येवल्यात श्रीराम आंजनेय स्वामी मूर्ती प्राणप्रतिष्ठा व श्रीराम कथेचा जयघोष; भाविकांमध्ये उत्साहाचे वातावरण शहरातील देसाई ड्रीम सिटी, विठ्ठल नगर भागात नवनिर्मित श्रीराम आंजनेय स्वामी मंदिराचा भव्य प्राणप्रतिष्ठापना सोहळा आणि श्रीराम कथा महोत्सवाचे आयोजन करण्यात आले आहे. या धार्मिक कार्यक्रमाची माहिती नगरसेवकडॉक्टर संकेत शिंदे यांनी दिली असून, या सोहळ्यानिमित्त परिसरात भक्तिमय वातावरण निर्माण झाले आहे. ​येत्या २२ एप्रिल रोजी अंजनेरी पर्वत ते येवला अशी 'मशाल यात्रा' काढून उत्सवाचा प्रारंभ होईल. २४ एप्रिल रोजी भव्य शोभायात्रा काढण्यात येणार असून, २५ ते २९ एप्रिल दरम्यान दररोज सायंकाळी ७ ते ११ या वेळेत अयोध्या येथील प्रसिद्ध कथाकार पूज्या लक्ष्मी प्रिया जी यांच्या सुश्राव्य वाणीतून 'श्रीराम कथा' साकारली जाणार आहे. ​या सोहळ्याचे मुख्य आकर्षण २९ एप्रिल रोजी होणारा मूर्ती प्राणप्रतिष्ठा व कलशारोहण विधी असेल. हा विधी शिवगिरी जी महाराज, जनेश्वरानंद गिरीजी महाराज आणि संदीप गिरीजी महाराज यांच्या शुभहस्ते संपन्न होणार आहे. ३० एप्रिल रोजी ह.भ.प. सुवर्णामाई जमधडे यांचे कीर्तन व महाप्रसादाने कार्यक्रमाची सांगता होईल. ​नगरसेवक डॉक्टर संकेत शिंदे यांनी सांगितले की, या सोहळ्यासाठी भागातील नागरिक मोठ्या संख्येने उपस्थित असून तयारी जोमाने सुरू आहे. या मंगलप्रसंगी परिसरातील सर्व भाविकांनी श्रीराम कथेचा व महाप्रसादाचा लाभ घ्यावा, असे आवाहन आयोजक श्रीराम आंजनेय स्वामी मंदिर समितीच्या वतीने करण्यात आले आहे.

Sachin Dilip Wakhare

Reporter येवला, नाशिक, महाराष्ट्र•

on 13 April

येवल्यात श्रीराम आंजनेय स्वामी मूर्ती प्राणप्रतिष्ठा व श्रीराम कथेचा जयघोष; भाविकांमध्ये उत्साहाचे वातावरण शहरातील देसाई ड्रीम सिटी, विठ्ठल नगर भागात नवनिर्मित श्रीराम आंजनेय स्वामी मंदिराचा भव्य प्राणप्रतिष्ठापना सोहळा आणि श्रीराम कथा महोत्सवाचे आयोजन करण्यात आले आहे. या धार्मिक कार्यक्रमाची माहिती नगरसेवकडॉक्टर संकेत शिंदे यांनी दिली असून, या सोहळ्यानिमित्त परिसरात भक्तिमय वातावरण निर्माण झाले आहे. ​येत्या २२ एप्रिल रोजी अंजनेरी पर्वत ते येवला अशी 'मशाल यात्रा' काढून उत्सवाचा प्रारंभ होईल. २४ एप्रिल रोजी भव्य शोभायात्रा काढण्यात येणार असून, २५ ते २९ एप्रिल दरम्यान दररोज सायंकाळी ७ ते ११ या वेळेत अयोध्या येथील प्रसिद्ध कथाकार पूज्या लक्ष्मी प्रिया जी यांच्या सुश्राव्य वाणीतून 'श्रीराम कथा' साकारली जाणार आहे. ​या सोहळ्याचे मुख्य आकर्षण २९ एप्रिल रोजी होणारा मूर्ती प्राणप्रतिष्ठा व कलशारोहण विधी असेल. हा विधी शिवगिरी जी महाराज, जनेश्वरानंद गिरीजी महाराज आणि संदीप गिरीजी महाराज यांच्या शुभहस्ते संपन्न होणार आहे. ३० एप्रिल रोजी ह.भ.प. सुवर्णामाई जमधडे यांचे कीर्तन व महाप्रसादाने कार्यक्रमाची सांगता होईल. ​नगरसेवक डॉक्टर संकेत शिंदे यांनी सांगितले की, या सोहळ्यासाठी भागातील नागरिक मोठ्या संख्येने उपस्थित असून तयारी जोमाने सुरू आहे. या मंगलप्रसंगी परिसरातील सर्व भाविकांनी श्रीराम कथेचा व महाप्रसादाचा लाभ घ्यावा, असे आवाहन आयोजक श्रीराम आंजनेय स्वामी मंदिर समितीच्या वतीने करण्यात आले आहे.