कुडाळ तालुक्यात दिनांक ९ मे रोजी सायंकाळी विजांच्या कडकडाटासह अवकाळी पावसाने भीषण रूप धारण केले. शहरासह ग्रामीण भागात वादळी वाऱ्यासह झालेल्या या पावसाने सर्वत्र दाणादाण उडवून दिली. या पावसामुळे वाढत्या उकाड्यापासून नागरिकांना काहीसा दिलासा मिळाला असला, तरी आंबा, काजू आणि कोकम या कोकणी मेव्याचे मात्र अतोनात नुकसान झाले आहे. शनिवारी ९ तारखेला झालेल्या या वादळात सरंबळ दुर्गावाड धनगरवाडी येथील रामा बापू वरक यांच्या घरावर आणि माडाच्या झाडावर वीज कोसळली. या दुर्घटनेत घराचे पत्रे फुटून घरातील संपूर्ण इलेक्ट्रॉनिक वायरिंग जळाले आहे. या घटनेची माहिती मिळताच जिल्हा परिषद सदस्य रूपेश पावसकर यांनी तातडीने घटनास्थळी भेट देऊन वरक कुटुंबाला वैयक्तिक स्तरावर आर्थिक मदत केली. यावेळी माजी उपसरपंच समद मुजावर, सरपंच रावजी कदम, उपसरपंच सागर परब, ग्राम महसूल अधिकारी संतोष हिंदक, स्नेहल सागरे, शैलेश परब, मंदार परब, फिरोज फतीब आदी उपस्थित होते. भडगाव व पावशी येथे झाडे कोसळून मोठे नुकसान ९ तारखेच्या या वादळी वाऱ्याचा तडाखा भडगाव आणि पावशी परिसरालाही बसला. भडगाव बुद्रुक येथे अनिल कदम यांच्या घरावर माड कोसळल्याने छप्पर व मंडपाचे मोठे नुकसान झाले. तसेच पावशी धरणवाडी येथील शेतकरी बबन तोटकेकर यांच्या गुरांच्या गोठ्यावर मोठे आंब्याचे झाड कोसळल्याने दीड लाखांहून अधिक रुपयांचे नुकसान झाले आहे. सुदैवाने घटनेच्या वेळी गुरे गोठ्याबाहेर असल्याने मोठी जीवितहानी टळली. या नुकसानीची पाहणी पावशीचे माजी सरपंच बाळा कोरगावकर, उपसरपंच लक्ष्मीकांत तेली, पोलीस पाटील अरविंद बिले यांनी करून पंचनामा करण्याची विनंती केली आहे. ९ मे रोजी झालेल्या या अवकाळी सत्रामुळे तालुक्यातील आंबा आणि काजू बागायतदारांचे कंबरडे मोडले आहे. हातातोंडाशी आलेले पीक वादळामुळे उद्ध्वस्त झाल्याने शेतकरी वर्ग चिंतेत असून, प्रशासनाने तातडीने नुकसानीचे पंचनामे करावेत, अशी मागणी होत आहे.

मालवणी Express

Iam writer and editor सावंतवाडी, सिंधुदुर्ग, महाराष्ट्र•

2 hrs ago

कुडाळ तालुक्यात दिनांक ९ मे रोजी सायंकाळी विजांच्या कडकडाटासह अवकाळी पावसाने भीषण रूप धारण केले. शहरासह ग्रामीण भागात वादळी वाऱ्यासह झालेल्या या पावसाने सर्वत्र दाणादाण उडवून दिली. या पावसामुळे वाढत्या उकाड्यापासून नागरिकांना काहीसा दिलासा मिळाला असला, तरी आंबा, काजू आणि कोकम या कोकणी मेव्याचे मात्र अतोनात नुकसान झाले आहे. शनिवारी ९ तारखेला झालेल्या या वादळात सरंबळ दुर्गावाड धनगरवाडी येथील रामा बापू वरक यांच्या घरावर आणि माडाच्या झाडावर वीज कोसळली. या दुर्घटनेत घराचे पत्रे फुटून घरातील संपूर्ण इलेक्ट्रॉनिक वायरिंग जळाले आहे. या घटनेची माहिती मिळताच जिल्हा परिषद सदस्य रूपेश पावसकर यांनी तातडीने घटनास्थळी भेट देऊन वरक कुटुंबाला वैयक्तिक स्तरावर आर्थिक मदत केली. यावेळी माजी उपसरपंच समद मुजावर, सरपंच रावजी कदम, उपसरपंच सागर परब, ग्राम महसूल अधिकारी संतोष हिंदक, स्नेहल सागरे, शैलेश परब, मंदार परब, फिरोज फतीब आदी उपस्थित होते. भडगाव व पावशी येथे झाडे कोसळून मोठे नुकसान ९ तारखेच्या या वादळी वाऱ्याचा तडाखा भडगाव आणि पावशी परिसरालाही बसला. भडगाव बुद्रुक येथे अनिल कदम यांच्या घरावर माड कोसळल्याने छप्पर व मंडपाचे मोठे नुकसान झाले. तसेच पावशी धरणवाडी येथील शेतकरी बबन तोटकेकर यांच्या गुरांच्या गोठ्यावर मोठे आंब्याचे झाड कोसळल्याने दीड लाखांहून अधिक रुपयांचे नुकसान झाले आहे. सुदैवाने घटनेच्या वेळी गुरे गोठ्याबाहेर असल्याने मोठी जीवितहानी टळली. या नुकसानीची पाहणी पावशीचे माजी सरपंच बाळा कोरगावकर, उपसरपंच लक्ष्मीकांत तेली, पोलीस पाटील अरविंद बिले यांनी करून पंचनामा करण्याची विनंती केली आहे. ९ मे रोजी झालेल्या या अवकाळी सत्रामुळे तालुक्यातील आंबा आणि काजू बागायतदारांचे कंबरडे मोडले आहे. हातातोंडाशी आलेले पीक वादळामुळे उद्ध्वस्त झाल्याने शेतकरी वर्ग चिंतेत असून, प्रशासनाने तातडीने नुकसानीचे पंचनामे करावेत, अशी मागणी होत आहे.