକ ଆଣିଛି।ପୂର୍ବରୁ ସେମାନଙ୍କ ଜୀବନ ଘରକାମ ଓ ଋତୁକାଳୀନ ଧାନ ଚାଷରେ ସୀମିତଥିଲା।ଅବଶିଷ୍ଟ ସମୟରେ ସେମାନଙ୍କ ପାଖରେ ଆୟର କୌଣସି ସୁଯୋଗ ନଥିଲା।କିନ୍ତୁ ଆଜି ସେମାନେ ନିଜ ହାତରେ ଉତ୍ପାଦନ କରୁଛନ୍ତି, ବଜାର ସହ ଯୋଡ଼ି ହେଉଛନ୍ତି ଏବଂ ପରିବାରର ଆର୍ଥିକ ଦାୟିତ୍ୱରେ ମଧ୍ୟ ସହଯୋଗ କରୁଛନ୍ତି।ଏହି ମିକ୍ସଚର ପ୍ରସ୍ତୁତି କେନ୍ଦ୍ର କେବଳ ଏକ କ୍ଷୁଦ୍ର ଉଦ୍ୟୋଗ ନୁହେଁ,ବରଂ ଗ୍ରାମୀଣ ମହିଳାଙ୍କ ସ୍ୱପ୍ନ, ଆତ୍ମବିଶ୍ୱାସ ଓ ସ୍ୱାବଲମ୍ବନର ଏକ ଜୀବନ୍ତ ପ୍ରତୀକ।ଏଭଳି ପଦକ୍ଷେପ ଗ୍ରାମାଞ୍ଚଳରେ ମହିଳା ଉଦ୍ୟୋଗିତାକୁ ଆହୁରି ସୁଦୃଢ଼ କରିବା ସହ ଅନ୍ୟ ମହିଳାମାନଙ୍କ ପାଇଁ ମଧ୍ୟ ପ୍ରେରଣାର ଉତ୍ସ ପାଲଟିଛି।ଭବିଷ୍ୟତରେ ଏହି ଉଦ୍ୟୋଗ ଅଧିକ ବିସ୍ତାର ଲାଭ କରି ଅନେକ ଗ୍ରାମୀଣ ପରିବାରର ଆର୍ଥିକ ସ୍ଥିତିକୁ ସୁଦୃଢ଼ କରିବ ବୋଲି ଆଶା କରାଯାଉଛି।ଏନେଇ ମା ବିମଳା ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ତଥା ମୁଖ୍ୟ ପରିଚାଳିକା ଶ୍ରୀମତୀ ଛବିରାଣି ମହାନ୍ତ(୩୫) କୁହନ୍ତି - ମିକ୍ସଚର ପ୍ରସ୍ତୁତି ଭଳି ଏକ ନୂତନ ଆରମ୍ଭ କରିବା ଓ ତାହା ଲୋକଙ୍କ ସହିତ ବଜାରରେ ଗ୍ରହଣୀୟ ହେବ କି ନାହିଁ,ଏସବୁ ପାଇଁ ମନରେ ପ୍ରଥମେ ଡର ଲାଗୁଥିଲା।ସବୁ ପରେ ବି ମନରେ ସାହାସ ବାନ୍ଧି ତାଲିମଦାତାଙ୍କ ସହଯୋଗ ନେଇ ମିକ୍ସଚର ସହିତ,ସୋଲା,ମଟର ଭଜା,ବାଦାମ ପକୋଡ଼ା,ସେଉ ଦାଣ୍ଠିଆ ଆଦି ପ୍ରସ୍ତୁତ କରି ପ୍ୟାକେଟରେ ଭରି ବିକ୍ରୟ ଆରମ୍ଭ କଲୁ। ଗାଁ ଲୋକଙ୍କ ସହିତ ବଜାରରେ ମଧ୍ୟ ଆମ ଉତ୍ପାଦ ଗୁଡିକର ସ୍ଵାଦ ଭଲ ଅଛି ବୋଲି ଲୋକଙ୍କ ଠାରୁ ଶୁଣି ଖୁସି ଲାଗୁଛି।ପ୍ରଥମେ ମନରେ ଯେଉଁ ଡର ଥିଲା ତାହା ଦୂର ହୋଇଛି।  ସେହିପରି ଅନ୍ୟଜଣେ ସଦସ୍ୟା ବବିତାରିଣୀ ମହାନ୍ତ (୩୨) କୁହନ୍ତି - ଆମେ ପ୍ରଥମେ ଘରକାମ ସହିତ ଖରିଫ ଋତୁରେ କେବଳ ଧାନ କାମରେ ସହଯୋଗ କରୁଥିଲୁ।ଅବଶିଷ୍ଟ ସମୟ ଏମିତି ଅତିବାହିତ ହେଉଥିଲା।ଏବେ ଆମେ ଘରକାମ ସହିତ ମିକ୍ସଚର ପ୍ରସ୍ତୁତି କେନ୍ଦ୍ରରେ କାମ କରୁଛୁ।ଯାହା ଆମକୁ ବହୁତ୍ ଖୁସି ଦେଇଛି।ଏବେ ଆମେ ବଳକା ସମୟକୁ ସଠିକ୍ ଭାବେ ଉପଯୋଗ କରି ପାରୁଛୁ ଓ ନୂତନ ରୋଜଗାରର ପନ୍ଥା ସୃଷ୍ଟି ହେବାରୁ ଏହା ଆମକୁ ଏକ ମର୍ଯ୍ୟାଦାପୂର୍ଣ୍ଣ ଜୀବନ ଯାପନରେ ସହାୟକ ହେବ ବୋଲି ଆମର ଆଶା ରହିଛି।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

9 hrs ago

ବନେଇକଳାରେ ଖୋଲିଲା ମିକ୍ସଚର ଉତ୍ପାଦନ କେନ୍ଦ୍ର - ସ୍ୱାବଲମ୍ବନ ଦିଗରେ ମା' ବିମଳା ସ୍ୱୟଂ ସହାୟକ ଗୋଷ୍ଠୀର ସଫଳ ପଦକ୍ଷେପ      କେନ୍ଦୁଝର,୩୧।୭:ଗ୍ରାମାଞ୍ଚଳରେ ମହିଳା ସଶକ୍ତିକରଣ ଓ ସ୍ୱାବଲମ୍ବନ ଦିଗରେ ଏଚଡିଏଫସି ବ୍ୟାଙ୍କର ଆର୍ଥିକ ସହାୟତା ଏବଂ ଗ୍ରାମ ବିକାଶର ବୈଷୟିକ ଜ୍ଞାନ କୌଶଳ ସହଯୋଗ ଏକ ନୂଆ ଅଧ୍ୟାୟ ଆରମ୍ଭ କରୁଛି।ଏହି ସହଯୋଗରେ କେନ୍ଦୁଝର ସଦର ଓ ପାଟଣା ବ୍ଲକର ମୁଖ୍ୟମନ୍ତ୍ରୀ ଙ୍କ ଗାଁ ରାଇକଳା,ହାଣ୍ଡିଭଙ୍ଗା,ରାଜନଗର ଓ ଚେମଣା ଗ୍ରାମ ପଞ୍ଚାୟତ ଅଧୀନ ୨୦ ଟି ଗ୍ରାମରେ ସାମଗ୍ରିକ ଗ୍ରାମୀଣ ବିକାଶ ପରିଯୋଜନା ପ୍ରକଳ୍ପ ସଫଳତାର ସହ କାର୍ଯ୍ୟକାରୀ ହେଉଛି।ଏହି ପ୍ରକଳ୍ପ ଜରିଆରେ ଗ୍ରାମୀଣ ମହିଳାମାନଙ୍କୁ ଉଦ୍ୟୋଗୀ ଭାବେ ଗଢ଼ି ତୋଳିବା,ସେମାନଙ୍କୁ ଆର୍ଥିକ ଭାବେ ସ୍ୱାବଲମ୍ବୀ କରିବା ଏବଂ ସମାଜରେ ଏକ ସମ୍ମାନଜନକ ସ୍ଥାନ ଓ ମର୍ଯ୍ୟାଦାପୂର୍ଣ୍ଣ ଜୀବନ ପ୍ରଦାନ କରିବା ପାଇଁ ପଦକ୍ଷେପ ନିଆଯାଉଛି।ସେହି ଲକ୍ଷ୍ୟକୁ ସାକାର କରିବା ପାଇଁ ବିଭିନ୍ନ କ୍ଷୁଦ୍ର ଉଦ୍ୟୋଗକୁ ପ୍ରୋତ୍ସାହନ ଦିଆଯାଉଛି।କେନ୍ଦୁଝର ସଦର ବ୍ଲକର ରାଇକଳା ଗ୍ରାମ ପଞ୍ଚାୟତ ଅନ୍ତର୍ଗତ ବନେଇକଳା ଗ୍ରାମ (ବଣସାହି)ର ମା' ବିମଳା ସ୍ୱୟଂ ସହାୟକ ଗୋଷ୍ଠୀ ଏବେ ଏକ ଉଦ୍ୟୋଗ ଆରମ୍ଭ କରିଛନ୍ତି।ଏହି ଗୋଷ୍ଠୀର ୧୦ ଜଣ ସଦସ୍ୟାଙ୍କ ମଧ୍ୟରୁ ୫ ଜଣ ଆଗ୍ରହୀ ମହିଳାଙ୍କୁ ମିକ୍ସଚର ପ୍ରସ୍ତୁତି କେନ୍ଦ୍ର ସ୍ଥାପନ ପାଇଁ ସହଯୋଗ ପ୍ରଦାନ କରାଯାଇଛି।ଏହି ଉଦ୍ୟୋଗ ପାଇଁ ସମୁଦାୟ ୧,୭୭,୬୦୦ ଟଙ୍କା ପୁଞ୍ଜିନିବେଶ କରାଯାଇଛି।ସେଥିମଧ୍ୟରୁ ପ୍ରକଳ୍ପ ପକ୍ଷରୁ ୧,୪୭,୬୦୦ ଟଙ୍କା ଏବଂ ମହିଳାମାନଙ୍କ ପକ୍ଷରୁ ୩୦,୦୦୦ ଟଙ୍କା ନିଜସ୍ୱ ଅଂଶୀଦାରି ଭାବେ ବିନିଯୋଗ କରାଯାଇଛି। ୨୦ ଜୁନ ୨୦୨୬ ରୁ ଆରମ୍ଭ ହୋଇଥିବା ଏହି କେନ୍ଦ୍ରରେ ମହିଳାମାନେ ଏକତ୍ରିତ ହୋଇ ଉନ୍ନତ ମାନର ମିକ୍ସଚର ପ୍ରସ୍ତୁତ କରି ବଜାରରେ ବିକ୍ରୟ କରୁଛନ୍ତି।ଏହି ମହିଳାମାନଙ୍କ ଜୀବନରେ ଏହି ଉଦ୍ୟୋଗ ଏକ ନୂଆ ଆଶାର ଆଲୋକ ଆଣିଛି।ପୂର୍ବରୁ ସେମାନଙ୍କ ଜୀବନ ଘରକାମ ଓ ଋତୁକାଳୀନ ଧାନ ଚାଷରେ ସୀମିତଥିଲା।ଅବଶିଷ୍ଟ ସମୟରେ ସେମାନଙ୍କ ପାଖରେ ଆୟର କୌଣସି ସୁଯୋଗ ନଥିଲା।କିନ୍ତୁ ଆଜି ସେମାନେ ନିଜ

ହାତରେ ଉତ୍ପାଦନ କରୁଛନ୍ତି, ବଜାର ସହ ଯୋଡ଼ି ହେଉଛନ୍ତି ଏବଂ ପରିବାରର ଆର୍ଥିକ ଦାୟିତ୍ୱରେ ମଧ୍ୟ ସହଯୋଗ କରୁଛନ୍ତି।ଏହି ମିକ୍ସଚର ପ୍ରସ୍ତୁତି କେନ୍ଦ୍ର କେବଳ ଏକ କ୍ଷୁଦ୍ର ଉଦ୍ୟୋଗ ନୁହେଁ,ବରଂ ଗ୍ରାମୀଣ ମହିଳାଙ୍କ ସ୍ୱପ୍ନ, ଆତ୍ମବିଶ୍ୱାସ ଓ ସ୍ୱାବଲମ୍ବନର ଏକ ଜୀବନ୍ତ ପ୍ରତୀକ।ଏଭଳି ପଦକ୍ଷେପ ଗ୍ରାମାଞ୍ଚଳରେ ମହିଳା ଉଦ୍ୟୋଗିତାକୁ ଆହୁରି ସୁଦୃଢ଼ କରିବା ସହ ଅନ୍ୟ ମହିଳାମାନଙ୍କ ପାଇଁ ମଧ୍ୟ ପ୍ରେରଣାର ଉତ୍ସ ପାଲଟିଛି।ଭବିଷ୍ୟତରେ ଏହି ଉଦ୍ୟୋଗ ଅଧିକ ବିସ୍ତାର ଲାଭ କରି ଅନେକ ଗ୍ରାମୀଣ ପରିବାରର ଆର୍ଥିକ ସ୍ଥିତିକୁ ସୁଦୃଢ଼ କରିବ ବୋଲି ଆଶା କରାଯାଉଛି।ଏନେଇ ମା ବିମଳା ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ତଥା ମୁଖ୍ୟ ପରିଚାଳିକା ଶ୍ରୀମତୀ ଛବିରାଣି ମହାନ୍ତ(୩୫) କୁହନ୍ତି - ମିକ୍ସଚର ପ୍ରସ୍ତୁତି ଭଳି ଏକ ନୂତନ ଆରମ୍ଭ କରିବା ଓ ତାହା ଲୋକଙ୍କ ସହିତ ବଜାରରେ ଗ୍ରହଣୀୟ ହେବ କି ନାହିଁ,ଏସବୁ ପାଇଁ ମନରେ ପ୍ରଥମେ ଡର ଲାଗୁଥିଲା।ସବୁ ପରେ ବି ମନରେ ସାହାସ ବାନ୍ଧି ତାଲିମଦାତାଙ୍କ ସହଯୋଗ ନେଇ ମିକ୍ସଚର ସହିତ,ସୋଲା,ମଟର ଭଜା,ବାଦାମ ପକୋଡ଼ା,ସେଉ ଦାଣ୍ଠିଆ ଆଦି ପ୍ରସ୍ତୁତ କରି ପ୍ୟାକେଟରେ ଭରି ବିକ୍ରୟ ଆରମ୍ଭ କଲୁ। ଗାଁ ଲୋକଙ୍କ ସହିତ ବଜାରରେ ମଧ୍ୟ ଆମ ଉତ୍ପାଦ ଗୁଡିକର ସ୍ଵାଦ ଭଲ ଅଛି ବୋଲି ଲୋକଙ୍କ ଠାରୁ ଶୁଣି ଖୁସି ଲାଗୁଛି।ପ୍ରଥମେ ମନରେ ଯେଉଁ ଡର ଥିଲା ତାହା ଦୂର ହୋଇଛି।  ସେହିପରି ଅନ୍ୟଜଣେ ସଦସ୍ୟା ବବିତାରିଣୀ ମହାନ୍ତ (୩୨) କୁହନ୍ତି - ଆମେ ପ୍ରଥମେ ଘରକାମ ସହିତ ଖରିଫ ଋତୁରେ କେବଳ ଧାନ କାମରେ ସହଯୋଗ କରୁଥିଲୁ।ଅବଶିଷ୍ଟ ସମୟ ଏମିତି ଅତିବାହିତ ହେଉଥିଲା।ଏବେ ଆମେ ଘରକାମ ସହିତ ମିକ୍ସଚର ପ୍ରସ୍ତୁତି କେନ୍ଦ୍ରରେ କାମ କରୁଛୁ।ଯାହା ଆମକୁ ବହୁତ୍ ଖୁସି ଦେଇଛି।ଏବେ ଆମେ ବଳକା ସମୟକୁ ସଠିକ୍ ଭାବେ ଉପଯୋଗ କରି ପାରୁଛୁ ଓ ନୂତନ ରୋଜଗାରର ପନ୍ଥା ସୃଷ୍ଟି ହେବାରୁ ଏହା ଆମକୁ ଏକ ମର୍ଯ୍ୟାଦାପୂର୍ଣ୍ଣ ଜୀବନ ଯାପନରେ ସହାୟକ ହେବ ବୋଲି ଆମର ଆଶା ରହିଛି।