लातूर जिल्हा पोलीस दलातील अधिकारी आणि अंमलदारांनी प्रामाणिकपणा व कर्तव्यनिष्ठेचे उत्कृष्ट उदाहरण देत, सुमारे ३ लाख ५० हजार रुपये किमतीचे सोन्याचे दागिने असलेली बेवारस अवस्थेत सापडलेली बॅग तिच्या मूळ मालकाचा शोध घेऊन त्यांच्या ताब्यात सुपूर्द केली आहे. ही घटना ११ मे २०२६ रोजी मध्यरात्रीच्या सुमारास पोलीस ठाणे मुरुड हद्दीत घडली, जिथे स्थानिक गुन्हे शाखेचे पोलीस उपनिरीक्षक अमर केंद्रे आणि त्यांच्या स्टाफला जिल्हा रात्रगस्तीवर असताना रस्त्याच्या मध्यभागी एक बॅग पडलेली दिसली. तपासणी केली असता, त्यात लहान मुलांचे व पुरुषांचे कपडे, तसेच एका बॉक्समध्ये सोन्याचा नेकलेस आणि झुमके आढळून आले. घटनास्थळी तात्काळ चौकशी करूनही बॅगेचा मालक किंवा संबंधित व्यक्ती सापडली नाही, त्यामुळे बॅग सुरक्षितपणे पोलीस ठाणे मुरुड येथे जमा करण्यात आली. त्यानंतर, पोलीस अधीक्षक अमोल तांबे आणि अपर पोलीस अधीक्षक मंगेश चव्हाण यांच्या सूचनेनुसार, स्थानिक गुन्हे शाखेचे पोलीस निरीक्षक सुधाकर बावकर यांच्या मार्गदर्शनाखाली विशेष तपास सुरू करण्यात आला. बॅगेतील कपड्यांचे वर्णन, सोन्याच्या दागिन्यांच्या बॉक्सवरील माहिती आणि विविध माध्यमांचा वापर करून मूळ मालकाचा शोध घेण्यात आला. अखेर, तपासानंतर ही बॅग संदीप मंगलदास सुरनर (वय ३३ वर्षे, राहणार रुदा, तालुका अहमदपूर, जिल्हा लातूर) यांची असल्याचे निष्पन्न झाले. संदीप सुरनर हे ११ मे २०२६ रोजी आपल्या कुटुंबासह ऑटो रिक्षाने रुद्रा येथून पुण्याकडे जात असताना मुरुड पोलीस ठाण्याच्या हद्दीत त्यांची बॅग वाहनातून पडून हरवली होती. बॅगेतील कपडे आणि सोन्याच्या दागिन्यांची ओळख पटवून, मालकी हक्काची पडताळणी तसेच आवश्यक कायदेशीर प्रक्रिया पूर्ण केल्यानंतर, पोलीस अधीक्षक अमोल तांबे यांच्या हस्ते आज हे मौल्यवान दागिने मूळ मालकास परत करण्यात आले. या बॅगेमध्ये सुमारे २३ ग्रॅम वजनाचे सोन्याचे नेकलेस आणि झुमके होते, ज्यांची अंदाजे किंमत ३ लाख ५० हजार रुपये आहे. इतक्या मोठ्या किमतीचे दागिने सुरक्षितपणे परत मिळाल्याने संदीप सुरनर आणि त्यांच्या पत्नीच्या चेहऱ्यावर समाधानाचे हास्य फुलले. त्यांनी लातूर जिल्हा पोलीस दलाचे मनःपूर्वक आभार मानत पोलिसांच्या प्रामाणिकपणा आणि कर्तव्यदक्षतेचे विशेष कौतुक केले. ही उल्लेखनीय कामगिरी पोलीस अधीक्षक अमोल तांबे, अपर पोलीस अधीक्षक मंगेश चव्हाण यांच्या मार्गदर्शनाखाली, स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वात पोलीस उपनिरीक्षक अमर केंद्रे, पोलीस अंमलदार रियाज सौदागर, पाराजी पुट्टेवाड, ज्ञानोबा गुडमेवाड आणि ढवळे यांनी यशस्वीरित्या पार पाडली.

Satish Chande

चाकूर, लातूर, महाराष्ट्र•

2 hrs ago

लातूर जिल्हा पोलीस दलातील अधिकारी आणि अंमलदारांनी प्रामाणिकपणा व कर्तव्यनिष्ठेचे उत्कृष्ट उदाहरण देत, सुमारे ३ लाख ५० हजार रुपये किमतीचे सोन्याचे दागिने असलेली बेवारस अवस्थेत सापडलेली बॅग तिच्या मूळ मालकाचा शोध घेऊन त्यांच्या ताब्यात सुपूर्द केली आहे. ही घटना ११ मे २०२६ रोजी मध्यरात्रीच्या सुमारास पोलीस ठाणे मुरुड हद्दीत घडली, जिथे स्थानिक गुन्हे शाखेचे पोलीस उपनिरीक्षक अमर केंद्रे आणि त्यांच्या स्टाफला जिल्हा रात्रगस्तीवर असताना रस्त्याच्या मध्यभागी एक बॅग पडलेली दिसली. तपासणी केली असता, त्यात लहान मुलांचे व पुरुषांचे कपडे, तसेच एका बॉक्समध्ये सोन्याचा नेकलेस आणि झुमके आढळून आले. घटनास्थळी तात्काळ चौकशी करूनही बॅगेचा मालक किंवा संबंधित व्यक्ती सापडली नाही, त्यामुळे बॅग सुरक्षितपणे पोलीस ठाणे मुरुड येथे जमा करण्यात आली. त्यानंतर, पोलीस अधीक्षक अमोल तांबे आणि अपर पोलीस अधीक्षक मंगेश चव्हाण यांच्या सूचनेनुसार, स्थानिक गुन्हे शाखेचे पोलीस निरीक्षक सुधाकर बावकर यांच्या मार्गदर्शनाखाली विशेष तपास सुरू करण्यात आला. बॅगेतील कपड्यांचे वर्णन, सोन्याच्या दागिन्यांच्या बॉक्सवरील माहिती आणि विविध माध्यमांचा वापर करून मूळ मालकाचा शोध घेण्यात आला. अखेर, तपासानंतर ही बॅग संदीप मंगलदास सुरनर (वय ३३ वर्षे, राहणार रुदा, तालुका अहमदपूर, जिल्हा लातूर) यांची असल्याचे निष्पन्न झाले. संदीप सुरनर हे ११ मे २०२६ रोजी आपल्या कुटुंबासह ऑटो रिक्षाने रुद्रा येथून पुण्याकडे जात असताना मुरुड पोलीस ठाण्याच्या हद्दीत त्यांची बॅग वाहनातून पडून हरवली होती. बॅगेतील कपडे आणि सोन्याच्या दागिन्यांची ओळख पटवून, मालकी हक्काची पडताळणी तसेच आवश्यक कायदेशीर प्रक्रिया पूर्ण केल्यानंतर, पोलीस अधीक्षक अमोल तांबे यांच्या हस्ते आज हे मौल्यवान दागिने मूळ मालकास परत करण्यात आले. या बॅगेमध्ये सुमारे २३ ग्रॅम वजनाचे सोन्याचे नेकलेस आणि झुमके होते, ज्यांची अंदाजे किंमत ३ लाख ५० हजार रुपये आहे. इतक्या मोठ्या किमतीचे दागिने सुरक्षितपणे परत मिळाल्याने संदीप सुरनर आणि त्यांच्या पत्नीच्या चेहऱ्यावर समाधानाचे हास्य फुलले. त्यांनी लातूर जिल्हा पोलीस दलाचे मनःपूर्वक आभार मानत पोलिसांच्या प्रामाणिकपणा आणि कर्तव्यदक्षतेचे विशेष कौतुक केले. ही उल्लेखनीय कामगिरी पोलीस अधीक्षक अमोल तांबे, अपर पोलीस अधीक्षक मंगेश चव्हाण यांच्या मार्गदर्शनाखाली, स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वात पोलीस उपनिरीक्षक अमर केंद्रे, पोलीस अंमलदार रियाज सौदागर, पाराजी पुट्टेवाड, ज्ञानोबा गुडमेवाड आणि ढवळे यांनी यशस्वीरित्या पार पाडली.