నిర్మల్ జిల్లాలోని బాసర ఆర్జీయుకేటీ కళాశాల (బాసర ఐఐఐటి) మెస్‌లలో ఆహార భద్రతపై తీవ్ర ఆందోళన వ్యక్తమవుతోంది. కళాశాల అధికారుల తీరు మారడం లేదని విద్యార్థులు, తల్లిదండ్రులు, విద్యార్థి సంఘాలు తీవ్ర అసంతృప్తి వ్యక్తం చేస్తున్నారు. ఇటీవల ఆదివారం, ఈ-1 విద్యార్థిని ప్లేట్‌లో బొద్దింక కనిపించిన ఘటనపై కళాశాల అధికారులు మెస్ నిర్వాహకులకు కేవలం షోకాజ్ నోటీసు జారీ చేసి చేతులు దులుపుకున్నారని ఆరోపణలున్నాయి. ఈ ఘటన మరువకముందే, అదే శక్తి మెస్‌లో బ్రేక్‌ఫాస్ట్‌లో బొద్దింక కనిపించిన తర్వాత మరుసటి రోజు మధ్యాహ్న భోజనంలో స్టీల్ రాడ్ వచ్చిందని విద్యార్థులు తమ వాట్సాప్ గ్రూపులలో తమ బాధను పంచుకున్నారు. గతంలో 2022లో సుమారు 400 మంది విద్యార్థులు ఫుడ్ పాయిజన్‌తో అస్వస్థతకు గురై ఆసుపత్రి పాలైనా అధికారులు చలించలేదని, అప్పట్లో విద్యార్థులు ఆందోళనలు చేయడంతో హడావుడిగా ఒక కమిటీ వేసి, వారి నివేదిక ఆధారంగా కొత్త వారికి మెస్ టెండర్లు ఇస్తామని చెప్పి, మళ్ళీ అధికారులకు అనుకూలమైన వారికే టెండర్లను అప్పగించారని ఆరోపణలున్నాయి. తాజా ఘటనల నేపథ్యంలో అనుమానం ఉన్న ఏడుగురు విద్యార్థులను పిలిపించి విచారించినట్లు సమాచారం. భోజనశాలల్లో తరచుగా ఇలాంటి సంఘటనలు జరుగుతున్నప్పటికీ, ఆహార భద్రత అధికారుల తనిఖీలు కనిపించడం లేదని విమర్శలు వస్తున్నాయి. ప్రస్తుత మెస్ టెండర్‌ను తక్షణమే రద్దు చేసి, కొత్త వారికి టెండర్లను అప్పగించాలని విద్యార్థి సంఘాలు మరియు తల్లిదండ్రులు డిమాండ్ చేస్తున్నారు. సుమారు 9000 మంది విద్యార్థుల ప్రాణాలతో చెలగాటం ఆడవద్దని వారు స్పష్టం చేస్తున్నారు. బాసర ఐఐఐటిలోని అధికారుల మారని తీరు, మెస్‌లలో ఆహార భద్రత అధికారుల తనిఖీల లోపం పట్ల తీవ్ర ఆందోళన నెలకొంది.

RP

Academy బాసర, నిర్మల్, తెలంగాణ•

9 hrs ago

నిర్మల్ జిల్లాలోని బాసర ఆర్జీయుకేటీ కళాశాల (బాసర ఐఐఐటి) మెస్‌లలో ఆహార భద్రతపై తీవ్ర ఆందోళన వ్యక్తమవుతోంది. కళాశాల అధికారుల తీరు మారడం లేదని విద్యార్థులు, తల్లిదండ్రులు, విద్యార్థి సంఘాలు తీవ్ర అసంతృప్తి వ్యక్తం చేస్తున్నారు. ఇటీవల ఆదివారం, ఈ-1 విద్యార్థిని ప్లేట్‌లో బొద్దింక కనిపించిన ఘటనపై కళాశాల అధికారులు మెస్ నిర్వాహకులకు కేవలం షోకాజ్ నోటీసు జారీ చేసి చేతులు దులుపుకున్నారని ఆరోపణలున్నాయి. ఈ ఘటన మరువకముందే, అదే శక్తి మెస్‌లో బ్రేక్‌ఫాస్ట్‌లో బొద్దింక కనిపించిన తర్వాత మరుసటి రోజు మధ్యాహ్న భోజనంలో స్టీల్ రాడ్ వచ్చిందని విద్యార్థులు తమ వాట్సాప్ గ్రూపులలో తమ బాధను పంచుకున్నారు. గతంలో 2022లో సుమారు 400 మంది విద్యార్థులు ఫుడ్ పాయిజన్‌తో అస్వస్థతకు గురై ఆసుపత్రి పాలైనా అధికారులు చలించలేదని, అప్పట్లో విద్యార్థులు ఆందోళనలు చేయడంతో హడావుడిగా ఒక కమిటీ వేసి, వారి నివేదిక ఆధారంగా కొత్త వారికి మెస్ టెండర్లు ఇస్తామని చెప్పి, మళ్ళీ అధికారులకు అనుకూలమైన వారికే టెండర్లను అప్పగించారని ఆరోపణలున్నాయి. తాజా ఘటనల నేపథ్యంలో అనుమానం ఉన్న ఏడుగురు విద్యార్థులను పిలిపించి విచారించినట్లు సమాచారం. భోజనశాలల్లో తరచుగా ఇలాంటి సంఘటనలు జరుగుతున్నప్పటికీ, ఆహార భద్రత అధికారుల తనిఖీలు కనిపించడం లేదని విమర్శలు వస్తున్నాయి. ప్రస్తుత మెస్ టెండర్‌ను తక్షణమే రద్దు చేసి, కొత్త వారికి టెండర్లను అప్పగించాలని విద్యార్థి సంఘాలు మరియు తల్లిదండ్రులు డిమాండ్ చేస్తున్నారు. సుమారు 9000 మంది విద్యార్థుల ప్రాణాలతో చెలగాటం ఆడవద్దని వారు స్పష్టం చేస్తున్నారు. బాసర ఐఐఐటిలోని అధికారుల మారని తీరు, మెస్‌లలో ఆహార భద్రత అధికారుల తనిఖీల లోపం పట్ల తీవ్ర ఆందోళన నెలకొంది.