ସଦର ବ୍ଳକ୍ ପାଚିକା ସହାୟିକା ସଂଘର ବୈଠକ ଅଦ୍ୟ ସ୍ଥାନୀୟ ଯାଉଁଳି ପୋଖରୀ ମଠ ପ୍ରାଙ୍ଗଣରେ ଏ.ଆଇ.ଟି.ୟୁ.ସି ସ‌ହବନ୍ଧିତ ନିଳ ଓଡିଶା ଏମ୍.ଡି.ଏମ୍. ପାଚିକା ସହାୟିକା ସଂଘ ସଦର ବ୍ଲକ୍ କମିଟିର ବୈଠକ ସୁବାଶିନୀ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ସମ୍ପାଦିକା ଶାନ୍ତିପ୍ରିୟା ସାହୁ କାର୍ଯ୍ୟକ୍ରମ ଉପସ୍ଥାପନ କରିଥିଲେ । ଉକ୍ତ ବୈଠକରେ ଜିଲ୍ଲା ସଭାପତି ରବି ରଥ ଯୋଗଦେଇ ପାଚିକା ସହାୟିକାମାନେ ଅସୁବିଧାର ସମ୍ମୁଖୀନ ହେଉଥିବା ଉପରେ ଉଦ‌ବୋଧନ ଦେଇ ଗତ ମାର୍ଚ୍ଚ ୧୬ ତାରିଖରେ ବିଧାନସଭା ସମ୍ମୁଖରେ ହୋଇଯାଇଥିବା ଆନ୍ଦୋଳନ ଉପରେ ଆଲୋଚନା କରିଥିଲେ । ୧୦ ମାସ ବଦଳରେ ୧୨ମାସର ପାରିଶ୍ରମିକ, ୬୦ ରୁ ୬୨ବର୍ଷକୁ ବୃଦ୍ଧି କରିବା, ଅବସର ପରେ ପେନ୍‌ସନ୍, ପାଚିକାମାନଙ୍କୁ ବି.ଇ.ଓଙ୍କ ଦ୍ୱାରା ନିଯୁକ୍ତି, ସର୍ବନିମ୍ନ ମଜୁରୀ, ପାଚିକାମାନଙ୍କୁ ସରକାରୀ କର୍ମଚାରୀର ମାନ୍ୟତା ପ୍ରଭୃତି ୧୫ ଦାବୀ ସମ୍ବଳିତ ଦାବୀପତ୍ର ପ୍ରଦାନ କରାଯାଇଥିଲା । ରାଜ୍ୟ ସରକାରଙ୍କ ସ୍ବତନ୍ତ୍ର ସଚିବ ୧ ମାସ ମଧ୍ୟରେ କେତେଗୋଟି ଦାବୀକୁ କାର୍ଯ୍ୟକାରୀ କରିବାକୁ ପ୍ରତିଶ୍ରୁତି ଦେଇଥିଲେ, ରାଜ୍ୟ ସରକାର ପାଚିକାମାନଙ୍କର ମୌଳିକ ଦାବୀ ଉପରେ ବିଚାର ବିମର୍ଷ କରି କାର୍ଯ୍ୟକାରୀ କରିବା ପାଇଁ ଶ୍ରୀ ରଥ ଦୃଷ୍ଟି ଆକର୍ଷଣ କରିଥିଲେ । ବର୍ତମାନ ବଜାରରେ ଯେପରି ଭାବରେ ଦଦାମ ବୃଦ୍ଧି ଘଟିବାରେ ଲାଗିଛି ମାସକୁ ଗୋଟିଏ ପାଚିକା ପରିବାର ୩ ହଜାର ଟଙ୍କା ପାଇ କିପରି ଭାବରେ ପ୍ରତିପୋଷଣ ହୋଇପାରିବ ବୋଲି ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି । ସଂଗଠନକୁ ଦୃଢ କରିବା ଉପରେ ଆଲୋଚନା କରାଯାଇ ସେକ୍‌ଟର ମେମ୍ବର ଗଠନ କରାଗଲା । ଅନ୍ୟମାନଙ୍କ ମଧ୍ୟରେ ଜୁଲି ରାଉତ, ରେବତୀ ଦାସ, ସସ୍ମିତା ରାଉତ ଓ ଝୁନୁ ପୁହାଣ ପ୍ରମୁଖ ଉପସ୍ଥିତ ଥିଲେ ।

Baidyanath Samal Mozillakhabra

Court reporter ବୌଦ୍ଧ ସଦର, ବୌଦ୍ଧ, ଓଡ଼ିଶା•

2 hrs ago