ମୟୁରଭଞ୍ଜର କଳା ଓ ସଂସ୍କୃତିର ସହର ବାରିପଦା ପାଇଁ ଏକ ଗୌରବମୟ ମୁହୂର୍ତ୍ତ ଆସିଛି, ଯେଉଁଠାରେ ୩୬ତମ ରାଜ୍ୟ ଚଳଚ୍ଚିତ୍ର ପୁରସ୍କାର ଉତ୍ସବରେ ବାରିପଦାର ଲାଲବଜାରର ଝିଅ ଲତାସା ଖୁରାନାଙ୍କୁ ରାଜ୍ୟର ଶ୍ରେଷ୍ଠ ଶିଶୁ ଅଭିନେତ୍ରୀ ସମ୍ମାନରେ ସମ୍ମାନିତ କରାଯାଇଛି। ଭୁବନେଶ୍ୱରସ୍ଥିତ ଲୋକସେବା ଭବନର କନଭେନସନ ସେଣ୍ଟରଠାରେ ଆୟୋଜିତ ଏକ ଭବ୍ୟ ଉତ୍ସବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଠାରୁ ସେ ଏହି ସମ୍ମାନ ଗ୍ରହଣ କରିଛନ୍ତି। ଲୋକପ୍ରିୟ ଅଭିନେତା ତଥା ନିର୍ଦ୍ଦେଶକ ଶ୍ରୀତମ ଦାସଙ୍କ ନିର୍ଦ୍ଦେଶିତ ଚଳଚ୍ଚିତ୍ର "ତୁମ ବିନା" ରେ ତାଙ୍କର ଚମତ୍କାର ଅଭିନୟ ପାଇଁ ଲତାସା ଏହି ସଫଳତା ପାଇଛନ୍ତି। ବର୍ତ୍ତମାନ ଏକ ଘରୋଇ ଇଂରାଜୀ ମିଡିୟମ୍ ସ୍କୁଲରେ ଅଷ୍ଟମ ଶ୍ରେଣୀରେ ପାଠ ପଢୁଥିବା ଲତାସାଙ୍କୁ ତାଙ୍କ ପରିବାରର ସମ୍ପୂର୍ଣ୍ଣ ସହଯୋଗ ରହିଛି। ଲତାସାଙ୍କୁ ଏହି ସଫଳତା ମିଳିବା ପରେ ଏବେ ଚାରିଆଡେ ଖୁସିର ମାହୋଲ ଖେଳିଯାଇଛି। ତାଙ୍କ ଜେଜେମା ସୀମା ଖୁରାନା ଭାବବିହ୍ୱଳ ହୋଇ କହିଛନ୍ତି ଯେ, ଲତାସାଙ୍କ କଠିନ ପରିଶ୍ରମ ତାଙ୍କୁ ଆଜି ଏହି ସ୍ତରରେ ପହଞ୍ଚାଇଛି ଏବଂ ସେ ଆଗକୁ ଅନେକ ପ୍ରସିଦ୍ଧି ଲାଭ କରିବା ସହ ନୂଆ ଇତିହାସ ରଚିବେ। ଲତାସା ନିଜେ ପ୍ରକାଶ କରିଛନ୍ତି ଯେ ଏହା ତାଙ୍କର ପ୍ରଥମ ଷ୍ଟେଟ୍ ଆୱାର୍ଡ ହେଲେ ମଧ୍ୟ ସେ ପୂର୍ବରୁ ଅନେକ ସ୍ଥାନରୁ ପୁରସ୍କୃତ ହୋଇଛନ୍ତି ଏବଂ ସେ ଏହି ସଫଳତାରେ ବହୁତ ଖୁସି ଅଛନ୍ତି। ଶନିବାର ଦିନ ପ୍ରାୟ ୧ ଟାରେ ପ୍ରତିକ୍ରିୟା ରଖି ସେ ଆଗକୁ ଜଣେ IAS ହେବା ସହ ଜଣେ ସଫଳ ଅଭିନେତ୍ରୀ ହେବାର ସ୍ୱପ୍ନ ଦେଖିଥିବା କହିଛନ୍ତି।

Mayurbhanj Public News

ବାରିପଦା ଟାଉନ୍, ମୟୂରଭଞ୍ଜ, ଓଡ଼ିଶା•

17 hrs ago

ମୟୁରଭଞ୍ଜର କଳା ଓ ସଂସ୍କୃତିର ସହର ବାରିପଦା ପାଇଁ ଏକ ଗୌରବମୟ ମୁହୂର୍ତ୍ତ ଆସିଛି, ଯେଉଁଠାରେ ୩୬ତମ ରାଜ୍ୟ ଚଳଚ୍ଚିତ୍ର ପୁରସ୍କାର ଉତ୍ସବରେ ବାରିପଦାର ଲାଲବଜାରର ଝିଅ ଲତାସା ଖୁରାନାଙ୍କୁ ରାଜ୍ୟର ଶ୍ରେଷ୍ଠ ଶିଶୁ ଅଭିନେତ୍ରୀ ସମ୍ମାନରେ ସମ୍ମାନିତ କରାଯାଇଛି। ଭୁବନେଶ୍ୱରସ୍ଥିତ ଲୋକସେବା ଭବନର କନଭେନସନ ସେଣ୍ଟରଠାରେ ଆୟୋଜିତ ଏକ ଭବ୍ୟ ଉତ୍ସବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଠାରୁ ସେ ଏହି ସମ୍ମାନ ଗ୍ରହଣ କରିଛନ୍ତି। ଲୋକପ୍ରିୟ ଅଭିନେତା ତଥା ନିର୍ଦ୍ଦେଶକ ଶ୍ରୀତମ ଦାସଙ୍କ ନିର୍ଦ୍ଦେଶିତ ଚଳଚ୍ଚିତ୍ର "ତୁମ ବିନା" ରେ ତାଙ୍କର ଚମତ୍କାର ଅଭିନୟ ପାଇଁ ଲତାସା ଏହି ସଫଳତା ପାଇଛନ୍ତି। ବର୍ତ୍ତମାନ ଏକ ଘରୋଇ ଇଂରାଜୀ ମିଡିୟମ୍ ସ୍କୁଲରେ ଅଷ୍ଟମ ଶ୍ରେଣୀରେ ପାଠ ପଢୁଥିବା ଲତାସାଙ୍କୁ ତାଙ୍କ ପରିବାରର ସମ୍ପୂର୍ଣ୍ଣ ସହଯୋଗ ରହିଛି। ଲତାସାଙ୍କୁ ଏହି ସଫଳତା ମିଳିବା ପରେ ଏବେ ଚାରିଆଡେ ଖୁସିର ମାହୋଲ ଖେଳିଯାଇଛି। ତାଙ୍କ ଜେଜେମା ସୀମା ଖୁରାନା ଭାବବିହ୍ୱଳ ହୋଇ କହିଛନ୍ତି ଯେ, ଲତାସାଙ୍କ କଠିନ ପରିଶ୍ରମ ତାଙ୍କୁ ଆଜି ଏହି ସ୍ତରରେ ପହଞ୍ଚାଇଛି ଏବଂ ସେ ଆଗକୁ ଅନେକ ପ୍ରସିଦ୍ଧି ଲାଭ କରିବା ସହ ନୂଆ ଇତିହାସ ରଚିବେ। ଲତାସା ନିଜେ ପ୍ରକାଶ କରିଛନ୍ତି ଯେ ଏହା ତାଙ୍କର ପ୍ରଥମ ଷ୍ଟେଟ୍ ଆୱାର୍ଡ ହେଲେ ମଧ୍ୟ ସେ ପୂର୍ବରୁ ଅନେକ ସ୍ଥାନରୁ ପୁରସ୍କୃତ ହୋଇଛନ୍ତି ଏବଂ ସେ ଏହି ସଫଳତାରେ ବହୁତ ଖୁସି ଅଛନ୍ତି। ଶନିବାର ଦିନ ପ୍ରାୟ ୧ ଟାରେ ପ୍ରତିକ୍ରିୟା ରଖି ସେ ଆଗକୁ ଜଣେ IAS ହେବା ସହ ଜଣେ ସଫଳ ଅଭିନେତ୍ରୀ ହେବାର ସ୍ୱପ୍ନ ଦେଖିଥିବା କହିଛନ୍ତି।