दिल्लीतील विद्यार्थी आंदोलनावर झालेल्या कथित पोलिस लाठीहल्ला व कारवाईच्या निषेधार्थ आणि विद्यार्थ्यांच्या न्याय्य मागण्यांच्या समर्थनार्थ वंचित बहुजन आघाडीने पुकारलेल्या 'महाराष्ट्र बंद'ला घनसावंगी शहरात उत्स्फूर्त प्रतिसाद मिळाला आहे. बंदच्या आवाहनाला प्रतिसाद देत शहरातील मुख्य बाजारपेठेसह बहुतांश व्यापारी आस्थापना दिवसभर कडकडीत बंद राहिल्याने शहरात शुकशुकाटाचे वातावरण पाहायला मिळाले. व्यापाऱ्यांनी स्वयंस्फूर्तीने दुकाने बंद ठेवत विद्यार्थ्यांच्या आंदोलनाला पाठिंबा दर्शविल्याने दैनंदिन व्यवहारांवरही मोठा परिणाम झाला. या बंदच्या पार्श्वभूमीवर वंचित बहुजन आघाडीच्या कार्यकर्त्यांनी शहरातील विविध भागांत फिरून व्यापारी व नागरिकांशी संवाद साधत बंदमध्ये सहभागी होण्याचे आवाहन केले होते. हे आंदोलन वंचित बहुजन आघाडीचे जिल्हा उपाध्यक्ष परमेश्वर खरात, तालुका अध्यक्ष समाधान तोडके, तालुका महासचिव बाळासाहेब सोनवणे, तालुका उपाध्यक्ष राजकिरण राजगुरू, भीम आर्मीचे तालुका अध्यक्ष संतोष येडे तसेच शहराध्यक्ष आदित्य खरात यांच्या नेतृत्वाखाली करण्यात आले. आंदोलनादरम्यान विद्यार्थ्यांवरील पोलिस कारवाईचा तीव्र निषेध व्यक्त करत शासनाने विद्यार्थ्यांच्या न्याय्य मागण्या तातडीने मान्य करून सकारात्मक निर्णय घ्यावा, अशी मागणी करण्यात आली. बंद शांततेत पार पडावा आणि कायदा व सुव्यवस्था अबाधित राहावी यासाठी पोलिस प्रशासनाकडून शहरात चोख बंदोबस्त ठेवण्यात आला होता. कोणताही अनुचित प्रकार न घडता बंद शांततेत पार पडल्याने प्रशासनानेही समाधान व्यक्त केले आहे.

सय्यद अबरार

Press advisory जालना, जालना, महाराष्ट्र•

3 hrs ago

दिल्लीतील विद्यार्थी आंदोलनावर झालेल्या कथित पोलिस लाठीहल्ला व कारवाईच्या निषेधार्थ आणि विद्यार्थ्यांच्या न्याय्य मागण्यांच्या समर्थनार्थ वंचित बहुजन आघाडीने पुकारलेल्या 'महाराष्ट्र बंद'ला घनसावंगी शहरात उत्स्फूर्त प्रतिसाद मिळाला आहे. बंदच्या आवाहनाला प्रतिसाद देत शहरातील मुख्य बाजारपेठेसह बहुतांश व्यापारी आस्थापना दिवसभर कडकडीत बंद राहिल्याने शहरात शुकशुकाटाचे वातावरण पाहायला मिळाले. व्यापाऱ्यांनी स्वयंस्फूर्तीने दुकाने बंद ठेवत विद्यार्थ्यांच्या आंदोलनाला पाठिंबा दर्शविल्याने दैनंदिन व्यवहारांवरही मोठा परिणाम झाला. या बंदच्या पार्श्वभूमीवर वंचित बहुजन आघाडीच्या कार्यकर्त्यांनी शहरातील विविध भागांत फिरून व्यापारी व नागरिकांशी संवाद साधत बंदमध्ये सहभागी होण्याचे आवाहन केले होते. हे आंदोलन वंचित बहुजन आघाडीचे जिल्हा उपाध्यक्ष परमेश्वर खरात, तालुका अध्यक्ष समाधान तोडके, तालुका महासचिव बाळासाहेब सोनवणे, तालुका उपाध्यक्ष राजकिरण राजगुरू, भीम आर्मीचे तालुका अध्यक्ष संतोष येडे तसेच शहराध्यक्ष आदित्य खरात यांच्या नेतृत्वाखाली करण्यात आले. आंदोलनादरम्यान विद्यार्थ्यांवरील पोलिस कारवाईचा तीव्र निषेध व्यक्त करत शासनाने विद्यार्थ्यांच्या न्याय्य मागण्या तातडीने मान्य करून सकारात्मक निर्णय घ्यावा, अशी मागणी करण्यात आली. बंद शांततेत पार पडावा आणि कायदा व सुव्यवस्था अबाधित राहावी यासाठी पोलिस प्रशासनाकडून शहरात चोख बंदोबस्त ठेवण्यात आला होता. कोणताही अनुचित प्रकार न घडता बंद शांततेत पार पडल्याने प्रशासनानेही समाधान व्यक्त केले आहे.