వైకుంఠ ఏకాదశి సందర్భంగా అలిపిరిలో అన్నదానంతో సేవాభావం అభయ హస్త గోవింద సేవ మండలి ఆదర్శం. తిరుపతి: వైకుంఠ ఏకాదశి మహోత్సవాలను పురస్కరించుకొని అలిపిరి పాదాల వద్ద అభయ హస్త గోవింద సేవ మండలి ఆధ్వర్యంలో భక్తులకు అన్నదాన కార్యక్రమం ఘనంగా నిర్వహించబడింది. “గోవింద గోవింద” నినాదాలతో ఆధ్యాత్మిక వాతావరణం నెలకొన్న ఈ కార్యక్రమంలో పెద్ద సంఖ్యలో భక్తులు పాల్గొన్నారు.ఈ సేవా కార్యక్రమాన్ని ప్రముఖ బీసీ నాయకుడు శ్రీ జగన్నాథం గారు చేతుల మీదుగా ప్రారంభించారు. ఈ సందర్భంగా ఆయన మాట్లాడుతూ తిరుమలను దర్శించుకునేందుకు వచ్చే భక్తులకు అన్నదానం అత్యున్నత సేవ అని, అభయ హస్త గోవింద సేవ మండలి చేపడుతున్న ఈ సేవా కార్యక్రమం ఎంతో ప్రశంసనీయమని పేర్కొన్నారు. కార్యక్రమంలో మండలి సభ్యులు, సేవాదారులు, భక్తులు పాల్గొని సేవలో భాగస్వాములయ్యారు.అన్నదానాన్ని అందుకున్న భక్తులు సంఘం చేసిన ఈ సత్కార్యాన్ని అభినందిస్తూ ధన్యవాదాలు తెలిపారు.

ప్రజాపతి న్యూస్

Local News Reporter Tirupati (Rural), Andhra Pradesh•

14 hrs ago