ଦେଖନ୍ତୁ 🙏🙏🙏

ଦେଖନ୍ତୁ 🙏🙏🙏

ଆଦିବାସୀକଲ୍ୟାଣ ସଂଘ ପକ୍ଷରୁ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗଙ୍କ ବିରୋଧରେ ଥାନାରେ ଏକ ଏତଳା ଦାୟର କରାଯାଇଛି। ଆଦିବାସୀମାନଙ୍କ ପ୍ରତି ଖରାପ ଭାଷାରେ ମନ୍ତବ୍ୟ ଦେଇଥିବା ଅଭିଯୋଗରେ ଆଦିବାସୀ ସଂଘ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି।

ନବରଙ୍ଗପୁର ଜିଲ୍ଲାର କୋଷାଗୁମୁଡା ପଞ୍ଚାୟତ ସମିତି କାର୍ଯ୍ୟାଳୟଠାରେ ବ୍ଲକ ସ୍ତରୀୟ 'ବିକାଶର ଧାରା ଓଡିଶା ସାରା' କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ଏହି କାର୍ଯ୍ୟକ୍ରମକୁ ନବରଙ୍ଗପୁରର ମାନ୍ୟବର ବିଧାୟକ ତଥା ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ଶ୍ରୀ ଗୌରୀ ଶଙ୍କର ମାଝୀ ଆରମ୍ଭ କରିଛନ୍ତି।

ଓଡ଼ିଆ ସ୍କୁଲ ପାଠ୍ୟପୁସ୍ତକରେ ଦେଖାଦେଇଥିବା ଗୁରୁତର ତ୍ରୁଟି ଘଟଣାକୁ ନେଇ ଏବେ ଏକ ତିନି ଜଣିଆ କମିଟି ଗଠନ କରାଯାଇଛି। ଏହି ଘଟଣାର ତଦନ୍ତ କରି ସାତ ଦିନ ମଧ୍ୟରେ ରିପୋର୍ଟ ଦାଖଲ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା କଥା ଗଣଶିକ୍ଷା ମନ୍ତ୍ରୀ ସ୍ପଷ୍ଟ କରିଛନ୍ତି।

ଜୟପୁରରେ ଦୁର୍ବୃତ୍ତମାନେ ସୁନା ଓ ରୁପା ଅଳଙ୍କାର ଲୁଟି ନେଇଥିବା ଘଟଣା ସାମ୍ନାକୁ ଆସିଛି।

ନବରଙ୍ଗପୁର ଜିଲ୍ଲାର କୋଷାଗୁମୁଡ଼ା ବ୍ଲକରେ “ବିକାଶ ଧାରା ଓଡ଼ିଶା ସାରା” କାର୍ଯ୍ୟକ୍ରମ ଆୟୋଜିତ ହୋଇଛି। ଏହି କାର୍ଯ୍ୟକ୍ରମରେ ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ ଉପସ୍ଥିତ ରହି ଯୋଗଦାନ କରିଥିଲେ। ବିଧାୟକ ଗୌରୀ ଶଙ୍କର ମାଝୀ ଓଡ଼ିଶା ସରକାର ଏବଂ କେନ୍ଦ୍ର ସରକାରଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ। ସେ କହିଥିଲେ ଯେ ଏହି କାର୍ଯ୍ୟଗୁଡ଼ିକ ଲୋକଙ୍କ ହିତରେ ସମ୍ପାଦିତ ହୋଇଛି ଏବଂ ଆଗାମୀ ଦିନରେ ମଧ୍ୟ ଏହା ଜାରି ରହିବ।

କଳାହାଣ୍ଡିର ସହିଦ ରେଣ୍ଡୋ ମାଝି ମେଡିକାଲରେ ଏକ ଦୁଃଖଦ ଘଟଣା ଘଟିଛି ଯେଉଁଠାରେ ଜଣେ ଗୁରୁତର ରୋଗୀଙ୍କୁ ଶଯ୍ୟା ନମିଳିବାରୁ ସେ ବାରଣ୍ଡାରେ ଏକ ଚେୟାରରେ ବସି ଯନ୍ତ୍ରଣାରେ ଛଟପଟ ହୋଇ ଶେଷ ନିଶ୍ୱାସ ତ୍ୟାଗ କରିଛନ୍ତି। ଏହି ଘଟଣାର ଏକ ଭିଡିଓ ଭାଇରାଲ ହେବା ସହ ଖବର ପ୍ରକାଶ ପାଇଛି। ମୃତ ଯୁବକ ଜଣକ ଭବାନୀପାଟଣା ସଦର ଥାନା ଅନ୍ତର୍ଗତ ଭିକାଝରନ ଗାଁର ୩୧ ବର୍ଷୀୟ ରୋହିତ୍ ଶବର ବୋଲି ଜଣାପଡିଛି, ଯାହାଙ୍କ ଉପରେ ତାଙ୍କ ପୁରା ପରିବାର ନିର୍ଭର କରୁଥିଲା। ମେଡିକାଲ ପ୍ରଶାସନ ରୋହିତଙ୍କ ଜୀବନ ବଞ୍ଚାଇବା ପାଇଁ ସର୍ବନିମ୍ନ ଚିକିତ୍ସା ସୁବିଧା ଯୋଗାଇବାରେ ସମ୍ପୂର୍ଣ୍ଣ ବିଫଳ ହୋଇଥିଲା। ତେବେ ଘଟଣା ପ୍ରକାଶ ପାଇବା ପରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ କହିଛନ୍ତି ଯେ ବିଭାଗୀୟ ଡାକ୍ତରଙ୍କ ଅନୁଯାୟୀ ରୋଗୀ ନିଜେ ବାରଣ୍ଡାରେ ବସିବାକୁ କହିଥିଲେ। ସେ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଏବଂ ରିପୋର୍ଟ ଆସିବା ପରେ ଅଧିକ ସୂଚନା ମିଳିବ ବୋଲି ପ୍ରକାଶ କରିଛନ୍ତି। ଜିଲ୍ଲାର ସର୍ବୋଚ୍ଚ ଚିକିତ୍ସାଳୟରେ ବାରମ୍ବାର ରୋଗୀଙ୍କର ଏଭଳି ଅବସ୍ଥାକୁ ନେଇ ବିଭିନ୍ନ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି ଏବଂ ଏହି ଘଟଣା ମେଡିକାଲ କର୍ତ୍ତୃପକ୍ଷଙ୍କ ଦାୟିତ୍ୱହୀନତାକୁ ପଦାରେ ପକାଇଛି। ଏଥିପାଇଁ ଦାୟୀ କିଏ ଏବଂ କେଉଁ ପରିସ୍ଥିତିରେ ରୋଗୀଙ୍କୁ ବେଡ୍ ମିଳିଲାନି, ସେନେଇ ଉଚ୍ଚସ୍ତରୀୟ ତଦନ୍ତ ସହ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହେଉଛି। ଆଜି 'ଡିଫାଇନ କଳାହାଣ୍ଡି' ପକ୍ଷରୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ସେମାନେ ମୃତକଙ୍କ ପରିବାରକୁ କ୍ଷତିପୂରଣ ପ୍ରଦାନ କରିବା ସହ ଜିଲ୍ଲା ମୁଖ୍ୟ ଚିକିତ୍ସାଳୟରେ ଲାଗି ରହିଥିବା ବିଭିନ୍ନ ସମସ୍ୟାର ଶୀଘ୍ର ସମାଧାନ କରିବାକୁ ଦାବି କରିଛନ୍ତି। 'ଡିଫାଇନ କଳାହାଣ୍ଡି'ର ସଦସ୍ୟମାନେ ଚେତାବନୀ ଦେଇଛନ୍ତି ଯେ ଯଦି ମୁଖ୍ୟ ଚିକିତ୍ସାଳୟ ଠିକ୍ ଭାବରେ ନଚଳିବ ଏବଂ ରୋଗୀ ଉଚିତ୍ ସେବା ନପାଇବେ, ତେବେ ଆଗାମୀ ଦିନରେ ଏକ ତୀବ୍ର ଆନ୍ଦୋଳନ କରାଯିବ। ଦାବିପତ୍ର ପ୍ରଦାନ ବେଳେ ଜୟନ୍ତ ନାଏକ, ଶୁନନ୍ଦ ପଟ୍ଟନାୟକ, କାଳିଆ ସରାଫ, ଚୋଲ ଶଙ୍କର କହଁର, ପ୍ରକାଶ ମଙ୍ଗରାଜ, ବିଦ୍ୟାଧର ମୁଣ୍ଡ, ଟୁକୁ ରାଉତ, ଦେବେଶ ନାୟକ, ଲବଣୀ ସରାଫ, ଅନୁଜା ଥାନାପତି, ଜଳେଶ୍ୱର ଗହୀର, ଓ ମିଲୁ ମୁଣ୍ଡ ପ୍ରମୁଖ ଉପସ୍ଥିତ ଥିଲେ।

ରାଜ୍ୟ ରାଜପଥ-୬ର ପୋଖରୀବନ୍ଧ ଛକ ନିକଟରେ ବାରମ୍ବାର ଦୁର୍ଘଟଣା ଘଟୁଥିବା ବେଳେ ଗୁରୁବାର ସକାଳେ ପୁଣି ଏକ ପିଚୁ ବୋଝେଇ ଟ୍ରକ୍ ଓଲଟି ପଡ଼ିଛି। ଅମ୍ବାଦୋଳା ପଟୁ ଆସୁଥିବା ବେଳେ ଛକର ତୀବ୍ର ବୁଲାଣି ଯୋଗୁଁ ଟ୍ରକଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଏହି ସ୍ଥାନରେ ଦୁର୍ଘଟଣାକୁ ନେଇ ଅନେକ ଥର ଅଭିଯୋଗ ହୋଇଥିଲେ ମଧ୍ୟ କୌଣସି ସୁଫଳ ମିଳିପାରି ନାହିଁ। ସୂଚନା ଅନୁଯାୟୀ, ଆଜି ଗୁରୁବାର ସକାଳ ପ୍ରାୟ ୭ଟା ସମୟରେ ବିଶାଖାପାଟଣାରୁ ପିଚୁ ନେଇ ଭବାନୀପାଟଣା ଅଭିମୁଖେ ଯାଉଥିବା ଏକ ଟ୍ରକ୍ ପୋଖରୀବନ୍ଧ ଛକ ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ପରେ ଟ୍ରକର ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡ଼ିଛି। ଘଟଣାସ୍ଥଳରେ ବିଶ୍ୱନାଥପୁର ପୋଲିସ୍ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।