শিৱসাগৰ জিলা কংগ্ৰেছে এক সংবাদমেল পাতি অখিল গগৈয়ে মিত্ৰজোঁটৰ পৰাজয়ৰ বাবে গৌৰৱ গগৈক জগৰীয়া কৰা মন্তব্যৰ তীব্ৰ বিৰোধিতা কৰিছে। জিলা কংগ্ৰেছে অখিল গগৈৰ অভিযোগ নস্যাৎ কৰি কয় যে এনে মন্তব্যই কংগ্ৰেছ কৰ্মীসকলৰ মনত যথেষ্ট দুখ দিছে। তেওঁলোকে অদূৰ ভৱিষ্যতে মিত্ৰজোঁটত ৰাইজৰ দল থাকিবনে নাই বুলিও প্ৰশ্ন উত্থাপন কৰিছে।

‘সেউজ ছচাইটী’ৰ উদ্যোগত আন্তঃৰাষ্ট্ৰীয় উদ্ভিদ স্বাস্থ্য দিৱস পালন: শিশু সৰ্প উদ্ধাৰকাৰী ৰাজ সৌৰভ বৰকটকীলৈ ‘সৰ্প কোঁৱৰ’ উপাধি প্ৰদান | আন্তঃৰাষ্ট্ৰীয় উদ্ভিদ স্বাস্থ্য দিৱসৰ সৈতে সংগতি ৰাখি পৰিৱেশ সংৰক্ষণমূলক সংগঠন ‘সেউজ ছচাইটী’ৰ ঢেকিয়াজুলি আঞ্চলিক শাখা আৰু ঢেকিয়াজুলি উচ্চতৰ মাধ্যমিক বিদ্যালয়ৰ উদ্যোগত আজি এক গাম্ভীৰ্যপূৰ্ণ অনুষ্ঠান সম্পন্ন হয়। উক্ত অনুষ্ঠানত ভাৰতবৰ্ষৰ সৰ্ব কনিষ্ঠ সৰ্প উদ্ধাৰকাৰী হিচাপে পৰিচিত তেজপুৰৰ ৫ বছৰীয়া শিশু ৰাজ সৌৰভ বৰকটকীক আনুষ্ঠানিকভাৱে "সৰ্প কোঁৱৰ" উপাধি প্ৰদান কৰা হয়। বিদ্যালয়ৰ অধ্যক্ষ জুৰি ওজা আৰু পৰিচালনা সমিতিৰ সভাপতি নাৰায়ণ বৰাৰ নেতৃত্বত অনুষ্ঠিত এই সভাত কেইবাগৰাকীও বিশিষ্ট ব্যক্তি তথা সেউজ ছচাইটীৰ বিষয়ববীয়াসকলে অংশগ্ৰহণ কৰে। উল্লেখ্য যে, সৰ্পবান্ধৱ সৌৰভ বৰকটকী আৰু কৃষ্ণা কলিতা বৰকটকীৰ পুত্ৰ ৰাজে মাত্ৰ ৪ বছৰ বয়সৰ পৰাই শোণিতপুৰ জিলাৰ বিভিন্ন প্ৰান্তত সৰ্প উদ্ধাৰৰ লগতে গছপুলি ৰোপণ আৰু বন্যপ্ৰাণী সংৰক্ষণৰ কামত নিয়োজিত হৈ ৰাইজৰ দৃষ্টি আকৰ্ষণ কৰিবলৈ সক্ষম হৈছে। তেওঁৰ এই অনন্য প্ৰতিভাক স্বীকৃতি জনাই সংগঠনটোৰ ৰাজ্যিক সভাপতি সঞ্জয় বৰুৱাই শিশু ৰাজক অভিনন্দন জ্ঞাপন কৰে।

শিৱসাগৰ জিলা কংগ্ৰেছে এক সংবাদমেল পাতি অখিল গগৈয়ে মিত্ৰজোঁটৰ পৰাজয়ৰ বাবে গৌৰৱ গগৈক জগৰীয়া কৰা মন্তব্যৰ তীব্ৰ বিৰোধিতা কৰিছে। জিলা কংগ্ৰেছে অখিল গগৈৰ অভিযোগ নস্যাৎ কৰি কয় যে এনে মন্তব্যই কংগ্ৰেছ কৰ্মীসকলৰ মনত যথেষ্ট দুখ দিছে। তেওঁলোকে অদূৰ ভৱিষ্যতে মিত্ৰজোঁটত ৰাইজৰ দল থাকিবনে নাই বুলিও প্ৰশ্ন উত্থাপন কৰিছে।

যোৰহাটৰ কমলেশ্বৰ কুটুম নামৰ এজন যুৱকে বৰলুইতৰ চাপৰিত লাখ লাখ গছপুলি ৰোপণ কৰি প্ৰকৃতি প্ৰেমৰ এক অনন্য নিদৰ্শন দাঙি ধৰিছে। ২০১৯ চনৰ পৰা ৮ বছৰত তেওঁ ১১২০০ হেক্টৰ মাটিত ১১.৫ লাখ গছপুলি ৰোপণ আৰু প্ৰতিপালন কৰিছে। এই প্ৰচেষ্টাত বালিপাৰা ফাউণ্ডেচনৰ আংশিক সহযোগিতাত প্ৰায় ডেৰশ লোকে অংশগ্ৰহণ কৰিছিল।

চৰাইদেউ জিলাৰ মথুৰাপুৰৰ এখন বিদ্যালয়ত ছাত্ৰ-ছাত্ৰীক মাৰধৰ কৰা শিক্ষকক আৰক্ষীয়ে গ্ৰেপ্তাৰ কৰিছে। এই ঘটনাই অভিভাৱক আৰু স্থানীয় ৰাইজৰ মাজত উদ্বেগৰ সৃষ্টি কৰিছে।

মুখ্যমন্ত্ৰী হিমন্ত বিশ্ব শৰ্মাই নতুন অসম চৰকাৰৰ প্ৰথম কেবিনেট বৈঠকত বিধানসভাত সম নাগৰিক সংহিতা (UCC) বিধেয়ক উত্থাপনৰ সিদ্ধান্তৰ কথা ঘোষণা কৰিছে। নিৰ্বাচনৰ সময়ত দিয়া প্ৰতিশ্ৰুতি অনুসৰি এই সিদ্ধান্ত লোৱা হৈছে, যিয়ে ৰাজ্যত UCC প্ৰৱৰ্তনৰ পথ মুকলি কৰিব।

ডিব্ৰুগড় জিলাৰ মৰাণ তিলৈ বাইপাছত পুনৰ এক পথ দুৰ্ঘটনা সংঘটিত হৈছে। এই দুৰ্ঘটনাত এজন লোক গুৰুতৰভাৱে আহত হৈ চিকিৎসাধীন হৈছে।

প্ৰথম কেবিনেট বৈঠকৰ পিছতে মুখ্যমন্ত্ৰীয়ে মন্ত্ৰী সভাৰ সন্দৰ্ভত গুৰুত্বপূৰ্ণ মন্তব্য কৰিছে। তেওঁ জনাই যে অতি শীঘ্ৰেই মন্ত্ৰীসকলক তেওঁলোকৰ দায়িত্ব প্ৰদান কৰা হ'ব।

চৰাইদেউৰ এখন প্ৰাথমিক বিদ্যালয়ত এজন শিক্ষকে ছাত্ৰ-ছাত্ৰীক নিৰ্মমভাৱে প্ৰহাৰ কৰাৰ লগতে এজনক প্ৰথম মহলাৰ খিৰিকীৰে তললৈ পেলাই দিবলৈ চেষ্টা কৰে। চিচিটিভি কেমেৰাত বন্দী হোৱা এই ভয়ংকৰ ঘটনাৰ পাছত শিক্ষা বিভাগে শিক্ষকজনক বৰ্খাস্ত কৰিছে। শিক্ষকজনক চিকিৎসাৰ পাছত জেললৈ প্ৰেৰণ কৰা হ'ব আৰু শিশু কল্যাণ বিভাগেও নিজাকৈ তদন্ত কৰিব।