ଷ୍ଟ୍ରିଟ୍ କ୍ରାଇମ୍ ବିରୋଧରେ ପୁରୀ ପୋଲିସର ବଡ଼ ସଫଳତା। ଆନ୍ତର୍ରାଜ୍ୟ ଚେନ୍ ଲୁଟେରା ଦୁଇ ଗିରଫ ପୁରୀ: ଷ୍ଟ୍ରିଟ୍ କ୍ରାଇମ୍ ବିରୋଧରେ ପୁରୀ ପୋଲିସ ଏକ ବଡ଼ ସଫଳତା ହାସଲ କରିଛି। ତାଳବଣୀଆ ଥାନା ଅଞ୍ଚଳରେ ୭୮ ବର୍ଷ ବୟସ୍କ ଜଣେ ମହିଳାଙ୍କୁ ଲକ୍ଷ୍ୟ କରି ଚେନ୍ ଛିନତାଇ କରିଥିବା ଦୁଇଜଣ ଆନ୍ତର୍ରାଜ୍ୟ ଲୁଟେରାଙ୍କୁ ପୋଲିସ ଗିରଫ କରିଛି। ସୂଚନା ଅନୁସାରେ, ମାଟିଆପଡା ଅଞ୍ଚଳର ଜଣେ ୭୮ ବର୍ଷୀୟା ମହିଳା ଗିରି ଗୋସ୍ୱାମୀ ମଠକୁ ଯାଉଥିବା ରାସ୍ତାରେ ସମୟରେ ଦୁଇଜଣ ଅଜଣା ବ୍ୟକ୍ତି କେଟିଏମ୍ ମୋଟରସାଇକେଲରେ ଆସି ତାଙ୍କ ସୁନା ଚେନ୍ ଛିଣ୍ଡାଇ ନେଇଥିଲେ। ଘଟଣା ପରେ ତୁରନ୍ତ ୧୧୨ ନମ୍ବରରେ ଖବର ପାଇ ତାଳବଣୀଆ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଜିଲ୍ଲାର ସମସ୍ତ ଥାନାକୁ ସଚେତନ କରିଥିଲେ। ପୋଲିସର ତତ୍ପରତା ଫଳରେ ପିପିଲି ପୋଲିସ ସେହି ଦୁଇଜଣ ଦୁର୍ବୃତ୍ତଙ୍କୁ ଧରିବାରେ ସକ୍ଷମ ହୋଇଥିଲା। ଧରାପଡ଼ିବା ସମୟରେ ବାଇକ୍ ଚାଳକ ଜଣେ ବୃଦ୍ଧ ବ୍ୟକ୍ତିଙ୍କୁ ଧକ୍କା ଦେଇ ଆହତ କରିଥିବା ମଧ୍ୟ ଜଣାପଡ଼ିଛି। ତଦନ୍ତରେ ପ୍ରକାଶ ପାଇଛି ଯେ ଉଭୟ ଅଭିଯୁକ୍ତ ଆନ୍ତର୍ରାଜ୍ୟ ଲୁଟେରା। ସେମାନେ ବିହାରର ମୂଳ ବାସିନ୍ଦା ହୋଇଥିଲେ ମଧ୍ୟ ଦିଲ୍ଲୀରେ ବସବାସ କରୁଥିଲେ। ସେମାନଙ୍କ ନାମରେ ଦିଲ୍ଲୀରେ ମୋଟରସାଇକେଲ ଚୋରି ଓ ଚେନ୍ ଛିନତାଇ ସମ୍ପର୍କିତ ଅନେକ ମାମଲା ରହିଛି। ପୋଲିସ ସେମାନଙ୍କ ପାଖରୁ ଏକ କେଟିଏମ୍ ମୋଟରସାଇକେଲ, ଦୁଇଟି ସୁନା ଚେନ୍, ଏକ ଏୟାର ବ୍ୟାଗ୍ ଓ ଦୁଇଟି ମୋଟରସାଇକେଲ ଚାବି ଜବତ କରିଛି। ଅଭିଯୁକ୍ତମାନଙ୍କୁ ଗିରଫ କରାଯାଇ କୋର୍ଟକୁ ଫରୱାର୍ଡ କରାଯାଇଛି। ଚେନ୍ ଛିନତାଇ ଘଟଣାରେ ତୁରନ୍ତ ପଦକ୍ଷେପ ନେଇ ଅଭିଯୁକ୍ତମାନଙ୍କୁ ଧରିବାରେ ପୁରୀ ପୋଲିସର ଏହି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଉଛି।(ଡ଼ଃ ମନୋଜ କୁମାର ବଳିଆରସିଂ)

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

4 hrs ago

ଷ୍ଟ୍ରିଟ୍ କ୍ରାଇମ୍ ବିରୋଧରେ ପୁରୀ ପୋଲିସର ବଡ଼ ସଫଳତା। ଆନ୍ତର୍ରାଜ୍ୟ ଚେନ୍ ଲୁଟେରା ଦୁଇ ଗିରଫ ପୁରୀ: ଷ୍ଟ୍ରିଟ୍ କ୍ରାଇମ୍ ବିରୋଧରେ ପୁରୀ ପୋଲିସ ଏକ ବଡ଼ ସଫଳତା ହାସଲ କରିଛି। ତାଳବଣୀଆ ଥାନା ଅଞ୍ଚଳରେ ୭୮ ବର୍ଷ ବୟସ୍କ ଜଣେ ମହିଳାଙ୍କୁ ଲକ୍ଷ୍ୟ କରି ଚେନ୍ ଛିନତାଇ କରିଥିବା ଦୁଇଜଣ ଆନ୍ତର୍ରାଜ୍ୟ ଲୁଟେରାଙ୍କୁ ପୋଲିସ ଗିରଫ କରିଛି। ସୂଚନା ଅନୁସାରେ, ମାଟିଆପଡା ଅଞ୍ଚଳର ଜଣେ ୭୮ ବର୍ଷୀୟା ମହିଳା ଗିରି ଗୋସ୍ୱାମୀ ମଠକୁ ଯାଉଥିବା ରାସ୍ତାରେ ସମୟରେ ଦୁଇଜଣ ଅଜଣା ବ୍ୟକ୍ତି କେଟିଏମ୍ ମୋଟରସାଇକେଲରେ ଆସି ତାଙ୍କ ସୁନା ଚେନ୍ ଛିଣ୍ଡାଇ ନେଇଥିଲେ। ଘଟଣା ପରେ ତୁରନ୍ତ ୧୧୨ ନମ୍ବରରେ ଖବର ପାଇ ତାଳବଣୀଆ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଜିଲ୍ଲାର ସମସ୍ତ ଥାନାକୁ ସଚେତନ କରିଥିଲେ। ପୋଲିସର ତତ୍ପରତା ଫଳରେ ପିପିଲି ପୋଲିସ ସେହି ଦୁଇଜଣ ଦୁର୍ବୃତ୍ତଙ୍କୁ ଧରିବାରେ ସକ୍ଷମ ହୋଇଥିଲା। ଧରାପଡ଼ିବା ସମୟରେ ବାଇକ୍ ଚାଳକ ଜଣେ ବୃଦ୍ଧ ବ୍ୟକ୍ତିଙ୍କୁ ଧକ୍କା ଦେଇ ଆହତ କରିଥିବା ମଧ୍ୟ ଜଣାପଡ଼ିଛି। ତଦନ୍ତରେ ପ୍ରକାଶ ପାଇଛି ଯେ ଉଭୟ ଅଭିଯୁକ୍ତ ଆନ୍ତର୍ରାଜ୍ୟ ଲୁଟେରା। ସେମାନେ ବିହାରର ମୂଳ ବାସିନ୍ଦା ହୋଇଥିଲେ ମଧ୍ୟ ଦିଲ୍ଲୀରେ ବସବାସ କରୁଥିଲେ। ସେମାନଙ୍କ ନାମରେ ଦିଲ୍ଲୀରେ ମୋଟରସାଇକେଲ ଚୋରି ଓ ଚେନ୍ ଛିନତାଇ ସମ୍ପର୍କିତ ଅନେକ ମାମଲା ରହିଛି। ପୋଲିସ ସେମାନଙ୍କ ପାଖରୁ ଏକ କେଟିଏମ୍ ମୋଟରସାଇକେଲ, ଦୁଇଟି ସୁନା ଚେନ୍, ଏକ ଏୟାର ବ୍ୟାଗ୍ ଓ ଦୁଇଟି ମୋଟରସାଇକେଲ ଚାବି ଜବତ କରିଛି। ଅଭିଯୁକ୍ତମାନଙ୍କୁ ଗିରଫ କରାଯାଇ କୋର୍ଟକୁ ଫରୱାର୍ଡ କରାଯାଇଛି। ଚେନ୍ ଛିନତାଇ ଘଟଣାରେ ତୁରନ୍ତ ପଦକ୍ଷେପ ନେଇ ଅଭିଯୁକ୍ତମାନଙ୍କୁ ଧରିବାରେ ପୁରୀ ପୋଲିସର ଏହି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଉଛି।(ଡ଼ଃ ମନୋଜ କୁମାର ବଳିଆରସିଂ)