અરવલ્લી જિલ્લાના ભિલોડા તાલુકાના મલાસા ગામ નજીક ગજાનન હોટલ પાસે સર્જાયેલા હિટ એન્ડ રનના ગંભીર અકસ્માતમાં એક માનસિક અસ્થિર મહિલાનું સારવાર દરમિયાન મોત નીપજ્યું છે. આ અકસ્માત બાદ ભિલોડા પોલીસે અકસ્માત સર્જીને ફરાર થઈ ગયેલા હાઇવા ટ્રક ચાલક સામે ગુનો નોંધીને કાયદેસરની કાર્યવાહી હાથ ધરી છે. આ બનાવ અંગે ભિલોડા તાલુકાના કિશનગઢ (હનુમાન ફળી, ચિંતામણી) ગામના લાલજીભાઈ કકવાજી સમદરભાઈ મેણાતે પોલીસ ફરિયાદ નોંધાવી છે. ફરિયાદ અનુસાર, તેમની બહેન રમીલાબેન છેલ્લા આશરે દસ વર્ષથી માનસિક અસ્થિર હતા અને અવારનવાર કોઈને જણાવ્યા વગર ઘરેથી નીકળી જતા હતા. તા. 10 જુલાઈ 2026ના રોજ બપોરે લાલજીભાઈને તેમના કુટુંબી દિનેશભાઈએ ફોન કરીને જણાવ્યું કે મલાસા ગામની સીમમાં એક હાઇવા ટ્રકે રમીલાબેનને ટક્કર મારી દીધી છે. આ ગંભીર અકસ્માતમાં રમીલાબેનને માથા, બંને પગ તેમજ શરીરના અન્ય ભાગે ગંભીર ઈજાઓ પહોંચી હતી. તેમને પ્રથમ 108 એમ્બ્યુલન્સ મારફતે ભિલોડા સિવિલ હોસ્પિટલ ખસેડાયા હતા અને ત્યારબાદ વધુ સારવાર માટે હિંમતનગર સિવિલ હોસ્પિટલ રિફર કરવામાં આવ્યા હતા, જ્યાં સાંજે આશરે 6 વાગ્યે ફરજ પરના તબીબે તેમને મૃત જાહેર કર્યા હતા. અકસ્માત સ્થળે રોડની બાજુમાં RJ-27-GB-3189 નંબરનો એક હાઇવા ટ્રક પલ્ટી મારેલી હાલતમાં મળી આવ્યો હતો. આરોપ છે કે ટ્રક ચાલક બેદરકારીપૂર્વક વાહન હંકારી ટક્કર મારીને પોલીસ કે હોસ્પિટલને જાણ કર્યા વગર વાહન સ્થળ પર જ છોડીને ફરાર થઈ ગયો હતો.

Hitendra patel

Local News Reporter મોડાસા, અરવલ્લી, ગુજરાત•

5 hrs ago

અરવલ્લી જિલ્લાના ભિલોડા તાલુકાના મલાસા ગામ નજીક ગજાનન હોટલ પાસે સર્જાયેલા હિટ એન્ડ રનના ગંભીર અકસ્માતમાં એક માનસિક અસ્થિર મહિલાનું સારવાર દરમિયાન મોત નીપજ્યું છે. આ અકસ્માત બાદ ભિલોડા પોલીસે અકસ્માત સર્જીને ફરાર થઈ ગયેલા હાઇવા ટ્રક ચાલક સામે ગુનો નોંધીને કાયદેસરની કાર્યવાહી હાથ ધરી છે. આ બનાવ અંગે ભિલોડા તાલુકાના કિશનગઢ (હનુમાન ફળી, ચિંતામણી) ગામના લાલજીભાઈ કકવાજી સમદરભાઈ મેણાતે પોલીસ ફરિયાદ નોંધાવી છે. ફરિયાદ અનુસાર, તેમની

બહેન રમીલાબેન છેલ્લા આશરે દસ વર્ષથી માનસિક અસ્થિર હતા અને અવારનવાર કોઈને જણાવ્યા વગર ઘરેથી નીકળી જતા હતા. તા. 10 જુલાઈ 2026ના રોજ બપોરે લાલજીભાઈને તેમના કુટુંબી દિનેશભાઈએ ફોન કરીને જણાવ્યું કે મલાસા ગામની સીમમાં એક હાઇવા ટ્રકે રમીલાબેનને ટક્કર મારી દીધી છે. આ ગંભીર અકસ્માતમાં રમીલાબેનને માથા, બંને પગ તેમજ શરીરના અન્ય ભાગે ગંભીર ઈજાઓ પહોંચી હતી. તેમને પ્રથમ 108 એમ્બ્યુલન્સ મારફતે ભિલોડા સિવિલ હોસ્પિટલ ખસેડાયા

હતા અને ત્યારબાદ વધુ સારવાર માટે હિંમતનગર સિવિલ હોસ્પિટલ રિફર કરવામાં આવ્યા હતા, જ્યાં સાંજે આશરે 6 વાગ્યે ફરજ પરના તબીબે તેમને મૃત જાહેર કર્યા હતા. અકસ્માત સ્થળે રોડની બાજુમાં RJ-27-GB-3189 નંબરનો એક હાઇવા ટ્રક પલ્ટી મારેલી હાલતમાં મળી આવ્યો હતો. આરોપ છે કે ટ્રક ચાલક બેદરકારીપૂર્વક વાહન હંકારી ટક્કર મારીને પોલીસ કે હોસ્પિટલને જાણ કર્યા વગર વાહન સ્થળ પર જ છોડીને ફરાર થઈ ગયો હતો.