ଏସପି ପ୍ରତୀକ ସିଂଙ୍କ ନିର୍ଦ୍ଦେଶରେ ପୁରୀ ବିଚ୍‌ରେ କଡା ସୁରକ୍ଷା ବ୍ୟବସ୍ଥା। ପୁରୀ ଜିଲ୍ଲାକୁ ଆସୁଥିବା ଅଧିକ ସଂଖ୍ୟକ ପର୍ଯ୍ୟଟକଙ୍କ ସୁରକ୍ଷା, ଶାନ୍ତି-ଶୃଙ୍ଖଳା ଓ ସ୍ବଚ୍ଛ ପର୍ଯ୍ୟଟନ ପରିବେଶ ସୁନିଶ୍ଚିତ କରିବା ଉଦ୍ଦେଶ୍ୟରେ ଆରକ୍ଷୀ ଅଧୀକ୍ଷକ, ପୁରୀ ଶ୍ରୀଯୁକ୍ତ ପ୍ରତୀକ ସିଂଙ୍କ ନିର୍ଦ୍ଦେଶ ଅନୁସାରେ ଆଜି ପୁରୀ ପୋଲିସ୍ ପକ୍ଷରୁ ଏକ ବ୍ୟାପକ ବିଚ୍ ପ୍ୟାଟ୍ରୋଲିଂ ଓ ସୁରକ୍ଷା ଅଭିଯାନ ଚଳାଯାଇଛି। ଏହି ଅଭିଯାନ ଅନ୍ତର୍ଗତ ପୁରୀ ସମୁଦ୍ରତଟ, ଚନ୍ଦ୍ରଭାଗା ବିଚ୍, ଇକୋ ରିଟ୍ରିଟ୍ ବିଚ୍, ପୁରୀ ସମୁଦ୍ରକୁଳ ସହ ପୁରୀ ଜିଲ୍ଲାର ସମସ୍ତ ପ୍ରମୁଖ ବିଚ୍ ଅଞ୍ଚଳରେ ପୋଲିସ୍ ଟିମ୍ ଦ୍ୱାରା ନିୟମିତ ଓ ସୁସଂଗଠିତ ପ୍ୟାଟ୍ରୋଲିଂ କରାଯାଇଛି। ଏସ୍‌ଡିପିଓ ନିମାପଡା, ଆଇଆଇସି କୋଣାର୍କ, ରାମଚଣ୍ଡୀ, ଚନ୍ଦ୍ରଭାଗା, ସମୁଦ୍ରକୁଳ, ବାଳିଆପଣ୍ଡା ସମେତ ସମସ୍ତ ଥାନାର ଆଇଆଇସି, ଅଧିକାରୀ ଓ ପୋଲିସ୍ କର୍ମଚାରୀମାନେ ଏହି ପ୍ୟାଟ୍ରୋଲିଂ ଅଭିଯାନରେ ସକ୍ରିୟ ଭାଗ ନେଇଥିଲେ। ପର୍ଯ୍ୟଟକମାନଙ୍କ ନିରାପତ୍ତା ଓ ସୁବିଧା ପାଇଁ ପୁରୀ ବିଚ୍‌ରେ ଏଟିଭି (ATV) ଭେହିକଲ୍ ଦ୍ୱାରା ବିଶେଷ ପ୍ୟାଟ୍ରୋଲିଂ କରାଯାଇଥିଲା, ଯାହା ଦ୍ୱାରା ସମୁଦ୍ରତଟର ସମସ୍ତ ସଂବେଦନଶୀଳ ଅଞ୍ଚଳକୁ ତ୍ୱରିତ ଭାବେ ନିରୀକ୍ଷଣ କରାଯାଇପାରିଥିଲା। ପ୍ୟାଟ୍ରୋଲିଂ ସମୟରେ ପୋଲିସ୍ ଟିମ୍ ପର୍ଯ୍ୟଟକମାନଙ୍କ ସହ ସିଧାସଳଖ ଆଲୋଚନା କରି ସେମାନଙ୍କୁ ସୁରକ୍ଷା ସମ୍ବନ୍ଧୀୟ ସଚେତନତା ବାର୍ତ୍ତା ଦେଇଥିଲେ। ସମୁଦ୍ର ସ୍ନାନ ସମୟରେ ସାବଧାନତା, ଲାଇଫଗାର୍ଡଙ୍କ ନିର୍ଦ୍ଦେଶ ମାନିବା, ଅସୁରକ୍ଷିତ ଅଞ୍ଚଳରେ ନ ସ୍ନାନ କରିବା, ମଦ୍ୟପାନ କରି ସମୁଦ୍ରତଟରେ ଯାତାୟାତ ନ କରିବା ଭଳି ବିଷୟରେ ପର୍ଯ୍ୟଟକମାନଙ୍କୁ ସଚେତନ କରାଯାଇଥିଲା। ଏହା ସହିତ ସମୁଦ୍ରତଟ ଅଞ୍ଚଳରେ ଅସାମାଜିକ ତତ୍ତ୍ୱ, ଅନାବଶ୍ୟକ ଭିଡ଼, ଅବୈଧ ବ୍ୟବସାୟ, ମଦକ ଦ୍ରବ୍ୟ ବିକ୍ରୟ ଓ ଉତ୍ପାତ ସୃଷ୍ଟି କରୁଥିବା ବ୍ୟକ୍ତିମାନଙ୍କ ଉପରେ କଡା ନଜର ରଖାଯାଇଥିଲା। ସନ୍ଦେହଜନକ ବ୍ୟକ୍ତି ଓ ଯାନବାହନଗୁଡ଼ିକୁ ଯାଞ୍ଚ କରାଯାଇ ଆଇନ ଅନୁସାରେ ଆବଶ୍ୟକ ପଦକ୍ଷେପ ଗ୍ରହଣ କରାଯାଇଛି। ପୁରୀ ପୋଲିସ୍ ସଦା ସର୍ବଦା ପର୍ଯ୍ୟଟକ ଓ ଶ୍ରଦ୍ଧାଳୁମାନଙ୍କ ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେଇଆସୁଛି। ପର୍ଯ୍ୟଟକମାନେ କୌଣସି ଅସୁବିଧା ବା ଆପତ୍ତିକାଳୀନ ପରିସ୍ଥିତିରେ ୧୧୨ ଡାଏଲ୍ କରିବା କିମ୍ବା ପର୍ଯ୍ୟଟକ ସହାୟତା ନମ୍ବର 6370967100 ମାଧ୍ୟମରେ ସହାୟତା ନେବାକୁ ଅନୁରୋଧ କରାଯାଉଛି। ଆଗାମୀ ଦିନରେ ମଧ୍ୟ ପର୍ଯ୍ୟଟନ ଋତୁକୁ ଦୃଷ୍ଟିରେ ରଖି ପୁରୀ ଜିଲ୍ଲାର ସମସ୍ତ ବିଚ୍ ଓ ପର୍ଯ୍ୟଟନ ସ୍ଥଳୀରେ ଏଭଳି ବିଶେଷ ପ୍ୟାଟ୍ରୋଲିଂ, ନିରୀକ୍ଷଣ ଓ ସଚେତନତା କାର୍ଯ୍ୟକ୍ରମ ଜାରି ରହିବ। ପୁରୀ ଜିଲ୍ଲା ପୋଲିସ୍ ପକ୍ଷରୁ ସମସ୍ତ ପର୍ଯ୍ୟଟକ ଓ ସାଧାରଣ ଜନତାଙ୍କୁ ଆଇନ-ଶୃଙ୍ଖଳା ରକ୍ଷାରେ ସହଯୋଗ କରିବା ଏବଂ ନିର୍ଦ୍ଦେଶାବଳୀ ମାନି ସୁରକ୍ଷିତ ଓ ସୁଖଦ ପର୍ଯ୍ୟଟନ ଅନୁଭୂତି ନେବାକୁ ଅନୁରୋଧ କରାଯାଉଛି।

Manoj kumar baliyarsingh

Journalist ପୁରୀ (M), ପୁରୀ, ଓଡ଼ିଶା•

22 hrs ago

ଏସପି ପ୍ରତୀକ ସିଂଙ୍କ ନିର୍ଦ୍ଦେଶରେ ପୁରୀ ବିଚ୍‌ରେ କଡା ସୁରକ୍ଷା ବ୍ୟବସ୍ଥା। ପୁରୀ ଜିଲ୍ଲାକୁ ଆସୁଥିବା ଅଧିକ ସଂଖ୍ୟକ ପର୍ଯ୍ୟଟକଙ୍କ ସୁରକ୍ଷା, ଶାନ୍ତି-ଶୃଙ୍ଖଳା ଓ ସ୍ବଚ୍ଛ ପର୍ଯ୍ୟଟନ ପରିବେଶ ସୁନିଶ୍ଚିତ କରିବା ଉଦ୍ଦେଶ୍ୟରେ ଆରକ୍ଷୀ ଅଧୀକ୍ଷକ, ପୁରୀ ଶ୍ରୀଯୁକ୍ତ ପ୍ରତୀକ ସିଂଙ୍କ ନିର୍ଦ୍ଦେଶ ଅନୁସାରେ ଆଜି ପୁରୀ ପୋଲିସ୍ ପକ୍ଷରୁ ଏକ ବ୍ୟାପକ ବିଚ୍ ପ୍ୟାଟ୍ରୋଲିଂ ଓ ସୁରକ୍ଷା ଅଭିଯାନ ଚଳାଯାଇଛି। ଏହି ଅଭିଯାନ ଅନ୍ତର୍ଗତ ପୁରୀ ସମୁଦ୍ରତଟ, ଚନ୍ଦ୍ରଭାଗା ବିଚ୍, ଇକୋ ରିଟ୍ରିଟ୍ ବିଚ୍, ପୁରୀ ସମୁଦ୍ରକୁଳ ସହ ପୁରୀ ଜିଲ୍ଲାର ସମସ୍ତ ପ୍ରମୁଖ ବିଚ୍ ଅଞ୍ଚଳରେ ପୋଲିସ୍ ଟିମ୍ ଦ୍ୱାରା ନିୟମିତ

ଓ ସୁସଂଗଠିତ ପ୍ୟାଟ୍ରୋଲିଂ କରାଯାଇଛି। ଏସ୍‌ଡିପିଓ ନିମାପଡା, ଆଇଆଇସି କୋଣାର୍କ, ରାମଚଣ୍ଡୀ, ଚନ୍ଦ୍ରଭାଗା, ସମୁଦ୍ରକୁଳ, ବାଳିଆପଣ୍ଡା ସମେତ ସମସ୍ତ ଥାନାର ଆଇଆଇସି, ଅଧିକାରୀ ଓ ପୋଲିସ୍ କର୍ମଚାରୀମାନେ ଏହି ପ୍ୟାଟ୍ରୋଲିଂ ଅଭିଯାନରେ ସକ୍ରିୟ ଭାଗ ନେଇଥିଲେ। ପର୍ଯ୍ୟଟକମାନଙ୍କ ନିରାପତ୍ତା ଓ ସୁବିଧା ପାଇଁ ପୁରୀ ବିଚ୍‌ରେ ଏଟିଭି (ATV) ଭେହିକଲ୍ ଦ୍ୱାରା ବିଶେଷ ପ୍ୟାଟ୍ରୋଲିଂ କରାଯାଇଥିଲା, ଯାହା ଦ୍ୱାରା ସମୁଦ୍ରତଟର ସମସ୍ତ ସଂବେଦନଶୀଳ ଅଞ୍ଚଳକୁ ତ୍ୱରିତ ଭାବେ ନିରୀକ୍ଷଣ କରାଯାଇପାରିଥିଲା। ପ୍ୟାଟ୍ରୋଲିଂ ସମୟରେ ପୋଲିସ୍ ଟିମ୍ ପର୍ଯ୍ୟଟକମାନଙ୍କ ସହ ସିଧାସଳଖ ଆଲୋଚନା କରି ସେମାନଙ୍କୁ ସୁରକ୍ଷା ସମ୍ବନ୍ଧୀୟ ସଚେତନତା ବାର୍ତ୍ତା ଦେଇଥିଲେ। ସମୁଦ୍ର ସ୍ନାନ

ସମୟରେ ସାବଧାନତା, ଲାଇଫଗାର୍ଡଙ୍କ ନିର୍ଦ୍ଦେଶ ମାନିବା, ଅସୁରକ୍ଷିତ ଅଞ୍ଚଳରେ ନ ସ୍ନାନ କରିବା, ମଦ୍ୟପାନ କରି ସମୁଦ୍ରତଟରେ ଯାତାୟାତ ନ କରିବା ଭଳି ବିଷୟରେ ପର୍ଯ୍ୟଟକମାନଙ୍କୁ ସଚେତନ କରାଯାଇଥିଲା। ଏହା ସହିତ ସମୁଦ୍ରତଟ ଅଞ୍ଚଳରେ ଅସାମାଜିକ ତତ୍ତ୍ୱ, ଅନାବଶ୍ୟକ ଭିଡ଼, ଅବୈଧ ବ୍ୟବସାୟ, ମଦକ ଦ୍ରବ୍ୟ ବିକ୍ରୟ ଓ ଉତ୍ପାତ ସୃଷ୍ଟି କରୁଥିବା ବ୍ୟକ୍ତିମାନଙ୍କ ଉପରେ କଡା ନଜର ରଖାଯାଇଥିଲା। ସନ୍ଦେହଜନକ ବ୍ୟକ୍ତି ଓ ଯାନବାହନଗୁଡ଼ିକୁ ଯାଞ୍ଚ କରାଯାଇ ଆଇନ ଅନୁସାରେ ଆବଶ୍ୟକ ପଦକ୍ଷେପ ଗ୍ରହଣ କରାଯାଇଛି। ପୁରୀ ପୋଲିସ୍ ସଦା ସର୍ବଦା ପର୍ଯ୍ୟଟକ ଓ ଶ୍ରଦ୍ଧାଳୁମାନଙ୍କ ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେଇଆସୁଛି।

ପର୍ଯ୍ୟଟକମାନେ କୌଣସି ଅସୁବିଧା ବା ଆପତ୍ତିକାଳୀନ ପରିସ୍ଥିତିରେ ୧୧୨ ଡାଏଲ୍ କରିବା କିମ୍ବା ପର୍ଯ୍ୟଟକ ସହାୟତା ନମ୍ବର 6370967100 ମାଧ୍ୟମରେ ସହାୟତା ନେବାକୁ ଅନୁରୋଧ କରାଯାଉଛି। ଆଗାମୀ ଦିନରେ ମଧ୍ୟ ପର୍ଯ୍ୟଟନ ଋତୁକୁ ଦୃଷ୍ଟିରେ ରଖି ପୁରୀ ଜିଲ୍ଲାର ସମସ୍ତ ବିଚ୍ ଓ ପର୍ଯ୍ୟଟନ ସ୍ଥଳୀରେ ଏଭଳି ବିଶେଷ ପ୍ୟାଟ୍ରୋଲିଂ, ନିରୀକ୍ଷଣ ଓ ସଚେତନତା କାର୍ଯ୍ୟକ୍ରମ ଜାରି ରହିବ। ପୁରୀ ଜିଲ୍ଲା ପୋଲିସ୍ ପକ୍ଷରୁ ସମସ୍ତ ପର୍ଯ୍ୟଟକ ଓ ସାଧାରଣ ଜନତାଙ୍କୁ ଆଇନ-ଶୃଙ୍ଖଳା ରକ୍ଷାରେ ସହଯୋଗ କରିବା ଏବଂ ନିର୍ଦ୍ଦେଶାବଳୀ ମାନି ସୁରକ୍ଷିତ ଓ ସୁଖଦ ପର୍ଯ୍ୟଟନ ଅନୁଭୂତି ନେବାକୁ ଅନୁରୋଧ କରାଯାଉଛି।