జర్నలిస్టుల పాదయాత్రతో ప్రభుత్వం కళ్లు తెరవాలి.జర్నలిస్టులకు ఇళ్ల స్థలాలు ఇచ్చేలా మంత్రులు, ఎమ్మెల్యేల దృష్టికి తీసుకెళ్తాం — కాంగ్రెస్ నాయకులు జర్నలిస్టుల ఇళ్ల స్థలాల కోసం తెలంగాణ వర్కింగ్ జర్నలిస్ట్స్ ఫెడరేషన్ ఆధ్వర్యంలో కొనసాగుతున్న పాదయాత్ర పెనుబల్లి మండలానికి చేరుకుంది. జర్నలిస్టుల పాదయాత్రతోనైనా ప్రభుత్వం కళ్లు తెరిచి, జర్నలిస్టులకు ఇచ్చిన హామీ మేరకు వెంటనే ఇళ్ల స్థలాలను కేటాయించాలని వివిధ రాజకీయ పార్టీలు, ప్రజా సంఘాల నాయకులు డిమాండ్ చేశారు. ఖమ్మం జిల్లాలో జర్నలిస్టుల ఇళ్ల స్థలాల సాధన కోసం టిడబ్ల్యూజేఎఫ్ ఆధ్వర్యంలో జూలై 22న పాలేరు నియోజకవర్గంలో ప్రారంభమైన పాదయాత్ర.. వైరా, సత్తుపల్లి నియోజకవర్గాల మీదుగా పెనుబల్లి మండలానికి చేరుకుంది. పెనుబల్లి మండల కేంద్రంలోని గాంధీ విగ్రహానికి పూలమాలలు వేసి నివాళులు అర్పించిన అనంతరం, ప్రెస్ క్లబ్ అధ్యక్షులు నల్లమల ప్రతాప్ కుమార్ అధ్యక్షతన సమావేశం నిర్వహించారు. ఈ సమావేశంలో కాంగ్రెస్, బీజేపీ, బీఆర్ఎస్, సీపీఎం, టీడీపీ, బీఎస్పీ, ఎమ్మార్పీఎస్, పౌర హక్కుల సంఘం నాయకులు పాల్గొని జర్నలిస్టుల పాదయాత్రకు సంపూర్ణ మద్దతు తెలిపారు. ప్రజా సమస్యల పరిష్కారం కోసం నిరంతరం పోరాడే జర్నలిస్టులు.. తమ ఇళ్ల స్థలాల కోసం రోడ్డెక్కి పాదయాత్ర చేయాల్సిన పరిస్థితి రావడం దురదృష్టకరమని నాయకులు ఆవేదన వ్యక్తం చేశారు. ప్రభుత్వం ఇచ్చిన హామీలను అమలు చేయకుండా జర్నలిస్టులను కేవలం అవసరానికి ఉపయోగించుకోవడం సరికాదన్నారు. జర్నలిస్టులకు తక్షణమే ఇళ్ల స్థలాలు కేటాయించాలని, ప్రభుత్వం స్పందించకపోతే జర్నలిస్టులతో కలిసి ఉద్యమాన్ని మరింత ఉధృతం చేస్తామని వివిధ రాజకీయ పార్టీలు, ప్రజా సంఘాల నాయకులు హెచ్చరించారు. మరోవైపు కాంగ్రెస్ పార్టీ నాయకులు మాట్లాడుతూ.. జర్నలిస్టులకు ఇళ్ల స్థలాలు కల్పించే విషయంలో తమ ప్రభుత్వం ప్రత్యేక చొరవ తీసుకుంటుందని తెలిపారు. ఈ అంశాన్ని మంత్రులు, ఎమ్మెల్యేల దృష్టికి తీసుకెళ్లి జర్నలిస్టులందరికీ ఇళ్ల స్థలాలు వచ్చేలా కృషి చేస్తామని హామీ ఇచ్చారు. జర్నలిస్టుల ఇళ్ల స్థలాల సమస్య యూనియన్లకు అతీతంగా ప్రతి జర్నలిస్టు సమస్య అని, జర్నలిస్టులందరూ ఐక్యంగా ఉద్యమిస్తే హక్కుల సాధన మరింత సులభమవుతుందని టిడబ్ల్యూజేఎఫ్ నాయకులు పిలుపునిచ్చారు. భద్రాద్రి కొత్తగూడెం జిల్లా నుంచి వచ్చిన సీనియర్ జర్నలిస్టులు సైతం పెనుబల్లిలో కొనసాగుతున్న పాదయాత్రకు సంపూర్ణ సంఘీభావం తెలిపారు. జర్నలిస్టుల ఇళ్ల స్థలాల కోసం సాగుతున్న ఈ పాదయాత్ర.. ప్రభుత్వం ఇచ్చిన హామీలను అమలు చేయాలని కోరుతూ మరింత ఉధృతంగా కొనసాగుతోంది.

ఖమ్మం రిపోర్టర్

ఖమ్మం (గ్రామీణ), ఖమ్మం, తెలంగాణ•

1 hr ago

జర్నలిస్టుల పాదయాత్రతో ప్రభుత్వం కళ్లు తెరవాలి.జర్నలిస్టులకు ఇళ్ల స్థలాలు ఇచ్చేలా మంత్రులు, ఎమ్మెల్యేల దృష్టికి తీసుకెళ్తాం — కాంగ్రెస్ నాయకులు జర్నలిస్టుల ఇళ్ల స్థలాల కోసం తెలంగాణ వర్కింగ్ జర్నలిస్ట్స్ ఫెడరేషన్ ఆధ్వర్యంలో కొనసాగుతున్న పాదయాత్ర పెనుబల్లి మండలానికి చేరుకుంది. జర్నలిస్టుల పాదయాత్రతోనైనా ప్రభుత్వం కళ్లు తెరిచి, జర్నలిస్టులకు ఇచ్చిన హామీ మేరకు వెంటనే ఇళ్ల స్థలాలను కేటాయించాలని వివిధ రాజకీయ పార్టీలు, ప్రజా సంఘాల నాయకులు డిమాండ్ చేశారు. ఖమ్మం జిల్లాలో జర్నలిస్టుల ఇళ్ల స్థలాల సాధన కోసం టిడబ్ల్యూజేఎఫ్ ఆధ్వర్యంలో జూలై 22న పాలేరు నియోజకవర్గంలో ప్రారంభమైన పాదయాత్ర.. వైరా, సత్తుపల్లి నియోజకవర్గాల మీదుగా పెనుబల్లి మండలానికి చేరుకుంది. పెనుబల్లి మండల కేంద్రంలోని గాంధీ విగ్రహానికి పూలమాలలు వేసి నివాళులు అర్పించిన

అనంతరం, ప్రెస్ క్లబ్ అధ్యక్షులు నల్లమల ప్రతాప్ కుమార్ అధ్యక్షతన సమావేశం నిర్వహించారు. ఈ సమావేశంలో కాంగ్రెస్, బీజేపీ, బీఆర్ఎస్, సీపీఎం, టీడీపీ, బీఎస్పీ, ఎమ్మార్పీఎస్, పౌర హక్కుల సంఘం నాయకులు పాల్గొని జర్నలిస్టుల పాదయాత్రకు సంపూర్ణ మద్దతు తెలిపారు. ప్రజా సమస్యల పరిష్కారం కోసం నిరంతరం పోరాడే జర్నలిస్టులు.. తమ ఇళ్ల స్థలాల కోసం రోడ్డెక్కి పాదయాత్ర చేయాల్సిన పరిస్థితి రావడం దురదృష్టకరమని నాయకులు ఆవేదన వ్యక్తం చేశారు. ప్రభుత్వం ఇచ్చిన హామీలను అమలు చేయకుండా జర్నలిస్టులను కేవలం అవసరానికి ఉపయోగించుకోవడం సరికాదన్నారు. జర్నలిస్టులకు తక్షణమే ఇళ్ల స్థలాలు కేటాయించాలని, ప్రభుత్వం స్పందించకపోతే జర్నలిస్టులతో కలిసి ఉద్యమాన్ని మరింత ఉధృతం చేస్తామని వివిధ రాజకీయ పార్టీలు, ప్రజా సంఘాల నాయకులు హెచ్చరించారు. మరోవైపు

కాంగ్రెస్ పార్టీ నాయకులు మాట్లాడుతూ.. జర్నలిస్టులకు ఇళ్ల స్థలాలు కల్పించే విషయంలో తమ ప్రభుత్వం ప్రత్యేక చొరవ తీసుకుంటుందని తెలిపారు. ఈ అంశాన్ని మంత్రులు, ఎమ్మెల్యేల దృష్టికి తీసుకెళ్లి జర్నలిస్టులందరికీ ఇళ్ల స్థలాలు వచ్చేలా కృషి చేస్తామని హామీ ఇచ్చారు. జర్నలిస్టుల ఇళ్ల స్థలాల సమస్య యూనియన్లకు అతీతంగా ప్రతి జర్నలిస్టు సమస్య అని, జర్నలిస్టులందరూ ఐక్యంగా ఉద్యమిస్తే హక్కుల సాధన మరింత సులభమవుతుందని టిడబ్ల్యూజేఎఫ్ నాయకులు పిలుపునిచ్చారు. భద్రాద్రి కొత్తగూడెం జిల్లా నుంచి వచ్చిన సీనియర్ జర్నలిస్టులు సైతం పెనుబల్లిలో కొనసాగుతున్న పాదయాత్రకు సంపూర్ణ సంఘీభావం తెలిపారు. జర్నలిస్టుల ఇళ్ల స్థలాల కోసం సాగుతున్న ఈ పాదయాత్ర.. ప్రభుత్వం ఇచ్చిన హామీలను అమలు చేయాలని కోరుతూ మరింత ఉధృతంగా కొనసాగుతోంది.