शालेय विद्यार्थी वाहतूक वाहनांची तपासणी थांबवा; शिवसेना वाहतूक सेनेची आरटीओकडे मागणी शालेय विद्यार्थी वाहतूक करणाऱ्या वाहनांची शाळांमध्ये तसेच रस्त्यावर सुरू असलेली आरटीओची तपासणी तातडीने थांबवावी, अशी मागणी महाराष्ट्र शिव वाहतूक सेनेच्या वतीने प्रादेशिक परिवहन अधिकारी प्रदीप शिंदे यांच्याकडे निवेदनाद्वारे करण्यात आली. विद्यार्थ्यांना वाहनातून उतरवून रस्त्यावर तपासणी करणे तसेच शाळेच्या आवारात वाहनांची तपासणी करणे योग्य नसल्याचे संघटनेने निवेदनात म्हटले आहे. महाराष्ट्र शिव वाहतूक सेनेचे अध्यक्ष शिवाजीराजे भोर यांच्या नेतृत्वाखाली शिष्टमंडळाने आरटीओ कार्यालयात निवेदन सादर केले. शालेय विद्यार्थी वाहतूक करणाऱ्या वाहनचालक व मालकांना तपासणीच्या नावाखाली त्रास दिला जात असल्याचा आरोप यावेळी करण्यात आला. संबंधित आरटीओ अधिकारी, सहाय्यक निरीक्षक आणि निरीक्षकांना याबाबत सूचना देऊन तपासणीची पद्धत बदलावी, अशी मागणी करण्यात आली. बेकायदेशीर प्रवासी वाहतुकीवर कारवाईची मागणी शहरात स्क्रॅप अवस्थेतील रिक्षा, टॅक्सी तसेच अन्य वाहनांमधून बेकायदेशीर प्रवासी वाहतूक सुरू असल्याचा दावा संघटनेने केला. मारुती व्हॅन, इनोव्हा यांसारख्या खासगी वाहनांतून विनापरवाना प्रवासी वाहतूक करणाऱ्या वाहनांची तपासणी करून संबंधितांवर तातडीने कारवाई करावी, अशी मागणीही निवेदनातून करण्यात आली. नाशिक रोड येथील छत्रपती शिवाजी महाराज चौक, उड्डाणपुलाजवळील बायपास परिसर तसेच नाशिक रोडहून सिन्नर, संगमनेर, पुणे आदी ठिकाणी जाणाऱ्या मार्गावर होणाऱ्या खासगी प्रवासी वाहतुकीवर कारवाई करण्याची मागणी करण्यात आली. तसेच नाशिक सीबीएस, मेळा बसस्थानक, नाशिक रोड बसस्थानक, निमाणी आणि सातपूर बसस्थानक परिसरातून होणारी बेकायदेशीर खासगी प्रवासी वाहतूक थांबवावी, अशी मागणी संघटनेने केली. आरटीओतील कामकाज सुरळीत करण्याची मागणी आरटीओ कार्यालयात वाहनांच्या कामकाजासाठी येणाऱ्या नागरिकांना परवाना उतरवणे, चढवणे, हस्तांतरण करणे तसेच अन्य कामांसाठी अडचणी येत असल्याचे निवेदनात नमूद करण्यात आले आहे. संगणकीय प्रणालीच्या नावाखाली कामे प्रलंबित राहत असल्यास नागरिकांची गैरसोय टाळण्यासाठी संबंधित कामे मॅन्युअल पद्धतीने तातडीने सुरू करावीत, अशी मागणी करण्यात आली. यावेळी महाराष्ट्र शिव वाहतूक सेनेचे अध्यक्ष शिवाजीराजे भोर, उपजिल्हाप्रमुख रमेश धोंगडे, जिल्हाध्यक्ष मयूर तेजाळे, शिवा ताकाटे, ज्ञानेश्वर ताजनपुरे, प्रमोद काशिकर, किरण कबाडे, राजेश बोराडे, प्रकाश आरगडे, अशोक शेटे उदरकर, बापू कपोने, गौतम सोनवणे, शफीक काजी आदी उपस्थित होते.

Anil GUNJAL

नाशिक, नाशिक, महाराष्ट्र•

1 day ago

शालेय विद्यार्थी वाहतूक वाहनांची तपासणी थांबवा; शिवसेना वाहतूक सेनेची आरटीओकडे मागणी शालेय विद्यार्थी वाहतूक करणाऱ्या वाहनांची शाळांमध्ये तसेच रस्त्यावर सुरू असलेली आरटीओची तपासणी तातडीने थांबवावी, अशी मागणी महाराष्ट्र शिव वाहतूक सेनेच्या वतीने प्रादेशिक परिवहन अधिकारी प्रदीप शिंदे यांच्याकडे निवेदनाद्वारे करण्यात आली. विद्यार्थ्यांना वाहनातून उतरवून रस्त्यावर तपासणी करणे तसेच शाळेच्या आवारात वाहनांची तपासणी करणे योग्य नसल्याचे संघटनेने निवेदनात म्हटले आहे. महाराष्ट्र शिव वाहतूक सेनेचे अध्यक्ष शिवाजीराजे भोर यांच्या नेतृत्वाखाली शिष्टमंडळाने आरटीओ कार्यालयात निवेदन सादर केले. शालेय विद्यार्थी वाहतूक करणाऱ्या वाहनचालक व मालकांना तपासणीच्या नावाखाली त्रास दिला जात असल्याचा आरोप यावेळी करण्यात आला. संबंधित आरटीओ अधिकारी, सहाय्यक निरीक्षक आणि निरीक्षकांना याबाबत सूचना देऊन तपासणीची पद्धत बदलावी, अशी मागणी करण्यात आली. बेकायदेशीर प्रवासी वाहतुकीवर कारवाईची मागणी शहरात स्क्रॅप अवस्थेतील रिक्षा, टॅक्सी तसेच अन्य वाहनांमधून बेकायदेशीर प्रवासी वाहतूक सुरू असल्याचा दावा संघटनेने केला. मारुती व्हॅन, इनोव्हा यांसारख्या खासगी वाहनांतून विनापरवाना प्रवासी वाहतूक करणाऱ्या वाहनांची तपासणी करून संबंधितांवर तातडीने कारवाई करावी, अशी मागणीही निवेदनातून करण्यात आली. नाशिक रोड येथील छत्रपती शिवाजी महाराज चौक, उड्डाणपुलाजवळील बायपास परिसर तसेच नाशिक रोडहून सिन्नर, संगमनेर, पुणे आदी ठिकाणी जाणाऱ्या मार्गावर होणाऱ्या खासगी प्रवासी वाहतुकीवर कारवाई करण्याची मागणी करण्यात आली. तसेच नाशिक सीबीएस, मेळा बसस्थानक, नाशिक रोड बसस्थानक, निमाणी आणि सातपूर बसस्थानक परिसरातून होणारी बेकायदेशीर खासगी प्रवासी वाहतूक थांबवावी, अशी मागणी संघटनेने केली. आरटीओतील कामकाज सुरळीत करण्याची मागणी आरटीओ कार्यालयात वाहनांच्या कामकाजासाठी येणाऱ्या नागरिकांना परवाना उतरवणे, चढवणे, हस्तांतरण करणे तसेच अन्य कामांसाठी अडचणी येत असल्याचे निवेदनात नमूद करण्यात आले आहे. संगणकीय प्रणालीच्या नावाखाली कामे प्रलंबित राहत असल्यास नागरिकांची गैरसोय टाळण्यासाठी संबंधित कामे मॅन्युअल पद्धतीने तातडीने सुरू करावीत, अशी मागणी करण्यात आली. यावेळी महाराष्ट्र शिव वाहतूक सेनेचे अध्यक्ष शिवाजीराजे भोर, उपजिल्हाप्रमुख रमेश धोंगडे, जिल्हाध्यक्ष मयूर तेजाळे, शिवा ताकाटे, ज्ञानेश्वर ताजनपुरे, प्रमोद काशिकर, किरण कबाडे, राजेश बोराडे, प्रकाश आरगडे, अशोक शेटे उदरकर, बापू कपोने, गौतम सोनवणे, शफीक काजी आदी उपस्थित होते.