दौलताबाद अब्दीमंडीच्या डोंगराला आग वनसंपदा जळून खाक. ऐतिहासिक दौलताबाद किल्ल्याच्या पूर्व दिशेला असलेल्या अब्दीमंडी येथील डोंगराला शनिवारी सायंकाळी ६ वाजेच्या सुमारास भीषण आग लागली. वाऱ्याच्या वेगामुळे आगीने काही वेळातच उग्र रूप धारण केल्याने परिसरातील लाखमोलाची वनसंपदा आणि जैवविविधतेचे मोठे नुकसान झाले आहे. सुदैवाने, या घटनेत कोणतीही जीवितहानी झाली नाही.याबाबत मिळालेल्या माहितीनुसार, आप्पावाडीपासून सुरू होऊन दौलताबाद घाटाखालील मोमबत्ता तलावापर्यंत पसरलेल्या ४ ते ५ किलोमीटरच्या या डोंगररांगेत अज्ञात व्यक्तीने जळती विडी किंवा सिगारेट टाकल्याने ही आग लागल्याचा प्राथमिक अंदाज आहे.या आगीत डोंगररांगेतील मौल्यवान औषधी वनस्पती, सरपटणारे प्राणी आणि पक्ष्यांची घरटी जळून खाक झाली आहेत. या आगीच्या घटनेची माहिती मिळताच वनविभागाचे पथक घटनास्थळी दाखल झाले.वनपाल सुधीर धवन, वनरक्षक पुरुषोत्तम वायाळ, मयूर चौधरी, प्रभुदास हजारे, विनयते आणि विजय चौहान हे रात्री उशिरापर्यंत संबंधित आग आटोक्यात आणण्यासाठी त्यांच्यापरीने शर्थीचे प्रयत्न करीत होते. मात्र, रात्र झाल्यामुळे आणि जोरदार वाऱ्यासह डोंगरातील कपारी आणि वाळलेल्या मोठ्या झाडांमुळे आग नियंत्रणाच्या कामात मोठा अडथळा निर्माण होत होता. या आगीत डोंगरातील वनसंपदेचे झालेले नुकसान पाहून निसर्गप्रेमींनी हळहळ व्यक्त केली आहे.

शेख अजहर ताहेर (पत्रकार)

गंगापूर, औरंगाबाद, महाराष्ट्र•

4 hrs ago

दौलताबाद अब्दीमंडीच्या डोंगराला आग वनसंपदा जळून खाक. ऐतिहासिक दौलताबाद किल्ल्याच्या पूर्व दिशेला असलेल्या अब्दीमंडी येथील डोंगराला शनिवारी सायंकाळी ६ वाजेच्या सुमारास भीषण आग लागली. वाऱ्याच्या वेगामुळे आगीने काही वेळातच उग्र रूप धारण केल्याने परिसरातील लाखमोलाची वनसंपदा आणि जैवविविधतेचे मोठे नुकसान झाले आहे. सुदैवाने, या घटनेत कोणतीही जीवितहानी झाली नाही.याबाबत मिळालेल्या माहितीनुसार, आप्पावाडीपासून सुरू होऊन दौलताबाद घाटाखालील मोमबत्ता तलावापर्यंत पसरलेल्या ४ ते ५ किलोमीटरच्या या डोंगररांगेत अज्ञात व्यक्तीने जळती विडी किंवा सिगारेट टाकल्याने ही आग लागल्याचा प्राथमिक अंदाज आहे.या आगीत डोंगररांगेतील मौल्यवान औषधी वनस्पती, सरपटणारे प्राणी आणि पक्ष्यांची घरटी जळून खाक झाली आहेत. या आगीच्या घटनेची माहिती मिळताच वनविभागाचे पथक घटनास्थळी दाखल झाले.वनपाल सुधीर धवन, वनरक्षक पुरुषोत्तम वायाळ, मयूर चौधरी, प्रभुदास हजारे, विनयते आणि विजय चौहान हे रात्री उशिरापर्यंत संबंधित आग आटोक्यात आणण्यासाठी त्यांच्यापरीने शर्थीचे प्रयत्न करीत होते. मात्र, रात्र झाल्यामुळे आणि जोरदार वाऱ्यासह डोंगरातील कपारी आणि वाळलेल्या मोठ्या झाडांमुळे आग नियंत्रणाच्या कामात मोठा अडथळा निर्माण होत होता. या आगीत डोंगरातील वनसंपदेचे झालेले नुकसान पाहून निसर्गप्रेमींनी हळहळ व्यक्त केली आहे.