ఎర్రుపాలెం మండలం జమలాపురంలోని స్వయంభూ శ్రీ వెంకటేశ్వరస్వామి ఆలయంలో విగ్రహ ప్రతిష్ఠాపన జరిగి 50 ఏళ్లు పూర్తయిన సందర్భంగా, ఈ నెల 29 నుండి జులై 3వ తేదీ వరకు మహాకుంభాభిషేకం, నూతన ధ్వజస్తంభ ప్రతిష్ఠ కార్యక్రమాలు వైభవంగా నిర్వహించనున్నారు. ఈ వేడుకలకు శృంగేరి పీఠాధిపతి శ్రీ విధుశేఖర భారతి స్వామి హాజరుకానున్నారు. భక్తులకు ఎలాంటి అసౌకర్యం కలగకుండా ఉండేందుకు పోలీసు, విద్యుత్, వైద్య శాఖల అధికారులు సమన్వయంతో అవసరమైన అన్ని ఏర్పాట్లను పర్యవేక్షిస్తున్నారని ఆలయ అర్చకులు తెలిపారు.

ఎర్రుపాలెం మండలం జమలాపురంలోని స్వయంభూ శ్రీ వెంకటేశ్వరస్వామి ఆలయంలో విగ్రహ ప్రతిష్ఠాపన జరిగి 50 ఏళ్లు పూర్తయిన సందర్భంగా, ఈ నెల 29 నుండి జులై 3వ తేదీ వరకు మహాకుంభాభిషేకం, నూతన ధ్వజస్తంభ ప్రతిష్ఠ కార్యక్రమాలు వైభవంగా నిర్వహించనున్నారు. ఈ వేడుకలకు శృంగేరి పీఠాధిపతి శ్రీ విధుశేఖర భారతి స్వామి హాజరుకానున్నారు. భక్తులకు ఎలాంటి అసౌకర్యం కలగకుండా ఉండేందుకు పోలీసు, విద్యుత్, వైద్య శాఖల అధికారులు సమన్వయంతో అవసరమైన అన్ని ఏర్పాట్లను పర్యవేక్షిస్తున్నారని ఆలయ అర్చకులు తెలిపారు.

తెలంగాణ రాష్ట్రంలో బీసీల రాజకీయ, సామాజిక, ఆర్థిక హక్కులపై విస్తృత చర్చ జరుగుతున్న నేపథ్యంలో, మాజీ ముఖ్యమంత్రి కేసీఆర్ ప్రజాక్షేత్రంలోకి వచ్చి బీసీ సమాజం అడుగుతున్న ప్రశ్నలకు స్పష్టమైన సమాధానం చెప్పాలని ప్రజలు కోరుతున్నారు. తెలంగాణ రాజ్యాధికార పార్టీ విడుదల చేసిన ప్రకటనలో ఈ డిమాండ్‌ను నొక్కిచెప్పింది. బీసీలకు అధికారంలో తగిన ప్రాధాన్యత ఎందుకు కల్పించలేదో, ఎన్నికల సమయంలో ఇచ్చిన హామీలు ఎంతవరకు అమలయ్యాయో, బీసీల రాజకీయ భాగస్వామ్యాన్ని ఎందుకు పెంచలేకపోయారో ప్రజలకు వివరించాల్సిన బాధ్యత కేసీఆర్‌పై ఉందని పలువురు అభిప్రాయపడుతున్నట్లు పేర్కొంది. ప్రజాస్వామ్యంలో ప్రశ్నించడం ప్రజల హక్కు అని, ప్రజా ప్రతినిధుల బాధ్యత సమాధానం చెప్పడం అని ఆ పార్టీ స్పష్టం చేసింది. అందువల్ల బీసీల ఆత్మగౌరవం, హక్కులు, వాటా వంటి అంశాలపై ప్రజాక్షేత్రంలో బహిరంగ చర్చకు సిద్ధం కావాలని కేసీఆర్‌ను తెలంగాణ రాజ్యాధికార పార్టీ కోరింది. బీసీ సమాజం తమ హక్కులు, అవకాశాలు, రాజకీయ ప్రాతినిధ్యం కోసం ఐక్యంగా నిలబడాల్సిన అవసరం ఉందని ప్రకటనలో పేర్కొన్నారు. ప్రజల సందేహాలకు స్పష్టత ఇవ్వడం ద్వారా రాజకీయాల్లో పారదర్శకత పెరుగుతుందని, ప్రజాస్వామ్య విలువలు మరింత బలపడతాయని ఈ సందర్భంగా నొక్కి చెప్పారు.

కల్లూరు గూడెం వద్ద పామాయిల్ ఫ్యాక్టరీ పరిశీలనకు వచ్చిన సందర్భంగా, మంత్రి తుమ్మల నాగేశ్వరరావు గారికి ఒక పామాయిల్ రైతు తన మనోగతాన్ని వ్యక్తం చేశారు. మంత్రి గారి కృషి వల్లే తాను పామాయిల్ పంట సాగు చేయగలిగానని, రైతులందరూ ఆయన ప్రయత్నాల కారణంగానే చల్లగా ఉంటున్నారని ఆ రైతు ఈ సందర్భంగా పేర్కొన్నారు.

భద్రాద్రి కొత్తగూడెం జిల్లాలోని ఇల్లందు ఏరియాలో మొహర్రం రోజున, సింగరేణి కాలరీస్ ఇల్లందు ఏరియా స్ట్రట్ ఇంక్లైన్ గని ప్రమాదంలో మరణించిన అధికారులు, ఉద్యోగులకు సింగరేణి కాలరీస్ కంపెనీ లిమిటెడ్ తరపున జిఎం శ్రీ వి. కృష్ణయ్య గారు మరియు ఇతర అధికారులు శ్రద్ధాంజలి ఘటించారు. ఈ సందర్భంగా జిఎం శ్రీ కృష్ణయ్య గారు మాట్లాడుతూ, 1938వ సంవత్సరంలో ఇల్లందులో జరిగిన ఈ ప్రమాదంలో దాదాపు 37 మంది పురుషులు మరియు 6 మంది మహిళా ఉద్యోగులు సహా మొత్తం 43 మంది ప్రాణాలు కోల్పోయారని తెలిపారు. వారి జ్ఞాపకార్థం ప్రతి ఏటా మొహర్రం నాడు గని ప్రదేశంలో సంస్మరణ సభ నిర్వహించి నివాళులు అర్పిస్తున్నామని పేర్కొన్నారు. నాడు వారు వేసిన బాటలు నేటి భావితరానికి పునాది అయ్యాయని ఆయన అన్నారు. 1886లో డా. కింగ్ అనే భూగర్భ శాస్త్రవేత్త ఇల్లందు పరిసర ప్రాంతాల్లో బొగ్గు నిక్షేపాలను కనుగొన్నారని, ఆపై బ్రిటీషర్లు దక్కన్ కంపెనీ పేరుతో 1889లో ఇక్కడ బొగ్గు బావులను తవ్వడం ప్రారంభించారని వివరించారు. సింగరేణిలో మొట్టమొదటిసారిగా 59,671 టన్నుల బొగ్గును ఉత్పత్తి చేస్తూ 49 సంవత్సరాలు పనిచేసిన క్రమంలో, దురదృష్టవశాత్తూ 1938 మార్చి 12న ఈ పెద్ద ప్రమాదం సంభవించిందని జిఎం కృష్ణయ్య గుర్తుచేశారు. బ్రిటీషర్లు కింగ్ సీం ద్వారా చక్కటి నాణ్యమైన బొగ్గును తీస్తున్న సమయంలో, స్ట్రట్ ఇంక్లైన్‌కు దగ్గరగా 100 మీటర్ల లోతులో ఉన్న ఒక ప్యానల్‌ను 1937లో ప్రారంభించి 9 నెలలుగా పనిచేస్తున్నారు. ఆ సమయంలో సాండ్ స్టోవింగ్ లేటెస్ట్ టెక్నాలజీ అందుబాటులో లేకపోవడంతో కేవలం కేవింగ్ మెథడ్ ద్వారా పని జరిగింది. ఐసోలేషన్ గోడలు నిర్మించడం కోసం అక్కడ ఉన్న షెల్ బొగ్గు పెల్లలతో గోడలు నిర్మించే ప్రక్రియ జరుగుతున్నప్పుడు, పైనుండి బోర్వెల్ వేసి దాని ద్వారా మట్టి నీరు పంపించి గోడలు నిర్మించే తరుణంలో 1938 మార్చి 12వ తేదీ రాత్రి దాదాపు 11:00 గంటలకు ప్రమాదం చోటుచేసుకుంది. గనుల మేనేజర్ శ్రీ ఆర్.ఎల్. యాండ్రూస్ ఆధ్వర్యంలో పని జరుగుతున్న వేళ, ఒక పెద్ద బండ కూలడంతో విషవాయువులు వెలువడ్డాయి. అక్కడ పనిచేస్తున్న అధికారులు, ఉద్యోగులు వెంటనే ఆ విషవాయువులను పీల్చడం ద్వారా ప్రాణాలు కోల్పోయారని జిఎం తెలిపారు. ఈ సంఘటన కారణంగా, సింగరేణి వ్యాప్తంగా యాజమాన్యం మొహర్రం పండుగను సెలవుదినంగా ప్రకటించింది. అలాగే, ఇల్లందు ఏరియాలో శుక్రవారం వారాంతపు సెలవుదినంగా ప్రకటించినట్లు తెలియజేశారు. ఈ శ్రద్ధాంజలి కార్యక్రమంలో జే.కే.పి.ఓ. జాకీర్ హుస్సేన్, డిజియం (సివిల్) రవి కుమార్, జే.కే. మేనేజర్ పి. పుర్ణచందర్, ఇతర అధికారులు దామోదర్, రామదాస్, అంజి రెడ్డి, యాన్. సతీష్, డేవిడ్, జి. సుధాకర్, ఇల్లందు అధికారుల సంఘం అద్యశులు బి. నాగేశ్వర రావు, గుర్తింపు సంఘం బ్రాంచ్ కార్యదర్శి నజీర్ అహ్మద్, ప్రాతినిధ్యసంఘం ఉపాధ్యక్షుడు జె. వెంకటేశ్వర్లుతో పాటు ఇతర అధికారులు, ఉద్యోగులు పాల్గొన్నారు.

కర్నూలు జిల్లాలోని జొన్నగిరి ప్రాంతంలో ఉత్పత్తి చేయబడిన స్వచ్ఛమైన బంగారం 'మేడిన్ జొన్నగిరి' పేరుతో బులియన్ మార్కెట్‌లోకి ప్రవేశించింది. ఈ ప్రత్యేక బంగారు బిస్కెట్లపై ఆంధ్రప్రదేశ్ మ్యాప్‌ను ముద్రించారు. ప్రస్తుతం, కర్నూలులోని ప్రముఖ దుకాణాల్లో లభిస్తున్న ఈ బంగారు బిస్కెట్లను కొనుగోలు చేయడానికి వినియోగదారులు అధిక ఆసక్తిని ప్రదర్శిస్తున్నారు.

భద్రాద్రి కొత్తగూడెం జిల్లాలోని కొత్తగూడెం కేంద్రంలో గోదావరి వరదల నేపథ్యంలో చేపట్టవలసిన ముందస్తు ప్రణాళికలు, తీసుకోవలసిన చర్యలపై జిల్లాస్థాయి ఉన్నత అధికారుల సమీక్షా సమావేశం జరిగింది. ఈ సమావేశంలో మంత్రి తుమ్మల పాల్గొన్నారు. గత అనుభవాలను దృష్టిలో ఉంచుకొని, గోదావరి వరదల ముందస్తు ప్రణాళికకు సంబంధించి అధికారులకు మంత్రి తుమ్మల కీలక ఆదేశాలు జారీ చేశారు. ఈ జిల్లాస్థాయి సమీక్ష సమావేశంలో భద్రాద్రి కొత్తగూడెం జిల్లా శాసనసభ్యులు, ఉన్నత అధికారులు కూడా పాల్గొన్నారు.

ఈ నెల 28, 29, 30 తేదీల్లో చింతకాని మండలం జగన్నాథపురం – మత్కేపల్లి క్రాస్రోడ్డు వద్ద జరగనున్న రైతు మేళా మరియు సీఎం రైతు ఆశీర్వాద సభ ఏర్పాట్లను కలెక్టర్ దివాకర్ టీఎస్ పరిశీలించారు. ఈ సందర్బంగా ఆయన వేదిక, స్టాళ్లు, పార్కింగ్ స్థలాలు, భోజనశాలలు, తాగునీరు మరియు పారిశుద్ధ్య ఏర్పాట్లను క్షుణ్ణంగా తనిఖీ చేశారు. ఎలాంటి ఇబ్బందులు తలెత్తకుండా అన్ని పనులను సకాలంలో పూర్తి చేయాలని అధికారులకు సూచనలు జారీ చేయడంతో పాటు ఆదేశాలు ఇచ్చారు.