అభయ ఆంజనేయస్వామి ఆలయం సమీపంలో తీవ్ర విషాదం చోటుచేసుకుంది. ఒక చిన్నారి బస్సు ఢీకొనడంతో ప్రాణాలు కోల్పోయాడు. తమ బిడ్డను కోల్పోయిన తల్లిదండ్రుల రోదనలు అక్కడి వారి హృదయాలను కలచివేశాయి. ఈ ఘటన ఆలయం వద్ద తీవ్ర విషాద వాతావరణాన్ని నింపింది.

ప్రజలకు మెరుగైన తాగునీటి సేవలను అందించడమే ప్రధాన లక్ష్యంగా కమిషనర్ ఎన్. గంగిరెడ్డి గాంధీనగర్‌లో నీటి సరఫరా వ్యవస్థను క్షుణ్ణంగా పరిశీలించారు.

భారతదేశ చరిత్రలో ముస్లిమేతరులపై విధించిన జిజియా పన్ను నుండి నేటితో హిందువులకు విముక్తి లభించిందని రజకులు (చాకలి) సంఘం జములమ్మ ఆలయం వద్ద జయజయ నినాదాలు చేసింది. క్రీ.శ. 712లో సింధు ప్రాంతాన్ని జయించిన మహ్మద్-బిన్-కాసిమ్ ఈ పన్నును మొదటిసారిగా ప్రవేశపెట్టగా, ఢిల్లీ సుల్తానేట్ కాలంలో కుతుబుద్దీన్ ఐబక్ దీనిని అధికారిక పన్నుగా విధించాడు. కాలక్రమేణా మార్పులు చేసి ఫిరోజ్ షా తుగ్లక్ బ్రాహ్మణులపై కూడా ఈ పన్నును విధించినట్లు పేర్కొన్నారు. 16వ శతాబ్దంలో అక్బర్ ఈ పన్నును రద్దు చేయగా, 1679లో ఔరంగజేబు జిజియా పన్నును తిరిగి ప్రవేశపెట్టాడు. సుమారు 900 సంవత్సరాల క్రితం ముస్లిం రాజులు హిందువులపై విధించిన ముస్లింల హలాల్ పద్ధతి, హిందు దేవాలయాల దగ్గర బలవంతంగా విధించిన బానిసత్వ జిజియా పన్ను నుండి నేడు విముక్తి లభించిందని ఈ సందర్భంగా గుర్తుచేసుకున్నారు. జోగులాంబ గద్వాల జిల్లాలోని జములమ్మ దేవాలయం దగ్గర జరిగిన ఈ కార్యక్రమంలో, హిందువులలో ఇంటి ఆడబిడ్డలుగా పిలవబడే రజకులు (చాకలి) వృత్తిని చేసే కులస్థులు జిజియా పన్ను బానిసత్వం నుండి, తరతరాల బానిసత్వ పన్ను నుండి విముక్తి పొందినట్లు జయజయ నినాదాలు చేశారు. ఈ కార్యక్రమంలో రజకులు ఐలమ్మ కులస్థులు, హిందూ బంధువులు కూడా పెద్ద సంఖ్యలో పాల్గొన్నారు. భారతదేశంలోని ముస్లిమేతరులపై విధించిన జిజియా పన్ను నుండి నేటితో హిందువులకు సంపూర్ణ విముక్తి లభించినట్లు ప్రకటించారు.

నంద్యాల జిల్లాలోని మహానంది ఈశ్వర్ నగర్ ఎస్సీ కాలనీలో గత కొద్ది రోజులుగా వీధి దీపాలు వెలగకపోవడంతో స్థానికులు తీవ్ర భయాందోళనకు గురవుతున్నారు. అటవీ ప్రాంతంలో ఉన్న ఈ కాలనీలో రాత్రి వేళల్లో చిమ్మ చీకటి అలుముకోవడంతో, పిల్లలు, పెద్దలు ఎవరూ బయటకు రావాలంటేనే భయపడుతున్నారని కాలనీవాసులు ఆవేదన వ్యక్తం చేస్తున్నారు. గతంలో అడవి జంతువులు జనావాసంలోకి ప్రవేశించి ప్రజలను భయభ్రాంతులకు గురిచేసిన సంఘటనలను అధికారులు గుర్తుంచుకోవాలని వారు కోరుతున్నారు. ఇప్పటికైనా సంబంధిత అధికారులు వెంటనే స్పందించి వీధి దీపాలు త్వరగా వెలిగేలా చర్యలు తీసుకోవాలని కాలనీవాసులు విజ్ఞప్తి చేస్తున్నారు.

తెలంగాణ రాజన్న సిరిసిల్ల జిల్లాకు చెందిన ప్రముఖ చేనేత కళాకారుడు, ‘చేనేత కళా రత్న’ అవార్డు గ్రహీత నల్ల విజయ్ కుమార్ మంగళవారం నాడు ఇంద్రకీలాద్రిపై కొలువైన శ్రీ దుర్గా మల్లేశ్వర స్వామి వార్ల దేవస్థానాన్ని సందర్శించారు. తన తండ్రి, ప్రముఖ చేనేత శిల్పి అవార్డు గ్రహీత స్వర్గీయ నల్ల పరంధాములు గారి స్ఫూర్తితో, వారి అడుగుజాడల్లో నడుస్తూ తాను ప్రత్యేకంగా నేసిన అత్యంత విలక్షణమైన పట్టుచీరను శ్రీ కనకదుర్గఅమ్మవారికి అలంకరణ చేయవలసినదిగా ఆలయ ఈవో వికె శీనా నాయక్ కు ఆయన అందజేశారు. ‘అగ్గిపెట్టెలో పట్టే పట్టుచీర’గా చేనేత రంగానికే మచ్చుతునకగా నిలిచిన ఈ కళాఖండాన్ని విజయ్ కుమార్ వారం రోజుల పాటు రాత్రింబవళ్లు శ్రమించి మగ్గంపై అద్భుతంగా మలిచారు. ఈ పట్టుచీర పొడవు 5.5 మీటర్లు, వెడల్పు 48 ఇంచులు ఉంటుంది. ఇంత పెద్ద పరిమాణం ఉన్నప్పటికీ, దీని బరువు కేవలం 200 గ్రాములు మాత్రమే కావడం విశేషం. సాంప్రదాయ, ఆకర్షణీయమైన ‘ఇక్కత్ డిజైన్’ వచ్చేలా అత్యంత నైపుణ్యంతో రూపొందించిన ఈ చీరను మడతపెడితే సులభంగా ఒక చిన్న అగ్గిపెట్టెలో ఇమిడిపోతుంది. ఈ సందర్భంగా చేనేత కళాకారుడు నల్ల విజయ్ కుమార్ మాట్లాడుతూ, గతంలో తాను తయారు చేసిన ప్రతి సరికొత్త చేనేత సృష్టికి ఇంద్రకీలాద్రి అమ్మవారి ఆశీస్సులు లభించాయని తెలిపారు. ఎల్లప్పుడూ దుర్గమ్మ తల్లి దీవెనలు తమపై ఉండాలని కోరుకుంటూ ఈ సరికొత్త పట్టుచీరను సమర్పించి, అమ్మవారి కృపకు పాత్రులం కావడం ఎంతో సంతోషంగా ఉందని పేర్కొన్నారు. గతంలో ‘ఆపరేషన్ సింధు’ పేరిట అద్భుతమైన శాలువను తయారు చేసి భారత ప్రధాని శ్రీ నరేంద్ర మోడీ గారికి అందించి, వారి చేతుల మీదుగా ఘనమైన ప్రశంసలు పొందిన స్ఫూర్తితోనే, చేనేత కళా నైపుణ్యాన్ని చాటుతూ ఈ చీరను రూపొందించినట్లు వివరించారు. అమ్మవారికి సమర్పించిన ఈ అద్భుతమైన చేనేత కళాఖండాన్ని ఆలయ ఈవో శీనానాయక్ పరిశీలించి, అసాధారణ ప్రతిభ చూపిన చేనేత కళాకారుణ్ణి ప్రశంసించారు. కేంద్ర, రాష్ట్ర ప్రభుత్వాలు ప్రోత్సాహిస్తున్న రీతిగా మన సంప్రదాయ కళలను ప్రతి ఒక్కరూ ఆదరించాలని శీనానాయక్ ఈ సందర్భంగా కోరారు.

అనంతపురం జిల్లాలోని శింగనమల మండలం ఆకులేడు గ్రామ శివారులో రాత్రి దొంగలు ఒక ఏటీఎంను పగులగొట్టి, అందులోని నగదును దోచుకున్నారు. ఆ తర్వాత వారు ఆ ఏటీఎంపై పెట్రోల్ పోసి తగలబెట్టారు. కాగా, ఇదే శింగనమల మండలంలో దుండగులు మరో ఏటీఎంను పూర్తిగా ఎత్తుకెళ్లారు.

వికారాబాద్ జిల్లాలో పర్యాటక అభివృద్ధికి అనుకూలమైన ప్రాంతాలను గుర్తించి, వాటికి సంబంధించిన ప్రతిపాదనలను సమర్పించాలని వికారాబాద్ జిల్లా కలెక్టర్ దీపక్ తివారి అధికారులను ఆదేశించారు. మంగళవారం ఆయన అనంతగిరి పర్యావరణ పర్యాటక కేంద్ర ఏర్పాట్లపై పవర్ పాయింట్ ప్రజెంటేషన్ ద్వారా పనులను పరిశీలించారు. జిల్లాలోని అనంతగిరి ప్రాంతంతో పాటు సర్పంచ్‌పల్లి, కోట్‌పల్లి ప్రాజెక్టులను పర్యాటక అభివృద్ధి కోసం పరిశీలించాలని కలెక్టర్ సూచించారు. జిల్లాలోని ఆధ్యాత్మిక ప్రదేశాలను కూడా గుర్తించి, పర్యాటక అభివృద్ధికి అధికారులు సమన్వయంతో పని చేయాలని ఆయన స్పష్టం చేశారు. అంతేకాకుండా, మున్సిపాలిటీలలో అభివృద్ధికి మాస్టర్ ప్లాన్‌లను సమర్పించాలని కూడా కలెక్టర్ అధికారులను ఆదేశించారు. జిల్లాలో పర్యాటక అభివృద్ధికి అనుకూలమైన ప్రాంతాలను గుర్తించి, ప్రతిపాదనలను సమర్పించడం అత్యవసరమని ఆయన పునరుద్ఘాటించారు.

అనంతపురం జిల్లాలోని కళ్యాణదుర్గం పట్టణంలో, కళ్యాణదుర్గం ఎమ్మెల్యే సురేంద్రబాబు మాట్లాడుతూ, ప్రతిపక్షాలు ఎన్ని విమర్శలు చేసినప్పటికీ, కూటమి ప్రభుత్వ లక్ష్యం కేవలం అభివృద్ధి, సంక్షేమం మాత్రమేనని స్పష్టం చేశారు. కూటమి ప్రభుత్వం రెండేళ్లు పూర్తి చేసుకున్న సందర్భంగా ఏర్పాటు చేసిన సంబరాల కార్యక్రమంలో ఆయన ఈ వ్యాఖ్యలు చేశారు. ఈ సందర్భంగా, మున్సిపాలిటీలో ఇంటింటికీ నీళ్లు అందించే పనులకు సంబంధించిన భూమి పూజ అతి త్వరలో నిర్వహిస్తామని ఆయన హామీ ఇచ్చారు. అభివృద్ధిని లక్ష్యంగా చేసుకుని ముందుకు సాగుతామని పునరుద్ఘాటించిన ఎమ్మెల్యే, కూటమి ప్రభుత్వం అభివృద్ధి, సంక్షేమ లక్ష్యాలతోనే పనిచేస్తుందని తెలిపారు.